Sie sind hier

Parlamentarische Fragen Justiz und Sicherheit Claude Lamberty Gusty Graas

Verkéierssécherheet beim Gefaangenentransport

D'Sécherheet vu Gefaangene beim Transport wier zu Lëtzebuerg net garantéiert, well dës net ugestréckt sinn, sou de Comité européen pour la prévention de la torture et des peines ou traitements inhumains ou dégradants (CPT) an engem Rapport vun 2015. Och déi lëtzebuergesch Associatioun "Eran, eraus… an elo?" reprochéiert der Regierung an deem Beräich déi international Normen nach ëmmer net ze respektéieren. D'DP-Deputéiert Gusty Graas a Claude Lamberty hu bei den zoustännege Ministeren nogefrot, firwat dass sech hei bis haut nach näischt gedoen huet a wéi et an Zukunft domadder ausgesäit.

Parlamentarische Fragen Claude Lamberty Carole Hartmann

Impfstrategie: Wäerte verschidde Beruffsgruppen prioritär geimpft ginn?

An der Phase 1 vun der Impfstrategie gouf d'Personal aus dem Gesondheetssecteur oder déi, déi a Spideeler oder Altersheemer schaffen, prioritär geimpft. An der 2. Phas vun der Impfcampagne gi Persounen ab 75 Joer, souwuel gesond wéi och vulnerabel Persounen, ofsteigend nom Alter geimpft. D'DP Deputéiert Carole Hartmann a Claude Lamberty froen bei den zoustännege Ministere no, ob och aner Beruffsgruppen, déi essentiel staatlech Missiounen erfëllen, wäerten prioritär geimpft ginn.

Parlamentarische Fragen Gemeinden Mobilität und Verkehr Claude Lamberty Max Hahn

Firwat kënnen d’Zuch-Horaire net an de Gemengen-Appen integréiert ginn?

Verschidde Gemengen uechtert Land hunn eng mobil App lancéiert, wou een nieft dem Offall - a Manifestatiounskalenner och d‘Horaire vum ëffentlechen Transport an deene jeeweilege Gemenge ka consultéieren. An deem Kontext, hunn D'DP-Deputéiert Max Hahn a Claude Lamberty beim zoustännege Minister nogefrot, firwat d’Zuch-Horaire den Ament net kënnen an dësen Appen integréiert ginn.

Parlamentarische Fragen Sport und Freizeit Claude Lamberty Carole Hartmann

Subside fir d'Sportsveräiner

Zanter féier Joer profitéieren d'Sportsveräiner vun de "subsides de base" an de "Subsides de qualité +" wann si lizenzéiert Sportler bis 16 Joer trainéieren. D'Zil vun dëse Subsiden ass et jo, dass déi jonk vun engem qualitativ héichwäertegen Training kënne profitéieren, dofir hunn d'Deputéiert Carole Hartmann a Claude Lamberty e puer Froen un de Sportminister gestallt.

Parlamentarische Fragen Sport und Freizeit Claude Lamberty Carole Hartmann

Plan de relance fir de Sport

Am "Plan de relance Sport" huet de Sportminister déi verschidden Hëllefen a finanziell Ënnerstëtzunge fir d'Gemenge virgestallt. D'Deputéiert Carole Hartmann a Claude Lamberty hunn an deem Kader e puer Froen un den zoustännege Minister gestallt. 

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Problemer mat Ëmweltgeneemegunge bei Depoten – an deenen Hackschnëtzel produzéiert a gelagert gëtt?

A verschiddene Géigende vum Land – an deenen d’Bëschbestänn et erlaben – gëtt d’Holz schonn zanter längerem als wichteg Energiequell ugesinn. An deem Kontext, ass den d'DP-Deputéiert Max Hahn a Claude Lamberty zu Ouere komm, dass et deslescht bei verschiddenen Depoten – an deenen Hackschnëtzel produzéiert a gelagert gëtt – Problemer mat Ëmweltgeneemegunge gouf. Deementspriechend hunn déi zwee DP-Deputéiert beim zoustännege Minister nogefrot, ob d'Hackschnëtzelanlage weider als sënnvoll ugesi ginn a wéi vill ëffentlech Hackschnëtzel-Projeten zanter dem neien Naturschutzgesetz ëmgesat gi sinn.

Parlamentarische Fragen Mobilität und Verkehr Claude Lamberty Max Hahn

Manner Accidenter a Protokoller op Strecke wou fix Radaren stinn?

Knapp fënnef Joer zënter der Installatioun vum éischte fixe Radar, froen d'DP-Deputéiert Max Hahn a Claude Lamberty bei den zoustännege Ministeren no, wéi d'Unzuel an d'Gravitéit vun de Vitesse-Iwwerschreidungen op de jeeweilege Plazen evoluéiert huet.

Parlamentarische Fragen Landesplanung und Wohnen Claude Lamberty Max Hahn

Fonds du Logement: Virrecht op subventionéiert Lokatiounswunnenge fir eligibel Bierger aus der concernéierter Gemeng?

Den ëffentleche Wunnengsbau konzentréiert sech déi lescht Jore méi staark op d'Locatioun amplaz op d‘Vente. D'Locatioun vu dëse subventionéierte Wunnenge riicht sech u Stéit mat niddregem Akommes. D’DP-Deputéiert Max Hahn a Claude Lamberty hunn beim zoustännege Minister nogefrot, ob e Virrecht op subventionéiert Lokatiounswunnenge fir eligibel Bierger aus der concernéierter Gemeng oder de concernéierten Offices sociauxen eng intressant Piste wier, déi een an Zukunft kéint aschloen.

Parlamentarische Fragen Justiz und Sicherheit Staat und Öffentlicher Dienst Claude Lamberty Max Hahn

Recrutement interne fir de Kader vun der Police Grand-Ducale

Iwwer déi nächst 3 Joer sollen iwwer 800 Polizisten rekrutéiert ginn. De Rekrutement, ma och d'Formatiounsprozeduren hu geännert. Och den interne Rekrutement vu Staatsbeamten an d'Police gouf als Méiglechkeet an d'Aen gefaast. Gëtt en interne Wiessel an Zukunft méiglech, a fir wien? D'Deputéiert Max Hahn a Claude Lamberty hu beim zoustännege Minister nogefrot.

Parlamentarische Fragen Bildung Claude Lamberty Max Hahn

Gratis Schoulbicher: Wéi vill spuert een Haushalt pro Kand?

Zënter 2 Joer schonn iwwerhëlt de Staat d'Käschten fir d'Schoulbicher vun de Lycéesschüler. Den DP-Deputéierten Claude Lamberty huet beim Bildungsminister nogefrot wéi héich déi finanziell Entlaaschtung fir eis Menagen ass.

Parlamentarische Fragen Arbeit Sport und Freizeit Claude Lamberty Carole Hartmann

Wéieng finanziell Hëllefen fir de Sportsecteur?

Trotz de neie sanitäre Mesuren, déi Enn Oktober agefouert goufen, kann am Sportsecteur kee Chômage partiel ugefrot ginn. D'DP-Deputéiert Claude Lamberty a Carole Hartmann hunn an dësem Kontext beim Aarbechts- a beim Sportminister nogefrot, ob aner finanziell Hëllefen fir de Sportsecteur virgesi sinn. 

Parlamentarische Fragen Gemeinden Gesellschaft Justiz und Sicherheit Claude Lamberty Max Hahn

Zivil Hochzäiten an Zukunft och ausserhalb vun de Gemengenhaiser?

Net nëmmen an der Pandemie soll et de Mënsche méiglech sinn hiert zivilt Bestietnis ausserhalb vun de Gemengenhaiser ze feieren. D'DP-Deputéiert Max Hahn a Claude Lamberty hu bei den zoustännege Ministeren nogefrot, wéi wäit d'Reform vun dëse Gesetzestexter ausgeschafft ass, a wat fir Changementer ageplangt sinn.

Parlamentarische Fragen Mobilität und Verkehr Claude Lamberty Max Hahn

Taxisecteur: Wou ass d'Reform vun der Reform drun?

D'Taxisreform vun 2016 huet säin Haaptzil - den Taxi méi bëlleg ze maachen - net erreecht. Dowéinst huet den zoustännege Minister scho virun méi wéi engem Joer ugekënnegt, wëllen nozebesseren. D'DP-Deputéierte Max Hahn a Claude Lamberty hu beim Minister nogefrot, wou dës Reform vun der Reform drun ass a wéi se wäert ausgesinn.

Parlamentarische Fragen Gesundheit und Pflege Sport und Freizeit Claude Lamberty Carole Hartmann

Kënnen sech d'Traineren op de Covid-19 teste loossen?

Fir déi beschtméiglech Betreiung z'assuréieren ass a ville Sportaarten den direkte Kontakt mam Sportler néideg. D'DP Deputéiert Claude Lamberty a Carole Hartmann froen dofir no, ob d'Traineren sech net sollte kënnen op de COVID-19 teste loossen. 

Parlamentarische Fragen Justiz und Sicherheit Nachhaltigkeit, Natur- und Umweltschutz Claude Lamberty André Bauler Max Hahn

E Sécherheetskonzept fir de ganze Stauséi?

D'Corona-Kris huet gewisen, dass d'Zesummenaarbecht tëscht de verschiddenen Acteuren ëm de Stauséi net ëmmer optimal funktionéiert, besonnesch wat d'Kommunikatioun an d'Koordinatioun vun de verschiddene Mesurë betrëfft. D'DP-Deputéiert André Bauler, Max Hahn a Claude Lamberty hu bei deene betraffe Ministeren nogefrot, inwéifern dës Zesummenaarbecht verbessert soll ginn, ë.a. iwwer d'Schafung vun engem neie Gremium, dat och e Gesamtkonzept fir de Stauséi kéint ausschaffen a punkto Sécherheet, Naturschutz, Offallproblemer etc.