Sie sind hier

Parlamentarische Fragen Gemeinden Nachhaltigkeit, Natur- und Umweltschutz Gusty Graas

Wéi ënnerstëtzt d'Regierung Initiative géint Schottergäert?

Well d'Schottergäert en negativen Impakt op d'Ëmwelt an d'Biodiversitéit hunn, hunn de Mouvement écologique an den Oekozenter Pafendall eng Campagne lancéiert fir d'Leit nach méi zu dësem Thema ze sensibiliséieren. D'Gemeng Beetebuerg huet souguer an hirem Bautereglement reng Schottergäert verbueden a sech och selwer verflicht, an där Hisiicht mam gudde Beispill virzegoen. Den DP-Deputéierte Gusty Graas huet bei der Innen- an Ëmweltministesch nogefrot, op wéi eng Manéier si sou Initiativen ënnerstëtze wéilten.

Parlamentarische Fragen Gemeinden Claude Lamberty André Bauler

Misst d'Andeelung a "lieux-dits", Dierfer a Stied eng Kéier aktualiséiert ginn?

Wéi vill "lieux-dits" ginn et zu Lëtzebuerg a wat genee mécht sou ee "lieu-dit" aus? Misst donieft, mat der Entwécklung vu villen Uertschaften iwwer déi lescht Joren, d'Andeelung an Dierfer a Stied net eng Kéier ugepasst ginn? D'DP-Deputéiert André Bauler a Claude Lamberty hu bei der zoustänneger Ministesch nogefrot.

Parlamentarische Fragen Gemeinden Kultur André Bauler Gusty Graas

Exit-Strategië fir déi ëffentlech Bibliothéiken

Exit-Strategië fir Weeër aus dem Confinement héiert een am Ablack vun alle Säiten. Ma och d'Gemenge maachen sech Gedanke wéi en Déconfinement fir déi ëffentlech Bibliothéike kéint ausgesinn. D'Kultur a besonnesch d'Liesen ass de Bierger an dësen Zäiten immens wichteg, ma leider hunn d'Bibliothéiken hier Diere mussen zoumaachen. 

Wéi eng Méiglechkeeten et fir déi ëffentlech Bibliothéike ginn, hunn eis Deputéiert Gusty Graas an André Bauler bei den zoustännege Ministeschen nogefrot. 

Parlamentarische Fragen Gemeinden André Bauler

Zousätzlech finanziell Hëllefe bei enger Fusioun vun den Nordstad-Gemengen?

Wéi aus der Äntwert op dem DP-Deputéierten André Bauler seng parlamentaresch Fro n°1368 ervirgeet, géif d'Nordstad no der Fusioun eng ronn 11 Millioune staatlech Dotatioune méi kréien, wéi déi fënnef eenzel Gemenge bis elo. Den André Bauler wollt an deem Kader vun der zoustänneger Ministesch wëssen, ob eventuell zousätzlech Aiden denkbar wieren, fir z.B. spezifesch Projeten, déi am Fall vun enger Fusioun géifen ufalen, z'ënnerstëtzen.

Parlamentarische Fragen Gemeinden Kultur André Bauler Gilles Baum

Kierchegebaier déi als nationaalt Monument klasséiert sinn

Eng Rei Kierchen uechter d'Land sinn am Besëtz vun der Gemeng, déi dem Kierchefong d'Gebaier iwwer eng Konventioun zur Verfügung stellen. Laut dem Gesetz iwwer d'Gestioun vun deene Gebaier, déi als nationaalt Monument klasséiert sinn, muss d'Gemeng fir d'Erhale vum Patrimoine suergen. Eisen Deputéierten ass awer zu Ouere komm, dass d'Gemenge sämtlech Artikelen dëst betreffend aus hirem Budget gestrach kritt hunn. Aus dësem Grond hunn eis Deputéierte Gilles Baum an André Bauler e puer Froen un déi zoustänneg Ministesche gestallt. 

Parlamentarische Fragen Gemeinden Kultur Landesplanung und Wohnen André Bauler

Wat gëtt aus dem Biertrenger Schlass?

Den 29. Januar 2018 ass d‘Biertrenger Schlass am Kadaster vun der Gemeng Schieren ageschriwwe ginn. An enger parlamentarescher Fro, schreift eisen Deputéierten André Bauler, datt deen aussergewéinleche Site am Dikrecher Kanton et  verdéngt, fir renovéiert ze ginn. Esou wéi z.B. d’Schlass vun der Renaissance zu Beefort. Den Ament gehéiert d’Biertrenger Schlass dem Roude Kräiz, dat d‘Schlass verkafe wëll. Den André Bauler huet duerzou e puer Froen un d’Kulturministesch.  

Parlamentarische Fragen Gemeinden André Bauler

En Nopeschfest fir all d'Bierger aus den Nordstadgemengen?

Den Entwécklungspol vun der Nordstad besteet ë.a. aus der Kooperatioun tëscht de 6 Gemengen, déi ëmmer méi verdéift gëtt. Ma et muss och Wäert op déi sozial Kohäsioun tëschent den Awunner geluecht ginn. An deem Kader huet den Deputéierten André Bauler dem zoustännege Minister e puer Froen iwwert d’Organisatioun vu gemeinsamen Eventer an der Nordstad gestallt.

Parlamentarische Fragen Gemeinden André Bauler Gusty Graas

Gëtt de Congé politique adaptéiert?

Déi lescht Jore mussen d’Schäffen- a Gemengeréit net nëmme méi, mä och méi komplex Dossieren traitéieren. Am Koalitiounsaccord gouf festgehalen, datt déi aktuell Dispositioune vum Congé politique géifen analyséiert an eventuell adaptéiert ginn. D’DP-Deputéiert Gusty Graas an André Bauler hu bei der zoustänneger Ministesch nogefrot, ob dëst scho geschitt wier an ob eng Adaptatioun zréckbehale gouf.

Parlamentarische Fragen Gemeinden Staat und Öffentlicher Dienst Gusty Graas

Wien entscheet wou nei Pompjeeskasären hikommen ?

Zanter laangem ass geplangt e gemeinsame Centre d’intervention fir d’Gemenge Beetebuerg an Diddeleng ze schafen. Den DP-Deputéierte Gusty Graas huet bei der zoustänneger Ministesch nogefrot, wien decidéiert wou nei Kasären hikommen an ob d’Meenung vun de betraffene Gemenge bei deenen Decisiounen net sollte berécksiichtegt ginn.

Parlamentarische Fragen Gemeinden Justiz und Sicherheit Landesplanung und Wohnen Joëlle Elvinger Guy Arendt

Halen d'Gemengen sech un de Pacte Logement?

Am Kader vum Pacte Gemeng hunn d'Gemengen d'Verflichtung den Notären Informatiounen ze gi fir datt dës kënnen definéiere wien alles vun engem Virkafsrecht bei Vente profitéiert. D'Gemeng Walfer schéint dat anescht ze gesinn.

Parlamentarische Fragen Gemeinden André Bauler

Froen zum SICEC

Well net alleguer d'Gemengen am Land Member am SICEC, dem Syndikat deen de Crematoire geréiert, sinn, mussen d'Bierger aus de betraffene Gemenge méi deier fir eng Anäscherung bezuelen. Den DP-Deputéierten André Bauler wollt an deem Kader vum zoustännege Minister wëssen, wéi eng Gemenge betraff sinn a wéi héich déi zousätzlech Käschte fir d'Bierger leien.

Parlamentarische Fragen Gemeinden André Bauler

Nordstad: Wéi geet et mat den Gemengefusiounen virun?

An der Presse war dëser Deeg ze liesen, datt verschidden Nordstad-Gemenge wéilten eng Fusioun ustriewen. D'Gemengen Ettelbréck, Schieren an Ierpeldeng un der Sauer hätten esouguer schonn éischt Fusiounsgespréicher gefouert. A senger parlamentarescher Ufro, freet den DP-Deputéierten André Bauer ënnert anerem ob de Minister dat kéint confirméieren an ob och d'Gemeng Colmer-Bierg aus dem Walbezierk Zentrum theoretesch kéint mat enger Nordstadgemeng fusionéieren.

Parlamentarische Fragen Gemeinden Verfassung, Institutionen und Demokratie Gusty Graas

Onkloerheet bei Lëschtestëmme fir onkomplett Kandidatelëschten?

Verschidde Wieler waren sech net sécher wei si hir iwwreg Stëmme verdeele kënnen, wann si de Rondel iwwert enger net kompletter Lëscht geschwäerzt hunn. Den Deputéierte Gusty Graas huet beim Inneminister nogefrot ob et net ubruecht wier d'Wahlgesetz oder d'Instruktioune fir d'Wieler ze präziséieren.

Parlamentarische Fragen Gemeinden Gesundheit und Pflege Claude Lamberty Max Hahn

Réckgang vun den Éischt-Hëllef-Coursen?

Den Deputéierte Max Hahn an Claude Lamberty ass zu Ouere komm, dass plazeweis am Land d'Unzuel vun den Éischt-Hëllef-Coursë réckleefeg wieren, trotz héijen Aschreiwungszuelen d'Joer virdrun. Donieft géifen och net méi all d'Stéit via Toute-Boîte iwwert déi Coursen informéiert ginn. An hirer Question Parlementaire froen déi zwee Deputéiert beim zoustännege Minister no, ob dat sou ass an ob et do vläicht e Lien gëtt.

Parlamentarische Fragen Gemeinden Lex Delles

Negativzënsen op Post-Konte vun de Gemengen ?

Dëser Deeg goufe Gemengen informéiert, dass ab dem 1. Juli negativ Zënsen op hirem Compte Courant applizéiert géife wann de Montant iwwert enger Millioun läit. D'Gemenge missten also dropbezuele fir Suen um Kont stoen ze hunn. Den DP-Deputéierte Lex Delles freet dofir bei den zoustännege Ministeren no, op d'Gemenge weiderhin e Post-Kont ugi musse fir d'Dotatioun vum Staat ze kréien.