Sie sind hier

Parlamentarische Fragen Landesplanung und Wohnen Mobilität und Verkehr André Bauler Max Hahn

Wunnengen an Zuchstatiounen?

Op verschiddene Plaze ginn et scho Wunnengen an Zuchstatiounen. Mee wéi gesäit et generell am Land mat sou Projeten aus? Gëtt et do nach Loft no uewen? Wat ass geplangt? D'DP-Deputéiert André Bauler a Max Hahn hu weider Informatioune vum zoustännege Minister gefrot.

Parlamentarische Fragen Landesplanung und Wohnen André Bauler Max Hahn

Renovatioun vun Wunnengen déi fréier fir den ëffentlechen Déngscht bestëmmt waren

Säit puer Joer si Wunnengen déi fréier fir den ëffentlechen Déngscht bestëmmt waren, fräi gemaach gi fir néie Logement ze schafen. D’DP-Deputéiert André Bauler a Max Hahn hunn beim zoustännege Minister ënnert anerem nogefrot, wéi vill Logementer de Moment renovéiert ginn an a wéi wäit de Fond de Logement an d'SNHBM bei der Renovatioun vun dëse Gebailechkeete mat abegraff gëtt.

Parlamentarische Fragen Gesellschaft Landesplanung und Wohnen André Bauler Max Hahn

Aktuell Informatiounen zum Fonds de compensation (FDC)

Enn September 2017, hat d'Regierung e Pilotprojet virgeluecht, an deem de Fonds de compensation (FDC) encouragéiert gouf, sech d'Avantagë fir d'Schafe vun abordabele Locatiounswunnengen ze engagéieren. D’DP-Deputéiert André Bauler a Max Hahn hunn an dem Sënn bei den zoustännege Ministeren nogefrot, wéi den Avancement vum Projet zu Gréiwemaacher ausgesäit a wat fir eng Montanten zënter Hierscht 2017 vum FDC engagéiert goufen, fir bezuelbar Locatiounswunnengen ze schafen.

 

 

Parlamentarische Fragen Gemeinden Landesplanung und Wohnen André Bauler Max Hahn

Wéi vill PAP'en ginn de Moment realiséiert?

D'Plans d’aménagement particulier (PAP) spillen eng wichteg Roll wann et ëm d'Schafe vu Wunnraum geet. Deementspriechend hunn d’DP-Deputéiert André Bauler a Max Hahn nogefrot wéi vill PAP'en de Moment realiséiert ginn a mat wéi vill néi gebauten (abordabelen) Wunnengen ze rechnen ass. 

 

Parlamentarische Fragen Landesplanung und Wohnen André Bauler Max Hahn

Wéi steet et ëm d‘Präisstransparenz um Immobiliëmarché ?

Den Ament ass et Usus datt déi meescht Immobilie-Constructeure Präisser affichéieren, déi op Basis vum reduzéierten TVA-Taux vun 3% berechent sinn. Dëst stellt allerdéngs eng Gefor fir de Konsument duer. 2019 haten d’Ministesch fir de Konsumenteschutz an de Minister vum Logement annoncéiert iwwert eng Standardiséierung vun den annoncéierte Wunnengspräisser nozedenken.

D‘DP-Deputéiert André Bauler a Max Hahn hunn an deem Kader nogefrot, wéi eng Konklusiounen bis ewell zréck behal goufen.

Parlamentarische Fragen Landesplanung und Wohnen André Bauler Max Hahn

SNHBM: Firwat konnte bestëmmt Terrainen a Gebaier bis elo nach net valoriséiert ginn?

D’DP-Deputéiert André Bauler a Max Hahn hunn beim zoustännege Minister nogefrot, ënnert wat fir enge Critèren SNHBM Immobilie keeft, a wisou verschidden Terrainen a Gebaier bis elo nach net valoriséiert goufen.

Parlamentarische Fragen Landesplanung und Wohnen André Bauler Max Hahn

Fonds du Logement: Firwat konnte bestëmmt Terrainen a Gebaier bis elo nach net valoriséiert ginn?

D’DP-Deputéiert André Bauler a Max Hahn hunn beim zoustännege Minister nogefrot, ënnert wat fir enge Critèren de Fonds du Logement Immobilie keeft, a wisou verschidden Terrainen a Gebaier déi viru Joren opkaaft goufen, bis elo nach net valoriséiert goufen.

Parlamentarische Fragen Landesplanung und Wohnen André Bauler

Projet Nordstad-Lycée: Wéi verleeft d’Acquisitioun vun de néidegen Terrainen ?

Obwuel d’Regierung schonn Enn 2014 decidéiert hat ee neie Standuert fir de Nordstad-Lycée zu Ierpeldeng op der Sauer unzeleeën, ass de Projet bis haut nach net vill avancéiert. Well den Ukaf vun den néidegen Terrainen sech als extrem schwéier erwisen huet, sinn d’Schüler och am Joer 2020 nach ëmmer op 3 provisoresche Sitten verdeelt. Den DP-Deputéierten André Bauler huet beim zoustännege Minister nogefrot, wei eng Terrainen sech de Staat bis ewell ugëeegent huet a wéini d’Konstruktioun vum neie Lycée soll fäerdeg ginn.

Parlamentarische Fragen Landesplanung und Wohnen André Bauler Gusty Graas

Wéi gesinn d'Investisiounshëllefe fir d'Landwirtschaft ab dem 1. Januar 2021 aus?

Wéi gesinn d'Investitiounshëllefe fir d'Landwirtschaft ab dem 1. Januar 2021 aus? Dat ass eng Fro déi vill Baueren sech momentan stellen. Wéi laang wäert d'Iwwergangsphase dauere bis dat neit Agrargesetz a Kraaft wäert sinn? Ginn d'Tauxen erop? Wat ass wann een de Plaffong schonn erreecht huet? D'Bauere brauche Planungssécherheet fir kënne weider an hir Betriber z'investéieren. Dofir hunn d'DP-Deputéiert Gusty Graas an André Bauler de Landwirtschaftsminister gefrot, wéi d'Hëllefen ab dem 1. Januar 2021 wäerten ausgesinn a wéini hien de Secteur doriwwer wëll informéieren.

Parlamentarische Fragen Landesplanung und Wohnen André Bauler Max Hahn

Wunnenge fir Jonker

Besonnesch fir jonk Leit ass et schwéier um Lëtzebuerger Immobiliëmarché eppes ze fanne wat zu hirer perséinlecher, finanzieller a sozialer Situatioun passt. Ma et gi jo Wunngemeinschaften, Studentewunnengen an och encadréiert Wunne fir Jonker. Wéi vill Projete sinn nach an der Realisatioun a wéi hunn d'Zuelen sech an deene leschte 5 Joer entwéckelt? Dës a weider Froen hunn eis Deputéierte Max Hahn an André Bauler dem Logementsminister gestallt. 

Parlamentarische Fragen Landesplanung und Wohnen Wirtschaft André Bauler

Speziell Wunnengen an Ateliere fir Kënschtler schafen?

Jonk Kënschtler si finanziell net ëmmer gutt gestallt fir eng Wunneng mat engem klengen Atelier ze lounen. Et ass also wichteg, datt hinnen op deem Plang gehollef gëtt.

Dofir huet den Deputéierten André Bauler d'Kulturministesch gefrot ob et de Moment speziell Wunnenge gëtt fir jonken Artisten zur Verfügung ze stellen. Weider wollt den Nord-Deputéierte wëssen ob d'Ministesch envisagéiert fir neie Wunnraum fir Kënschtler erschléissen ze loossen; Wunnengen, déi mat Ateliere kéinte kombinéiert ginn.

Parlamentarische Fragen Landesplanung und Wohnen Landwirtschaft und Weinbau André Bauler

Wéi ee Site fir déi nei ASTA-Laboen?

Wou sollen déi nei Laboe fir d'Administration des services techniques de l'agriculture (ASTA) hikommen? Nodeems, wéi et schéngt, aus dem urspréngleche Site um Fridhaff bei Dikrech näischt gëtt, huet den DP-Deputéierten André Bauler beim zoustännege Minister nogefrot, wéi eng aner Plazen ëm d'Nordstad a Fro géife kommen. Ausserdeem wollt den André Bauler wëssen, ob virgesi wier, all d'Büroe vun der ASTA op den neie Site am Sënn vun der administrativer Dezentraliséierung ze verleeën.

Parlamentarische Fragen Landesplanung und Wohnen Staat und Öffentlicher Dienst André Bauler

Wat geschitt mat dem alen Verwaltungsgebai zu Dikrech?

A senger rezenter parlamentarescher Ufro freet den DP-Deputéierten André Bauler, wat mat dem ale Verwaltungsgebai zu Dikrech an der Alex Heck Strooss geschitt. Muss et wierklech ofgerappt ginn oder kéint et net nach fir aner administrativ Zwecker genotzt ginn?

Parlamentarische Fragen Landesplanung und Wohnen André Bauler

Wéi eng konkret Projeten fir d'Entwécklung vun der Nordstad virunzedreiwen?

Den aktuelle Koalitiounsaccord gesäit vir, d'Entwécklung vun der Nordstad duerch cibléiert Mesuren ze fërderen, wéi z.B. duerch d'Dezentraliséierung vu Verwaltungen aus der Stad an den Norden. Den DP-Deputéierten André Bauler huet dowéinst beim Minister fir Landesplanung nogefrot, wéi eng Initiativen de Minister an där Hisiicht well ënnerholl huet a wéi eng konkret Projete virgesi sinn.

Parlamentarische Fragen Gemeinden Kultur Landesplanung und Wohnen André Bauler

Wat gëtt aus dem Biertrenger Schlass?

Den 29. Januar 2018 ass d‘Biertrenger Schlass am Kadaster vun der Gemeng Schieren ageschriwwe ginn. An enger parlamentarescher Fro, schreift eisen Deputéierten André Bauler, datt deen aussergewéinleche Site am Dikrecher Kanton et  verdéngt, fir renovéiert ze ginn. Esou wéi z.B. d’Schlass vun der Renaissance zu Beefort. Den Ament gehéiert d’Biertrenger Schlass dem Roude Kräiz, dat d‘Schlass verkafe wëll. Den André Bauler huet duerzou e puer Froen un d’Kulturministesch.