Sie sind hier

Parlamentarische Fragen Gesundheit und Pflege Joëlle Elvinger Gusty Graas

Nei Formel vum Medikament LEVOTHYROX® geschwënn um lëtzebuergesche Maart ?

D'Medikament LEVOTHYROX® soll och zu Lëtzebuerg ënnert enger neier Zesummesetzung op de Maart kommen. Dat ouni, datt méiglech Risiken ganz geklärt goufen, déi scho virun 2 Joer am Mëttelpunkt vun enger Debatt stoungen.

D’DP Deputéiert Joëlle Elvinger a Gusty Graas hunn beim Gesondheetsminister nogefrot, wéi genau een mat dësem Medikament zu Lëtzebuerg wäert ëmgoen.

 

Parlamentarische Fragen Gesundheit und Pflege Nachhaltigkeit, Natur- und Umweltschutz Gusty Graas

Léisung zur Problematik Eechepressessiounsraup?

Eechepressessiounsraupe schéngen all Joer méi dacks zu Lëtzebuerg opzedauchen. Si sinn eng Gefor, well d’Sekreter vun hiren Hoer d‘Haut vun de Mënsche staark verbrennen. Dofir ginn elo Géigemesure geholl, an zwar prinzipiell op deene Plazen, wou de Raup riskéiert, fir de Leit geféierlech ze ginn. Zu Guénange an der Lorraine huet d’Gemeng den „Institut de Recherche Agronomique“  (INRA) em Hëllef gefrot. Deem seng Experten hu mat enger Drone déi riskant Plaze mat engem Biocide gesprayt, ouni dass d’Ëmwelt dobäi zu Schued koum ass. An deem Kontext huet eisen Deputéierte Gusty Graas der Ëmweltministesch an dem Gesondheetsminister e puer Froe gestallt.

Parlamentarische Fragen Gesundheit und Pflege Max Hahn

Telemedezin am Rettungsdéngscht

Och bei de Rettungsdéngschter bidden déi nei Technologië villverspriechend Méiglechkeeten, nach méi effikass ze schaffen an d’Prise en charge vum Patient weider ze verbesseren.

Parlamentarische Fragen Gesundheit und Pflege Mobilität und Verkehr Max Hahn

Eng blo Luucht fir d'Dokteren?

Well am Noutfall all Sekonn zielt, ass et wichteg, dass d'Hëllef sou séier wéi méiglech op der Plaz ass. Besonnesch am ländleche Raum kënnen dacks d'Doktere méi séier wéi d'Ambulanz oder de SAMU beim Patient sinn. Den DP-Deputéierte Max Hahn huet dofir bei den zoustännege Ministeren nogefrot, ob d'Dokteren net och eng blo Luucht fir de Fall vun enger Urgence kéinte kréien an ob net insgesamt d'Zesummenaarbecht tëscht Rettungsdéngschter an Dokteren am ländleche Raum kéint verbessert ginn.

Parlamentarische Fragen Gesundheit und Pflege Gusty Graas

Konsumenteschutz: Kriibserregend Nanopartikelen a Liewensmëttel

Rezent konnte sougenannt Nanopartikelen net nëmmen a verschiddene Liewensmëttel,mä och a kosmeteschen an a pharmazeuteschen Produiten nogewise ginn. Dës Partikele kënnen, rezenten Etudë no, als méiglech kriibserreegend agestuuft ginn. Den DP-Deputéierte Gusty Graas freet an deem Kontext bei den zoustännege Ministeren ënnert anerem no, wéi een de Konsument besser kéint doriwwer informéieren a schützen.

Parlamentarische Fragen Gesundheit und Pflege Max Hahn

Firwat koum et awer zu Enkpäss bei den Impfstoffer?

Schonn am September haten d'DP-Deputéiert Max Hahn, Claude Lamberty an Edy Mertens bei der deemoleger Gesondheetsministesch nogefrot, ob et net eventuell zu Enkpäss bei den Impfstoffer géint d'Gripp kéint kommen, besonnesch well ee grousse Produzent decidéiert huet, Lëtzebuerg net méi ze beliwweren. An hirer Äntwert sot d'Ministesch deemools, dass genuch Impfstoffer fir dëse Wanter op Lager wieren. Well et elo awer zu enger Rupture de stock koum, huet de Max Hahn beim aktuelle Gesondheetsminister nogefrot, wou d'Grënn dofir leien, a wat ënnerholl gëtt, fir de Problem ze léisen, respektiv fir dass e sech net méi widderhëlt.

Parlamentarische Fragen Gesundheit und Pflege Claude Lamberty Max Hahn

Ginn et Enkpäss bei der Hepatite-A Impfung?

Den DP-Deputéierte Max Hahn a Claude Lamberty ass zu Ouere komm, datt et anscheinend Enkpäss beim Hepatite-A Impfstoff ginn. Vill Apdikten hätten d'Impfung an der Vakanzenzäit net méi op Stock. An hirer parlamentarescher Ufro froen si no Informatioune bei der Gesondheetsministesch.

Parlamentarische Fragen Bildung Gesundheit und Pflege Edy Mertens André Bauler Alexander Krieps

Wéi kann een der Pénurie un Infirmieren entgéintwierken?

D'DP Deputéiert André Bauler, Edy Mertens an Alexander Krieps maachen sech vill Gedanken iwwer d'Zukunft vun de Gesondheetsberuffer hei am Land. Et géif scho méi laang eng chronesch Penurie bestoen. An hirer parlamentarescher Fro froen d'Deputéiert dofir ënnert anerem wéi ee kann de Beruff vun den Infirmiere méi attraktiv gestalten an ob et net sënnvoll wier fir eng Sensibiliséierungscampagne an deem Sënn ze lancéieren.

Parlamentarische Fragen Gesundheit und Pflege Edy Mertens André Bauler

Wéini kréien d'Dokteren eng zäitgeméiss Legitimatiounskaart?

Déi zwee DP Deputéierten André Bauler an Edy Mertens stëllen allerdéngs mat Bedauere fest, dass d'Lëtzebuerger Doktere bis haut nach keng nei Kaart zur Verfügung gestallt kruten. Déi zwee Parlamentarier froen dofir nach eng Kéier am Gesondheetsministère no.

Parlamentarische Fragen Gesellschaft Gesundheit und Pflege Edy Mertens Gusty Graas

Beschneidung wéinst net-medizineschen Ursaachen

An Island debattéiert Parlament grad eng Gesetzespropositioun, déi d'Beschneiden aus net-medezineschen Ursaache bei Mineure wëll verbidden a criminaliséieren. D'DP Deputéiert Gusty Grass an Edy Mertens wëllen an hirer Question parlementaire wëssen,wéi déi zoustänneg Ministeren dat hei am Land gesinn an ob Handlungsbedarf besteet.

Parlamentarische Fragen Gesundheit und Pflege André Bauler

Wéi vill Aides-soignants ginn an de nächste Jore gebraucht?

Doduerch datt d'Populatioun an Zukunft ëmmer méi al gëtt, wäert d'Nofro un qualifizéierte Fleegepersonal an deenen nächste Jore klammen. Den DP-Deputéierten André Bauler freet dofir bei deenen zoustännege Ministèren ënner anerem no, wéi vill Schüler deemnächst mat hirer Formatioun an deem Beräich fäerdeg ginn an ob och nach an Zukunft genuch Enseignanten d'Schüler kënne forméieren.

Parlamentarische Fragen Gesundheit und Pflege Nachhaltigkeit, Natur- und Umweltschutz Max Hahn

Mécht de Kaméidi vu Wandrieder krank?

Am Süde vum Land si 5 nei Projete mat Wandrieder geplangt. An dem Kontext wollt de Süd-Deputéierte Max Hahn vun den zoustännege Ministere wësse wat d’Distanze vun dëse Wandrieder zu de Wunngebidder wäerte sinn a wéi d’Distanze vun den aktuelle Wandrieder zu Lëtzebuerg sinn. De Max Hahn huet och nogefrot, ob d’Ministeren d’Conclusioune vun enger Etüd deelen, déi seet, datt de Kaméidi vu Wandrieder net ka krank maachen.

Parlamentarische Fragen Gesundheit und Pflege Edy Mertens André Bauler

Geplangte Fusioun vum CHdN a CHNP: Wat sinn d'Beweeggrënn?

Ufanks Abrëll 2014 hunn de Centre Hospitalier du Nord (CHdN) an de Centre Hospitalier Neuro-Psychiatrique (CHNP) vun Ettelbréck d’Intentioun geäussert fir mateneen ze fusionéieren.

D’DP-Deputéiert André Bauler an Edy Mertens wëllen an deem Kontext vun der Gesondheetsministesch wëssen, wat déi eigentlech Beweeggrënn fir dës Fusioun sinn.

Parlamentarische Fragen Gesundheit und Pflege Edy Mertens Gusty Graas Alexander Krieps

Ginn et Enkpäss bei der Zouliwwerung vu Medikamenter?

D'DP-Deputéiert Gusty Graas, Alexander Krieps an Edy Mertens ass zu Ouere komm, datt et zu Enkpäss bei der Zouliwwerung vu Medikamenter géing kommen. Esou hätten d'Apdikten zum Beispill Problemer fir un verschidde Medikamenter fir Kriibspatienten ze kommen. An hirer Fro un d'Gesondheetsministesch froen d'Deputéiert no wat et domadder op sech huet. 

Parlamentarische Fragen Gesundheit und Pflege Edy Mertens Gusty Graas Alexander Krieps

En zweete PET-Scan fir Lëtzebuerg wier néideg!

E PET-Scan („Positron Emission Tomography“) ass e Scanner, deen haaptsächlech gebraucht gëtt fir Metastasen ze detektéieren. Zu Lëtzebuerg gëtt et een esou en Apparat.

D’DP-Deputéiert Gusty Graas, Alexander Krieps an Edy Mertens ënnersträichen an enger parlamentarescher Fro un de Gesondheetsministère an un de Ministère vun der Sécurité Sociale, datt ëmmer méi Leit musse fir esou medezinesch Examen an d’Ausland goen.

Dofir froen d’Deputéiert elo, ob et net opportun wier, fir en zweete PET-Scan hei am Land unzeschafen. Dat wier net vu Muttwëll, well d’Populatioun zu Lëtzebuerg ëmmer méi alt gëtt an doduercher och Kriibskrankheeten zouhuelen, wat al nees dozou féiert, datt esou Examen ëmmer méi dacks néideg sinn.

Mat engem zweete PET-Scan kéint een och laang Waardezäiten aus de Féiss goen, wéi se den Ament bei den IRM-Exame bestinn.