Sie sind hier

Parlamentarische Fragen Mobilität und Verkehr Max Hahn Gusty Graas

Geschwënn obligatoresch Abbiegeassistenten fir Camionen a Busser?

Well d'Vëlosfuerer zu de schwächste Glidder am Stroosseverkéier gehéieren, huet déi Europäesch Kommissioun decidéiert, dass ab 2024 all neie Camion a Bus mat engem sougenannten "Abbiegeassistent" muss equipéiert sinn, fir d'Verkéierssécherheet z'erhéijen. Eisen däitschen Noperen dauert dat ze laang, dowéinst hu si elo scho Mesure geholl, fir Gefierer mat dësen Assistenten z'equipéieren. D'DP-Deputéiert Gusty Graas a Max Hahn hunn beim zoustännege Minister nogefrot, wéi seng Positioun zu där Thematik ass, an ob hien och wëlls huet, méi séier wéi den europäesche Legislateur ze handelen.

Parlamentarische Fragen Mobilität und Verkehr Max Hahn Gusty Graas

Firwat rullt et op der Zuchstreck tëscht Rëmeleng an Näerzeng net méi?

Ab dem 10. Januar fuere keng Zich méi tëscht Rëmeleng an Näerzeng, well, wéi d'CFL soen, net genuch Zich disponibel sinn. D'Leit mussen dowéinst de Bus huele fir an d'Stad, e Bus, deen dack schonn zu Rëmeleng iwwerfëllt ass, an och wéinst dem Stau vill méi laang brauch. D'DP-Deputéiert Max Hahn a Gusty Graas hunn aus deem Grond vum Transportminister wollte wëssen, wéi et méiglech ass, dass net genuch Zich disponibel sinn, an ob d'Leit och mat Zäiten iwwert dësen Ausfall informéiert gi sinn.

Parlamentarische Fragen Mobilität und Verkehr Gusty Graas

Keng Direkt-Zich méi tëschent Lëtzebuerg a Bréissel?

Dem DP-Deputéierte Gusty Graas ass zu Ouere komm, datt keng Direkt-Zich méi tëscht Lëtzebuerg a Bréissel méi kéinte fueren. De Grond wieren déi rezent Infrastrukturaarbechten op eise Schinnen, déi net méi kompatibel mat eise belsche Noperen wieren.

Parlamentarische Fragen Mobilität und Verkehr Gusty Graas

Verbesserunge vun den Aarbechtsbedéngunge bei de Buschaufferen am Privatsecteur

Nodeems am Kader vun de Verhandlungen ëm de Kollektivvertrag vun de Buschaufferen am Privatsecteur zejoert festgehal gouf, dass eng Rei Verbesserungen vun den Aarbechtsbedéngungen un d'Verabschide vun engem Règlement grand-ducal duerch den zoustännege Minister geknäppt gëtt, huet den DP-Deputéierten nogefrot, firwat dëst Reglement nach ëmmer net do ass.

Parlamentarische Fragen Gesellschaft Mobilität und Verkehr Lex Delles Gusty Graas

D’Deputéiert Lex Delles a Gusty Graas iwwer falsch parken op Behënnerteplazen.

An de leschte Joren huet sech d’Situatioun vu Leit mat enger reduzéierter Mobilitéit zu Lëtzebuerg däitlech verbessert. Ë.a. well den Accès vun ëffentleche Plaze besser amenagéiert ginn ass.

D’DP-Deputéiert Lex Delles a Gusty Graas wëllen dofir vum Nohaltegkeetsministère a vum zoustännege Ministère vun der Police wëssen, wéi vill Parkplazen hei am Land iwwerhaapt fir Leit mat enger Behënnerung reservéiert sinn.

Parlamentarische Fragen Klimaschutz und Energie Mobilität und Verkehr Gusty Graas

Muss déi nei CFL-Multimodal-Plattform esou hell beliicht ginn?

Den DP-Deputéierte Gusty Graas ass net begeeschtert iwwert d’Beliichtung vum Cargo-Hub um Terrain vun de Gemenge Beetebuerg an Diddeleng.

An enger parlamentarescher Fro schreift de Schäffe vu Beetebuerg esouguer vun engem „éclairage visible depuis des kilomètres et dont la densité et intensité lumineuse semblent excessives“. De Süd-Deputéierte freet d’Ëmweltministesch dofir ë.a., ob sech bei der Beliichtung un d’Norme gehale gëtt, ob esou eng Beliichtung wéinst der Sécherheet néideg wier oder ob et sech hei em Liichtverschmotzung handele géing.

Schliisslech wëll de Gusty Graas nach wëssen, ob d’Ministesch wëlles huet an dësem Fall bei de Responsabele vum Terminal z’intervenéieren.

Parlamentarische Fragen Mobilität und Verkehr Gusty Graas

Wat fir Critère muss ee respektéiere fir dierfen eng Protestaktioun z'organiséieren?

Dëse Sonndes hunn Aktiviste vu Greenpeace bei enger Aktioun am Rond-Point Raemerich fir e gréissere Verkéierschaos gesuergt. Den DP-Deputéierte Gusty Graas wollt an deem Kontext vum zoustännege Minister wëssen ob hien hinne d’Erlabnis ginn hat a wat fir Critère een iwwerhaapt muss erfëllen fir dierfe esou Aktiounen ze starten.

Parlamentarische Fragen Mobilität und Verkehr André Bauler Gusty Graas

Eng speziell Markéierung a Lénkskéiere fir d'Motosfuerer ?

An Éisträich ginn am Moment speziell Markéierungen a Lénkskéiere getest, dat fir dass d'Motosfuerer an der Mëtt vun hirer Säit fueren amplaz vill méi no un der Mëttellinn. Well heimatter d'Zuel u Motorradsaccidenter däitlech zeréck gaangen ass, froen d'DP-Deputéierten André Bauler a Gusty Graas beim Transportminister no, ob een dës Markéierungen net och hei am Land aféiere kéint.

Parlamentarische Fragen Mobilität und Verkehr Nachhaltigkeit, Natur- und Umweltschutz Gusty Graas

Manner Wëldaccidenter duerch Liichtbarrièren laanscht d'Stroossen?

Wëldaccidenter sinn eng Gefor fir Mënsch an Déier. Zu Lëtzebuerg goufen virun Joren sougenannt Liichtbarrièren getest, déi d'Wëld sollen virum Autosverkéier warnen. Den DP Deputéierten Gusty Graas freet no, wat d'Konklusioune vun där Etüd sinn an ob de Minister gewëllt ass dës Liichtbarrièren laanscht Landstroossen z'installéieren.

Parlamentarische Fragen Mobilität und Verkehr Gusty Graas

Trottinetten op der Gare ?

A Frankräich testen se am Moment Trottinetten op de grousse Garen, esou dass d'Leit vun do aus einfach a séier op d'Aarbecht kommen. Den DP-Deputéierte Gusty Graas freet beim Transportminister no, op een dëst Konzept och op der Stater Gare aféiere kéint.

Parlamentarische Fragen Mobilität und Verkehr Gusty Graas

Waggone vum Accident nach ëmmer net geraumt

Wéi d'Press gemellt hat, stinn d'Waggon'en, déi am Accident vum 14. Februar tëscht Beetebuerg an Zoufftgen verwéckelt waren, nach ëmmer no bei der Onglécksplaz. Den DP-Deputéierte Gusty Graas freet beim Transportminister no, wat mat dëse Waggon'en geschéie soll.

Parlamentarische Fragen Mobilität und Verkehr Max Hahn Gusty Graas

Revendikatiounen zur direkter Zuchverbindung vu Wollmeréng an d'Stad

An de lëschten Deeg war zimlech vill Opreegung op d'Ewechfalen ab dem 10. Dezember vun der direkter Zuchverbindung vu Wollmeréng an d'Stad. Och verschidde Gemengen hunn sech elo zu Wuert gemellt. D'DP-Deputéierte Max Hahn a Gusty Graas froe beim Minister no wéi hien op des Revendicatioune reagéiere gedenkt

Parlamentarische Fragen Mobilität und Verkehr Gusty Graas

Covoiturage op der Pannespur ?

Nodeems déi belsch Autoritéiten d'Pannespur op der E411 fir de Covoiturage opmaache wëllen, freet den DP-Deputéierte Gusty Graas beim Transportminister no, op een dëst Konzept net och op der A6 vun der belscher Grenz bis op d'Gaasperecher Kräiz aféiere kéint.

Parlamentarische Fragen Mobilität und Verkehr Alexander Krieps Gusty Graas

Och eng Helmpflicht fir Kanner zu Lëtzebuerg?

A Frankräich mussen d'Kanner ënnert 12 Joer ab haut en Helm undoe wann se mam Vëlo ënnerwee sinn. D'Deputéierte Gusty Graas an Alexander Krieps froe bei den zoustännege Ministeren no, ob dës Reegelung och hei am Land Sënn maache géif.

Parlamentarische Fragen Mobilität und Verkehr Gusty Graas

Keng direkt Zuchverbindung méi vu Wollmeréng an d'Stad?

Fir 2018 sollen all Zuchpläng nei gereegelt ginn. Anscheinend sollen dann déi direkt Zich vu Wollmeréng an d'Stad ewechfalen, esou dass dës Passagéier all zu Beetebuerg ëmsteige missten. Den DP-Deputéierte Gusty Graas freet beim Transportminister no wat d'Pläng fir dës Zuchlinn 60a sinn.