Sie sind hier

Parlamentarische Fragen Mobilität und Verkehr André Bauler

En neie Belag fir d'Bréck Patton?

De Belag op der Bréck tëscht Ettelbréck an Ierpeldeng/Sauer ass e bëssi an d'Joren komm. Dofir freet den DP-Deputéierten André Bauler beim Minister no op Ponts et Chaussées net drun denken hei ze intervenéieren.

Parlamentarische Fragen Arbeit André Bauler

Zuele vum „intellektuelle“ Chômage

Den André Bauler huet an enger parlamentarescher Ufro no de geneeën Zuele vum „intellektuelle“ Chômage, dat heescht vu Leit mat héijer Qualifikatioun, gefrot. Ausserdeem wëll hie wëssen, wat fir eng Formatioune besonnesch heivunner betraff sinn.

Parlamentarische Fragen Kultur Edy Mertens André Bauler

Griewerfelder bei Housen entdeckt?

Den André Bauler ass gewuer ginn, datt am Moment de Service archéologique du Musée national d’Histoire et d’Arts Ausgruewungen um Terrain vun der Gemeng Housen duerchféiert. Wéi et ausgesäit goufen hei Griewerfelder aus réimescher Zäit fonnt. D’DP-Deputéiert André Bauler an Edy Mertens froen dofir beim Kulturminister Xavier Bettel no ëm wat fir Objeten et sech hei méi genau handelt an aus wat fir engem Joerhonnert dës Griewerfelder stamen

Parlamentarische Fragen Klimaschutz und Energie André Bauler

Wou kommen nach Wandmillen hin?

Wandmille bidden eng konkret Méiglechkeet manner ofhängeg vum Atomstroum ze ginn, wichteg ass awer och hiren Emplacement. Den DP-Deputéierten André Bauler freet dowéinst bei den zoustännege Ministeren no wéi vill där gigantescher Wandmillen nach am Norde vum Land installéiert gi wäerten an no wéi enge Kritären dës Plaze festgehale gi si respektiv gi wäerten. E freet och d’Ëmweltministesch wéi d’Notioun vun der « Beauté du paysage », déi gesetzlech verankert ass, an dësem Kontext gehandhaabt gëtt.

Parlamentarische Fragen Nachhaltigkeit, Natur- und Umweltschutz André Bauler

Heck zu Angelduerf laanscht Strooss ewechgeholl

Op der Streck tëscht Ettelbréck an Dikrech gouf elo op der Héicht vun Angelduerf eng Heck ewechgeholl, déi virdru Foussgänger a Vëlosfuerer vum Trafic ofgeschiermt huet. Den DP-Deputéierten André Bauler freet beim Infrastrukturminister no de Grënn vun dëser Aktioun, a wëll wësse wéi Foussgänger an Zukunft op dëser Plaz geschützt kënne ginn.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Keng Beschëlderung um Stauséi

Et gëtt jo ofgeroden an de Stauséi schwammen ze goen, an dat schonns zënter dem 31. August. Dës Woch gouf nach eng Kéier op méiglech Geforen higewisen. Eng Beschëlderung fir op dës Situatioun hinzeweise fënnt een awer net, weder op der Plage, nach op der Wiss. Dofir froen DP-Deputéiert André Bauler a Gusty Graas bei der Ëmweltministesch no.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Manner Fësch an der Sauer wéinst der Kayakspiste ?

D'Fëscher zu Dikrech weisen drop hin, dass Enn Juli ganz vill Fësch an der Sauer gestuerwe sinn, dat well wéinst der Kajakspiste manner Waasser duerch de Kanal leeft. Doropshi froen DP-Deputéiert Gusty Graas an André Bauler no Erklärunge bei der Ëmweltministesch.

Parlamentarische Fragen Kultur André Bauler

Nationaalt Monument vum Streik vun 1942 zu Wolz

Den 31. August 1942 koum et zu engem Streik géint d'Anzéihen vu jonke Lëtzebuerger an d'Wehrmacht. Zu Éieren vun de Resistenzler steet zu Wolz e nationaalt Monument, dat awer an d'Joren komm ass. Den DP-Deputéierten André Bauler freet beim Kulturminister Xavier Bettel no, op eng Renovatioun vun dësem Monument Sënn maache géif.

Parlamentarische Fragen Tourismus André Bauler

Tourismus-Assisen?

Den Tourismussecteur zu Lëtzebuerg schaaft Aarbechtsplazen an dréit zu eisem Wuesstem bäi. Mä et ginn awer nach Erausfuerderungen, déi ee mat den Acteure misst ugoen. Am Kader vun Tourismus-Assisë kéint ee mat hinnen no Léisunge sichen. Wat hält den zoustännege Minister dovunner? Dës an aner Froen huet den DP-Deputéierten André Bauler an enger parlamentarescher Fro opgeworf.

Parlamentarische Fragen Landwirtschaft und Weinbau Tourismus André Bauler

Agritourismus zu Lëtzebuerg?

Kann een zu Lëtzebuerg och Vakanz um Bauerenhaff maachen? Wéi vill där Betriber ginn et? Gëtt et e Label fir se ze erkennen? Dës Froe stellt den Nord-Deputéierten André Bauler dem Agrarminister an dem Tourismusminister.

Parlamentarische Fragen Nachhaltigkeit, Natur- und Umweltschutz Tourismus André Bauler

Trëppelweeër net ëmmer a Stand gehalen?

CFL proposéiert jo eng ganz Rei Trëppelweeër uechter ganz Land déi einfach mam Zuch ze erreeche sinn. Am Norde ginn et awer verschidde Weeër déi net gutt ënnerhale sinn. Den DP-Deputéierten André Bauler freet beim zoustännege Minister no.

Parlamentarische Fragen Gesundheit und Pflege Edy Mertens André Bauler

Medezinesch Versuergung a ländleche Regiounen

D'DP-Deputéiert André Bauler an Edy Mertens weisen sech besuergt iwwer d'medezinesch Versuergung vun Noutfallpatienten a ländleche Regioune vum Land, besonnesch nuets wann de SAMU jo bekanntlech net kann op de Rettungshelikopter zréckgräifen. Am Kontext vun der geplangter Reform vun de Rettungsdéngschter, hunn déi zwee Deputéiert eng Réi Froen un déi zoustänneg Ministere gestallt.

Parlamentarische Fragen Justiz und Sicherheit André Bauler Gusty Graas

Emblèmë vum Grand-Duché am neie Logo vun der Police?

Nodeems ugekënnegt gouf, dass d'Police eng nei visuell Identitéit kréie sollt, stellt sech d'Fro op des och erëm wéi bis elo vun den Emblèmë vum Grand-Duché Gebrauch mécht. DP-Deputéiert André Bauler a Gusty Graas froe beim zoustännege Minister no, a weisen drop hin, dass den aktuelle Police-logo net konform zu de sougenannten "Petites Armoiries" ass.

Parlamentarische Fragen Mobilität und Verkehr André Bauler

Wéi geet et weider mam Contournement vun Housen?

Et ass gewosst, dass ganz vill Trafic duerch den Zentrum vun Housen fiert. Den DP-Deputéierten André Bauler wëll dofir vum zoustännege Minister François Bausch wëssen, ob et Analyse ginn, déi festhale wéi héich d’CO2-Emissiounen an d’Entwécklung vu Feinpartikelen zu Housen ass a wou d'Planunge fir de Contournement dru sinn. 

Parlamentarische Fragen Medien und ICT André Bauler

Medielandschaft zu Lëtzebuerg

Wéi steet et mat der Recherche a Saache Medielandschaft zu Lëtzebuerg? Gëtt an deem Beräich gefuerscht? Wier et net opportun eng Ausstellung zu deem Sujet ze organiséieren? Dës Froe stellt den DP-Deputéierten André Bauler dem Medien- a Kommunikatiounsminister Xavier Bettel.