Sie sind hier

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler

Wéi wierkt sech d'Dréchent op eis Beem aus?

Den DP-Deputéierten André Bauler huet bei der Ëmweltministesch a beim Landwirtschaftsminister no de Konsequenze vun der Dréchent op eis Beem gefrot. 

Parlamentarische Fragen Nachhaltigkeit, Natur- und Umweltschutz Gusty Graas

Wéi verschmotzt ass d'Kuer?

Nom grousse Feier an der Industriezone Gadderscheier ass vill Läschwaasser an d'Kuer gelaf, sou datt dës elo verschmotzt ass. Den DP-Deputéierte Gusty Graas freet bei der Ëmweltministesch no, wat fir e Schued u Fauna an Flora entstanen ass. Hie freet och firwat den Opfaangbecke vun der Industriezone d'Läschwaasser net konnt opfänken a firwat en net sou concipéiert gouf fir géint sou en Tëschefall gewappnet ze sinn?

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi geet et weider mat de Juegdlousen?

Vum 15. Mäerz bis de 16. Abrëll konnt de Public Observatiounen zu der Propose vun der Ëmweltministesch fir d’Neiopdeelung vun de Juegdlousen erareechen. D’DP-Deputéiert Gusty Graas an de André Bauler hunn déi zoustänneg Ministesch gefrot wéi vill Observatiounen erageschéckt goufen, ob dës schonn all analyséiert goufen an ob et nach zu Verännerunge bei de Limitte wäert kommen?

News Arbeit Bildung Familie Gesellschaft Klimaschutz und Energie Landesplanung und Wohnen Medien und ICT Nachhaltigkeit, Natur- und Umweltschutz Wirtschaft Max Hahn

Debatt iwwert déi nohalteg Entwécklung zu Lëtzebuerg

Wéi kënne mer eist Land méi nohalteg gestalten? Am Kader vun enger Orientéierungsdebatt an der Chamber huet den DP-Deputéierte Max Hahn ënnerstrach, dass nohalteg Entwécklung méi ass wéi Ëmwelt- a Klimaschutz: Eng nohalteg Gesellschaft ass eng inklusiv Gesellschaft, an där jiddereen déi selwecht Chancen huet, seng Ziler am Liewen ze verwierklechen.

Parlamentarische Fragen Gesundheit und Pflege Nachhaltigkeit, Natur- und Umweltschutz Gusty Graas

Léisung zur Problematik Eechepressessiounsraup?

Eechepressessiounsraupe schéngen all Joer méi dacks zu Lëtzebuerg opzedauchen. Si sinn eng Gefor, well d’Sekreter vun hiren Hoer d‘Haut vun de Mënsche staark verbrennen. Dofir ginn elo Géigemesure geholl, an zwar prinzipiell op deene Plazen, wou de Raup riskéiert, fir de Leit geféierlech ze ginn. Zu Guénange an der Lorraine huet d’Gemeng den „Institut de Recherche Agronomique“  (INRA) em Hëllef gefrot. Deem seng Experten hu mat enger Drone déi riskant Plaze mat engem Biocide gesprayt, ouni dass d’Ëmwelt dobäi zu Schued koum ass. An deem Kontext huet eisen Deputéierte Gusty Graas der Ëmweltministesch an dem Gesondheetsminister e puer Froe gestallt.

Parlamentarische Fragen Außenpolitik Landwirtschaft und Weinbau Nachhaltigkeit, Natur- und Umweltschutz Tiere André Bauler Gusty Graas

Wat soen d'EU-Memberstaaten zum Fräihandelsaccord tëscht der EU an deene 4 Länner vum "Mercosur"?

No 20 Joer Verhandlunge si sech d’EU an déi 4 Länner vum „Mercosur“ (Brasilien, Argentinien, Uruguay a Paraguay) den 28. Juni iwwer d’Base vun engem Handelsaccord eens ginn. Wärend déi europäesch Wirtschaft, wéi z.B. Däitschland, sech doriwwer freet, mécht sech déi europäesch Landwirtschaft Suerge wéinst engem evtl. Massenimport aus Länner, an deenen net déi selwecht Reegele gëlle wéi an Europa. Dat betëfft z.B. d’Beräicher vum Sozialen, vum Ëmweltschutz oder vum Déiereschutz. Deemno stellt sech d’Fro, ob deen Handelsaccord vun der europäescher Kommissioun soll ugeholl ginn oder net. An dem Kontext hunn eis Deputéiert Gilles Baum an André Bauler dem Landwirtschaftsminister e puer Froe gestallt.

News Nachhaltigkeit, Natur- und Umweltschutz Jean-Paul Lickes

D’Roll vun de Gemenge bei der Waasserversuergung

D’Federatioun vun de Gemengeconseillere vun der DP hat gëscht de Jean-Paul Lickes op eng Konferenz iwwert déi kommunal Responsabilitéit beim Waasserschutz a bei der Waassergestioun invitéiert.

News Nachhaltigkeit, Natur- und Umweltschutz Max Hahn

Méi eng nohalteg Offallgestioun

Wéi kënne mer de Knascht reduzéieren? A wéi kënne mer déi begrenzt Ressourcen, déi eis zur Verfügung stinn, besser notzen? Ënnert anerem dëse Froe sinn d’Deputéiert den Donneschden an engem Orientéierungs-Débat zum Offall nogaang.

Parlamentarische Fragen Nachhaltigkeit, Natur- und Umweltschutz Guy Arendt

Wéi geet et weider mat der Neiopdeelung vun de Juegdlousen?

D’Ëmweltministesch huet dem Regierungsrot d’Neiopdeelung vun de Juegdlousen zu Lëtzebuerg presentéiert.

Parlamentarische Fragen Mobilität und Verkehr Nachhaltigkeit, Natur- und Umweltschutz Joëlle Elvinger Guy Arendt

Wat sinn d’Konsequenze vun der Spärung vum Stafelter ?

D’Walfer DP-Deputéiert Joëlle Elvinger a Guy Arendt hunn den zoustännege Minister gefrot ob et keng aner Alternativen wéi eng Vollspärung gouf déi trotzdem fir d’Sécherheet beim Chantier gesuergt hätten.

Parlamentarische Fragen Nachhaltigkeit, Natur- und Umweltschutz André Bauler

Gëtt och Lëtzebuergeschen Elektroschrott an Entwécklungslänner exportéiert?

Am Prinzip ass d'Ecotrel zu Lëtzebuerg zoustänneg fir d'Asammelen a Recycléiere vun Elektroschrott. Gläichzäiteg ginn all Joer zeg Tonne vun Elektroschrott aus den Industrielänner an Afrika exportéiert, wou deen dann ënnert Bedingunge recycléiert gëtt, déi a kenger Manéier och nëmmen den elementaarsten Ufuerderungen a Saache Gesondheetsschutz an Aarbechtssécherheet entspriechen. Den DP-Deputéierten André Bauler huet dowéinst bei der Ëmweltministesch nogefrot, ob d'Ecotrel och Elektroschrott an d'Ausland exportéiert, a wa jo, ob et en zouverlässege System gëtt, fir sécherzestellen, dass deen net an Entwécklungslänner lant.

Parlamentarische Fragen Nachhaltigkeit, Natur- und Umweltschutz André Bauler

Wat gëtt géint de massive Borkekäferbefall an eiser Bëscher ënnerholl?

Wéinst der aussergewéinlecher Dréchent de leschte Summer konnt sech de Borkekäfer an eise Bëscher massiv ausbreeden. Fir de Problem an de Grëff ze kréien an déi betraffe Beem ze hae wier u sech elo am Wanter de beschte Moment, well de Borkekäfer sech aktuell opgrond vun den niddregen Temperaturen net weiderverbreet. Aus deem Gronn huet den DP-Deputéierten André Bauler bei der Ëmweltministesch nogefrot, wat si wëlles huet géint de Borkekäfer z'ënnerhuelen, an och wéi si an deem Kader de betraffene Privatbëschbesëtzer ënnert d'Äerm gräife wëll.

Parlamentarische Fragen Nachhaltigkeit, Natur- und Umweltschutz Gusty Graas

Kënnt et zu enger Verwässerung vun der Waasserschutzdirektiv?

Aktuell, a bis de 4. Mäerz 2019 nach mat, gëtt d'Directive-cadre iwwert de Waasserschutz vun der Europäescher Kommissioun op de Leescht geholl. An deem Kader fäerte verschidde Ëmweltschutzorganisatiounen, dass dës Direktiv geschwächt kéint ginn - mat potenziell gravéierende Konsequenze fir eis Baachen, Séier a Flëss. Dowéinst huet den DP-Deputéierte Gusty Graas bei der Ëmweltministesch nogefrot, ob si dës Bedenken deelt a wat si wëlles huet ze maachen, fir dass d'Direktiv näischt vun hirem Gewiicht verléiert. Donieft wollt hie wëssen, ob et net sënnvoll wier, d'Leit méi aktiv iwwert d'Méiglechkeet un der ëffentlecher Consultatioun, déi an deem Kader organiséiert gëtt, deelzehuelen, z'informéieren.

Parlamentarische Fragen Klimaschutz und Energie Nachhaltigkeit, Natur- und Umweltschutz Max Hahn

Wat geschitt mat den Terrainen déi EDF zu Cattenom kaf huet?

Wéi an der franséischer Press viru kuerzem ze liese war, huet déi ëffentlech Stroumgesellschaft EDF nei Terrainen zu Cattenom kaf. Den DP-Deputéierte Max Hahn wollt aus deem Grond vun der zoustänneger Ministesch wëssen, ob si wéisst, wat mat dësen Terraine geschéie soll a wéi ee Projet do geplangt wier. Doriwwer eraus wollt hie wëssen, ob si mat de franséischen Autoritéiten am Gespréich wier, fir en nohaltege Projet vun erneierbaren Energien op deem Site z'encouragéieren grad ewéi d'Zoumaache vun der Nuklearzentral zu Cattenom?

Parlamentarische Fragen Nachhaltigkeit, Natur- und Umweltschutz Gusty Graas

Koum et op en Neits zu enger Fuite vun "AdBlue" op der Aire de Berchem?

Nodeems am Juni 2016 schonn eng ronn 55.000 Liter "AdBlue" bei der Shell Tankstell op der Aire de Berchem ausgelaf waren, an d'Biedem an d'Waasser an der Ëmgéigend zolidd verknascht haten, schéngt et op en Neits zu sou enger Fuite komm ze sinn. Dowéinst huet den DP-Deputéierte Gusyt Graas bei der Ëmweltministesch nogefrot, fir gewuer ze ginn, ob dës Informatioune stëmmen, an, wa jo, wéi et dozou komme konnt a wéi eng Konsequenzen dat mat sech brénge wäert, souwuel fir d'Ëmwelt wéi och fir déi betraffen Tankstell.