Sie sind hier

News Mobilität und Verkehr Gusty Graas

Mobilitéitsdebatt um Krautmaart

D’Mobilitéit war en Donneschdeg d’Haaptthema an der Chamber. Op Ufro vum zoustännege Minister hunn d’Deputéiert doriwwer diskutéiert, wéi een d’Entwécklung vum Verkéier an deenen nächste Joren besser an de Grëff ka kréien.

News Mobilität und Verkehr Gusty Graas

Ausbau vun der Stater Gare

Gréng Luucht en Dënschden an der Chamber: Bis 2021 soll d'Stater Gare zwee nei Quaien dobäi kréien.

Parlamentarische Fragen Nachhaltigkeit, Natur- und Umweltschutz Lex Delles Gusty Graas

Sinn déi wëll Villercher zu Lëtzebuerg a Gefor?

D’Zuel vu Vigel an Europa hëlt dramatesch of. Dat gëllt besonnesch fir d’Vullen, déi um oppene Feld respektiv am ländleche Raum liewen. De Réckgang do ass net nëmme kritesch fir d’Déiere selwer, ma och fir déi ganz Biodiversitéit.

D’DP-Deputéiert Lex Delles a Gusty Graas froen d’Ëmweltministesch dofir, wéi eng Resultater fir Lëtzebuerg existéieren, a wa jo, wéi eng Conclusiounen aus deene Chiffere gezu gi sinn. Déi zwee Parlamentarier wëllen och wëssen, ob national Etüden iwwer d’Populatioun vun de Vulle geplangt sinn. An och wéi sech d’Situatioun an de leschten 10 Joer entwéckelt huet.

Parlamentarische Fragen Gesellschaft Gesundheit und Pflege Edy Mertens Gusty Graas

Beschneidung wéinst net-medizineschen Ursaachen

An Island debattéiert Parlament grad eng Gesetzespropositioun, déi d'Beschneiden aus net-medezineschen Ursaache bei Mineure wëll verbidden a criminaliséieren. D'DP Deputéiert Gusty Grass an Edy Mertens wëllen an hirer Question parlementaire wëssen,wéi déi zoustänneg Ministeren dat hei am Land gesinn an ob Handlungsbedarf besteet.

News Gesundheit und Pflege Gusty Graas

Kloer Reegelen fir Tattooen, Piercingen a Solarium

A senger Ried zum Gesetzprojet iwwer Tattooen a Piercingen ass de Gusty Graas ënner anerem op verschidde Gesondheetsaspekter, besser Kontrollen an op e bessere Schutz fir déi Mannerjäreg agaangen.

News Außenpolitik Gusty Graas

D’Demokratesch Partei wäert sech weiderhi fir déi Demokratesch Wäerter an Europa asetzen

A senger Ried zur aussepolitescher Debatt e Mëttwoch an der Chamber, ass de Gusty Graas ënner anerem op déi aktuell politesch Situatioun an Europa agaangen. Déi westlech Iddie vu Solidaritéit, Toleranz a fräier Maartwirtschaft sinn hautzedaags an der EU leider keng Selbstverständlechkeet méi. An deem Kontext huet den DP-Deputéierten a senger Ried der EU-Kommissioun hier verschäerfte Sprooch aus deene lëschte Woche gelueft. Och d’Drohung, Polen d’Stëmmrecht an der EU ofzehuelen ass dee richtege Wee.

Parlamentarische Fragen Gesellschaft Mobilität und Verkehr Lex Delles Gusty Graas

D’Deputéiert Lex Delles a Gusty Graas iwwer falsch parken op Behënnerteplazen.

An de leschte Joren huet sech d’Situatioun vu Leit mat enger reduzéierter Mobilitéit zu Lëtzebuerg däitlech verbessert. Ë.a. well den Accès vun ëffentleche Plaze besser amenagéiert ginn ass.

D’DP-Deputéiert Lex Delles a Gusty Graas wëllen dofir vum Nohaltegkeetsministère a vum zoustännege Ministère vun der Police wëssen, wéi vill Parkplazen hei am Land iwwerhaapt fir Leit mat enger Behënnerung reservéiert sinn.

News Staat und Öffentlicher Dienst Gusty Graas

Neit Gesetz fir ëffentlech Ausschreiwungen

Dësen Donneschden stoung an der Chamber dat neit Marchés publics Gesetz zur Ofstëmmung. Dëst stellt eng wichteg Mesure zur Stäerkung vun de klengen a mëttlere Betriber duer.

Parlamentarische Fragen Nachhaltigkeit, Natur- und Umweltschutz Gusty Graas

Parlamentaresch Fro vum Gusty Graas iwwer Nuisancë vu Loftwärmepompelen

Onse Süddeputéierte wëll ë.a. vum Ëmweltministère wëssen, ob et stëmmt, datt de Kaméidi vun de Motore vu „pompes àchaleur aérothermiques“der Gesondheet vun de Leit schuede kann.

Parlamentarische Fragen Gesundheit und Pflege Edy Mertens Gusty Graas Alexander Krieps

Ginn et Enkpäss bei der Zouliwwerung vu Medikamenter?

D'DP-Deputéiert Gusty Graas, Alexander Krieps an Edy Mertens ass zu Ouere komm, datt et zu Enkpäss bei der Zouliwwerung vu Medikamenter géing kommen. Esou hätten d'Apdikten zum Beispill Problemer fir un verschidde Medikamenter fir Kriibspatienten ze kommen. An hirer Fro un d'Gesondheetsministesch froen d'Deputéiert no wat et domadder op sech huet. 

Parlamentarische Fragen Klimaschutz und Energie Mobilität und Verkehr Gusty Graas

Muss déi nei CFL-Multimodal-Plattform esou hell beliicht ginn?

Den DP-Deputéierte Gusty Graas ass net begeeschtert iwwert d’Beliichtung vum Cargo-Hub um Terrain vun de Gemenge Beetebuerg an Diddeleng.

An enger parlamentarescher Fro schreift de Schäffe vu Beetebuerg esouguer vun engem „éclairage visible depuis des kilomètres et dont la densité et intensité lumineuse semblent excessives“. De Süd-Deputéierte freet d’Ëmweltministesch dofir ë.a., ob sech bei der Beliichtung un d’Norme gehale gëtt, ob esou eng Beliichtung wéinst der Sécherheet néideg wier oder ob et sech hei em Liichtverschmotzung handele géing.

Schliisslech wëll de Gusty Graas nach wëssen, ob d’Ministesch wëlles huet an dësem Fall bei de Responsabele vum Terminal z’intervenéieren.

News Mobilität und Verkehr Gusty Graas

Aktualitéitsstonn zum neien CFL-Horaire

Aktualitéitsstonn en Dënschdeg um Krautmaart iwwer den neien Horaire vun der CFL. Well et Problemer gëtt mat der Ëmstellung vum alen op den neien Horaire an et an der Lescht och zu enger Rei Verspéidunge komm ass, wollten d’Deputéiert Erklärunge vum Ressortminister kréien.

Parlamentarische Fragen Gesundheit und Pflege Edy Mertens Gusty Graas Alexander Krieps

En zweete PET-Scan fir Lëtzebuerg wier néideg!

E PET-Scan („Positron Emission Tomography“) ass e Scanner, deen haaptsächlech gebraucht gëtt fir Metastasen ze detektéieren. Zu Lëtzebuerg gëtt et een esou en Apparat.

D’DP-Deputéiert Gusty Graas, Alexander Krieps an Edy Mertens ënnersträichen an enger parlamentarescher Fro un de Gesondheetsministère an un de Ministère vun der Sécurité Sociale, datt ëmmer méi Leit musse fir esou medezinesch Examen an d’Ausland goen.

Dofir froen d’Deputéiert elo, ob et net opportun wier, fir en zweete PET-Scan hei am Land unzeschafen. Dat wier net vu Muttwëll, well d’Populatioun zu Lëtzebuerg ëmmer méi alt gëtt an doduercher och Kriibskrankheeten zouhuelen, wat al nees dozou féiert, datt esou Examen ëmmer méi dacks néideg sinn.

Mat engem zweete PET-Scan kéint een och laang Waardezäiten aus de Féiss goen, wéi se den Ament bei den IRM-Exame bestinn.

News Mobilität und Verkehr Gusty Graas

D’A3 gëtt op dräi Spueren erweidert

Gréng Luucht fir den Ausbau vun der Diddelenger Autobunn. D'Chamber huet dësen Donneschden hiren Accord gi fir de Gesetzesprojet, deen ënnert anerem virgesäit d'A3 op zweemol dräi Spueren auszebauen.

News Mobilität und Verkehr Gilles Baum Gusty Graas

Ausbau vum Tramsreseau

Den Tramsreseau gëtt weider ausgebaut. Dat ass dësen Donneschden an der Chamber decidéiert ginn. Domat wäert den Tram ab 2021 och op de Findel a bis op d’Cloche d’Or fueren.