Sie sind hier

Parlamentarische Fragen Gesellschaft Claude Lamberty Max Hahn

Gemengen sollen och Kreditkaarten benotzen däerfen

Wéinst der aktueller Gemengegesetzgebung ass et de Gemengen net erlaabt hirem Personal Kreditkaarten zur Verfügung ze stellen. Verschidde Servicer a Gidder kënnen awer just iwwert dëse Wee bezuelt ginn, zum Beispill mobil Applikatiounen déi an der Grondschoul gebraucht ginn. D'Deputéierte Claude Lamberty a Max Hahn hunn den Inneminister gefrot d'Gemengegesetz op deem Punkt ze änneren.

Parlamentarische Fragen Gesellschaft Gesundheit und Pflege Edy Mertens Gusty Graas

Beschneidung wéinst net-medizineschen Ursaachen

An Island debattéiert Parlament grad eng Gesetzespropositioun, déi d'Beschneiden aus net-medezineschen Ursaache bei Mineure wëll verbidden a criminaliséieren. D'DP Deputéiert Gusty Grass an Edy Mertens wëllen an hirer Question parlementaire wëssen,wéi déi zoustänneg Ministeren dat hei am Land gesinn an ob Handlungsbedarf besteet.

Parlamentarische Fragen Gesellschaft Mobilität und Verkehr Lex Delles Gusty Graas

D’Deputéiert Lex Delles a Gusty Graas iwwer falsch parken op Behënnerteplazen.

An de leschte Joren huet sech d’Situatioun vu Leit mat enger reduzéierter Mobilitéit zu Lëtzebuerg däitlech verbessert. Ë.a. well den Accès vun ëffentleche Plaze besser amenagéiert ginn ass.

D’DP-Deputéiert Lex Delles a Gusty Graas wëllen dofir vum Nohaltegkeetsministère a vum zoustännege Ministère vun der Police wëssen, wéi vill Parkplazen hei am Land iwwerhaapt fir Leit mat enger Behënnerung reservéiert sinn.

Parlamentarische Fragen Gesellschaft Lex Delles

De Lex Delles zu Äscheverstreeungen an der Musel an iwwer Urnen doheem

Am Artikel 3 vum entspriechende Gesetz iwwer d’Anäscherung steet, datt de Buergermeeschter kann eng Autorisatioun ginn, fir Äschen op engem Privatterrain oder à tout autre endroit ze verstreeën.

Den DP-Deputéierte Lex Delles wëll dofir vum Gesondheets- a vum Inneministère wëssen, firwat d’Leit net kënnen eng Urn bei sech doheem versuergen.

Doriwwer eraus freet de Munnerefer Député-maire, ob de Buergermeeschter dierf d’Verstreeën an enger Baach oder an engem Floss (z.B. an der Musel) erlaben an ob dat Gewässer dofir muss duerch déi concernéiert Gemeng lafen?

Konsequenterweis freet de Lex Delles dann, ob den Ausdrock à tout autre endroit net misst am Artikel 3 vum Gesetz präziséiert ginn.

Parlamentarische Fragen Bildung Gesellschaft Gusty Graas

"Demasculinatioun" vun der franséischer Grammatik?

Eng ganz Rei vu Franséischprofesseren a Frankräich hunn sech entscheet, déi grammatikalesch Reegel "le masculin l'emporte sur le féminin" net méi unzewenden. Fir si gëllt d'Gläichberechtegung tëscht Fra a Mann och an der Grammatik an benotzen dofir den sougenannten "accord de proximité". Den DP-Deputéierte Gusty Graas freet an deem Kontext ënnert anerem beim Educatiounsminister no, wat seng Positioun zu där "Demasculinatioun" vun der franséischer Grammaire ass an ob et am Fall vum Uwende vun där inklusiver Grammaire net zu Konfusioune komme kéint.

Parlamentarische Fragen Gesellschaft Gesundheit und Pflege Claude Lamberty Max Hahn

Wat sprécht fir eng Legaliséierung vum medezinesche Cannabis?

An ëmmer méi Länner gëtt de Gebrauch vu medezineschem Cannabis legaliséiert. D'Deputéierte Max Hahn a Claude Lamberty froe Gesondheetsministesch an enger parlamentarescher Fro wat fir a géint eng Legaliséierung zu Lëtzebuerg schwätzt.

Parlamentarische Fragen Arbeit Gesellschaft André Bauler

Service vum "écrivain public": eng ënnerstëtzenswäert Initiative?

Ëmmer méi Persounen hu Problemer administrativ a juristesch Texter ze verstoen oder ze schreiwen. De Service vum sougenannten "écrivain public" kéint dëse Leit hëllefen, mengt den Deputéierten André Bauler a senger Fro un den Aarbechtsminister.

Parlamentarische Fragen Gesellschaft Gesundheit und Pflege Gusty Graas

Ginn d'Fäll vu Riedelen och zu Lëtzebuerg an d'Luucht?

Scho laang net méi goufen et sou vill Fäll vu Riedelen an Europa. A verschiddene Länner sinn esouguer Kanner dorunner gestuerwen. Wéi gesäit mat den Infektiounen zu Lëtzebuerg aus ? Den DP-Deputéierte Gusty Graas huet bei der Gesondheetsministesch nogefrot.

Parlamentarische Fragen Gesellschaft Gesundheit und Pflege Edy Mertens Alexander Krieps Gusty Graas

Beleidegungen a Gewalt an de Spideeler

Beleidegungen a Gewalt géigeniwwer Fleegepersonal an Doktere ginn am Ausland ëmmer méi zu eng traureger Realitéit. Och zu Lëtzebuerg héiert een, datt esou Aggressiounen zouhuelen. D'DP Deputéiert Edy Mertens, Alexander Krieps a Gusty Graas froen dofir no, wéi genau d'Situatioun zu Lëtzebuerg ausgesäit, ob et eng Ulaafstell gëtt fir dem Personal ze hëllefen dat Erliefte besser ze veraarbechten, a wat ugeduecht ass fir déi souwisou schonn usprochsvoll Aarbecht duerch esou Virfäll nach méi schwiereg ze maachen.

Parlamentarische Fragen Gesellschaft Sport und Freizeit Claude Lamberty Gilles Baum

Spezifesch Formatioune vum ENEPS fir d'Sportler mat kierperlecher oder geeschteger Beanträchtegung?

D'DP-Deputéiert Claude Lamberty a Gilles Baum froen beim Sportsministère no, wéi et momentan mat spezifesche Formatiounen ausgesäit fir Sportler mat enger kierperlecher oder geeschteger Beanträchtegung besser an hirem Sport ze betreien.

Parlamentarische Fragen Gesellschaft Gesundheit und Pflege Gusty Graas

Fentanyl als Drog - och zu Lëtzebuerg?

Fentanyl as e Medikament géint Péng, wat vu Kriibspatiente geholl gëtt. An den USA gëtt et säit neistem och op der Strooss verkaaft, net als Medikament mä als Heroin Ersatz. Den Deputéierte Gusty Graas géing gär vun der zoustänneger Ministesch wëssen, ob et där Fäll och zu Lëtzebuerg ginn an ob eppes Preventives ënnerholl gëtt, fir dat kennen a Lëtzebuerg z'evitéieren.

Parlamentarische Fragen Gesellschaft Kultur Max Hahn

Ee Musée iwwer d'lëtzebuerger Pompjeesgeschicht?

Dem DP-Deputéierte Max Hahn ass zu Ouere komm, datt d'Regierung amgaangen ass ee Gebäi fir ee Pompjeesmusée ze sichen. Hie freet dofir beim zoustännege Minister no, ob dat wouer ass a wou dëse Musée soll opgoen.

Parlamentarische Fragen Gesellschaft Justiz und Sicherheit Edy Mertens Alexander Krieps Gusty Graas

Wat maachen géint d'Hausse vun de Vergewaltegungen?

D'Police Grand-Ducale huet déi néi Kriminalitéitszuele presentéiert. Hei geet ervir dass d'Zuel vun de gemellte Vergewaltegungen zu Lëtzebuerg em 56% an d'Luucht gaangen ass. D'DP Deputéiert Alexander Krieps, Gusty Graas an Edy Mertens froe bei den zoustännege Ministeren no, ob et sënnvoll wier d'Verjärungsfrist bei Vergewaltegungen op 30 Joer eropzehiewen a wéi et mat de Léit ass déi wéinst Vergewaltegungen ënnert enger traumatescher Amnesie leiden.

 

 

Parlamentarische Fragen Gesellschaft Tourismus André Bauler

Accessibilitéit bei eisen Tourismus-Infrastrukturen

Wéi steet et mat der Accessibilitéit bei eisen Tourismus-Infrastrukturen? Sinn eis Tourismus-Internetsitten och adaptéiert fir Leit déi net gutt gesinn, blann sinn oder net gutt héieren? Dëst freet den Deputéierten André Bauler den zoustännege Minister!

Parlamentarische Fragen Gesellschaft André Bauler

Tourisme de congrès et en milieu campagnard

J’ai l’honneur de vous informer que, conformément à l’article 82 de notre Règlement interne, je souhaite poser une question élargie à Monsieur le Ministre de l’Economie sur le tourisme de congrès et le tourisme en milieu campagnard (évolutions récentes, projets concrets, opportunités et défis).