Sie sind hier

Parlamentarische Fragen Klimaschutz und Energie Nachhaltigkeit, Natur- und Umweltschutz Claude Lamberty Max Hahn

De Bësch als méiglech Plaz fir Wandmille?

Et ass schwiereg gëeegent Plazen ze fanne fir Wandmillen opzestellen, wou ee genuch Wand huet an awer och déi néideg Distanz zu Wunngebidder respektéiert. An Däitschland hunn dofir véier Bundeslänner ugefaangen, Wandrieder an de Bësch ze setzen. D'DP-Deputéiert Max Hahn a Claude Lamberty froen an deem Kontext bei der zoustänneger Ministesch ënnert anerem no, wat si vu Wandmillen am Bësch hält an ob dat och e Modell fir Lëtzebuerg kéint sinn? 

Parlamentarische Fragen Mobilität und Verkehr Max Hahn

Eng Covoiturage-App vum Ministère?

De Minister fir nohalteg Entwécklung hat am Kader vun enger Froestonn d'lescht Joer ugekënnegt, eng App wëllen z'entwéckele fir de Covoiturage ze fërderen. Eng éischt Testphase war fir de Juli dëst Joer ugekënnegt ginn. Aus deem Grond huet de liberalen Deputéierte Max Hahn vum zoustännege Minister wollte wëssen, wéi wäit de Ministère mat den Aarbechte fir dës App well ass.

Parlamentarische Fragen Justiz und Sicherheit Claude Lamberty Max Hahn

Kameraen fir d'Police- a Rettungshënn?

Am Kader vun der Ausstellung "Milipol" dësen November ass e Casque mat integréierter Kamera fir Policehënn virgestallt ginn. Op déi Aart a Weis gesäit de Polizist live dat, wat den Hond gesäit a kann him iwwert Funk och direkt Instruktioune matdeelen. Vu dass eng ähnlech Technologie schonn an anere Länner vun der Police a Rettungsdéngschter agesat gëtt, fir notamment Mënscheliewen a geféierleche Situatiounen ze schounen, hunn de Max Hahn an de Claude Lamberty de Minister Dan Kersch gefrot, ob sou ee Casque net och vun Interêt fir déi Déngschter zu Lëtzebuerg wier.

Parlamentarische Fragen Justiz und Sicherheit Claude Lamberty Max Hahn

Aggressioune géint Polizisten : Taseren oder Bodycams fir méi Sécherheet ?

Bei eisen däitschen Noperen ass d’Police am Gaangen den Asaz vun Taseren a vu Bodycams ze testen. En Tëschebericht hält fest, datt hiren Asaz oft deseskaléierent wierkt. Bei den Taseren huet sech erausgestallt, datt d’Gewaltbereetschaft schonn eleng bei der Ukënnegung vum Asaz vum Elektroschocker erofgaangen ass. D’DP-Deputéiert Claude Lamberty a Max Hahn hunn dowéinst den zoustännege Minister gefrot, ob hie sech no dësen neien Erkenntnisser den Asaz vun esou Alternativen och zu Lëtzebuerg kéint virstellen.

Parlamentarische Fragen Mobilität und Verkehr Claude Lamberty Max Hahn

Wou stinn d'Aarbechte vun der geplangten Eisebunnsënnerféierung zu Zéisseng?

Am Kader vun der Moderniséierung vun der Zuchlinn Stad-Péiteng sollte verschidde Gleisiwwergäng duerch Ënnerféierungen ersat ginn, sou och zu Zéisseng an der rue des Celtes. Deen Iwwergang ass och 2012 zougemaach ginn, d'Ënnerféierung ass awer nach ëmmer net gebaut. D'Deputéiert Max Hahn a Claude Lamberty hunn dowéinst beim zoustännege Minister nogefrot, wou d'Aarbechte vun deem Projet stinn a firwat et do sou eng Verspéidung gëtt.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Alternativen zum Plastik?

Mir verbrauchen ëmmer nach ze vill Plastik, deen net recycléiert gëtt an oft an der Natur lant. Frankräich wäert Besteck aus Plastik ab 2020 verbidden. Wat sinn d’Projete vu Lëtzebuerg fir manner Plastik ze benotzen an op wat fir Alternative kéint een zréckgräifen. D’DP-Deputéierte Claude Lamberty a Max Hahn stellen dës Froen der zoustänneger Ëmweltministesch.

Parlamentarische Fragen Mobilität und Verkehr Claude Lamberty Max Hahn

Wéi steet et ëm d'Verkéierssécherheet vun de Foussgänger?

Nodeems an der Lescht ëmmer rem Foussgänger an zum Deel schro Accidenter verwéckelt waren an den däitschen Ausseministère dowéinst souguer zäitweileg eng Reeswarnung fir Lëtzebuerg erausginn hat, froen d'Deputéiert Max Hahn a Claude Lamberty den zoustännege Minister François Bausch wat d'Grënn fir des Entwécklung sinn a wat hie wëlles huet dogéint ze ënnerhuelen.

Parlamentarische Fragen Gesellschaft Gesundheit und Pflege Claude Lamberty Max Hahn

Wat sprécht fir eng Legaliséierung vum medezinesche Cannabis?

An ëmmer méi Länner gëtt de Gebrauch vu medezineschem Cannabis legaliséiert. D'Deputéierte Max Hahn a Claude Lamberty froe Gesondheetsministesch an enger parlamentarescher Fro wat fir a géint eng Legaliséierung zu Lëtzebuerg schwätzt.

Parlamentarische Fragen Gemeinden Gesundheit und Pflege Claude Lamberty Max Hahn

Réckgang vun den Éischt-Hëllef-Coursen?

Den Deputéierte Max Hahn an Claude Lamberty ass zu Ouere komm, dass plazeweis am Land d'Unzuel vun den Éischt-Hëllef-Coursë réckleefeg wieren, trotz héijen Aschreiwungszuelen d'Joer virdrun. Donieft géifen och net méi all d'Stéit via Toute-Boîte iwwert déi Coursen informéiert ginn. An hirer Question Parlementaire froen déi zwee Deputéiert beim zoustännege Minister no, ob dat sou ass an ob et do vläicht e Lien gëtt.

Parlamentarische Fragen Arbeit Staat und Öffentlicher Dienst Claude Lamberty Max Hahn

Erhéijung vum Pappecongé och an der Fonction publique?

Nodeems bekannt ginn ass, datt de Pappecongé am Privatsecteur op 10 Deeg erhéicht gëtt froen d'Deputéiert Max Hahn a Claude Lamberty de Minister vun der Fonction publique op och de Pappecongé fir d'Staatsbeamte vun aktuell 4 op 10 Deeg erhéicht gëtt.

Parlamentarische Fragen Sport und Freizeit Claude Lamberty Max Hahn

Iddi vun Olympesche Spiller 2032 am Benelux- Ambitiéis oder utopesch ?

Tokio, Paräis a Los Angeles, esou heeschen déi nächst Statioune vum olympesche Féier. Elo kierzlech huet de President vum belsche Comité olympique allerdéngs ëffentlech d'Fro opgeworf, ob net d'Benelux-Länner kéinten eng Kandidatur fir d'Olympiad 2032 stellen. D'DP-Deputéiert Claude Lamberty a Max Hahn froe beim Sportminister ënner anerem no, ob hien déi Iddi fir besonnesch ambitiéis oder fir utopesch hält.

Parlamentarische Fragen Klimaschutz und Energie Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi ass et mat der Promotioun vum Äerdgas?

Den Diesel - a Bensinsmotor geréit an der läscht ëmmer mei an d´Kritik. Eng mei gesond an ekologesch Alternativ zu de klassesche Verbrennungsmotore si Motoren déi mat Äerdgas lafen. Allerdéngs ass d'Netz vun den Tankstellen, déi Äerdgas ubidde, am Land staark limitéiert. D'DP Deputéiert André Bauler a Max Hahn froen dofir bei den zoustännege Ministeren no, ob d'Regierung wëlles huet eng nei Initiativ ze starten, déi de Gebrauch vum Äerdgas promouvéiert an op weienge Plazen nei Verkaafsstelle kéinte geschaafe ginn.

Parlamentarische Fragen Tiere Claude Lamberty Max Hahn

Mësshandelt Déieren !

Kierzlech gouf et e Fall vu mësshandelten Hënn um Rand vun enger Hondsausstellung. D’Deputéierte Claude Lamberty a Max Hahn froen de Landwirtschaftsminister Fernand Etgen wat hie maache wëll fir datt esou eppes net méi vir kënnt a wat allgemeng géint Déieremësshandlungen hei zu Lëtzebuerg ënnerholl gëtt !

Parlamentarische Fragen Justiz und Sicherheit André Bauler Max Hahn

Reorganisatioun vum Gefaangenentransport?

De Gefaangenentransport gëtt zu Lëtzebuerg vun der Police assuréiert. Well dëst vill Zäit an Usproch hëlt, déi op Käschte vun Asazstonnen um Terrain geet, hunn d'Deputéierten AndréBauler a Max Hahn beim Minister nogefrot, ob et net sënnvoll wier de Gefaangenentransport, ähnlech wéi an Däitschland vu "Justizvollzugsbeamten" organiséieren ze loossen.

Parlamentarische Fragen Klimaschutz und Energie Claude Lamberty Max Hahn

Subventioune bei Photovoltaik-Anlage fir Kooperativen

Zënter Abrëll gi kooperativ Photovoltaik-Anlage méi staark ënnerstëtzt. Dofir froen d'DP-Deputéiert Max Hahn a Claude Lamberty bei den zoustännege Ministeren no, wéi vill Subventiounen ausbezuelt goufen a firwat d'Gemengen net ënnert dëst neit Reglement falen.