Kënnen Hënn géint de neie Coronavirus agesat ginn?

A verschidde Länner lafen Pilotprojeten mat Hënn, déi dorobber trainéiert goufen, de Sars-CoV-2 bei Leit z'erkennen. D'DP-Deputéiert, Gusty Graas a Claude Lamberty, hu bei den zoustännege Minister nogefrot, ob esou ee Pilotprojet och zu Lëtzebuerg ëmgesat kéint ginn?

Kaméidi duerch ze haart Motorrieder: Wat gëtt dogéint ënnerholl?

Ëmmer nees si Motosfuerer an eise ländleche Géigende mat friséierte Maschinnen an engem Fuerstil ënnerwee, dass een se kilometerwäit héiert. Dëse Kaméidi stellt eng uerg Belaaschtung fir d'Leit, déi an dëse Géigende wunnen an deem de ganzen Dag, besonnesch Weekends, ausgesat sinn, duer. Den DP-Deputéierten André Bauler huet bei de Ministere fir Ëmwelt, Mobilitéit a Police nogefrot, wat d'Regierung gedenkt an dëser Hisiicht z'ënnerhuelen.

Legalitéit vu franséischen a belsche Polisskontrollen?

Eis Deputéiert André Bauler a Gusty Graas hu beim Ausseminister a beim Minister vun der nationaler Sécherheet nogefrot, wat et mat rezente Kontrolle vu belschen a franséische Polizisten zu Lëtzebuerg an un de Grenze mat den zwee Nopeschlänner op sech hat.

Keng Zäit fir Parteipolitik!

Den 18. Mäerz huet d’Regierung iwwert e groussherzoglecht Reglement den Ausnamezoustand fir 10 Deeg dekretéiert, esou wéi den Artikel 32 (4) vun der Constitutioun dat virgesäit. D’Viraussetzungen dofir kënnen eng international Krise oder eng Menace fir d‘Bierger vum Land sinn.

Adaptéiert Dampmelder fir gehörlos Mënschen

Den Dampmelder ass zanter dem 1. Januar zu Lëtzebuerg obligatoresch. Ma gehörlos Mënschen héiere keen Dampmelder a brauche méi deier iwwer Funk verbonnen adaptéiert Apparater. An dësem Kontext hunn eis Deputéierte Max Hahn a Claude Lamberty e puer Froen un déi zoustänneg Ministere gestallt. 

De geplangte CIS vun de Gemenge Beetebuerg an Diddeleng suergt fir vill Reaktiounen

D'Decisioun, dass en Terrain an der Industrie- an Aktivitéitszone "Riedgen" zeréckbehale ginn ass fir de CIS vun de Gemenge Beetebuerg an Diddeleng, huet fir vill Reaktioune gesuergt. Zu dem Thema huet eisen Deputéierte Gusty Graas der zoustänneger Ministesch e puer Froe gestallt. 

Ombudsman fir Kanner a Jugendlecher

Et war ee gudden Dag fir d'Kannerrechter zu Lëtzebuerg. Um Krautmaart gouf en Dënschdeg de Poste vun engem Ombudsman fir Kanner a Jugendlecher gestëmmt.

Kann kënstlech Intelligenz bei Enquête géint Kannerpornographie hëllefen?

Mat Hëllef vu kënstlecher Intelligenz an dem Asaz vu computergeneréierte Biller kéint d’Police am Darknet erfollegräich Enquête géint Kannerpornographie a Kannerschänner maachen. An dësem Kader huet Eisen DP Deputéierte Gusty Graas e puer Froen un déi zoustänneg Ministere gestallt.

Eng europawäit Registréierung vu rietsextreme Gruppen?

De Conseil vun den europäeschen Inneminister huet am Oktober iwwer d’Menace vum Rietsextremismus an Europa geschwat. Des weideren huet Europol an engem geheime Bericht gewarnt, dass rietsextrem Gruppéierungen Leit vum Militär oder vu Sécherheetsfirmen rekrutéiert. An dësem Kontext huet déi finnesch Presidentschaft vum europäesche Conseil eng europawäit Registréierung vu rietsextreme Gruppe gefuerdert. Dëst stéisst awer net bei all Memberstaat op Zoustëmmung.

An dësem Kader huet eisen Deputéierte Gusty Graas e puer Froen un déi zoustänneg Ministere gestallt.

Sécherheet doheem!

Eisen Deputéierte Max Hahn huet en Dënschdeg an der Chamber den Accord vun der DP fir dat neit Gesetz iwwert d’Feiermelder ginn – e Gesetz, dat Liewe rette kann!

"Silver Alert" fir eeler vermësste Persoune méi séier ze lokaliséieren

"Silver Alert" ass e System den et erméiglecht d'Bierger direkt iwwert e Vermësstefall ze informéieren, an esou d'Sich no der vermësster Persoun ze vereinfachen. Besonnesch eeler Leit déi dement sinn oder Medikamenter brauchen, géife vun esou engem System profitéieren. An dësem Kader huet eise Fraktiounspresident Eugène Berger dem Minister fir bannescht Sécherheet an der Justizministesch eng parlamentaresch Fro gestallt. 

Kënnen Drone fir méi Verkéierssécherheet suergen?

A Spuenien, Frankräich an England ginn Drone bei der Police fir Verkéierskontrollen a Verkéiersiwwerwaachungen agesat. Dës Drone si mat gudde Kameraen equipéiert a kënnen esou Verstéiss géint de Code de la Route erkennen.  

Den DP-Deputéierte Max Hahn huet dozou e puer Froen un de Minister fir bannescht Sécherheet gestallt. 

Zivil Hochzäite baussent der Gemeng: Wou si mer drun?

De Koalitiounsaccord gesäit verschidden Ännerunge fir zivil Manifestatioune vir. Dat gëllt z.B. dofir, datt Koppelen sech an Zukunft kéinten op aner Plaze bestueden, wéi am Gemengenhaus. Ma och bei de Begriefnisser sinn Upassunge virgesi. Ech hu bei den zoustännege Ministeren nogefrot wou dës Aarbechten dru sinn. Och wat d'Méiglechkeet betrëfft fir Äschen an enger Baach oder an engem Floss ze verstreeën. 

Méi haart Strofe fir Léit, déi d’Rettungsdéngschter aggresséieren

„Dat ass awer keng Ursaach fir vu Freed an d'Luucht ze sprangen, well et ass traureg, dass mir esou e Gesetz brauchen!“, huet eisen Deputéierte Max Hahn bei den Debatten iwwert dat neit Gesetz um Krautmaart gemengt.

D’Simone Beissel zu Europa: Politesch Léisunge sichen duerch fair a konstruktiv Verhandlungen an duerch stabil Accorden

An enger Tribune Libre um Radio huet eis Europakandidatin, Deputéiert a Stater Schäffen, Simone Beissel, sech dës Woch mat den Erausfuerderunge vun der EU beschäftegt. An zemol mat der interner Sécherheet a mat der externer Verdeedegung vun Europa.