Sie sind hier

Parlamentarische Fragen Mobilität und Verkehr Claude Lamberty Max Hahn

Wou stinn d'Aarbechte vun der geplangten Eisebunnsënnerféierung zu Zéisseng?

Am Kader vun der Moderniséierung vun der Zuchlinn Stad-Péiteng sollte verschidde Gleisiwwergäng duerch Ënnerféierungen ersat ginn, sou och zu Zéisseng an der rue des Celtes. Deen Iwwergang ass och 2012 zougemaach ginn, d'Ënnerféierung ass awer nach ëmmer net gebaut. D'Deputéiert Max Hahn a Claude Lamberty hunn dowéinst beim zoustännege Minister nogefrot, wou d'Aarbechte vun deem Projet stinn a firwat et do sou eng Verspéidung gëtt.

Parlamentarische Fragen Mobilität und Verkehr Claude Lamberty Max Hahn

Wéi steet et ëm d'Verkéierssécherheet vun de Foussgänger?

Nodeems an der Lescht ëmmer rem Foussgänger an zum Deel schro Accidenter verwéckelt waren an den däitschen Ausseministère dowéinst souguer zäitweileg eng Reeswarnung fir Lëtzebuerg erausginn hat, froen d'Deputéiert Max Hahn a Claude Lamberty den zoustännege Minister François Bausch wat d'Grënn fir des Entwécklung sinn a wat hie wëlles huet dogéint ze ënnerhuelen.

Parlamentarische Fragen Mobilität und Verkehr Claude Lamberty Max Hahn

Solar-Vëlospisten och hei am Land ?

Zu Amsterdam lafe Pilot-Projete mat Vëlosweeër an deene Solarzellen agebaut sinn, esou dass hei och Energie produzéiert gëtt. D'DP-Deputéiert Max Hahn a Claude Lamberty froen dofir beim Transportminister no op een net och hei am Land esou Solar-Vëlospisten ausprobéiere kéint.

Parlamentarische Fragen Mobilität und Verkehr Claude Lamberty Max Hahn

Méi "mBoxen" oder iwwerdaachte Vëlosstännere op de Garen?

Am Moment ginn et eng Dose sougenannten "mBoxen" op verschiddene Garen uechtert d'Land. D'DP-Deputéierte Max Hahn a Claude Lamberty froe beim Transportminister no, ob weider esou geséchert Plaze fir Vëloe geplangt sinn, an op een net wéinstens iwwerdaachte Vëlosstänneren op d'Garë setze kéint.

Parlamentarische Fragen Mobilität und Verkehr Claude Lamberty Max Hahn

Chantier laanscht d'Escher Autobunn: eng nei Tankstell?

Zënter längerem gëtt  laanscht d'Escher Autobunn um Terrain vun der Gemeng Monnerech geschafft. Hei soll anscheinend eng nei Tankstell hikommen. D'DP-Deputéiert Claude Lamberty a Max Hahn froe beim Minister no wat et genau mat dësem Chantier op sech huet.

Parlamentarische Fragen Mobilität und Verkehr Claude Lamberty Max Hahn

Busser aus dem Weste fir op de Belval

Nodeems d'Buslinn 332 am August 2016 zougemaach gouf, ass de Westen net méi esou gutt un d'Uni um Belval ugeschloss. Den D'DP-Deputéiert Max Hahn a Claude Lamberty froen dofir beim Transportminister no, wéi dës Situatioun verbesser ka ginn.

Parlamentarische Fragen Mobilität und Verkehr Claude Lamberty Max Hahn

Innovativ a sécher: blo Vëlospisten ?

Ingenieuren hunn eng nei Method erfonnt fir Vëlospisten un d'Liichten ze kréien. Zu Cambridge, Eindhoven an elo geschwënn och zu Köln gëtt et Vëlospisten déi an der Nuecht blo liichten, esou dass keng extra Beliichtung méi néideg ass. DP-Deputéierte Max Hahn a Claude Lamberty froe beim Infrastrukturminister no, ob een dës Iddi net och hei am Land uwende kéint.

Parlamentarische Fragen Mobilität und Verkehr Claude Lamberty Max Hahn

Éischte Bilan vun den Nuetszich

Ab Dezember 2016 fuere Weekends Nuetszich, dat aus der Staat op den Haaptachse fir an den Norden an an de Süde vum Land. DP-Deputéierte Max Hahn a Claude Lamberty froen elo no 3 Méint beim Transportminister no engem éischte Bilan wéi vill dës Zich genotzt ginn. 

Parlamentarische Fragen Mobilität und Verkehr Claude Lamberty Max Hahn

Beliichtung vun Zebrasträifen

Besonnesch beim aktuelle groe Wieder an owes kënnt et ëmmer erëm vir, dass Foussgänger um Zebrasträif ugestouss ginn, dat well d'Autofuerer se net fréi genuch gesinn. Dofir froen d'DP-Deputéiert Max Hahn a Claude Lamberty beim zoustännege Minister no, op een et de Gemengen net nach méi einfach maache sollt andeems een hinne kloer Richtlinnen a Saache Beliichtung mat op de Wee gëtt.

Parlamentarische Fragen Mobilität und Verkehr Claude Lamberty Max Hahn

Eng gréng Well och hei am Land?

An Däitschland hunn se gutt Erfahrunge mam Mobilitéitskonzept vun der "grünen Welle" gemach. Heibai ginn d'gréng Luuchten esou agestallt, dass een op enger bestëmmtener Streck ni stoe bleiwe muss, virausgesat et fiert ee mat der Vitesse, déi uginn ass. DP-Deputéiert Max Hahn a Claude Lamberty froe beim Transportminister no, op dëst Konzept och bei eis Uwendunge fanne kéint.

Parlamentarische Fragen Mobilität und Verkehr Claude Lamberty Max Hahn

Extra Nuetszich de Weekend?

Ufanks de Jores hat den Transportminister ugekënnegt speziell Nuetszich op de Linnen 10 a 60 anzeféieren, esou dass d'Leit och nach spéit owes vun der Stad an den Norden an an de Süden vum Land kommen. DP-Deputéiert Max Hahn a Claude Lamberty haken elo nach eng Kéier no, wéini des Zuchverbindungen agefouert gi wäerten.

Parlamentarische Fragen Mobilität und Verkehr Claude Lamberty Max Hahn

WI-FI Accès am ëffentleche Transport?

Ëmmer méi europäesch Zuch- a Busentreprisë bidden hire Clienten e gratis Wi-fi Accès op hiren Trajeten un. D'DP Deputéierte Max Hahn a Claude Lamberty froe beim Transportminister no, op dat net och zu Lëtzebuerg géif Sënn maachen, fir den ëffentlechen Transport nach méi attraktiv ze gestalten.

News Mobilität und Verkehr Claude Lamberty

Eng nei Entréesdier aus dem Süden an d’Stad

Den Deputéierten Claude Lamberty huet gëschter zum engem groussen a bedeitende Projet geschwat, andeem ët ëm déi éischt Phase vum Neibau vun der N3 tëscht der Stater Gare a Bouneweg geet.