Sie sind hier

Parlamentarische Fragen Nachhaltigkeit, Natur- und Umweltschutz Lex Delles Gusty Graas

Sinn déi wëll Villercher zu Lëtzebuerg a Gefor?

D’Zuel vu Vigel an Europa hëlt dramatesch of. Dat gëllt besonnesch fir d’Vullen, déi um oppene Feld respektiv am ländleche Raum liewen. De Réckgang do ass net nëmme kritesch fir d’Déiere selwer, ma och fir déi ganz Biodiversitéit.

D’DP-Deputéiert Lex Delles a Gusty Graas froen d’Ëmweltministesch dofir, wéi eng Resultater fir Lëtzebuerg existéieren, a wa jo, wéi eng Conclusiounen aus deene Chiffere gezu gi sinn. Déi zwee Parlamentarier wëllen och wëssen, ob national Etüden iwwer d’Populatioun vun de Vulle geplangt sinn. An och wéi sech d’Situatioun an de leschten 10 Joer entwéckelt huet.

Parlamentarische Fragen Gesellschaft Mobilität und Verkehr Lex Delles Gusty Graas

D’Deputéiert Lex Delles a Gusty Graas iwwer falsch parken op Behënnerteplazen.

An de leschte Joren huet sech d’Situatioun vu Leit mat enger reduzéierter Mobilitéit zu Lëtzebuerg däitlech verbessert. Ë.a. well den Accès vun ëffentleche Plaze besser amenagéiert ginn ass.

D’DP-Deputéiert Lex Delles a Gusty Graas wëllen dofir vum Nohaltegkeetsministère a vum zoustännege Ministère vun der Police wëssen, wéi vill Parkplazen hei am Land iwwerhaapt fir Leit mat enger Behënnerung reservéiert sinn.

Parlamentarische Fragen Gesellschaft Lex Delles

De Lex Delles zu Äscheverstreeungen an der Musel an iwwer Urnen doheem

Am Artikel 3 vum entspriechende Gesetz iwwer d’Anäscherung steet, datt de Buergermeeschter kann eng Autorisatioun ginn, fir Äschen op engem Privatterrain oder à tout autre endroit ze verstreeën.

Den DP-Deputéierte Lex Delles wëll dofir vum Gesondheets- a vum Inneministère wëssen, firwat d’Leit net kënnen eng Urn bei sech doheem versuergen.

Doriwwer eraus freet de Munnerefer Député-maire, ob de Buergermeeschter dierf d’Verstreeën an enger Baach oder an engem Floss (z.B. an der Musel) erlaben an ob dat Gewässer dofir muss duerch déi concernéiert Gemeng lafen?

Konsequenterweis freet de Lex Delles dann, ob den Ausdrock à tout autre endroit net misst am Artikel 3 vum Gesetz präziséiert ginn.

Parlamentarische Fragen Nachhaltigkeit, Natur- und Umweltschutz Tourismus Lex Delles

Wéi geet et viru mat zwee eidele Gebaier am Park zu Munneref ?

Am Januar haten de Wirtschafts- an den Nohaltegkeetsministère dem Munnerefer Député-maire Lex Delles gesot, datt d’“Villa Guersing“ an de Restaurant „La Roseraie“ géingen ëmgebaut ginn, an och datt e gréisseren Ausbau virgesi wier. Zwee Gebaier, déi an engem delabréierten Zoustand sinn an eng Gefor duerstellen. Elo freet den DP-Deputéierten nach eemol no, wéi et da mat deenen Aarbechte géing ausgesinn.

Parlamentarische Fragen Bildung Medien und ICT Lex Delles Eugène Berger

GraphoLearn: eng App fir spilleresch Sproochen ze leieren

A Frankräich gëtt de Moment eng Applikatioun fir Tablets getest mat där jonk Schüler op eng spilleresch Aart a Weis franséisch liesen a schreiwe léieren. D'Deputéierten Eugène Berger a Lex Delles hu beim Educatiounsminister nogefrot, op GraphoLearn och a Lëtzebuerger Schoule kéint zum Asaz kommen a wat fir eng aner informatesch Léierhëllefen de Lëtzebuerger Schüler de Moment zur Verfügung stinn.

Parlamentarische Fragen Justiz und Sicherheit Landwirtschaft und Weinbau Lex Delles

Regional Produkter am Prisong?

Den Deputéierte Lex Delles huet an enger parlamentarescher Fro un de Justizminister nogehaakt, op déi ëffentlech Liewensmëttelausschreiwunge vum Prisong am Beräich vun der Mëllech esou restriktiv sinn, datt verschidde lokal a regional Fournisseuren net kënnen un dësen deelhuelen.

Parlamentarische Fragen Bildung Claude Lamberty Lex Delles

Zielt d'Gratuitéit och fir déi digital Versioune vun de Schoulbicher?

Ab der nächster Rentrée un, wäerte d'Schoulbicher fir den Fondamental an fir den Secondaire gratis sinn. Zudeem gesäit de Budget 2018 och de Kaf vun weideren Tablette vir.  D'Familljen ginn also weider finanziell entlaascht. D'DP Deputéiert Lex Delles an Claude Lamberty froen an dem Kontext ënner anerem no, ob d'Applikatiounen an d'Online-Versioune vun de Bicher och rembourséiert ginn.

Parlamentarische Fragen Gemeinden Lex Delles

Negativzënsen op Post-Konte vun de Gemengen ?

Dëser Deeg goufe Gemengen informéiert, dass ab dem 1. Juli negativ Zënsen op hirem Compte Courant applizéiert géife wann de Montant iwwert enger Millioun läit. D'Gemenge missten also dropbezuele fir Suen um Kont stoen ze hunn. Den DP-Deputéierte Lex Delles freet dofir bei den zoustännege Ministeren no, op d'Gemenge weiderhin e Post-Kont ugi musse fir d'Dotatioun vum Staat ze kréien.

Parlamentarische Fragen Bildung Sport und Freizeit Claude Lamberty Lex Delles

Däerfen d'Maisons relais de Kanner verbidden un de Sportsaktivitéite vun der LASEP deelzehuelen?

D'LASEP organiséiert reegelméisseg Aktivitéiten fir de Sport an d'Beweegung vun de Kanner ze fërderen. D'DP Deputéiert Lex Delles a Claude Lamberty hunn allerdéngs héieren, datt Kanner aus verschiddenen Maisons relais net kéinten un deenen Aktivitéiten deelhuelen. An hirer parlamentarescher Ufro ginn si der Saach op de Fong.

Parlamentarische Fragen Mobilität und Verkehr Lex Delles

Eng nei Buslinn vu Munneref op de Kierchbierg?

Ab dem 1. Juni 2017 wäert déi aktuell franséisch Buslinn aus der Grenzregioun iwwert Munneref op der Kierchbierg net méi fueren. Dofir freet den DP-Deputéierte Lex Delles beim Transportminister no, ob hei eng nei direkt Buslinn agesat kéint ginn.

Parlamentarische Fragen Tiere Lex Delles Gusty Graas

Krank Béischten am Schluechthaus?

Wéi vill Béischten aus Fräilandhaltung si krank wann se am Schluechthaus ukommen? Sinn dës Déieren, déi d’ganz Joer zu Lëtzebuerg dobausse gehale ginn gesond genuch fir an d’Fleeschproduktioun? Dës Froe stellen d’DP-Deputéiert Lex Delles a Gusty Graas dem Landwirtschaftsminister Fernand Etgen.

Parlamentarische Fragen Mobilität und Verkehr Lex Delles

Verspéidungen op der Zuchlinn 10 fir op Miersch?

An der lescht ass et dacks virkomm, dass den Zuch vun der Staat op Miersch esou vill Verspéidung hat, dass d'Schüler ze spéit an d'Schoul komm sinn. Den DP-Deputéierte Lex Delles freet dofir beim Infrastrukturminister no wéi dës Situatioun geléist ka ginn.

Parlamentarische Fragen Bildung Claude Lamberty Lex Delles

Schoulesch Infrastrukturen um Geesseknäppchen

Wat geschitt mam provisoresche Gebai um Geesseknäppchen?
Nodeems d'Schüler aus dem Kolléisch erëm an hiert renovéiert Gebai zréck geplënnert sinn, steet dat provisorescht Gebai den Ament eidel. Déi zwee DP-Deputéiert Claude Lamberty a Lex Delles froe dofir bei den zoustännege Ministeren no, wat mat deem Gebai elo geplangt ass an ob och schonn aner Aarbechten um Geesseknäppche geplangt sinn.

Parlamentarische Fragen Tourismus Lex Delles

E Restaurant an der Roseraie zu Munneref?

An der neier Roseraie am Munnerefer Park steet elo schonn zënter enger gudder Zäit de Restaurant eidel. Den DP-Deputéierte Lex Delles freet no, wat mat dësem Gebai gemaach gëtt an op een dëst net fir den Tourismus an der Regioun notze kéint.

Parlamentarische Fragen Bildung Lex Delles

Wéi gesäit et mam zukünftege Lycée zu Munneref aus?

Scho méi laang ass gewosst, datt een neie Lycée am Oste vum Land gebraucht gëtt. Zënterhier huet sech d’Iddi vun engem neie Lycée zu Munneref weider konkretiséiert. An dem Kontext freet den DP Ost-Deputéierte Lex Delles no, wou genau de Projet drun ass an ob schonn ee schoulescht Konzept fir de Lycée virgesi wier.