Sie sind hier

Parlamentarische Fragen Nachhaltigkeit, Natur- und Umweltschutz Gusty Graas

No belschem Virbild: Soll en Audit gemaach gi bei Firmen déi mat Ammoniumnitrat schaffen?

No der schroer Explosioun zu Beirut huet déi belsch Ëmweltministesch ugekënnegt, en Audit wëllen ze maache vun de Seveso-Betriber, déi mat Ammoniumnitrat schaffen. Den DP-Deputéierte Gusty Graas huet bei den zoustännege Ministeren nogefrot, ob sou en Audit och zu Lëtzebuerg geplangt ass.

Parlamentarische Fragen Klimaschutz und Energie Nachhaltigkeit, Natur- und Umweltschutz André Bauler Gusty Graas

Geplangte Wandmillen tëscht Bierden a Waarken

Tëscht Bierden a Waarken, um Territoire vun der Gemeng Ettelbréck, soll spéitstens an zwee Joer eng Wandmillen opgeriicht ginn; mat hiren 230 Meter déi héchst am ganze Grand-Duché. D'DP Deputéiert André Bauler a Gusty Graas froen no Detailer.

Parlamentarische Fragen Nachhaltigkeit, Natur- und Umweltschutz Guy Arendt Gusty Graas

Wéi ginn déi vulnerabel Leit bei den AGen vun de Juegdsyndikater geschützt?

Am August fanne bei der Naturverwaltung zu Dikrech déi lescht Generalversammlunge vun de Juegdsyndikater statt. Ab September sollen dann déi nei Syndikater d'Steeë fir d'Juegdlousen organiséieren. Well traditionell vill eeler Leit un dëse Versammlungen deelhuelen, an dës als vulnerabel gëllen, froen d'DP-Deputéiert Guy Arendt a Gusty Graas déi zoustänneg Ministesch wat ënnerholl gëtt fir d'Sécherheet vun de Participanten ze garantéieren.

Parlamentarische Fragen Bildung Nachhaltigkeit, Natur- und Umweltschutz Guy Arendt Gusty Graas

Huet d'Akerbauschoul wëlles e Juegdlous ze pachten?

Et ass den DP-Deputéierte Guy Arendt a Gusty Graas zu Ouere komm, dass d'Akerbauschoul wëlles hätt, e Juegdlous ze pachten. Laut dem Juegdgesetz kann de Staat dat maachen, wann et en "intérêt général" duerstellt. De Guy Arendt an de Gusty Graas hu bei der Ëmweltministesch an dem Bildungsminister nogefrot, wat et domat op sech huet.

Parlamentarische Fragen Nachhaltigkeit, Natur- und Umweltschutz Gusty Graas

Regulatioun vun der Kormoran-Populatioun?

Nodeems de Kormoran laang Zäit op der rouder Lëscht stung, hu sech d'Bestänn mëttlerweil sou wäit erholl, dass hien sengersäits schonn zënter enger Rei Joren d'Bestänn vu verschiddene Fëschzorte gefährt. Zu Lëtzebuerg refuséiert den Ëmweltministär allerdéngs d'Populatioun ze reguléieren, mam Verweis op déi europäesch Legislatioun, quitt dass aner Länner wéi Frankräich an Däitschland d'Juegd erlabe fir d'Fëschbestänn ze schützen. Den DP-Deputéierte Gusty Graas huet bei der zoustänneger Ministesch nogefrot, ob de Ministère kloer Zuelen iwwer d'Kormoran-Populatioun huet, wat den Impakt op d'Fësch an eise Gewässer ass, wat déi wëssenschaftlech Begrënnung fir e Juegdverbuet ass an ënner wéi enge Konditiounen d'Ministesch eng Regulatioun vun der Populatioun erlabe kéint.

Parlamentarische Fragen Nachhaltigkeit, Natur- und Umweltschutz Gusty Graas

Nilgänse-Plo: Wat gëtt dogéint ënnerholl?

D'Verbreedung vun den Nilgänsen am Oste vum Land ass eng schwéier Belaaschtung fir déi betraffe Gemengen, déi viru kuerzem an zwee Artikelen an der Press hirer Frustratioun Loft gemaach hunn. Virun allem gëtt d'Verknaschtung duerch dës Déieren ëmmer méi schlëmm, mee och den Impakt op d'Biodiversitéit - duerch d'Verdränge vun indigenen Aarten - stellt e Risiko duer. Den DP-Deputéierte Gusty Graas huet bei der zoustänneger Ministesch nogefrot, wéi vill der Déieren et zu Lëtzebuerg ginn, firwat d'Juegd op dës Déieren hei am Land verbueden ass, wärend se an eisen Nopeschlänner erlaabt ass, an ob d'Ministesch net wëlles hätt, d'Jued ugesiichts vun den aktuellen Zoustänn awer zouzeloossen.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Verbuet vun der "obsolescence programmée" och zu Lëtzebuerg?

A Frankräich gouf Apple am Februar vun dësem Joer verklot, well se al iPhone-Modeller méi lues gemaach hunn, nodeems en neie Modell op de Marché komm ass. Sou eng bewosst Verkierzung vun der Liewensdauer vun engem Produit, fir d'Clienten dozou ze beweegen, en neie Produit ze kafen, ass net just Bedruch um Client, mee och en immens ineffikassen a verschwendereschen Ëmgang mat eise Ressourcen. D'DP-Deputéiert Max Hahn a Gusty Graas hu bei den zwou concernéierte Ministeschen nogefrot, ob d'Regierung net wëlles hätt, e Gesetz nom franséische Virbild anzeféieren.

Parlamentarische Fragen Landesplanung und Wohnen Nachhaltigkeit, Natur- und Umweltschutz Max Hahn Gusty Graas

Drécheperioden: Privat Reewaasserbasengen fir Drénkwaasser ze spueren?

Duerch déi laang Drécheperiode geroden d'Waasserressourcen zu Lëtzebuerg ëmmer méi ënner Drock, soudass den Ëmweltministère d'Bierger ëmmer nees opfuerdert, spuersam mam Waasser ëmzegoen. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob et net eng Iddi wier, Reewaasserbasenge bei privaten Haiser ze fërderen, fir sou manner Drénkwaasser ze verbrauchen fir verschidden Aktivitéiten, wéi z.B. Planzen nätzen asw.

Parlamentarische Fragen Nachhaltigkeit, Natur- und Umweltschutz Gusty Graas

Geriichtlech Poursuite vun Ëmweltverknaschtungen

Laut der Federatioun vun de Lëtzebuerger Sportfëscher géifen dacks Verknaschtunge vu Flëss a Baachen net weider poursuivéiert ginn, och wann de Schëllege bekannt wier. Den DP-Deputéierte Gusty Graas huet bei den zoustännege Ministeren nogefrot, ob dat tatsächlech sou ass a wa jo, firwat.

Parlamentarische Fragen Nachhaltigkeit, Natur- und Umweltschutz Carole Hartmann Gusty Graas

Nei Verknaschtung vun der Sauer zu Iechternach

Op en Neits ass op der Héicht vun der Industriezon zu Iechternach knaschtegt Waasser an d'Sauer gelaf. Wéi et schéngt wier de Schmorri aus engem Kanal komm, deen d'Sauer an d'Industriezon direkt matenee verbënnt. D'DP-Deputéiert Gusty Graas a Carole Hartmann hu bei den zoustännege Ministeren nogefrot, wouhier dës Verknaschtung kënnt a wat um Niveau vun den Infrastrukturen op där Plaz geännert wäert ginn, fir dass sou Virfäll net méi virkommen.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Max Hahn Gusty Graas

Mat Drone Réikitz retten?

D'Gebuert vun de Réikitz am Fréijoer fält dack mam éischte Méie vun de Felder zesummen. Well awer deene jonken Déieren hire Fluchtreflex nach net entwéckelt ass, lafen se net fort, wann de Mähdrescher kënnt a geroden ëmmer nees ënnert d'Messeren. Dëst féiert zu ganz uerge Blessuren, un deenen d'Déieren an der Reegel net direkt stierwen, mee lues verbludden. Hautdesdaags ass et awer méiglech, mat Drone mat Wärmebildkameraen e Feld séier ofzesichen, quitt dass déi héich Käschten ee verständlecherweis kënnen dovunner ofhalen, dee Service an Usproch ze huelen. D'DP-Deputéiert Max Hahn a Gusty Graas hunn nogefrot, ob d'Regierung bereet wier, de Bauere finanziell bäizestoen, wann dës op sou e Service zréckgräife géifen.

Parlamentarische Fragen Nachhaltigkeit, Natur- und Umweltschutz Wirtschaft André Bauler Max Hahn

Wéi steet et ëm d'Holzwirtschaft zu Lëtzebuerg?

Déi laang Drécheperioden an de Borkenkäfer belaaschten eis Bëscher staark, virun allem d'Fichtebestänn si betraff. Dëst huet zur Konsequenz, dass de Marché mat Schuedholz iwwerschwemmt ginn ass a vill Bëschbesëtzer op hirem Holz sëtzebleiwen. D'DP-Deputéiert Max Hahn an André Bauler hunn nogefrot, wéi et dem Secteur geet a wéi eng zousätzlech Mesuren eventuell geholl kéinte gi fir de betraffene Leit a Betriber ze hëllefen.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Gusty Graas

Kreeslafwirtschaft am Waasserberäich

Dat europäescht Parlament an den europäesche Rot hu rezent e Reglement ugeholl, dat Qualitéitskrittäre festleet fir Ofwaasser an der Landwirtschaft kënnen ze notzen. Virum Hannergrond vum Klimawandel an ëmmer méi dréchene Summeren, solle sou déi national Waasserresourcë méi effikass genotzt kënne ginn. Den DP-Deputéierte Gusty Graas huet bei den zoustännege Ministeren nogefrot, wéi d'Situatioun zu Lëtzebuerg an där Hisiicht aktuell ausgesäit an ob d'Regierung wëlles hätt, de "Waasserrecycling" an Zukunft méi staark ze fërderen.

Parlamentarische Fragen Gemeinden Nachhaltigkeit, Natur- und Umweltschutz Gusty Graas

Wéi ënnerstëtzt d'Regierung Initiative géint Schottergäert?

Well d'Schottergäert en negativen Impakt op d'Ëmwelt an d'Biodiversitéit hunn, hunn de Mouvement écologique an den Oekozenter Pafendall eng Campagne lancéiert fir d'Leit nach méi zu dësem Thema ze sensibiliséieren. D'Gemeng Beetebuerg huet souguer an hirem Bautereglement reng Schottergäert verbueden a sech och selwer verflicht, an där Hisiicht mam gudde Beispill virzegoen. Den DP-Deputéierte Gusty Graas huet bei der Innen- an Ëmweltministesch nogefrot, op wéi eng Manéier si sou Initiativen ënnerstëtze wéilten.

Parlamentarische Fragen Nachhaltigkeit, Natur- und Umweltschutz Carole Hartmann Gusty Graas

Verknaschtung vun der Millebaach

Alt nees eng Kéier ass knaschtegt Waasser vun engem Chantier an eng Baach gelaf, an dësem Fall an d'Millebaach beim Potaschbierg. Dass dat eventuell net fir d'éischt ass, kéinten déi doudeg Beem laanscht d'Waasser suggeréieren. D'DP-Deputéiert Gusty Graas a Carole Hartmann hu bei der zoustänneger Ministesch nogefrot, ob si vun dësem Virfall Bescheed weess, ob schonn eng Enquête géint de Schëllegen an d'Weeër geleet ginn ass, an a wéi ville Fäll an deene leschte Joren de Schëllegen a sou Situatiounen och tatsächlech rausfonnt konnt ginn.