Sie sind hier

Parlamentarische Fragen Mobilität und Verkehr André Bauler

Trafic an der Nordstad: Wat ass den Impakt vum Chantier op der Ettelbrécker Gare?

Wéinst den Aarbechten un der Ettelbrécker Gare schéngt et, dass am Moment vill Autoen a Camionen duerch Wunnvéierel an iwwer Schläichweeër an den Nordstad-Gemenge fueren, fir de Chantier z'ëmgoen. Den DP-Deputéierten André Bauler huet beim zoustännege Minister nogefrot, ob schonn eng Analys gemaach goufe wat den Impakt vum Chantier op den Trafic am Detail ass, a wéi eng Mesurë virgesi si fir d'Situatioun ze berouegen.

Parlamentarische Fragen Mobilität und Verkehr André Bauler

Wéi geet et mam Contournement vun Housen virun?

Aktuell gëtt am Ministère un engem Gesetzesprojet fir de Contournement vun Housen geschafft. Den DP-Deputéierten André Bauler huet beim zoustännege Minister nogefrot wou den Dossier drun ass.

Parlamentarische Fragen Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi steet et ëm d'Ausweisung vun neie Bauschuttdeponien?

De Mangel u Bauschuttdeponien an alle Regioune vum Land gëtt scho méi laang vum Secteur kritiséiert. Effektiv musse vill Camionen dacks e wäite Wee duerch d'Land fir bei eng Deponie fueren, wat onnéidege Verkéier an Emissioune verursaacht. D'DP-Deputéiert André Bauler a Max Hahn hu bei der zoustänneger Ministesch nogefrot, wéi et bei der Ausweisung vun neie Bauschuttdeponië viru geet.

Parlamentarische Fragen Bildung André Bauler

Provisoresch Strukture fir den Nordstad Lycée?

Dem DP-Deputéierten André Bauler ass zu Ouere komm, dass provisoresch Gebaier fir de Nordstad Lycée zu Ierpeldeng opgeriicht solle ginn. A senger parlamentarescher Fro un de Minister fir ëffentlech Aarbechten huet hie weider Informatioune gefrot.

Parlamentarische Fragen Landesplanung und Wohnen André Bauler Max Hahn

Fonds du Logement: Firwat konnte bestëmmt Terrainen a Gebaier bis elo nach net valoriséiert ginn?

D’DP-Deputéiert André Bauler a Max Hahn hunn beim zoustännege Minister nogefrot, ënnert wat fir enge Critèren de Fonds du Logement Immobilie keeft, a wisou verschidden Terrainen a Gebaier déi viru Joren opkaaft goufen, bis elo nach net valoriséiert goufen.

Parlamentarische Fragen Landwirtschaft und Weinbau André Bauler Gusty Graas

Wéi geet et dem Lëtzebuerger Mëllechsecteur?

D'DP-Deputéiert Gusty Graas an André Bauler hu beim Landwirtschaftsminister nogefrot wéi et momentan ëm de Mëllechsecteur zu Lëtzebuerg bestallt ass? Si froen ënner aneren, wéi héich d'Produktiounskäschte fir de Bauer vun engem Liter Mëllech sinn an ob hie mat dëse rentabel schaffe kann? Donieft wëllen si gewuer ginn, wéi d'Consomatioun vun der Koumëllech an der Biomëllech déi lescht Joren evoluéiert huet an ob planzlech Ersatzproduite wéi Mandel- Soja oder Huewermëllech, déi ëmmer méi um Komme sinn, en Impakt op d'Consomatioun vu Koumëllech hunn? 

Parlamentarische Fragen Mobilität und Verkehr André Bauler

En neit Parkhaus op der Dikrecher Gare?

Virun enger Zäit war mol riets gaange fir en neien, iwwerdaachte Parking bei der Dikrecher Gare ze bauen. Vu dass effektiv ëmmer méi Leit den Zuch huelen, huet den DP-Deputéierten André Bauler beim Mobilitéitsminister nogefrot, ob dëse Projet nach ëmmer aktuell ass, a wa jo, wou en drun ass.

Parlamentarische Fragen Justiz und Sicherheit Nachhaltigkeit, Natur- und Umweltschutz Claude Lamberty André Bauler Max Hahn

E Sécherheetskonzept fir de ganze Stauséi?

D'Corona-Kris huet gewisen, dass d'Zesummenaarbecht tëscht de verschiddenen Acteuren ëm de Stauséi net ëmmer optimal funktionéiert, besonnesch wat d'Kommunikatioun an d'Koordinatioun vun de verschiddene Mesurë betrëfft. D'DP-Deputéiert André Bauler, Max Hahn a Claude Lamberty hu bei deene betraffe Ministeren nogefrot, inwéifern dës Zesummenaarbecht verbessert soll ginn, ë.a. iwwer d'Schafung vun engem neie Gremium, dat och e Gesamtkonzept fir de Stauséi kéint ausschaffen a punkto Sécherheet, Naturschutz, Offallproblemer etc.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler Gusty Graas

Wou ass d'Waasserschutzzonekonzept fir de Stauséi drun?

D'Waasserschutzzonekonzept fir de Stauséi sollt u sech scho fir Enn 2018 a Kraaft trieden. Gläichzäiteg solle véier Baueren aus dem Comité vun der « Landwirtschaftlech Kooperatioun Uewersauer » (LAKU) ausgetruede sinn, well d'Zesummenaarbecht mat de jeeweilegen Verwaltungen net gutt gewiescht soll sinn. D'DP-Deputéiert André Bauler a Gusty Graas hu bei den zoustännege Ministeren nogefrot.

Parlamentarische Fragen Wirtschaft André Bauler

Haarde Brexit: Wéi eng Konsequenzen fir d'Lëtzebuerger Industrie?

De Fall vun engem haarde Brexit suergt europawäit fir vill Kappzerbrieches. Den DP-Deputéierten André Bauler huet beim Wirtschaftsminister nogefrot, inwéifern d'lëtzebuerger Industrie op dësen Zenario virbereed ass.

Parlamentarische Fragen Landwirtschaft und Weinbau André Bauler Gusty Graas

Wéi ass et aktuell ëm d'Fudderreserve an der Landwirtschaft bestallt?

Déi aktuell Dréchent wierkt sech negativ op eis Landwirtschaft aus. D'DP-Deputéiert André Bauler a Gusty Graas hu beim Landwirtschaftsminister nogefrot, wéi et aktuell ëm d'Fudderreserve bestallt ass, ob d'Bauere scho mussen un hire Wanterstock goen oder ob se souguer Fudder zoukafe mussen? Well eis Nopeschlänner och vun der Dréchent geplot sinn, stellt sech och d'Fro ob genuch Fudder um Marché ze fanne wäert sinn.

News Ausnahmezustand Finanzen Wirtschaft André Bauler Gilles Baum

Luxembourg for Finance op Besuch an der DP-Fraktioun

Den 19. August hunn d’DP-Deputéiert Gilles Baum an André Bauler den CEO vun Luxembourg for Finance (LFF), Nicolas Mackel, a seng Mataarbechterin Loren Motiani fir eng Entrevue an der Fraktioun empfaangen. 

Parlamentarische Fragen Landesplanung und Wohnen André Bauler

Projet Nordstad-Lycée: Wéi verleeft d’Acquisitioun vun de néidegen Terrainen ?

Obwuel d’Regierung schonn Enn 2014 decidéiert hat ee neie Standuert fir de Nordstad-Lycée zu Ierpeldeng op der Sauer unzeleeën, ass de Projet bis haut nach net vill avancéiert. Well den Ukaf vun den néidegen Terrainen sech als extrem schwéier erwisen huet, sinn d’Schüler och am Joer 2020 nach ëmmer op 3 provisoresche Sitten verdeelt. Den DP-Deputéierten André Bauler huet beim zoustännege Minister nogefrot, wei eng Terrainen sech de Staat bis ewell ugëeegent huet a wéini d’Konstruktioun vum neie Lycée soll fäerdeg ginn.

Parlamentarische Fragen Mobilität und Verkehr André Bauler

Gefor vun engem Accident bei Réckstau um Enn vun der A7: Wéi soll d'Situatioun entschäerft ginn?

Well een um Enn vun der A7 zu Colmer-Bierg net gutt gesäit, wann do e Stau hannert der Kéier ass, besteet de Risiko, dass et zu engem Accident kënnt, besonnesch wann een déi Streck net gutt kennt. Den DP-Deputéierten André Bauler huet beim zoustännege Minister nogefrot, inwéifern virgesinn ass, d'Situatioun ze verbesseren.

Parlamentarische Fragen Mobilität und Verkehr André Bauler

Firwat ass d'Streck Maarnech-Dosber-Bréck nach ëmmer gespaart?

Obwuel d'Aarbechten op der N10 tëscht Maarnech an Dosber-Bréck schonn zënter enger längerer Zäit fäerdeg sinn, ass d'Strooss op där Plaz nach ëmmer gespaart. Den DP-Deputéierten André Bauler huet beim zoustännege Minister nogefrot, firwat dat sou ass a fir wéini dës Streck nees opgoe kéint.