Sie sind hier

Parlamentarische Fragen Nachhaltigkeit, Natur- und Umweltschutz André Bauler Gusty Graas

Invasiv Kriibsen-Aarten an eise Gewässer: Gräifen d'Mesuren?

De Signalkrebs an de Kamberkrebs sinn zwou invasiv Aarten, déi sech a ganz Europa zënter Joren ausbreeden - dëst mat engem gravéierenden Impakt op déi lokal Ökosystemer. D'DP-Deputéiert André Bauler a Gusty Graas wollte vun der zoustänneger Ministesch wëssen, ob d'Mesuren déi am Aktiounsplang virgesi sinn, bis lo de gewënschte Succès haten, wéi vill där Déieren an de leschte Jore konnte gefaangen oder gefëscht ginn a weider Detailer zur Bekämpfung vun dësen invasiven Aarten.

Parlamentarische Fragen Nachhaltigkeit, Natur- und Umweltschutz André Bauler

Verschidde Froen zum Stauséi

Wéi huet de Waasserstand am Stauséi an de leschte Joren evoluéiert? Wéi ass den Zoustand vun der Staumauer? Den DP-Deputéierten André Bauler huet bei den zoustännege Ministeren nogefrot.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Max Hahn Gusty Graas

Réikitzrettung per Dron

D'Regierung hat leschte Summer e Pilotprojet annoncéiert fir d'Réikitzrettung per Dron virum Mädrescher z'ënnerstëtzen. D'DP-Deputéiert Max Hahn a Gusty Graas hu bei den zoustännege Ministeren nogefrot, wou dee Pilotprojet drun ass.

Parlamentarische Fragen Nachhaltigkeit, Natur- und Umweltschutz Guy Arendt Gusty Graas

Wat ass d'Reaktioun vun der Ëmweltministesch op d'Demissioun vum President vun der Jeeërfederatioun?

Als Grond vu sengem Récktrëtt gëtt de President vun der Jeeërfederatioun e Mangel u konstruktiver Zesummenaarbecht an e "Missachten" vu Säite vun der Ëmweltministesch vis-à-vis vun de Jeeër un. D'DP-Deputéiert Guy Arendt a Gusty Graas hunn nogefrot, wéi d'Ministesch zu de Virwërf steet a wéi d'Zesummenaarbecht an Zukunft verbessert soll ginn.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Gusty Graas

Ze vill Phosphat am Stauséi?

Wéi aus engem rezenten Interview am Wort ervirgeet, hat d'Landwirtschaftskummer dem Ëmweltministère eng Etüd presentéiert iwwer déi héich Konzentratioun vu Phosphat am Stauséi an d'Ursaachen dovunner, déi bei verschiddene Kläranlagen an der Géigend géife leien. Well d'Kummer allerdéngs keng Reaktioun dorop kritt hätt, huet den DP-Deputéierte Gusty Graas bei der zoustänneger Ministesch nogefrot.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Atomendlager zu Bure: Gëtt d'Regierung reegelméisseg iwwer nei Entwécklungen informéiert?

An hirem Avis vum 13. Januar huet déi franséisch Ëmweltautoritéit eng ganz Partie Kritike par Rapport zum geplangten Endlager zu Bure opgeworf, dat eng 100 km vun der Lëtzebuerger Grenz ewech läit. D'DP-Deputéiert Max Hahn a Gusty Graas hu bei den zoustännege Ministeren nogefrot, ob gewosst ass, wat d'Suite vun deem Avis fir de Projet wäerte sinn an ob d'Regierung reegelméisseg iwwer sou Entwécklungen um Lafende gehale gëtt.

Parlamentarische Fragen Nachhaltigkeit, Natur- und Umweltschutz André Bauler Max Hahn

Wat ass den Impakt vum Goldschakal op déi einheimesch Déieren?

Wéi et schéngt, ass de Goldschakal méiglecherweis eng éischte Kéier zu Lëtzebuerg gesi ginn. D'DP-Deputéierten André Bauler a Max Hahn hu bei der Ëmweltministesch nogefrot, wat den Impakt vu senger Presenz virun allem op d'Beutedéieren ass, a wéi et allgemeng ëm d'Bekämpfung vun den invasiven Déierenaarten hei am Land steet.

Parlamentarische Fragen Mobilität und Verkehr Nachhaltigkeit, Natur- und Umweltschutz Max Hahn Carole Hartmann

Firwat dauert et sou laang bis dass d'Leit d'Primm fir e Vëlo oder Elektro-Auto ausbezuelt kréien?

Den DP-Deputéierte Carole Hartmann a Max Hahn ass zu Ouere komm, dass et ënner Ëmstänn ganz laang dauert bis dass d'Leit d'Primm "Clever Fueren" och tatsächlech ausbezuelt kréien. Si hunn dowéinst bei der zoustänneger Ministesch nogefrot, firwat dat sou ass a wat kann ënnerholl ginn, fir dës Delaien ze reduzéieren.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Gusty Graas

Waasser aus der Musel fir jonk Riewen ze nätzen?

Zu Lëtzebuerg gëtt et haut schonn d'Méiglechkeet, Waasser aus der Musel ze huele fir jonk Riewen ze nätzen, wann et ze waarm an dréchen ass. Dat lescht Joer ass keng Demande beim Waasserwirtschaftsamt rakomm, quitt dass de President vun de Privatwënzer an engem rezenten Interview awer dofir plädéiert huet. Wat ass de Grond dofir? Misst méi iwwer dës Méiglechkeet informéiert, respektiv den administrativen Opwand reduzéiert ginn? Den DP-Deputéierte Gusty Graas huet bei den zoustännege Ministeren nogefrot.

Parlamentarische Fragen Außenpolitik Nachhaltigkeit, Natur- und Umweltschutz Max Hahn Gusty Graas

Wat ënnerhëlt Lëtzebuerg fir d'Unerkennung vum Ekozid als Verbriechen op internationalem Niveau virunzebréngen?

Am aktuelle Koalitiounsaccord schwätzt sech d'Regierung dofir aus, den Ekozid als Verbriechen op internationalem Niveau unzëerkennen. D'DP-Deputéiert Gusty Graas a Max Hahn hu bei den zoustännege Ministeren nogefrot, wat da bis lo konkret an déi Richtung ënnerholl ginn ass.

Parlamentarische Fragen Nachhaltigkeit, Natur- und Umweltschutz Gusty Graas

Rezent Waasserverschmotzung an der Rouschtbaach bei Miersch

Rezent gouf eng gréisser Waasserverschmotzung an der Rouschtbaach bei Miersch festgestallt. Dausende Liter Mëllech sinn hei aus engem ugrenzende Mëllech-Betrib an d'Baach gelaf. Den DP-Deputéierte Gusty Graas huet bei der zoustänneger Ministesch nogefrot, ob ewell weider Informatiounen zu dësem Virfall virléien an ob eng Plainte bei der Police deposéiert gouf.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Problemer mat Ëmweltgeneemegunge bei Depoten – an deenen Hackschnëtzel produzéiert a gelagert gëtt?

A verschiddene Géigende vum Land – an deenen d’Bëschbestänn et erlaben – gëtt d’Holz schonn zanter längerem als wichteg Energiequell ugesinn. An deem Kontext, ass den d'DP-Deputéiert Max Hahn a Claude Lamberty zu Ouere komm, dass et deslescht bei verschiddenen Depoten – an deenen Hackschnëtzel produzéiert a gelagert gëtt – Problemer mat Ëmweltgeneemegunge gouf. Deementspriechend hunn déi zwee DP-Deputéiert beim zoustännege Minister nogefrot, ob d'Hackschnëtzelanlage weider als sënnvoll ugesi ginn a wéi vill ëffentlech Hackschnëtzel-Projeten zanter dem neien Naturschutzgesetz ëmgesat gi sinn.

Parlamentarische Fragen Nachhaltigkeit, Natur- und Umweltschutz Gusty Graas

Goufe wéinst der Pandemie méi Fëschschäiner ausgestallt?

An der Wallonie goufen dëst Joer däitlech méi Fëschschäiner ausgestallt wéi aner Joren. Wéinst der Pandemie si vill Leit éischter Aktivitéiten dobaussen nogaangen, wéi z.B. dem Fëschen. Den DP-Deputéierte Gusty Graas huet bei der zoustänneger Ministesch nogefrot, wéi d'Zuelen zu Lëtzebuerg evoluéiert hunn.

Parlamentarische Fragen Nachhaltigkeit, Natur- und Umweltschutz Gusty Graas

Saturatioun vum Marché: Präisexplosioun bei de Kläranlagen

Wéi vill Projeten si betraff? Wéi vill méi deier wäerten se ginn? A wat kann ënnerholl gi fir z'evitéieren dass Gemengen a Syndikater vill méi deier fir déi nei Kläranlage musse bezuelen? Den DP-Deputéierte Gusty Graas huet bei der zoustänneger Ministesch nogefrot.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Wéi geet et virun bei der Reduktioun vun der Liichtverschmotzung?

Nodeems den Ëmweltministère virun zwee Joer e Guide rausginn huet fir d'Liichtverschmotzung uechter d'Land ze reduzéieren, hunn d'DP-Deputéiert Max Hahn a Gusty Graas nogefrot, wéi de Bilan bis elo an deem Beräich ausgesäit.