Sie sind hier

Parlamentarische Fragen Nachhaltigkeit, Natur- und Umweltschutz Lex Delles Gusty Graas

Sinn déi wëll Villercher zu Lëtzebuerg a Gefor?

D’Zuel vu Vigel an Europa hëlt dramatesch of. Dat gëllt besonnesch fir d’Vullen, déi um oppene Feld respektiv am ländleche Raum liewen. De Réckgang do ass net nëmme kritesch fir d’Déiere selwer, ma och fir déi ganz Biodiversitéit.

D’DP-Deputéiert Lex Delles a Gusty Graas froen d’Ëmweltministesch dofir, wéi eng Resultater fir Lëtzebuerg existéieren, a wa jo, wéi eng Conclusiounen aus deene Chiffere gezu gi sinn. Déi zwee Parlamentarier wëllen och wëssen, ob national Etüden iwwer d’Populatioun vun de Vulle geplangt sinn. An och wéi sech d’Situatioun an de leschten 10 Joer entwéckelt huet.

Parlamentarische Fragen Gesundheit und Pflege Nachhaltigkeit, Natur- und Umweltschutz Max Hahn

Mécht de Kaméidi vu Wandrieder krank?

Am Süde vum Land si 5 nei Projete mat Wandrieder geplangt. An dem Kontext wollt de Süd-Deputéierte Max Hahn vun den zoustännege Ministere wësse wat d’Distanze vun dëse Wandrieder zu de Wunngebidder wäerte sinn a wéi d’Distanze vun den aktuelle Wandrieder zu Lëtzebuerg sinn. De Max Hahn huet och nogefrot, ob d’Ministeren d’Conclusioune vun enger Etüd deelen, déi seet, datt de Kaméidi vu Wandrieder net ka krank maachen.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

E Verbuet vu Mikroplastik zu Lëtzebuerg?

Eng Rei Länner hunn de Mikroplastik scho verbueden, well d’Kläranlagen en net erausgefiltert kréien. An enger parlamentarescher Fro wëllen de Max Hahn an de Lamberty Claude dofir vum Ëmweltministère wëssen, ob sou e Verbuet net och zu Lëtzebuerg sënnvoll wier.

Parlamentarische Fragen Nachhaltigkeit, Natur- und Umweltschutz Gusty Graas

Parlamentaresch Fro vum Gusty Graas iwwer Nuisancë vu Loftwärmepompelen

Onse Süddeputéierte wëll ë.a. vum Ëmweltministère wëssen, ob et stëmmt, datt de Kaméidi vun de Motore vu „pompes àchaleur aérothermiques“der Gesondheet vun de Leit schuede kann.

Parlamentarische Fragen Nachhaltigkeit, Natur- und Umweltschutz André Bauler

Wéi steet et ëm d’Waasserreserve vum Stauséi?

Nodeems et an de leschte Méint ganz vill gereent huet an de Stauséi am Summer 2017 enorm Waasser verluer hat, freet den Deputéierten André Bauler am Wirtschaftsministère no, wéi héich de Peegel vum Séi zurzäit ass.

Zanter 1961 ass de Stau de gréisste Waasserspäicher vum Land an eng beléifte Fräizäit- an Touristendestinatioun.

Eisen Norddeputéierten huet och am Wirtschaftsministère nogefrot, wéi et ëm d'Sécherheet an d'Stabilitéit vun der Staumauer steet, an ob déi nächst Joren Aarbechten an deem Kontext geplangt sinn.

Da wëll den André Bauler och nach wëssen, ob een den Accès zum Séi fir Daucher, Fëscher a soss Visiteure verbessere kéint an ob den Accès zum Solarboot net kéint méi sécher a méi kamoud gemaach ginn?

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Kritt Lëtzebuerg e Problem wéinst dem Offall-Stopp vu China?

China importéiert vun dësem Joer uns keen Offall méi oder wëll deen Trafic op d’mannst staark reduzéieren. Dat war bis elo eng praktesch Léisung fir vill westlech Länner, fir hiren Dreck op déi Manéier lass ze ginn. D’Deputéiert Max Hahn a Claude Lamberty wëllen elo vum Ëmweltministère wëssen, a wéiwäit Lëtzebuerg heivunner betraff ass.

Dofir ass et fir d’éischt d’Fro, ob onst Land iwwerhaapt Offall exportéiert an em wéi eng Zort (evtl esouguer geféierlechen an toxeschen Dreck?) et sech dobäi handelt? A wéi wéilt Lëtzebuerg reagéieren, wann dat de Fall wier?

Déi zwee DP-Deputéiert froen och nach, ob Lëtzebuerg esouguer Offall importéiert a wéi mir iwwerhaapt net-recycléierte Plastik eliminéieren.

Parlamentarische Fragen Nachhaltigkeit, Natur- und Umweltschutz Tourismus Lex Delles

Wéi geet et viru mat zwee eidele Gebaier am Park zu Munneref ?

Am Januar haten de Wirtschafts- an den Nohaltegkeetsministère dem Munnerefer Député-maire Lex Delles gesot, datt d’“Villa Guersing“ an de Restaurant „La Roseraie“ géingen ëmgebaut ginn, an och datt e gréisseren Ausbau virgesi wier. Zwee Gebaier, déi an engem delabréierten Zoustand sinn an eng Gefor duerstellen. Elo freet den DP-Deputéierten nach eemol no, wéi et da mat deenen Aarbechte géing ausgesinn.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Froen zu den neie gréngen Tuten!

An 21 Gemengen am Land sinn déi blo Tute vu Valorlux elo duerch gréng Tuten ersat ginn. Si si fir déi nämmlecht Saache gutt wéi déi blo Tuten an zousätzlech och fir Plastikstuten a fir Plastiksfolien dran ze maachen.

Valorlux huet doriwwer eraus 15 Kollektstatiounen (RE-box) installéiert, an déi d’Leit ë.a. Joghurtsdëppercher, Kaffisbecheren a Barquettë mat den Deckele schmäisse kënnen.

D’DP-Deputéiert Max Hahn a Claude Lamberty hunn an deem Kontext e puer Froen un d’Ëmweltministesch.

Parlamentarische Fragen Klimaschutz und Energie Nachhaltigkeit, Natur- und Umweltschutz Claude Lamberty Max Hahn

De Bësch als méiglech Plaz fir Wandmille?

Et ass schwiereg gëeegent Plazen ze fanne fir Wandmillen opzestellen, wou ee genuch Wand huet an awer och déi néideg Distanz zu Wunngebidder respektéiert. An Däitschland hunn dofir véier Bundeslänner ugefaangen, Wandrieder an de Bësch ze setzen. D'DP-Deputéiert Max Hahn a Claude Lamberty froen an deem Kontext bei der zoustänneger Ministesch ënnert anerem no, wat si vu Wandmillen am Bësch hält an ob dat och e Modell fir Lëtzebuerg kéint sinn? 

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Alternativen zum Plastik?

Mir verbrauchen ëmmer nach ze vill Plastik, deen net recycléiert gëtt an oft an der Natur lant. Frankräich wäert Besteck aus Plastik ab 2020 verbidden. Wat sinn d’Projete vu Lëtzebuerg fir manner Plastik ze benotzen an op wat fir Alternative kéint een zréckgräifen. D’DP-Deputéierte Claude Lamberty a Max Hahn stellen dës Froen der zoustänneger Ëmweltministesch.

Parlamentarische Fragen Klimaschutz und Energie Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi ass et mat der Promotioun vum Äerdgas?

Den Diesel - a Bensinsmotor geréit an der läscht ëmmer mei an d´Kritik. Eng mei gesond an ekologesch Alternativ zu de klassesche Verbrennungsmotore si Motoren déi mat Äerdgas lafen. Allerdéngs ass d'Netz vun den Tankstellen, déi Äerdgas ubidde, am Land staark limitéiert. D'DP Deputéiert André Bauler a Max Hahn froen dofir bei den zoustännege Ministeren no, ob d'Regierung wëlles huet eng nei Initiativ ze starten, déi de Gebrauch vum Äerdgas promouvéiert an op weienge Plazen nei Verkaafsstelle kéinte geschaafe ginn.

Parlamentarische Fragen Justiz und Sicherheit Klimaschutz und Energie Nachhaltigkeit, Natur- und Umweltschutz Eugène Berger

Illegal Offalltransporter op Lëtzebuerg

Interpol hat während 30 Deeg eng Operatioun lafe fir illegalen Offalltransporter op d’Schléch ze kommen? Huet Lëtzebuerg bei dëser Operatioun matgemaach? Wéi vill illegal Transporter goufen opgedeckt? Wou sollt den Offall zu Lëtzebuerg higefouert ginn? Den DP-Deputéierten Eugène Berger huet beim zoustännege Minister nogefrot.

Parlamentarische Fragen Nachhaltigkeit, Natur- und Umweltschutz Gusty Graas

Blo-Algen och am Stau ?

Dës Woch gouf e Schwammverbuet fir d’Musel ausgesprach well sech op ville Plaze Blo-Algen ausgebreet hunn! Wéi ass d’Qualitéit vum Waasser am Stau momentan? Riskéieren sech do och dëst Joer erëm Blo-Algen ze bilden? Däerf een nach Fësch aus der Musel iessen? Dës an anere Froen huet den Deputéierte Gusty Graas un déi zoustänneg Ministere gestallt.

Parlamentarische Fragen Mobilität und Verkehr Nachhaltigkeit, Natur- und Umweltschutz Gusty Graas

Manner Wëldaccidenter duerch Liichtbarrièren laanscht d'Stroossen?

Wëldaccidenter sinn eng Gefor fir Mënsch an Déier. Zu Lëtzebuerg goufen virun Joren sougenannt Liichtbarrièren getest, déi d'Wëld sollen virum Autosverkéier warnen. Den DP Deputéierten Gusty Graas freet no, wat d'Konklusioune vun där Etüd sinn an ob de Minister gewëllt ass dës Liichtbarrièren laanscht Landstroossen z'installéieren.

Parlamentarische Fragen Nachhaltigkeit, Natur- und Umweltschutz Gusty Graas

Sensibiliséierungskompagne «Petits déchets - grande pollution»

Zënter kuerzem leeft d'Sensibiliséierungskompagne « Petits déchets - grande pollution », daat fir d'Leit drop opmierksam ze maachen, dass se hieren Dreck net an d'Natur geheien sollen. Den DP-Deputéierten Gusty Graas freet bei den zoustännegen Minister en no, wéivill "avertissements taxés" an deenen lëschten Joeren fir dëst sougenennten "Littering" ausgestallt goufen, an wéi d'Bridagen vun der Douane hei agebonnen ginn.