Sie sind hier

Parlamentarische Fragen Mobilität und Verkehr André Bauler

Firwat ass d'Streck Maarnech-Dosber-Bréck nach ëmmer gespaart?

Obwuel d'Aarbechten op der N10 tëscht Maarnech an Dosber-Bréck schonn zënter enger längerer Zäit fäerdeg sinn, ass d'Strooss op där Plaz nach ëmmer gespaart. Den DP-Deputéierten André Bauler huet beim zoustännege Minister nogefrot, firwat dat sou ass a fir wéini dës Streck nees opgoe kéint.

Parlamentarische Fragen Klimaschutz und Energie Nachhaltigkeit, Natur- und Umweltschutz André Bauler Gusty Graas

Geplangte Wandmillen tëscht Bierden a Waarken

Tëscht Bierden a Waarken, um Territoire vun der Gemeng Ettelbréck, soll spéitstens an zwee Joer eng Wandmillen opgeriicht ginn; mat hiren 230 Meter déi héchst am ganze Grand-Duché. D'DP Deputéiert André Bauler a Gusty Graas froen no Detailer.

Parlamentarische Fragen Tiere André Bauler Gusty Graas

Ginn et Fäll vun Animal Hoarding zu Lëtzebuerg?

Den däitschen Déiereschutzverband warnt, datt de Phänomen vum Animal Hoarding an Däitschland zouhëlt. Et schwätzt ee vun Animal Hoarding wa Leit bei sech souvill Déieren halen, datt se net méi genuch Plaz hunn an hiert d'Wuelbefannen net méi ka garantéiert ginn. D'DP-Deputéiert André Bauler a Gusty Graas hu beim zoustännege Minister nogefrot, ob et och Fäll vun Animal Hoarding zu Lëtzebuerg ginn a wat d'Konsequenze fir d'Besëtzer vun dësen Déiere sinn.

 

Parlamentarische Fragen Mittelstand Wirtschaft André Bauler

STATEC: Firwat keen Akafsbong fir de lokale Commerce?

Dem DP Deputéierten André Bauler ass zu Ouere komm, datt de Statec géing Persounen, déi un enger Ëmfro deelhuelen, mat Akafsbonge belounen. Dës Kaddosbongen kéint een allerdéngs just um Site vun enger grousser internationaler Onlineplattform aléisen. A senger parlamentarescher Fro un den zoustännege Minister freet den André Bauler ënner anerem, ob een dës Akafsbongen net hätt kënne iwwer déi Lëtzebuerger Onlineplattform "Letzshop.lu" lafe loossen. Dat wier eng Ënnerstëtzung fir eis kleng- a mëttelstännege Betriber gewiescht.

Parlamentarische Fragen Mobilität und Verkehr André Bauler

Camionstrafic zu Ierpeldeng-Sauer

Dem DP-Deputéierten André Bauler ass zu Ouere komm, dass am Moment ganz vill Camionen duerch Ierpeldeng fuere fir an d'Industriezon ZANO ze kommen, amplaz d'B7 respektiv d'N7 ze huelen. D'Belaaschtung duerch dëse villen Trafic fir d'Awunner läit op der Hand. Den André Bauler huet beim zoustännege Minister nogefrot, wat dësen dogéint ënnerhuele wëll.

Parlamentarische Fragen Mobilität und Verkehr André Bauler

Zoustand vun der N7 zu Maarnech

Well den Zoustand vun der N7 tëscht dem Rond-point zu Maarnech an dem Akafszenter an engem ganz schlechten Zoustand ass, huet den DP-Deputéierten André Bauler beim zoustännege Minister nogefrot, ob et net méiglech wier, dësen Ofschnëtt am beschte virum Wanter nach frësch ze maachen.

Parlamentarische Fragen Mobilität und Verkehr André Bauler

Wéi ginn d'Aarbechten op der N7 tëscht Dikrech an Ettelbréck virun?

Wéinst der Corona-Kris hu vill Chantiere Verspéidung kritt. Den DP-Deputéierten André Bauler huet beim zoustännege Minister nogefrot, wéi et mat den Aarbechten op der N7 tëscht Dikrech an Ettelbréck ausgesäit.

Parlamentarische Fragen Bildung Landwirtschaft und Weinbau André Bauler

Gëtt déi nei Akerbauschoul fir d'Rentrée 2020/21 fäerdeg?

Den DP-Deputéierten André Bauler huet beim zoustännege Minister nogefrot, ob déi nei Akerbauschoul zu Gilsdref, wéi virgesinn, fir d'Rentrée 2020/21 fäerdeg gëtt oder ob de Projet duerch d'Corona-Kris Verspéidung kritt.

Parlamentarische Fragen Mobilität und Verkehr André Bauler

En neien (alen) Zucharrêt zu Beesslek?

Nodeems d'Gare zu Beesslek virun enger Rei Joren zou gemaach gouf, freet den DP-Deputéierten André Bauler beim zoustännege Minister no, ob et wéinst dem Bevëlkerungswuesstem an der Ëmgéigend net sënnvoll wier, dass den Zuch an Zukunft rëm do stoe bléif.

Parlamentarische Fragen Nachhaltigkeit, Natur- und Umweltschutz Wirtschaft André Bauler Max Hahn

Wéi steet et ëm d'Holzwirtschaft zu Lëtzebuerg?

Déi laang Drécheperioden an de Borkenkäfer belaaschten eis Bëscher staark, virun allem d'Fichtebestänn si betraff. Dëst huet zur Konsequenz, dass de Marché mat Schuedholz iwwerschwemmt ginn ass a vill Bëschbesëtzer op hirem Holz sëtzebleiwen. D'DP-Deputéiert Max Hahn an André Bauler hunn nogefrot, wéi et dem Secteur geet a wéi eng zousätzlech Mesuren eventuell geholl kéinte gi fir de betraffene Leit a Betriber ze hëllefen.

Parlamentarische Fragen Mobilität und Verkehr André Bauler

Wéi geet et viru mat den Aarbechten un de Vëlospisten am Norde vum Land?

Dem DP-Deputéierten André Bauler ass zu Ouere komm, dass d'Aarbechten u verschiddene Vëlospisten am Norde vum Land opgehale goufen, wärend anerer nach guer net ugefaange gi sinn. Hien huet dowéinst beim zoustännege Minister nogefrot, wat den aktuelle Stand der Dinge an där Hisiicht ass.

Parlamentarische Fragen Arbeit Gesundheit und Pflege André Bauler Carole Hartmann

Ass d'Préretraite solidarité opgrond vun der sanitärer Crise am Gesondheetssecteur suspendéiert?

Den 1. Juli 2018 gouf d'Préretraite solidarité annuléiert. An enger Iwwergangsphase, bleiwt se awer esou laang bestoen bis all d'Kollektivverträg, déi virum 1. Juli ënnerschriwwe goufen, ausgelaf sinn. Den DP-Deputéierten André Bauler a Carole Hartmann ass elo zu Ouere komm, datt d'Préretraite solidarité an der sanitärer Crise ausgesat gouf. An dësem Kontext, hate si e puer Froen un den Aarbechtsminister.

Parlamentarische Fragen Landesplanung und Wohnen André Bauler Gusty Graas

Wéi gesinn d'Investisiounshëllefe fir d'Landwirtschaft ab dem 1. Januar 2021 aus?

Wéi gesinn d'Investitiounshëllefe fir d'Landwirtschaft ab dem 1. Januar 2021 aus? Dat ass eng Fro déi vill Baueren sech momentan stellen. Wéi laang wäert d'Iwwergangsphase dauere bis dat neit Agrargesetz a Kraaft wäert sinn? Ginn d'Tauxen erop? Wat ass wann een de Plaffong schonn erreecht huet? D'Bauere brauche Planungssécherheet fir kënne weider an hir Betriber z'investéieren. Dofir hunn d'DP-Deputéiert Gusty Graas an André Bauler de Landwirtschaftsminister gefrot, wéi d'Hëllefen ab dem 1. Januar 2021 wäerten ausgesinn a wéini hien de Secteur doriwwer wëll informéieren.

Parlamentarische Fragen Landwirtschaft und Weinbau André Bauler Gilles Baum Gusty Graas

Kréien d'Wënzer eng Hëllef?

Well den Horeca-Secteur elo e puer Méint zou war an och all d'Foiren a Wäifester ofgesot goufen, hunn d'Lëtzebuerg Wënzer vill manner Wäi konnte verkafen. D'DP-Deputéiert André Bauler, Gusty Graas a Gilles Baum hu beim Wäibauminister nogefrot ob nach Hëllefe fir d'Wënzer kommen a wéi déi ausgesi wäerten.

Parlamentarische Fragen Mobilität und Verkehr André Bauler

Zoustand vun der Bréck am Agang vu Veianen

Wéi dem DP-Deputéierten André Bauler zu Ouere komm ass, wier den Zoustand vun der Bréck iwwer d'Our an der Entrée vu Veianen an engem zimmlech schlechten Zoustand. Aus deem Grond huet hie beim zoustännege Minister nogefrot, wéi et ëm den Ënnerhalt vun dëser steet.