Sie sind hier

Parlamentarische Fragen Außenpolitik Landwirtschaft und Weinbau Nachhaltigkeit, Natur- und Umweltschutz Tiere André Bauler Gusty Graas

Wat soen d'EU-Memberstaaten zum Fräihandelsaccord tëscht der EU an deene 4 Länner vum "Mercosur"?

No 20 Joer Verhandlunge si sech d’EU an déi 4 Länner vum „Mercosur“ (Brasilien, Argentinien, Uruguay a Paraguay) den 28. Juni iwwer d’Base vun engem Handelsaccord eens ginn. Wärend déi europäesch Wirtschaft, wéi z.B. Däitschland, sech doriwwer freet, mécht sech déi europäesch Landwirtschaft Suerge wéinst engem evtl. Massenimport aus Länner, an deenen net déi selwecht Reegele gëlle wéi an Europa. Dat betëfft z.B. d’Beräicher vum Sozialen, vum Ëmweltschutz oder vum Déiereschutz. Deemno stellt sech d’Fro, ob deen Handelsaccord vun der europäescher Kommissioun soll ugeholl ginn oder net. An dem Kontext hunn eis Deputéiert Gilles Baum an André Bauler dem Landwirtschaftsminister e puer Froe gestallt.

Parlamentarische Fragen Landwirtschaft und Weinbau André Bauler Gusty Graas

Wéi gesäit et zu Lëtzebuerg aus mat Insekten als Déierefudder ?

A Frankräich an Holland ginn Insekte geziicht fir als Fuddermiel un Déiere verfiddert ze ginn. Dëst wier eng reell Alternativ zum Fëschmiel oder Sojamiel. D’DP-Deputéierten André Bauler a Gusty Graas hu beim Agrarminister nogefrot ob och zu Lëtzebuerg esou Fuddermiel produzéiert oder verfiddert gëtt a wéi eng Risiken a Limitten dës Fudderaart opweist.

Parlamentarische Fragen Landwirtschaft und Weinbau Gilles Baum

Ginn d'Wënzer fir de Schued an de Wéngerten entschiedegt?

De Frascht an der Nuecht vum 4. op de 5. Mee huet grousse Schued an de Lëtzebuerger Wéngerten ugeriicht. Den DP-Deputéierte Gilles Baum freet beim zoustännege Minister no, wéi grouss de Schued ass, wéi vill Wënzer géint esou e Schued wéinst Frascht verséchert sinn an ob et eventuell nach eng aner Hëllef vum Staat gëtt fir den Ausfall ze kompenséieren.

Parlamentarische Fragen Landwirtschaft und Weinbau Gusty Graas

Europäesche Geriichtshaff bestätegt: Nei Organismen duerch CRISPR cas9-Methode sinn OGMen!

Kierzlech huet den europäesche Geriichtshaff bestätegt, datt Organismen, déi duerch déi nei CRISPR/Cas9-Methode entstinn OGMe gläichgestallt musse ginn. Wat ass d'Positioun vum Landwirtschaftsminister zu deem Uerteel? Wat bedeit dëst fir d'europäesch Landwirtschaft?

Parlamentarische Fragen Landwirtschaft und Weinbau André Bauler Gusty Graas

Wéi vill Genossenschaften a landwirtschaftlech Veräiner ginn et zu Lëtzebuerg?

D’DP-Deputéiert Gusty Graas an André Bauler hu beim Landwirtschaftsminister nogefrot wéi vill Genossenschaften a landwirtschaftlech Veräiner et zu Lëtzebuerg iwwerhaapt ginn, a wat fir Secteuren dës aktiv sinn, wéi vill Leit fir se schaffen an a wat fir enger Form se vum Staat ënnerstëtzt ginn?

Parlamentarische Fragen Finanzen Landwirtschaft und Weinbau André Bauler Gusty Graas

Gutt Jore mat schlechte kompenséieren?

D’Akommes vun de Baueren a Wënzer variéiert oft staark vu Joer zu Joer. Dofir hat d’Regierung mat der Steierreform Adaptatioune gemaach fir datt d’Baueren an d’Wënzer méi einfach kënne gutt Jore mat schlechte Jore kompenséieren.

Well vill Betriber 2018 verschidde Primme aus deene leschte Joren an enger Kéier wäerten ausbezuelt kréien an doduercher an deem Steierjoer e vill méi héije Revenu wäerten hunn, froen d’DP-Deputéiert André Bauler a Gusty Grass beim Finanzminister Pierre Gramegna no, wéi d’Baueren dës exzeptionell Revenue mat anere Joren optimal versteiere kënnen an ob se dës op méi Jore kënnen echelonnéieren.

Parlamentarische Fragen Landwirtschaft und Weinbau Gilles Baum

Besser Ënnerstëtzung fir d’Jongwënzer?

Zanter dem neien Agrargesetz kréien d’Jongwënzer kee Supplement méi op hir Investissementer. Den Ost-Deputéierte Gilles Baum freet dofir beim Wäibauminister Fernand Etgen no, firwat dat esou ass an ob hien dësen „Topup“ fir d'Jongwënzer net erëm aféiere wéilt.

Parlamentarische Fragen Justiz und Sicherheit Landwirtschaft und Weinbau Lex Delles

Regional Produkter am Prisong?

Den Deputéierte Lex Delles huet an enger parlamentarescher Fro un de Justizminister nogehaakt, op déi ëffentlech Liewensmëttelausschreiwunge vum Prisong am Beräich vun der Mëllech esou restriktiv sinn, datt verschidde lokal a regional Fournisseuren net kënnen un dësen deelhuelen.

Parlamentarische Fragen Landwirtschaft und Weinbau André Bauler

Wéi vill Spargelbauere ginn et zu Lëtzebuerg ?

A senger parlamentarescher Ufro un den Agrarminister Fernand Etgen wëll den DP Deputéierten André Bauler ënner anere wësse wéi vill Spargelbaueren et zu Lëtzebuerg ginn, wéi vill Aarbechtsplazen dorunner hänken a wéi d’Spargelbauere vum Staat ënnerstëtzt ginn.

Parlamentarische Fragen Außenpolitik Landwirtschaft und Weinbau Wirtschaft Gilles Baum

Méi Lëtzebuerger Wäin op eisen Ambassaden?

Statt wéi bis elo de Wäi vum Institut Viti-vinicole unzebieden, freet den Ost-Deputéierte Gilles Baum ob et net méi sënnvoll wier de Wäi vun eise Produzente vun der Musel unzebidden? Dat wier eng ideal Promotioun fir eis beschte Cruen!

Parlamentarische Fragen Landwirtschaft und Weinbau André Bauler

Wéi gesäit d’Pouletsproduktioun zu Lëtzebuerg aus ?

Wéi gesäit d’Pouletsproduktioun zu Lëtzebuerg aus? Wéi gesäit et mat der Produktioun vun Eeër aus? Ginn esou Nicheproduktioune speziell gefërdert? Dës Froe stellt den Nord-Deputéierten André Bauler un den Agrarminister Fernand Etgen.

Parlamentarische Fragen Landwirtschaft und Weinbau Gilles Baum

Wéi schlëmm sinn eis Wéngerten vun der Esca-Krankheet betraff?

Bei der Esca handelt et sech ëm eng vun de geféierlechste Riefholzkrankheeten. Den DP-Deputéierten Gilles Baum wëll gäre vum Wäibauminister Fernand Etgen wëssen wéi schlëmm eis Wéngerten op der Musel vun dëser Krankheet befall sinn a wat fir Rotschléi den IVV de Wënzer gëtt fir géint dës Krankheet virzegoen!

Parlamentarische Fragen Landwirtschaft und Weinbau Tiere Gusty Graas

D’Vullegripp ass zréck!

Déi héich ustiechend Vullegripp gouf déi lescht Deeg an Däitschland, Éisträich, Holland an an Ungarn confirméiert. Gouf et och schonn e Fall zu Lëtzebuerg? Wat muss ënnerholl gi wann se och bei eis ausbrécht? Dëst freet den Deputéierte Gusty Graas de Landwirtschaftsminister Fernand Etgen.

Parlamentarische Fragen Bildung Landwirtschaft und Weinbau André Bauler

Profils professionnels dans le secteur agricole et viticole

Tout comme dans bien d’autres branches de notre économie moderne marquée par le processus de la digitalisation, les profils professionnels changent également dans le secteur agricole et viticole au sens large du terme.

Parlamentarische Fragen Landwirtschaft und Weinbau Tiere Claude Lamberty Max Hahn

Enregistréieren vu gechippten Hënn a Kazen

Wéi steet et mam Enregistréieren vu gechippten Hënn a Kazen? Ass et um Veterinär dëst ze maachen oder um Proprietär? D’Deputéiert Max Hahn a Claude Lamberty hu beim Landwirtschaftsminister Fernand Etgen nogefrot!