Sie sind hier

Parlamentarische Fragen Klimaschutz und Energie Mobilität und Verkehr Gusty Graas

Muss déi nei CFL-Multimodal-Plattform esou hell beliicht ginn?

Den DP-Deputéierte Gusty Graas ass net begeeschtert iwwert d’Beliichtung vum Cargo-Hub um Terrain vun de Gemenge Beetebuerg an Diddeleng.

An enger parlamentarescher Fro schreift de Schäffe vu Beetebuerg esouguer vun engem „éclairage visible depuis des kilomètres et dont la densité et intensité lumineuse semblent excessives“. De Süd-Deputéierte freet d’Ëmweltministesch dofir ë.a., ob sech bei der Beliichtung un d’Norme gehale gëtt, ob esou eng Beliichtung wéinst der Sécherheet néideg wier oder ob et sech hei em Liichtverschmotzung handele géing.

Schliisslech wëll de Gusty Graas nach wëssen, ob d’Ministesch wëlles huet an dësem Fall bei de Responsabele vum Terminal z’intervenéieren.

Parlamentarische Fragen Klimaschutz und Energie Nachhaltigkeit, Natur- und Umweltschutz Claude Lamberty Max Hahn

De Bësch als méiglech Plaz fir Wandmille?

Et ass schwiereg gëeegent Plazen ze fanne fir Wandmillen opzestellen, wou ee genuch Wand huet an awer och déi néideg Distanz zu Wunngebidder respektéiert. An Däitschland hunn dofir véier Bundeslänner ugefaangen, Wandrieder an de Bësch ze setzen. D'DP-Deputéiert Max Hahn a Claude Lamberty froen an deem Kontext bei der zoustänneger Ministesch ënnert anerem no, wat si vu Wandmillen am Bësch hält an ob dat och e Modell fir Lëtzebuerg kéint sinn? 

Parlamentarische Fragen Klimaschutz und Energie Gusty Graas

Waasserstoff fir Stroum ze gewannen?

Waasserstoff ass eng Méiglechkeet, fir Stroum ze gewannen.

Parlamentarische Fragen Klimaschutz und Energie Eugène Berger

Wandrieder am Süde vum Land?

Dem DP-Deputéierten Eugène Berger ass zu Ouere komm, dass e Park vu Wandrieder am Süde vum Land geplangt wier. Aus deem Grond wollt hie méi genee Explikatioune vun der zoustänneger Ministesch.

Parlamentarische Fragen Klimaschutz und Energie André Bauler

Solarzellen op den ëffentleche Gebaier?

Den Atert Lycée zu Réiden huet scho méi laang eege Solarzellen, mat deene genuch Stroum produzéiert gëtt fir seng energetesch Besoinen ze decken. Virun deem Hannergrond freet den André Bauler den zoustännege Minister, ob och fir aner Lycéeë respektiv aner ëffentlech Gebaier sou Installatioune geplangt sinn a wa jo, wat hir Leeschtung wäerd sinn.

Parlamentarische Fragen Klimaschutz und Energie Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi ass et mat der Promotioun vum Äerdgas?

Den Diesel - a Bensinsmotor geréit an der läscht ëmmer mei an d´Kritik. Eng mei gesond an ekologesch Alternativ zu de klassesche Verbrennungsmotore si Motoren déi mat Äerdgas lafen. Allerdéngs ass d'Netz vun den Tankstellen, déi Äerdgas ubidde, am Land staark limitéiert. D'DP Deputéiert André Bauler a Max Hahn froen dofir bei den zoustännege Ministeren no, ob d'Regierung wëlles huet eng nei Initiativ ze starten, déi de Gebrauch vum Äerdgas promouvéiert an op weienge Plazen nei Verkaafsstelle kéinte geschaafe ginn.

Parlamentarische Fragen Justiz und Sicherheit Klimaschutz und Energie Nachhaltigkeit, Natur- und Umweltschutz Eugène Berger

Illegal Offalltransporter op Lëtzebuerg

Interpol hat während 30 Deeg eng Operatioun lafe fir illegalen Offalltransporter op d’Schléch ze kommen? Huet Lëtzebuerg bei dëser Operatioun matgemaach? Wéi vill illegal Transporter goufen opgedeckt? Wou sollt den Offall zu Lëtzebuerg higefouert ginn? Den DP-Deputéierten Eugène Berger huet beim zoustännege Minister nogefrot.

Parlamentarische Fragen Klimaschutz und Energie Claude Lamberty Max Hahn

Subventioune bei Photovoltaik-Anlage fir Kooperativen

Zënter Abrëll gi kooperativ Photovoltaik-Anlage méi staark ënnerstëtzt. Dofir froen d'DP-Deputéiert Max Hahn a Claude Lamberty bei den zoustännege Ministeren no, wéi vill Subventiounen ausbezuelt goufen a firwat d'Gemengen net ënnert dëst neit Reglement falen.

Parlamentarische Fragen Klimaschutz und Energie Mobilität und Verkehr Nachhaltigkeit, Natur- und Umweltschutz Max Hahn

LED als Beliichtung op eise Stroossen?

D’LED Technologie ass a verschiddene Beräicher net mei ewech ze denken, sief dëst am privaten oder ëffentleche Gebrauch. Den DP-Deputéierte Max Hahn freet dofir beim Infrastrukturminister no, ob dës Technologie och iwwerall kéint als Stroossebeliichtung agesaat ginn a wéi vill Energie een kéint dobäi spueren.

Parlamentarische Fragen Klimaschutz und Energie Gusty Graas

Den Donald Trump dréit d'Rad an der Klimapolitik zeréck!

A senger parlamentarescher Ufro un d'Ëmweltministesch wëll den DP-Deputéierte Gusty Graas wëssen, wéi d'Positioun vun der Regierung dozou ass an a wéi wäit d'Ëmsetzung vum Paräiser Klimaaccord doduercher a Fro gestallt ass.

Parlamentarische Fragen Klimaschutz und Energie Max Hahn Alexander Krieps

Asbest richteg entsuergen

Ier et déi Gipsen-Placke gouf, si vill Mauere vun Haiser mat engem Asbest-mix gebaut ginn. Dës Substanz kann awer ganz geféierlech ginn, wann se am Kontakt mat der Loft steet, dat zum Beispill wann des Maueren ufänke mat bréckelen. DP-Deputéierte Max Hahn a Lex Krieps froen dofir bei den zoustännege Ministeren no, op et net néideg wier de Leit bei enger Renovatioun vun esou Maueren entgéint ze kommen.

Parlamentarische Fragen Klimaschutz und Energie Gusty Graas

Nei Ofgasregelunge fir Auto'en an der EU

D'EU-Kommissioun schafft am Moment u neien Ofgasregelungen fir Auto'en, dat souwuel mat Bensin- wéi och mat Dieselmotoren. Wéi strikt déi nei Wäerter solle ginn, gëtt am Moment verhandelt. Den DP-Deputéierte Gusty Graas freet an dësem Zesummenhang bei den zoustännege Ministeren no, wat d'Positioun vu Lëtzebuerg an dësem Dossier ass.

Parlamentarische Fragen Klimaschutz und Energie Gusty Graas

Wat geschitt mat den alen Styropors-Isolatiounen wann en Haus sanéiert gëtt?

Säit dem 29. September gëllt HBCD, wat jorelaang als Brandschutz a Styroporspalette bei der Isolatioun vun Gebaier an den Asaz koum, als «déchets dangereux»! Wou ginn dës Isolatiounspaletten entsuergt? Däerfen se zu Lëtzebuerg verbrannt ginn? Dës Froen stellt den DP-Deputéierten Gusty Graas un d'Ëmweltministesch.

Parlamentarische Fragen Klimaschutz und Energie André Bauler

Wou kommen nach Wandmillen hin?

Wandmille bidden eng konkret Méiglechkeet manner ofhängeg vum Atomstroum ze ginn, wichteg ass awer och hiren Emplacement. Den DP-Deputéierten André Bauler freet dowéinst bei den zoustännege Ministeren no wéi vill där gigantescher Wandmillen nach am Norde vum Land installéiert gi wäerten an no wéi enge Kritären dës Plaze festgehale gi si respektiv gi wäerten. E freet och d’Ëmweltministesch wéi d’Notioun vun der « Beauté du paysage », déi gesetzlech verankert ass, an dësem Kontext gehandhaabt gëtt.

Parlamentarische Fragen Klimaschutz und Energie Max Hahn Gusty Graas

Entschiedegung am Fall vun engem nuklearen Accident?

Engem Lieserbréif no géif et en avant-projet de loi ginn, deen eng Entschiedegung am Fall vun engem nuklearen Accident virgesäit. Den DP-Deputéierte Gusty Graas freet bei den zoustännege Ministere wat do drun ass.