Hausse vun de Pëtrolspräisser: kënnt de neien Index schonn dëst Joer ?

Nieft dem Diesel an dem Bensin, sinn och aner Rohstoffer iwwer déi leschte Méint däitlech méi deier ginn. Den DP-Deputéierten André Bauler huet beim Wirtschaftsminister ënnert Anerem nogefrot, wat d'Grënn dofir sinn a wat dat fir déi nächst Index-Tranche bedeit.

Wéi séier ginn déi nei Covid-Hëllefen ausbezuelt?

Am Dezember goufe weider Hëllefe gestëmmt fir deene Betriber ze hëllefen, déi besonnesch ënnert der Corona-Krise leiden. D'DP-Deputéiert Carole Hartmann an André Bauler hu beim Mëttelstandsminister Lex Delles nogefrot, wéi vill Demandë schonn agereecht goufen a wéi séier dës traitéiert ginn.

Wéi geet et weider mam EU-Mercosur-Accord?

Nodeems Frankräich scho länger retizent op de EU-Accord-Mercosur-Accord reagéiert huet, huet kierzlech och déi däitsch Kanzlerin Merkel sech skeptesch vis-à-vis vum aktuellen Text vum Accord geäussert. Den DP-Deputéierte Gusty Graas huet bei den zoustännege Ministeren nogefrot, wéi et elo mam Accord weidergeet?

Haarde Brexit: Wéi eng Konsequenzen fir d'Lëtzebuerger Industrie?

De Fall vun engem haarde Brexit suergt europawäit fir vill Kappzerbrieches. Den DP-Deputéierten André Bauler huet beim Wirtschaftsminister nogefrot, inwéifern d'lëtzebuerger Industrie op dësen Zenario virbereed ass.

Firwat gouf d'ëffentlech Consultatioun vum Dossier FAGE an d'Summervakanz geluecht?

Den DP-Deputéierte Gusty Graas huet déi zoustänneg Ministere gefrot firwat d'ëffentlech Consultatioun vum Dossier FAGE an d'Summervakanz geluecht gouf? De Gusty Graas freet weider ob et net besser wier wann allgemeng esou Consultatiounen net an der Summerkanz géife stattfanne fir datt méi Bierger den Dossier kënne consultéieren a fir datt d'Gemenge sécher sinn, datt déi betraffe Gemengebeamten och disponibel si fir den Dossier beschtméiglechst ze präparéieren?

STATEC: Firwat keen Akafsbong fir de lokale Commerce?

Dem DP Deputéierten André Bauler ass zu Ouere komm, datt de Statec géing Persounen, déi un enger Ëmfro deelhuelen, mat Akafsbonge belounen. Dës Kaddosbongen kéint een allerdéngs just um Site vun enger grousser internationaler Onlineplattform aléisen. A senger parlamentarescher Fro un den zoustännege Minister freet den André Bauler ënner anerem, ob een dës Akafsbongen net hätt kënne iwwer déi Lëtzebuerger Onlineplattform "Letzshop.lu" lafe loossen. Dat wier eng Ënnerstëtzung fir eis kleng- a mëttelstännege Betriber gewiescht.

Eng besser Landesplanung duerch nei Aktivitéitszonen un de Grenzen

D'Schafe vun neien Aktivitéitszonen ass en zentraalt Instrument fir eng equilibréiert Landesplanung a wirtschaftlech Entwécklung. Besonnesch an der Grenzregioun, a mat Plaz fir Coworking-Strukturen, droen se dozou bäi, de Verkéier an den Zentrum vum Land ze reduzéieren. Aus deem Grond huet d'DP-Deputéiert Carole Hartmann bei den zoustännege Ministeren nogefrot, wou deen Dossier drun ass, wat an Zukunft geplangt ass an ob virgesinn ass, grad Zonen un de Grenzen a mat Coworking-Strukturen ze favoriséieren.

Wéi steet et ëm d'Holzwirtschaft zu Lëtzebuerg?

Déi laang Drécheperioden an de Borkenkäfer belaaschten eis Bëscher staark, virun allem d'Fichtebestänn si betraff. Dëst huet zur Konsequenz, dass de Marché mat Schuedholz iwwerschwemmt ginn ass a vill Bëschbesëtzer op hirem Holz sëtzebleiwen. D'DP-Deputéiert Max Hahn an André Bauler hunn nogefrot, wéi et dem Secteur geet a wéi eng zousätzlech Mesuren eventuell geholl kéinte gi fir de betraffene Leit a Betriber ze hëllefen.

Speziell Wunnengen an Ateliere fir Kënschtler schafen?

Jonk Kënschtler si finanziell net ëmmer gutt gestallt fir eng Wunneng mat engem klengen Atelier ze lounen. Et ass also wichteg, datt hinnen op deem Plang gehollef gëtt.

Dofir huet den Deputéierten André Bauler d'Kulturministesch gefrot ob et de Moment speziell Wunnenge gëtt fir jonken Artisten zur Verfügung ze stellen. Weider wollt den Nord-Deputéierte wëssen ob d'Ministesch envisagéiert fir neie Wunnraum fir Kënschtler erschléissen ze loossen; Wunnengen, déi mat Ateliere kéinte kombinéiert ginn.

Wéi steet et mat der Diversifikatioun an Dezentraliséierung vun eiser Ekonomie?

Am Regierungsaccord steet, datt weiderhin Efforte wäerte gemaach gi, wat d'Diversifikatioun an d'Dezentraliséierung vun eiser Ekonomie ugeet. Den DP-Deputéierten André Bauler freet beim Wirtschaftsminister no, wat bis ewell erreecht gouf.

Réckgang vun der däitscher Industrie

D'Medie mellen, dass déi däitsch Industrie ofhëlt an hir Exportatiounen zeréck ginn. Huet dat Auswierkungen op déi lëtzebuergesch Industrie? Zu dem Thema huet den Deputéierten André Bauler e puer Froen un de Wirtschaftsminister gestallt.

D’Entwécklung vu Start-Upen encouragéieren

Am Kader vu senger ekonomescher Diversifikatiounspolitik wëll de Wirtschaftsministère jo d’Entwécklung vu Start-Upen encouragéieren. Fir Lëtzebuerg als „Start-Up Nation“ z’ënnerstëtzen, wëll d'Regierung den Image vum Land an déi Richtung entwéckelen an domadder d’Visibilitéit op nationalem an internationalem Niveau stäerken. Ë.a. mat enger  Marketing- a Kommunikatiounsstrategie, déi soll méi Investisseuren an deene verschiddenen Domänen unzéien. An dësem Kontext hunn eis Deputéiert Carole Hartmann an André Bauler e puer Froen un de Wirtschaftsminister gestallt.

Kreativwirtschaft hei am Land

Déi sougenannte Kreativwirtschaft ëmfaasst déi Beruffer, bei deenen et drëms geet duerch kreatiivt Denken nei Objeten a Servicer ze produzéieren. Den DP-Deputéierten André Bauler freet beim Minister no wéi dës Aktivitéiten hei am Land ënnerstëtzt ginn.

Wéi gesäit et aus mat de Sécherheetsstocken u Pëtrolsproduiten zu Lëtzebuerg?

Wéini ginn déi geplangte nei Lagere gebaut a wéini ginn déi al zou gemaach ? Dës an aner Froen stellt de Süd-Deputéierte Max Hahn un de zoustännege Minister.

Méi Lëtzebuerger Wäin op eisen Ambassaden?

Statt wéi bis elo de Wäi vum Institut Viti-vinicole unzebieden, freet den Ost-Deputéierte Gilles Baum ob et net méi sënnvoll wier de Wäi vun eise Produzente vun der Musel unzebidden? Dat wier eng ideal Promotioun fir eis beschte Cruen!