Sie sind hier

Parlamentarische Fragen Justiz und Sicherheit Gusty Graas Alexander Krieps

Zeienopruff : firwat dee laangen Delai?

Reegelméisseg liest een an der Presse, datt no engem Onéierleche gesicht gëtt, dee Sue mat enger geklauter Kreditkaart opgehuewen huet. Déi Zeienopriff ginn awer oft eréischt Méint no de Faiten an de Medie publizéiert. D'DP-Deputéiert Gusty Graas an Alexander Krieps froen aus deem Grond beim zoustännege Minister no, firwat d'Zeienopruff eréischt sou spéit verëffentlecht ginn a wéi vill Verbriechen duerch esou Zeienopriff nach opgedeckt ginn.

 

Parlamentarische Fragen Justiz und Sicherheit Claude Lamberty Max Hahn

Kameraen fir d'Police- a Rettungshënn?

Am Kader vun der Ausstellung "Milipol" dësen November ass e Casque mat integréierter Kamera fir Policehënn virgestallt ginn. Op déi Aart a Weis gesäit de Polizist live dat, wat den Hond gesäit a kann him iwwert Funk och direkt Instruktioune matdeelen. Vu dass eng ähnlech Technologie schonn an anere Länner vun der Police a Rettungsdéngschter agesat gëtt, fir notamment Mënscheliewen a geféierleche Situatiounen ze schounen, hunn de Max Hahn an de Claude Lamberty de Minister Dan Kersch gefrot, ob sou ee Casque net och vun Interêt fir déi Déngschter zu Lëtzebuerg wier.

Parlamentarische Fragen Justiz und Sicherheit Landwirtschaft und Weinbau Lex Delles

Regional Produkter am Prisong?

Den Deputéierte Lex Delles huet an enger parlamentarescher Fro un de Justizminister nogehaakt, op déi ëffentlech Liewensmëttelausschreiwunge vum Prisong am Beräich vun der Mëllech esou restriktiv sinn, datt verschidde lokal a regional Fournisseuren net kënnen un dësen deelhuelen.

Parlamentarische Fragen Justiz und Sicherheit André Bauler

Solle Policekommissariater am Norde vum Land zougemaach ginn?

Dem DP-Deputéierten André Bauler ass zu Ouere komm, dass fir den 1. Abrëll 2018 véier Policekommissariater am Norde vum Land zougemaach solle ginn. Konkret betraff wieren d'Kommissariater zu Béiwen (Stauséigemeng), Groussbus, Housen a Veianen. Aus deem Grond huet den André Bauler beim zoustännege Minister nogefrot, ob dat tatsächlech esou ass a wa jo, firwat dës Decisioun geholl ginn ass. Donieft huet hien och nach gefrot wéi d'Kommissariater an Zukunft am Norden organiséiert solle sinn.

Parlamentarische Fragen Justiz und Sicherheit Claude Lamberty Max Hahn

Aggressioune géint Polizisten : Taseren oder Bodycams fir méi Sécherheet ?

Bei eisen däitschen Noperen ass d’Police am Gaangen den Asaz vun Taseren a vu Bodycams ze testen. En Tëschebericht hält fest, datt hiren Asaz oft deseskaléierent wierkt. Bei den Taseren huet sech erausgestallt, datt d’Gewaltbereetschaft schonn eleng bei der Ukënnegung vum Asaz vum Elektroschocker erofgaangen ass. D’DP-Deputéiert Claude Lamberty a Max Hahn hunn dowéinst den zoustännege Minister gefrot, ob hie sech no dësen neien Erkenntnisser den Asaz vun esou Alternativen och zu Lëtzebuerg kéint virstellen.

Parlamentarische Fragen Justiz und Sicherheit Klimaschutz und Energie Nachhaltigkeit, Natur- und Umweltschutz Eugène Berger

Illegal Offalltransporter op Lëtzebuerg

Interpol hat während 30 Deeg eng Operatioun lafe fir illegalen Offalltransporter op d’Schléch ze kommen? Huet Lëtzebuerg bei dëser Operatioun matgemaach? Wéi vill illegal Transporter goufen opgedeckt? Wou sollt den Offall zu Lëtzebuerg higefouert ginn? Den DP-Deputéierten Eugène Berger huet beim zoustännege Minister nogefrot.

Parlamentarische Fragen Justiz und Sicherheit André Bauler Max Hahn

Reorganisatioun vum Gefaangenentransport?

De Gefaangenentransport gëtt zu Lëtzebuerg vun der Police assuréiert. Well dëst vill Zäit an Usproch hëlt, déi op Käschte vun Asazstonnen um Terrain geet, hunn d'Deputéierten AndréBauler a Max Hahn beim Minister nogefrot, ob et net sënnvoll wier de Gefaangenentransport, ähnlech wéi an Däitschland vu "Justizvollzugsbeamten" organiséieren ze loossen.

Parlamentarische Fragen Justiz und Sicherheit Gilles Baum

Wéi eng Alterskontrolle bei Open-Air Concerten a Festivaler ?

Am Summer ass elo och d'Saison vun de Concert'en am Fräien, Evenementer, déi besonnesch bei de Jugendlechen ugesot sinn. Den DP-Deputéierte Gilles Baum freet de Justizminister wéi et mat den Alterskontrollen an der Entrée vun esou Manifestatiounen ass. 

Parlamentarische Fragen Justiz und Sicherheit Max Hahn Gusty Graas

De neie Code de procédure pénale an der Praxis

De neie Code de procédure pénale ass mëttlerweil a Kraaft getruede mee d’Poliziste schéngen nach net forméiert ze sinn. Wat et domadder op sech huet, hunn d’Deputéierte Max Hahn a Gusty Graas beim Policeminister nogefrot.

Parlamentarische Fragen Bildung Justiz und Sicherheit Gilles Baum

"Blue Whale Challenge" Sinn och Fäll zu Lëtzebuerg bekannt?

Op de soziale Medie zirkuléiert anscheinend ee makabert Spill mam Numm "Blue Whale Challenge" . Heibäi soll et drëms goen déi Jugendlech opzestëppele fir 50 Challengen ze meeschteren, déi vun Aufgab zu Aufgab méi geféierlech fir si ginn. Den DP-Deputéierte Gilles Baum freet bei den zoustännege Ministeren no, ob och zu Lëtzebuerg scho Fäll bekannt sinn.

Parlamentarische Fragen Justiz und Sicherheit Staat und Öffentlicher Dienst Claude Lamberty Gilles Baum

Wéi gesäit et mat Formatioune am Prisong aus?

D'DP-Deputéiert Claude Lamberty a Gilles Baum froe bei den zoustännege Ministeren no wéi et mat Formatioune am Prisong ausgesäit.

Parlamentarische Fragen Gesellschaft Justiz und Sicherheit Edy Mertens Alexander Krieps Gusty Graas

Wat maachen géint d'Hausse vun de Vergewaltegungen?

D'Police Grand-Ducale huet déi néi Kriminalitéitszuele presentéiert. Hei geet ervir dass d'Zuel vun de gemellte Vergewaltegungen zu Lëtzebuerg em 56% an d'Luucht gaangen ass. D'DP Deputéiert Alexander Krieps, Gusty Graas an Edy Mertens froe bei den zoustännege Ministeren no, ob et sënnvoll wier d'Verjärungsfrist bei Vergewaltegungen op 30 Joer eropzehiewen a wéi et mat de Léit ass déi wéinst Vergewaltegungen ënnert enger traumatescher Amnesie leiden.

 

 

Parlamentarische Fragen Justiz und Sicherheit Max Hahn Alexander Krieps Gusty Graas

Am Service Santé vun der Arméi

Dem Gesetz no sollten 6 Infirmiere am Service Santé vun der Arméi schaffen. Momentan sinn der just 2 agestallt. Dëse Service besteet och aus Zaldote mat enger Formatioun als Secouriste. Nëmmen e puer hätten d’Formatioun als Ambulancier. D’Deputéierte Gusty Graas, Max Hahn a Alexander Krieps hunn ënner anerem beim zoustännege Minister nogefrot firwat dës Posten net besat wieren, op rekrutéiert géif ginn, an op et eventuell gemeinsam Formatioune mat anere Rettungscorpse kéint ginn.

Parlamentarische Fragen Justiz und Sicherheit Eugène Berger

Haasscommentairen op Facebook

Facebook steet am Moment an der Kritik, well sougenannten Haasscommentairen net geläscht gi sinn. An deem Kontext wëll den Eugène Berger vum Justizminister wëssen, wou d'Efforten drun sinn, fir géint Haassdiscoursen virzegoen an ob och hei am Land eng Enquête misst opgemaach ginn.

Parlamentarische Fragen Justiz und Sicherheit Max Hahn Alexander Krieps Gusty Graas

Eng gemeinsam Vitrine fir d'Arméi, d'Douane an d'Police?

Dëse Freideg geet um Boulevard Royal den Informatiounsbüro vun der Arméi op. Doduerch erhofft ee méi Leit fir den Härebierg ze rekrutéieren. D’Deputéierte Max Hahn, Gusty Graas an Alexander Krieps hu beim Minister nogefrot ob dës Initiative och fir d’Police an d’Douane kéint virgesi ginn. Wier do ee gemeinsame Bureau net sënnvoll.