Sie sind hier

Parlamentarische Fragen Nachhaltigkeit, Natur- und Umweltschutz Wirtschaft André Bauler Max Hahn

Wéi steet et ëm d'Holzwirtschaft zu Lëtzebuerg?

Déi laang Drécheperioden an de Borkenkäfer belaaschten eis Bëscher staark, virun allem d'Fichtebestänn si betraff. Dëst huet zur Konsequenz, dass de Marché mat Schuedholz iwwerschwemmt ginn ass a vill Bëschbesëtzer op hirem Holz sëtzebleiwen. D'DP-Deputéiert Max Hahn an André Bauler hunn nogefrot, wéi et dem Secteur geet a wéi eng zousätzlech Mesuren eventuell geholl kéinte gi fir de betraffene Leit a Betriber ze hëllefen.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi vill aner Plaze gëtt et, wou knaschtegt Waasser einfach an eng Baach oder e Floss leeft?

Zu Ettelbréck leeft zënter Jore knaschtegt Waasser aus engem Rouer ongekläert an d'Sauer. Elo soll en neit Reewaasserréckhaltebecke geschwë fäerdeg sinn, dat sou Situatiounen an Zukunft verhënnere soll. D'DP-Deputéiert Gusty Graas an André Bauler hunn nogefrot, wéini dëse Projet fäerdeg ass an ob et nach aner Plazen am Land ginn, wou einfach sou knaschtegt Waasser an eng Baach oder e Floss lafe gelooss gëtt.

Parlamentarische Fragen Justiz und Sicherheit Mobilität und Verkehr Nachhaltigkeit, Natur- und Umweltschutz André Bauler

Kaméidi duerch ze haart Motorrieder: Wat gëtt dogéint ënnerholl?

Ëmmer nees si Motosfuerer an eise ländleche Géigende mat friséierte Maschinnen an engem Fuerstil ënnerwee, dass een se kilometerwäit héiert. Dëse Kaméidi stellt eng uerg Belaaschtung fir d'Leit, déi an dëse Géigende wunnen an deem de ganzen Dag, besonnesch Weekends, ausgesat sinn, duer. Den DP-Deputéierten André Bauler huet bei de Ministere fir Ëmwelt, Mobilitéit a Police nogefrot, wat d'Regierung gedenkt an dëser Hisiicht z'ënnerhuelen.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Nom dréchene Fréijoer: Wéi steet ëm d'Drénkwaasserreserven?

Och dëst Joer war et rëm e ganz dréchent Fréijoer mat wéineg Reen. Vu dass d'Dréchent scho wärend deenen zwee leschte Joren d'Grondwaasserreserven ënner Drock gesat hunn, wollten d'DP-Deputéiert André Bauler a Gusty Graas vun der Ëmwelt- an Inneministesch wëssen, wéi déi aktuell Reserven ausgesinn, an ob et eventuell néideg wier, d'Bierger lo schonn ze sensibiliséieren, fir méi spuersam mam Waasser ëmzegoen.

Parlamentarische Fragen Nachhaltigkeit, Natur- und Umweltschutz André Bauler

Weider illegal Deponien tëscht Köppenhaff a Flébour

Well zënter enger Zäit tëscht dem Köppenhaff a Flébour ëmmer nees illegal Knascht entsuergt gëtt, wollt den DP-Deputéierten André Bauler vun der zoustänneger Ministesch wëssen, wat dogéint ënnerholl ka ginn an ob et z.B. méiglech wier, d'Zirkulatioun fir Autoen op där Plaz anzeschränken.

Parlamentarische Fragen Nachhaltigkeit, Natur- und Umweltschutz André Bauler Max Hahn

Wat gëtt géint déi illegal Deponie am Naturpark Our ënnerholl?

Schonn zënter enger Rei Jore gëtt et am Naturpark Our, tëscht Ënnereesbech a Stolzebuerg, eng illegal Deponie, op där allméigleche Knascht entsuergt gëtt. Well awer bis lo an deem Dossier nach net vill geschitt ze si schéngt, hunn d'DP-Deputéiert André Bauler a Max Hahn bei der zoustänneger Ministesch nogefrot, ob hir dës Ëmstänn bekannt sinn a wat si dogéint z'ënnerhuele gedenkt.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler Gusty Graas

Gëtt d'Virkafsrecht am Kader vum neien Naturschutzgesetz  genotzt?

Am Kader vum neien Naturschutzgesetz krut de Staat, d’Gemengen an och d’Gemengesyndikater e Virvkafsrecht zougesprach fir Terrainen opzekafe fir de Kompensatiounspool ze alimentéieren. D’DP-Deputéiert André Bauler a Gusty Graas hu bei der Ministesch nogefrot, wéi vill Terraine schonn esou opkaaft goufen, wat derfir bezuelt gouf a wéi vill Ökopunkte schonn nom neie System kompenséiert gouf.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler

Wéi wierkt sech d'Dréchent op eis Beem aus?

Den DP-Deputéierten André Bauler huet bei der Ëmweltministesch a beim Landwirtschaftsminister no de Konsequenze vun der Dréchent op eis Beem gefrot. 

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi geet et weider mat de Juegdlousen?

Vum 15. Mäerz bis de 16. Abrëll konnt de Public Observatiounen zu der Propose vun der Ëmweltministesch fir d’Neiopdeelung vun de Juegdlousen erareechen. D’DP-Deputéiert Gusty Graas an de André Bauler hunn déi zoustänneg Ministesch gefrot wéi vill Observatiounen erageschéckt goufen, ob dës schonn all analyséiert goufen an ob et nach zu Verännerunge bei de Limitte wäert kommen?

Parlamentarische Fragen Außenpolitik Landwirtschaft und Weinbau Nachhaltigkeit, Natur- und Umweltschutz Tiere André Bauler Gusty Graas

Wat soen d'EU-Memberstaaten zum Fräihandelsaccord tëscht der EU an deene 4 Länner vum "Mercosur"?

No 20 Joer Verhandlunge si sech d’EU an déi 4 Länner vum „Mercosur“ (Brasilien, Argentinien, Uruguay a Paraguay) den 28. Juni iwwer d’Base vun engem Handelsaccord eens ginn. Wärend déi europäesch Wirtschaft, wéi z.B. Däitschland, sech doriwwer freet, mécht sech déi europäesch Landwirtschaft Suerge wéinst engem evtl. Massenimport aus Länner, an deenen net déi selwecht Reegele gëlle wéi an Europa. Dat betëfft z.B. d’Beräicher vum Sozialen, vum Ëmweltschutz oder vum Déiereschutz. Deemno stellt sech d’Fro, ob deen Handelsaccord vun der europäescher Kommissioun soll ugeholl ginn oder net. An dem Kontext hunn eis Deputéiert Gilles Baum an André Bauler dem Landwirtschaftsminister e puer Froe gestallt.

Parlamentarische Fragen Nachhaltigkeit, Natur- und Umweltschutz André Bauler

Gëtt och Lëtzebuergeschen Elektroschrott an Entwécklungslänner exportéiert?

Am Prinzip ass d'Ecotrel zu Lëtzebuerg zoustänneg fir d'Asammelen a Recycléiere vun Elektroschrott. Gläichzäiteg ginn all Joer zeg Tonne vun Elektroschrott aus den Industrielänner an Afrika exportéiert, wou deen dann ënnert Bedingunge recycléiert gëtt, déi a kenger Manéier och nëmmen den elementaarsten Ufuerderungen a Saache Gesondheetsschutz an Aarbechtssécherheet entspriechen. Den DP-Deputéierten André Bauler huet dowéinst bei der Ëmweltministesch nogefrot, ob d'Ecotrel och Elektroschrott an d'Ausland exportéiert, a wa jo, ob et en zouverlässege System gëtt, fir sécherzestellen, dass deen net an Entwécklungslänner lant.

Parlamentarische Fragen Nachhaltigkeit, Natur- und Umweltschutz André Bauler

Wat gëtt géint de massive Borkekäferbefall an eiser Bëscher ënnerholl?

Wéinst der aussergewéinlecher Dréchent de leschte Summer konnt sech de Borkekäfer an eise Bëscher massiv ausbreeden. Fir de Problem an de Grëff ze kréien an déi betraffe Beem ze hae wier u sech elo am Wanter de beschte Moment, well de Borkekäfer sech aktuell opgrond vun den niddregen Temperaturen net weiderverbreet. Aus deem Gronn huet den DP-Deputéierten André Bauler bei der Ëmweltministesch nogefrot, wat si wëlles huet géint de Borkekäfer z'ënnerhuelen, an och wéi si an deem Kader de betraffene Privatbëschbesëtzer ënnert d'Äerm gräife wëll.

Parlamentarische Fragen Nachhaltigkeit, Natur- und Umweltschutz André Bauler

Wéi steet et ëm d'Drénkwaasserreserven no der laanger Dréchent dëst Joer?

Vu dass net nëmmen dëse Summer vill méi dréche war ewéi aner Joren, mee et och den Hierscht bis ewell net genuch gereent huet, besteet d'Gefor, dass d'Drénkwaasserreserven sech net genuch iwwert de Wanter kënnen erhuelen, wouduerch et nächste Summer zu Versuergungsschwieregkeete komme kéint. Aus deem Grond huet den DP-Deputéierten André Bauler bei der Ëmweltministesch nogefrot, wéi d'Reserven an der leschte Méint evoluéiert hunn, a wat d'Ministesch ënnerhuele wëll, wann déi aktuell Dréchent nach weider unhält.

Parlamentarische Fragen Nachhaltigkeit, Natur- und Umweltschutz André Bauler

Wat gëtt géint invasiv Planzenaarten zu Lëtzebuerg ënnerholl?

D’„Renouée du Japon“, och nach „Japanischer Staudenknöterich“ oder „fallopia japonica“ genannt, gehéiert zu den invasive Planzenaarten, déi dacks en negativen Impakt op déi einheimesch Flora hunn. Den DP-Deputéierten André Bauler huet a senger parlamentarescher Fro Präzisiounen zu ë.a. dëser Planz an hirer Verbreedung zu Lëtzebuerg vun der Ëmweltministesch gefrot.

Parlamentarische Fragen Nachhaltigkeit, Natur- und Umweltschutz André Bauler

Wéi steet et ëm d’Waasserreserve vum Stauséi?

Nodeems et an de leschte Méint ganz vill gereent huet an de Stauséi am Summer 2017 enorm Waasser verluer hat, freet den Deputéierten André Bauler am Wirtschaftsministère no, wéi héich de Peegel vum Séi zurzäit ass.

Zanter 1961 ass de Stau de gréisste Waasserspäicher vum Land an eng beléifte Fräizäit- an Touristendestinatioun.

Eisen Norddeputéierten huet och am Wirtschaftsministère nogefrot, wéi et ëm d'Sécherheet an d'Stabilitéit vun der Staumauer steet, an ob déi nächst Joren Aarbechten an deem Kontext geplangt sinn.

Da wëll den André Bauler och nach wëssen, ob een den Accès zum Séi fir Daucher, Fëscher a soss Visiteure verbessere kéint an ob den Accès zum Solarboot net kéint méi sécher a méi kamoud gemaach ginn?