Sie sind hier

Parlamentarische Fragen Klimaschutz und Energie Mobilität und Verkehr Gusty Graas

Muss déi nei CFL-Multimodal-Plattform esou hell beliicht ginn?

Den DP-Deputéierte Gusty Graas ass net begeeschtert iwwert d’Beliichtung vum Cargo-Hub um Terrain vun de Gemenge Beetebuerg an Diddeleng.

An enger parlamentarescher Fro schreift de Schäffe vu Beetebuerg esouguer vun engem „éclairage visible depuis des kilomètres et dont la densité et intensité lumineuse semblent excessives“. De Süd-Deputéierte freet d’Ëmweltministesch dofir ë.a., ob sech bei der Beliichtung un d’Norme gehale gëtt, ob esou eng Beliichtung wéinst der Sécherheet néideg wier oder ob et sech hei em Liichtverschmotzung handele géing.

Schliisslech wëll de Gusty Graas nach wëssen, ob d’Ministesch wëlles huet an dësem Fall bei de Responsabele vum Terminal z’intervenéieren.

Parlamentarische Fragen Mobilität und Verkehr Gilles Baum

Zuchstreck Lëtzebuerg-Waasserbëlleg: Firwat bleift den Zuch bei sou vill Arrêten net méi stoen?

Den DP-Deputéierte Gilles Baum wollt vum zoustännege Minister wëssen, firwat an deem neien Horaire vun der CFL sou vill Arrêten op der Stréck Lëtzebuerg-Waasserbëlleg net méi ugefuer ginn.

Parlamentarische Fragen Mobilität und Verkehr Max Hahn

Eng Covoiturage-App vum Ministère?

De Minister fir nohalteg Entwécklung hat am Kader vun enger Froestonn d'lescht Joer ugekënnegt, eng App wëllen z'entwéckele fir de Covoiturage ze fërderen. Eng éischt Testphase war fir de Juli dëst Joer ugekënnegt ginn. Aus deem Grond huet de liberalen Deputéierte Max Hahn vum zoustännege Minister wollte wëssen, wéi wäit de Ministère mat den Aarbechte fir dës App well ass.

Parlamentarische Fragen Mobilität und Verkehr Gusty Graas

Wat fir Critère muss ee respektéiere fir dierfen eng Protestaktioun z'organiséieren?

Dëse Sonndes hunn Aktiviste vu Greenpeace bei enger Aktioun am Rond-Point Raemerich fir e gréissere Verkéierschaos gesuergt. Den DP-Deputéierte Gusty Graas wollt an deem Kontext vum zoustännege Minister wëssen ob hien hinne d’Erlabnis ginn hat a wat fir Critère een iwwerhaapt muss erfëllen fir dierfe esou Aktiounen ze starten.

Parlamentarische Fragen Mobilität und Verkehr André Bauler

E geféierleche Busarrêt zu Angelduerf?

Wéinst engem Chantier op der N7 hunn zu Angelduerf misse verschidde Busarrêten op eng aner Plaz verluecht ginn. Dem André Bauler ass an deem Kader zu Ouere komm, dass den Arrêt bei der Apdikt ganz schlecht geleeë wier, well en direkt bei enger Ausfaart aus engem Parking läit an dowéinst d'Passagéier Risike fir hir Sécherheet ausgesat sinn. Hien huet beim zoustännege Minister Erklärunge gefrot.

Parlamentarische Fragen Mobilität und Verkehr Tourismus André Bauler

Vëlospist tëschen Veianen a Bleesbréck : Firwat ginn d'Aarbechten net virun?

Ëm déi fofzéng Joer sinn et ewell schon, dass un der Vëlospist tësche Veianen a Bleesbréck geschafft gëtt. Während den Deel Furen-Veianen fäerdeg gestallt konnt ginn, waart ee beim Abschnitt Furen-Bleesbréck nach ëmmer drop. Dobäi géing déi Vëlospist wann se fäerdeg wier, net nëmmen zur sougenannter Mobilité douce an der Regioun bäidroen, mee se kéint och positiv Auswierkungen op den Tourismus an der Géigend hunn. Den Deputéierten André Bauler huet dowéinst beim zoustännege Minister nogefrot.

Parlamentarische Fragen Mobilität und Verkehr Claude Lamberty Max Hahn

Wou stinn d'Aarbechte vun der geplangten Eisebunnsënnerféierung zu Zéisseng?

Am Kader vun der Moderniséierung vun der Zuchlinn Stad-Péiteng sollte verschidde Gleisiwwergäng duerch Ënnerféierungen ersat ginn, sou och zu Zéisseng an der rue des Celtes. Deen Iwwergang ass och 2012 zougemaach ginn, d'Ënnerféierung ass awer nach ëmmer net gebaut. D'Deputéiert Max Hahn a Claude Lamberty hunn dowéinst beim zoustännege Minister nogefrot, wou d'Aarbechte vun deem Projet stinn a firwat et do sou eng Verspéidung gëtt.

Parlamentarische Fragen Mobilität und Verkehr Claude Lamberty Max Hahn

Wéi steet et ëm d'Verkéierssécherheet vun de Foussgänger?

Nodeems an der Lescht ëmmer rem Foussgänger an zum Deel schro Accidenter verwéckelt waren an den däitschen Ausseministère dowéinst souguer zäitweileg eng Reeswarnung fir Lëtzebuerg erausginn hat, froen d'Deputéiert Max Hahn a Claude Lamberty den zoustännege Minister François Bausch wat d'Grënn fir des Entwécklung sinn a wat hie wëlles huet dogéint ze ënnerhuelen.

Parlamentarische Fragen Mobilität und Verkehr André Bauler

Investissementer vun der CFL am Norden vum Land

Nodeems d'CFL ugangs der Woch zesumme mam Infrastrukturminister François Bausch hir geplangten Investissementer an d'Schinnennetz uechtert d'Land presentéiert huet, freet den Deputéierten André Bauler no, wéi et mat den Investissementer am Éislek ausgesäit.

Parlamentarische Fragen Klimaschutz und Energie Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi ass et mat der Promotioun vum Äerdgas?

Den Diesel - a Bensinsmotor geréit an der läscht ëmmer mei an d´Kritik. Eng mei gesond an ekologesch Alternativ zu de klassesche Verbrennungsmotore si Motoren déi mat Äerdgas lafen. Allerdéngs ass d'Netz vun den Tankstellen, déi Äerdgas ubidde, am Land staark limitéiert. D'DP Deputéiert André Bauler a Max Hahn froen dofir bei den zoustännege Ministeren no, ob d'Regierung wëlles huet eng nei Initiativ ze starten, déi de Gebrauch vum Äerdgas promouvéiert an op weienge Plazen nei Verkaafsstelle kéinte geschaafe ginn.

Parlamentarische Fragen Mobilität und Verkehr André Bauler

Chantierstop um CR 350

D´ Streck CR 350 tëscht Welschent an Nidderfeelen ass wéinst engem Chantier säit dem Februar 2017 fir de Verkéier gespaart. Lo hun Awunner vu Welschent den DP-Deputéierten André Bauler drop opmierksam gemaach, datt schon zënter Mai 2017 net mei um Chantier geschafft gëtt, obwuel deen nach net fäerdeg ass. Dowéinst freet den André Bauler den zoustännege Minister nom Grond vun deem Stop a wéini et rem weider geet.

Parlamentarische Fragen Landesplanung und Wohnen Mobilität und Verkehr André Bauler

Ze vill Camionsverkéier duerch Klierf?

Dem DP-Deputéierten André Bauler ass zu Ouere komm, datt am Moment relativ vill Camionsverkéier duerch Klierf fiert. Meeschtens wieren dëst Camionen, déi wéilten an d'Aktivitéitszone op Lenzweiler fueren. Well se an der Regioun awer net kënneg sinn, géifen se oft duerch Klierf amplaz iwwer d'Wämperhaart oder iwwer d'Rossmillen dohinner fueren. An deem Kontext freet den Deputéierten no genauen Zuelen an ob ee kéint d'Signalisatioun verbesseren.

Parlamentarische Fragen Mobilität und Verkehr Gilles Baum

Neien Typ vu Radaren tëscht Koplescht a Schëndels an an den Tunnellen ?

Schonn 2014 hat den Transportminister ugekënnegt, sougenannten "radars tronçon" opzestellen. Dës Abschnittsradare kontrolléieren d'Vitesse net op engem Punkt, mä iwwert eng bestëmmte Streck, esou zum Beispill an engem Tunnel. Haut schreift d'Press esou e Radar wier op der Streck Koplescht-Schëndels an der Preparatioun. Den DP-Deputéierte Gilles Baum freet no.

Parlamentarische Fragen Mobilität und Verkehr André Bauler Gusty Graas

Eng speziell Markéierung a Lénkskéiere fir d'Motosfuerer ?

An Éisträich ginn am Moment speziell Markéierungen a Lénkskéiere getest, dat fir dass d'Motosfuerer an der Mëtt vun hirer Säit fueren amplaz vill méi no un der Mëttellinn. Well heimatter d'Zuel u Motorradsaccidenter däitlech zeréck gaangen ass, froen d'DP-Deputéierten André Bauler a Gusty Graas beim Transportminister no, ob een dës Markéierungen net och hei am Land aféiere kéint.

Parlamentarische Fragen Mobilität und Verkehr Nachhaltigkeit, Natur- und Umweltschutz Gusty Graas

Manner Wëldaccidenter duerch Liichtbarrièren laanscht d'Stroossen?

Wëldaccidenter sinn eng Gefor fir Mënsch an Déier. Zu Lëtzebuerg goufen virun Joren sougenannt Liichtbarrièren getest, déi d'Wëld sollen virum Autosverkéier warnen. Den DP Deputéierten Gusty Graas freet no, wat d'Konklusioune vun där Etüd sinn an ob de Minister gewëllt ass dës Liichtbarrièren laanscht Landstroossen z'installéieren.