Sie sind hier

Parlamentarische Fragen Gesundheit und Pflege Edy Mertens Alexander Krieps Gusty Graas

Ginn et Enkpäss bei der Zouliwwerung vu Medikamenter?

D'DP-Deputéiert Gusty Graas, Alexander Krieps an Edy Mertens ass zu Ouere komm, datt et zu Enkpäss bei der Zouliwwerung vu Medikamenter géing kommen. Esou hätten d'Apdikten zum Beispill Problemer fir un verschidde Medikamenter fir Kriibspatienten ze kommen. An hirer Fro un d'Gesondheetsministesch froen d'Deputéiert no wat et domadder op sech huet. 

Parlamentarische Fragen Gesundheit und Pflege Edy Mertens Alexander Krieps Gusty Graas

En zweete PET-Scan fir Lëtzebuerg wier néideg!

E PET-Scan („Positron Emission Tomography“) ass e Scanner, deen haaptsächlech gebraucht gëtt fir Metastasen ze detektéieren. Zu Lëtzebuerg gëtt et een esou en Apparat.

D’DP-Deputéiert Gusty Graas, Alexander Krieps an Edy Mertens ënnersträichen an enger parlamentarescher Fro un de Gesondheetsministère an un de Ministère vun der Sécurité Sociale, datt ëmmer méi Leit musse fir esou medezinesch Examen an d’Ausland goen.

Dofir froen d’Deputéiert elo, ob et net opportun wier, fir en zweete PET-Scan hei am Land unzeschafen. Dat wier net vu Muttwëll, well d’Populatioun zu Lëtzebuerg ëmmer méi alt gëtt an doduercher och Kriibskrankheeten zouhuelen, wat al nees dozou féiert, datt esou Examen ëmmer méi dacks néideg sinn.

Mat engem zweete PET-Scan kéint een och laang Waardezäiten aus de Féiss goen, wéi se den Ament bei den IRM-Exame bestinn.

Parlamentarische Fragen Gesundheit und Pflege Edy Mertens Alexander Krieps Gusty Graas

Nei Formel vu Levothyrox : och problematesch Fäll zu Lëtzebuerg?

Levothyrox ass ee wichtegt Medikament wat vu Patiente mat enger Schilddrüsenennerfunktioun geholl gëtt. Nodeems d'Formel geännert ginn ass, goufen et a Frankräich extrem vill Fäll, an deene schlëmm Niewewierkungen opgetaucht sinn, déi souguer am schlëmmste Fall, déidlech waren. D'DP Deputéiert Gusty Graas, Edy Mertens an Alexander Krieps froen dofir beim zoustännege Minister no, op dat Medikament mat der neier Formel och zu Lëtzebuerg verkaaft gëtt, an op et och schon problematesch Fäll gi sinn.

Parlamentarische Fragen Gesundheit und Pflege Edy Mertens Alexander Krieps Gusty Graas

Hunn al Konzessioune vun Apdikte misse verlängert ginn?

Den DP Deputéierten Edy Mertens, Alexander Krieps a Gusty Graas ass zu Ouere komm, datt al Konzessioune vun Apdikten hunn misse verlängert ginn. Si froen dofir no, ob dat un der schwéierfälleger Prozedur kéint léie fir Apdikten z'iwwerhuelen a wéi een dat kéint an Zukunft besser reegelen.

Parlamentarische Fragen Gesellschaft Gesundheit und Pflege Edy Mertens Alexander Krieps Gusty Graas

Beleidegungen a Gewalt an de Spideeler

Beleidegungen a Gewalt géigeniwwer Fleegepersonal an Doktere ginn am Ausland ëmmer méi zu eng traureger Realitéit. Och zu Lëtzebuerg héiert een, datt esou Aggressiounen zouhuelen. D'DP Deputéiert Edy Mertens, Alexander Krieps a Gusty Graas froen dofir no, wéi genau d'Situatioun zu Lëtzebuerg ausgesäit, ob et eng Ulaafstell gëtt fir dem Personal ze hëllefen dat Erliefte besser ze veraarbechten, a wat ugeduecht ass fir déi souwisou schonn usprochsvoll Aarbecht duerch esou Virfäll nach méi schwiereg ze maachen.

Parlamentarische Fragen Gesundheit und Pflege Edy Mertens Alexander Krieps

Sinn d'Infrastrukturen prett fir déi nei IRM z'installéieren?

Den DP Deputéierten Alexander Krieps an Edy Mertens ass zu Ouere komm, datt déi 4 nei versprachen IRM nach net kéinten installéiert ginn, well d'Infrastrukturen an de Spideeler nach net prett wieren. D'Aarbechte wiere méi komplizéiert an och méi deier ewéi ugangs geduecht. An hirer parlamentarescher Ufro ginn si der Saach op de Fong.

Parlamentarische Fragen Gesundheit und Pflege Medien und ICT Edy Mertens Alexander Krieps Gusty Graas

Wéini kënnt eng informatiséiert Carte sanitaire?

An Däitschland subventionnéiert d'Gesondheetskees Dokteren beim Prozess fir eng digitaal Carte sanitaire op d'Been ze stellen. DP-Deputéiert Alexander Krieps, Edy Mertens a Gusty Graas froen no, ob dat och zu Lëtzebuerg méiglech ass.

Parlamentarische Fragen Gesellschaft Justiz und Sicherheit Edy Mertens Alexander Krieps Gusty Graas

Wat maachen géint d'Hausse vun de Vergewaltegungen?

D'Police Grand-Ducale huet déi néi Kriminalitéitszuele presentéiert. Hei geet ervir dass d'Zuel vun de gemellte Vergewaltegungen zu Lëtzebuerg em 56% an d'Luucht gaangen ass. D'DP Deputéiert Alexander Krieps, Gusty Graas an Edy Mertens froe bei den zoustännege Ministeren no, ob et sënnvoll wier d'Verjärungsfrist bei Vergewaltegungen op 30 Joer eropzehiewen a wéi et mat de Léit ass déi wéinst Vergewaltegungen ënnert enger traumatescher Amnesie leiden.

 

 

Parlamentarische Fragen Gesundheit und Pflege Edy Mertens

Gëtt op fräischaffend Dokteren zréckgegraff wann de Samu besat ass?

Am Norden vum Land kann et mol méi laang dauere bis de Samu op der Plaz ass. An deem Kontext freet den DP-Nord Deputéierten Edy Mertens bei den zoustännege Ministeren no, ob den 112 net kéint op déi fräischaffend Dokteren aus der Regioun zréckgräifen am Fall wou de Samu besat wier.

Parlamentarische Fragen Gesundheit und Pflege Edy Mertens Alexander Krieps Gusty Graas

Kann de Minister sech eng App vun der CNS virstellen?

A verschiddene Länner gëtt vun der Krankekeess eng App ugebueden, mat där d'Assuréen Zougrëff op hire perséinlech Konto kréien. Esou kënne si zum Beispill de Suivi vun hire Remboursementer oder verschidden Attester op hirem Telefon oder Tablette ofruffen. D'DP Deputéiert Edy Mertens, Gusty Graas an Alexander Krieps froe bei dem Minister no, ob dat och zu Lëtzebuerg méiglech wier.

Parlamentarische Fragen Gesundheit und Pflege Edy Mertens Alexander Krieps Gusty Graas

Nei Nomenclature bei den Infirmiers libéraux

D'DP-Vertrieder aus der Gesondheetskommissioun, Edy Mertens, Alexander Krieps a Gusty Graas, froe beim zoustännege Minister no, wat et mat der neier Nomenclature fir déi fräischaffend Infirmieren op sech huet.

Parlamentarische Fragen Gesundheit und Pflege Edy Mertens Alexander Krieps Gusty Graas

AIDS-Tester vun der Krankekeess iwwerholl?

Am Moment ginn et AIDS-Tester déi ee selwer uwende kann. Esou ka jidderee schnell erausfannen op hien infektéiert ass oder net, ouni bei en Dokter goen ze mussen. Dës Tester ginn am Moment awer net vun der Krankekeess iwwerholl. D'DP-Deputéiert Alexander Krieps, Edy Mertens a Gusty Graas froen dofir bei de responsabele Ministere no, ob dëst keng efficace Piste am Kampf géingt AIDS wier.

 

Parlamentarische Fragen Wirtschaft Edy Mertens André Bauler

Gëtt d’Post vun Ëlwen zougemat?

A wéi steet et mat der Post vu Clierf? Dëst froen d’Nord-Deputéiert Edy Mertens an André Bauler den zoustännege Minister! Am Abrëll hat de Minsiter dem Edy Mertens op eng parlamentaresch Fro geäntwert et wier net geplangt dës Postbureauen zouzemaachen. Haut stong an der Zeitung se géifen awer elo zougemat ginn. D’DP-Politiker hoffen datt dës Bureauen opbleiwen an datt et sech bei deem Artikel ëm eng Feelinformatioun handelt! 

Parlamentarische Fragen Kultur Edy Mertens André Bauler

Griewerfelder bei Housen entdeckt?

Den André Bauler ass gewuer ginn, datt am Moment de Service archéologique du Musée national d’Histoire et d’Arts Ausgruewungen um Terrain vun der Gemeng Housen duerchféiert. Wéi et ausgesäit goufen hei Griewerfelder aus réimescher Zäit fonnt. D’DP-Deputéiert André Bauler an Edy Mertens froen dofir beim Kulturminister Xavier Bettel no ëm wat fir Objeten et sech hei méi genau handelt an aus wat fir engem Joerhonnert dës Griewerfelder stamen

Parlamentarische Fragen Gesundheit und Pflege Edy Mertens Alexander Krieps

Homeopathie an Co

D'DP-Deputéiert Alexander Krieps an Edy Mertens hunn bei den zoustännege Ministeren nogefrot wéi et mat der sougenannter "Alternativ Medezin" zu Lëtzebuerg ausgesäit. Mëttlerweil ginn nämlech, nieft der Homeopathie, och aner alternativ Therapien ugebueden. Si froen och no, ob dës Therapien an Zukunft vun der CNS iwwerholl kenne ginn.