Sie sind hier

Parlamentarische Fragen Bildung Kultur André Bauler

Pafemillen : Acquisitioun vum Klouschter fir schoulesch Aktivitéiten ?

Dem DP-Deputéierten André Bauler ass zu Ouere komm dass d’Regierung dat fréiert Klouschter op der Pafemillen bei Ëlwen wéilt opkafen. Wéi et schéngt, sollen dës Raimlechkeeten an Zukunft fir schoulesch Zwecker genotzt ginn.

Den Deputéierten huet beim Educatiounsminister nogefrot wat et mat dësem Gerücht op sech huet.

Parlamentarische Fragen Bildung Gesundheit und Pflege Gilles Baum Gusty Graas

Sollten an de Schoulen transparent Masken genotzt ginn?

Fir de Sars-CoV-2 anzedämmen, ass et wichteg eng Mask unzedroen. An der Schoul maachen et Masken de Kanner awer méi schwéier eng nei Sprooch ze léieren. D'DP-Deputéiert Gusty Graas a Gilles Baum hu bei den zoustännege Ministeren nogefrot, ob transparent Masken an der Schoul eng Léisung wieren. 

Parlamentarische Fragen Bildung Mobilität und Verkehr André Bauler

Ännerungen um Busplang: Problemer beim Schoultransport

Dem DP-Deputéierten André Bauler ass zu Ouere komm, dass et am Kader vum neie Busplang zu Schwieregkeete beim Schülertransport wäert kommen, speziell wat d'Linn 545 Heischent-Ettelbréck betrëfft. Tatsächlech kéimen nom neie Plang d'Schüler entweder vill ze fréi oder ze spéit an d'Schoul. Den André Bauler huet dowéinst beim zoustännege Minister nogefrot.

Parlamentarische Fragen Bildung Claude Lamberty Max Hahn

Gratis Schoulbicher: Wéi vill spuert een Haushalt pro Kand?

Zënter 2 Joer schonn iwwerhëlt de Staat d'Käschten fir d'Schoulbicher vun de Lycéesschüler. Den DP-Deputéierten Claude Lamberty huet beim Bildungsminister nogefrot wéi héich déi finanziell Entlaaschtung fir eis Menagen ass.

Parlamentarische Fragen Bildung Medien und ICT Gusty Graas

Ee Logiciel fir autonomt Schreiwen: Wat sinn d’Konsequenzen fir eis Schoulen?

Iwwer déi leschte Joren hunn d’Wëssenschaftler grouss Fortschrëtter am Beräich vun der kénschtlecher Intelligenz an dem maschinelle Léieren gemaach. Speziell Computerprogrammer kënnen hautdesdaags eegestänneg Texter schreiwen, déi quasi net méi vun deenen ze ënnerscheeden sinn, déi vu mënschlecher Hand geschriwwe ginn. 

Wat bedeit dëst fir eis Schoulen? Den DP-Deputéierten Gusty Graas huet beim Educatiounsminister nogefrot.

Parlamentarische Fragen Bildung André Bauler

Provisoresch Strukture fir den Nordstad Lycée?

Dem DP-Deputéierten André Bauler ass zu Ouere komm, dass provisoresch Gebaier fir de Nordstad Lycée zu Ierpeldeng opgeriicht solle ginn. A senger parlamentarescher Fro un de Minister fir ëffentlech Aarbechten huet hie weider Informatioune gefrot.

Parlamentarische Fragen Bildung Nachhaltigkeit, Natur- und Umweltschutz Guy Arendt Gusty Graas

Huet d'Akerbauschoul wëlles e Juegdlous ze pachten?

Et ass den DP-Deputéierte Guy Arendt a Gusty Graas zu Ouere komm, dass d'Akerbauschoul wëlles hätt, e Juegdlous ze pachten. Laut dem Juegdgesetz kann de Staat dat maachen, wann et en "intérêt général" duerstellt. De Guy Arendt an de Gusty Graas hu bei der Ëmweltministesch an dem Bildungsminister nogefrot, wat et domat op sech huet.

Parlamentarische Fragen Bildung Landwirtschaft und Weinbau André Bauler

Gëtt déi nei Akerbauschoul fir d'Rentrée 2020/21 fäerdeg?

Den DP-Deputéierten André Bauler huet beim zoustännege Minister nogefrot, ob déi nei Akerbauschoul zu Gilsdref, wéi virgesinn, fir d'Rentrée 2020/21 fäerdeg gëtt oder ob de Projet duerch d'Corona-Kris Verspéidung kritt.

Parlamentarische Fragen Bildung

En Internat nieft dem Cliärrwer Lycée: Wou ass den Dossier drun?

A senger Äntwert op meng parlamentaresch Fro zu engem méiglechen Internat nieft dem Cliärrwer Lycée huet den zoustännege Minister erkläert, et misst fir d'éischt eng Analyse vun der Unzuel vu Schüler an den nächste Jore gemaach ginn, fir ze kucken, ob och tatsächlech e Besoin fir sou eng Infrastruktur do wier. Aktuell sinn eng 180 Schüler am Cliärrwer Lycée ageschriwwen, an et ass dovun auszegoen, dass dës Zuel an den nächsten zwee Joer op méi wéi 500 klëmmt. Dowéinst hunn ech nach eng Kéier beim zoustännege Minister nogefrot, wéi wäit d'Aarbechten am Ministère sinn a bis wéini et virgesinn ass, zu enger Decisioun an deem Dossier ze kommen.

Parlamentarische Fragen Bildung Gesundheit und Pflege Edy Mertens André Bauler Alexander Krieps

Wéi kann een der Pénurie un Infirmieren entgéintwierken?

D'DP Deputéiert André Bauler, Edy Mertens an Alexander Krieps maachen sech vill Gedanken iwwer d'Zukunft vun de Gesondheetsberuffer hei am Land. Et géif scho méi laang eng chronesch Penurie bestoen. An hirer parlamentarescher Fro froen d'Deputéiert dofir ënnert anerem wéi ee kann de Beruff vun den Infirmiere méi attraktiv gestalten an ob et net sënnvoll wier fir eng Sensibiliséierungscampagne an deem Sënn ze lancéieren.

Parlamentarische Fragen Bildung Medien und ICT Lex Delles Eugène Berger

GraphoLearn: eng App fir spilleresch Sproochen ze leieren

A Frankräich gëtt de Moment eng Applikatioun fir Tablets getest mat där jonk Schüler op eng spilleresch Aart a Weis franséisch liesen a schreiwe léieren. D'Deputéierten Eugène Berger a Lex Delles hu beim Educatiounsminister nogefrot, op GraphoLearn och a Lëtzebuerger Schoule kéint zum Asaz kommen a wat fir eng aner informatesch Léierhëllefen de Lëtzebuerger Schüler de Moment zur Verfügung stinn.

Parlamentarische Fragen Bildung André Bauler

Wéivill Logopede schaffe fir de Ministère?

Well de Bildungsministère zu engem gudden Deel op Logopeden zréckgräift fir op déi ënnerschiddlechst Besoinen anzegoen, wollt den DP-Deputéierten André Bauler vum Minister Claude Meisch wëssen, wéi vill Leit an deem Secteur fir de Staat aktiv sinn.

Parlamentarische Fragen Bildung André Bauler

Wéi ginn d'Aarbechte vum Klierfer Internat virun?

Vu dass d'Aarbechten ëm de Klierfer Lycée esou séier viru ginn, dass en fir déi nächst Rentrée scho wäert fäerdeg sinn, huet de liberalen Deputéierten André Bauler beim Infrastrukturminister nogefrot, wéi et ëm d'Aarbechte vum geplangte Klierfer Internat steet.

Parlamentarische Fragen Bildung Gesellschaft Gusty Graas

"Demasculinatioun" vun der franséischer Grammatik?

Eng ganz Rei vu Franséischprofesseren a Frankräich hunn sech entscheet, déi grammatikalesch Reegel "le masculin l'emporte sur le féminin" net méi unzewenden. Fir si gëllt d'Gläichberechtegung tëscht Fra a Mann och an der Grammatik an benotzen dofir den sougenannten "accord de proximité". Den DP-Deputéierte Gusty Graas freet an deem Kontext ënnert anerem beim Educatiounsminister no, wat seng Positioun zu där "Demasculinatioun" vun der franséischer Grammaire ass an ob et am Fall vum Uwende vun där inklusiver Grammaire net zu Konfusioune komme kéint.

Parlamentarische Fragen Bildung Claude Lamberty Lex Delles

Zielt d'Gratuitéit och fir déi digital Versioune vun de Schoulbicher?

Ab der nächster Rentrée un, wäerte d'Schoulbicher fir den Fondamental an fir den Secondaire gratis sinn. Zudeem gesäit de Budget 2018 och de Kaf vun weideren Tablette vir.  D'Familljen ginn also weider finanziell entlaascht. D'DP Deputéiert Lex Delles an Claude Lamberty froen an dem Kontext ënner anerem no, ob d'Applikatiounen an d'Online-Versioune vun de Bicher och rembourséiert ginn.