Sie sind hier

Parlamentarische Fragen Gesundheit und Pflege Edy Mertens Alexander Krieps Gusty Graas

Ginn et Enkpäss bei der Zouliwwerung vu Medikamenter?

D'DP-Deputéiert Gusty Graas, Alexander Krieps an Edy Mertens ass zu Ouere komm, datt et zu Enkpäss bei der Zouliwwerung vu Medikamenter géing kommen. Esou hätten d'Apdikten zum Beispill Problemer fir un verschidde Medikamenter fir Kriibspatienten ze kommen. An hirer Fro un d'Gesondheetsministesch froen d'Deputéiert no wat et domadder op sech huet. 

Parlamentarische Fragen Klimaschutz und Energie Mobilität und Verkehr Gusty Graas

Muss déi nei CFL-Multimodal-Plattform esou hell beliicht ginn?

Den DP-Deputéierte Gusty Graas ass net begeeschtert iwwert d’Beliichtung vum Cargo-Hub um Terrain vun de Gemenge Beetebuerg an Diddeleng.

An enger parlamentarescher Fro schreift de Schäffe vu Beetebuerg esouguer vun engem „éclairage visible depuis des kilomètres et dont la densité et intensité lumineuse semblent excessives“. De Süd-Deputéierte freet d’Ëmweltministesch dofir ë.a., ob sech bei der Beliichtung un d’Norme gehale gëtt, ob esou eng Beliichtung wéinst der Sécherheet néideg wier oder ob et sech hei em Liichtverschmotzung handele géing.

Schliisslech wëll de Gusty Graas nach wëssen, ob d’Ministesch wëlles huet an dësem Fall bei de Responsabele vum Terminal z’intervenéieren.

Parlamentarische Fragen Gesundheit und Pflege Edy Mertens Alexander Krieps Gusty Graas

En zweete PET-Scan fir Lëtzebuerg wier néideg!

E PET-Scan („Positron Emission Tomography“) ass e Scanner, deen haaptsächlech gebraucht gëtt fir Metastasen ze detektéieren. Zu Lëtzebuerg gëtt et een esou en Apparat.

D’DP-Deputéiert Gusty Graas, Alexander Krieps an Edy Mertens ënnersträichen an enger parlamentarescher Fro un de Gesondheetsministère an un de Ministère vun der Sécurité Sociale, datt ëmmer méi Leit musse fir esou medezinesch Examen an d’Ausland goen.

Dofir froen d’Deputéiert elo, ob et net opportun wier, fir en zweete PET-Scan hei am Land unzeschafen. Dat wier net vu Muttwëll, well d’Populatioun zu Lëtzebuerg ëmmer méi alt gëtt an doduercher och Kriibskrankheeten zouhuelen, wat al nees dozou féiert, datt esou Examen ëmmer méi dacks néideg sinn.

Mat engem zweete PET-Scan kéint een och laang Waardezäiten aus de Féiss goen, wéi se den Ament bei den IRM-Exame bestinn.

Parlamentarische Fragen Justiz und Sicherheit Gusty Graas Alexander Krieps

Zeienopruff : firwat dee laangen Delai?

Reegelméisseg liest een an der Presse, datt no engem Onéierleche gesicht gëtt, dee Sue mat enger geklauter Kreditkaart opgehuewen huet. Déi Zeienopriff ginn awer oft eréischt Méint no de Faiten an de Medie publizéiert. D'DP-Deputéiert Gusty Graas an Alexander Krieps froen aus deem Grond beim zoustännege Minister no, firwat d'Zeienopruff eréischt sou spéit verëffentlecht ginn a wéi vill Verbriechen duerch esou Zeienopriff nach opgedeckt ginn.

 

Parlamentarische Fragen Klimaschutz und Energie Gusty Graas

Waasserstoff fir Stroum ze gewannen?

Waasserstoff ass eng Méiglechkeet, fir Stroum ze gewannen.

Parlamentarische Fragen Mobilität und Verkehr Gusty Graas

Wat fir Critère muss ee respektéiere fir dierfen eng Protestaktioun z'organiséieren?

Dëse Sonndes hunn Aktiviste vu Greenpeace bei enger Aktioun am Rond-Point Raemerich fir e gréissere Verkéierschaos gesuergt. Den DP-Deputéierte Gusty Graas wollt an deem Kontext vum zoustännege Minister wëssen ob hien hinne d’Erlabnis ginn hat a wat fir Critère een iwwerhaapt muss erfëllen fir dierfe esou Aktiounen ze starten.

Parlamentarische Fragen Bildung Gesellschaft Gusty Graas

"Demasculinatioun" vun der franséischer Grammatik?

Eng ganz Rei vu Franséischprofesseren a Frankräich hunn sech entscheet, déi grammatikalesch Reegel "le masculin l'emporte sur le féminin" net méi unzewenden. Fir si gëllt d'Gläichberechtegung tëscht Fra a Mann och an der Grammatik an benotzen dofir den sougenannten "accord de proximité". Den DP-Deputéierte Gusty Graas freet an deem Kontext ënnert anerem beim Educatiounsminister no, wat seng Positioun zu där "Demasculinatioun" vun der franséischer Grammaire ass an ob et am Fall vum Uwende vun där inklusiver Grammaire net zu Konfusioune komme kéint.

Parlamentarische Fragen Gemeinden Verfassung, Institutionen und Demokratie Gusty Graas

Onkloerheet bei Lëschtestëmme fir onkomplett Kandidatelëschten?

Verschidde Wieler waren sech net sécher wei si hir iwwreg Stëmme verdeele kënnen, wann si de Rondel iwwert enger net kompletter Lëscht geschwäerzt hunn. Den Deputéierte Gusty Graas huet beim Inneminister nogefrot ob et net ubruecht wier d'Wahlgesetz oder d'Instruktioune fir d'Wieler ze präziséieren.

Parlamentarische Fragen Gesundheit und Pflege Edy Mertens Alexander Krieps Gusty Graas

Nei Formel vu Levothyrox : och problematesch Fäll zu Lëtzebuerg?

Levothyrox ass ee wichtegt Medikament wat vu Patiente mat enger Schilddrüsenennerfunktioun geholl gëtt. Nodeems d'Formel geännert ginn ass, goufen et a Frankräich extrem vill Fäll, an deene schlëmm Niewewierkungen opgetaucht sinn, déi souguer am schlëmmste Fall, déidlech waren. D'DP Deputéiert Gusty Graas, Edy Mertens an Alexander Krieps froen dofir beim zoustännege Minister no, op dat Medikament mat der neier Formel och zu Lëtzebuerg verkaaft gëtt, an op et och schon problematesch Fäll gi sinn.

Parlamentarische Fragen Gesundheit und Pflege Edy Mertens Alexander Krieps Gusty Graas

Hunn al Konzessioune vun Apdikte misse verlängert ginn?

Den DP Deputéierten Edy Mertens, Alexander Krieps a Gusty Graas ass zu Ouere komm, datt al Konzessioune vun Apdikten hunn misse verlängert ginn. Si froen dofir no, ob dat un der schwéierfälleger Prozedur kéint léie fir Apdikten z'iwwerhuelen a wéi een dat kéint an Zukunft besser reegelen.

Parlamentarische Fragen Gesellschaft Gesundheit und Pflege Gusty Graas

Ginn d'Fäll vu Riedelen och zu Lëtzebuerg an d'Luucht?

Scho laang net méi goufen et sou vill Fäll vu Riedelen an Europa. A verschiddene Länner sinn esouguer Kanner dorunner gestuerwen. Wéi gesäit mat den Infektiounen zu Lëtzebuerg aus ? Den DP-Deputéierte Gusty Graas huet bei der Gesondheetsministesch nogefrot.

Parlamentarische Fragen Nachhaltigkeit, Natur- und Umweltschutz Gusty Graas

Blo-Algen och am Stau ?

Dës Woch gouf e Schwammverbuet fir d’Musel ausgesprach well sech op ville Plaze Blo-Algen ausgebreet hunn! Wéi ass d’Qualitéit vum Waasser am Stau momentan? Riskéieren sech do och dëst Joer erëm Blo-Algen ze bilden? Däerf een nach Fësch aus der Musel iessen? Dës an anere Froen huet den Deputéierte Gusty Graas un déi zoustänneg Ministere gestallt.

Parlamentarische Fragen Gesellschaft Gesundheit und Pflege Edy Mertens Alexander Krieps Gusty Graas

Beleidegungen a Gewalt an de Spideeler

Beleidegungen a Gewalt géigeniwwer Fleegepersonal an Doktere ginn am Ausland ëmmer méi zu eng traureger Realitéit. Och zu Lëtzebuerg héiert een, datt esou Aggressiounen zouhuelen. D'DP Deputéiert Edy Mertens, Alexander Krieps a Gusty Graas froen dofir no, wéi genau d'Situatioun zu Lëtzebuerg ausgesäit, ob et eng Ulaafstell gëtt fir dem Personal ze hëllefen dat Erliefte besser ze veraarbechten, a wat ugeduecht ass fir déi souwisou schonn usprochsvoll Aarbecht duerch esou Virfäll nach méi schwiereg ze maachen.

Parlamentarische Fragen Mobilität und Verkehr André Bauler Gusty Graas

Eng speziell Markéierung a Lénkskéiere fir d'Motosfuerer ?

An Éisträich ginn am Moment speziell Markéierungen a Lénkskéiere getest, dat fir dass d'Motosfuerer an der Mëtt vun hirer Säit fueren amplaz vill méi no un der Mëttellinn. Well heimatter d'Zuel u Motorradsaccidenter däitlech zeréck gaangen ass, froen d'DP-Deputéierten André Bauler a Gusty Graas beim Transportminister no, ob een dës Markéierungen net och hei am Land aféiere kéint.

Parlamentarische Fragen Mobilität und Verkehr Nachhaltigkeit, Natur- und Umweltschutz Gusty Graas

Manner Wëldaccidenter duerch Liichtbarrièren laanscht d'Stroossen?

Wëldaccidenter sinn eng Gefor fir Mënsch an Déier. Zu Lëtzebuerg goufen virun Joren sougenannt Liichtbarrièren getest, déi d'Wëld sollen virum Autosverkéier warnen. Den DP Deputéierten Gusty Graas freet no, wat d'Konklusioune vun där Etüd sinn an ob de Minister gewëllt ass dës Liichtbarrièren laanscht Landstroossen z'installéieren.