Sie sind hier

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler Gusty Graas

Gëtt d'Virkafsrecht am Kader vum neien Naturschutzgesetz  genotzt?

Am Kader vum neien Naturschutzgesetz krut de Staat, d’Gemengen an och d’Gemengesyndikater e Virvkafsrecht zougesprach fir Terrainen opzekafe fir de Kompensatiounspool ze alimentéieren. D’DP-Deputéiert André Bauler a Gusty Graas hu bei der Ministesch nogefrot, wéi vill Terraine schonn esou opkaaft goufen, wat derfir bezuelt gouf a wéi vill Ökopunkte schonn nom neie System kompenséiert gouf.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi geet et weider mat de Juegdlousen?

Vum 15. Mäerz bis de 16. Abrëll konnt de Public Observatiounen zu der Propose vun der Ëmweltministesch fir d’Neiopdeelung vun de Juegdlousen erareechen. D’DP-Deputéiert Gusty Graas an de André Bauler hunn déi zoustänneg Ministesch gefrot wéi vill Observatiounen erageschéckt goufen, ob dës schonn all analyséiert goufen an ob et nach zu Verännerunge bei de Limitte wäert kommen?

Parlamentarische Fragen Außenpolitik Landwirtschaft und Weinbau Nachhaltigkeit, Natur- und Umweltschutz Tiere André Bauler Gusty Graas

Wat soen d'EU-Memberstaaten zum Fräihandelsaccord tëscht der EU an deene 4 Länner vum "Mercosur"?

No 20 Joer Verhandlunge si sech d’EU an déi 4 Länner vum „Mercosur“ (Brasilien, Argentinien, Uruguay a Paraguay) den 28. Juni iwwer d’Base vun engem Handelsaccord eens ginn. Wärend déi europäesch Wirtschaft, wéi z.B. Däitschland, sech doriwwer freet, mécht sech déi europäesch Landwirtschaft Suerge wéinst engem evtl. Massenimport aus Länner, an deenen net déi selwecht Reegele gëlle wéi an Europa. Dat betëfft z.B. d’Beräicher vum Sozialen, vum Ëmweltschutz oder vum Déiereschutz. Deemno stellt sech d’Fro, ob deen Handelsaccord vun der europäescher Kommissioun soll ugeholl ginn oder net. An dem Kontext hunn eis Deputéiert Gilles Baum an André Bauler dem Landwirtschaftsminister e puer Froe gestallt.

Parlamentarische Fragen Landwirtschaft und Weinbau André Bauler Gusty Graas

Wéi gesäit et zu Lëtzebuerg aus mat Insekten als Déierefudder ?

A Frankräich an Holland ginn Insekte geziicht fir als Fuddermiel un Déiere verfiddert ze ginn. Dëst wier eng reell Alternativ zum Fëschmiel oder Sojamiel. D’DP-Deputéierten André Bauler a Gusty Graas hu beim Agrarminister nogefrot ob och zu Lëtzebuerg esou Fuddermiel produzéiert oder verfiddert gëtt a wéi eng Risiken a Limitten dës Fudderaart opweist.

Parlamentarische Fragen Gemeinden André Bauler Gusty Graas

Gëtt de Congé politique adaptéiert?

Déi lescht Jore mussen d’Schäffen- a Gemengeréit net nëmme méi, mä och méi komplex Dossieren traitéieren. Am Koalitiounsaccord gouf festgehalen, datt déi aktuell Dispositioune vum Congé politique géifen analyséiert an eventuell adaptéiert ginn. D’DP-Deputéiert Gusty Graas an André Bauler hu bei der zoustänneger Ministesch nogefrot, ob dëst scho geschitt wier an ob eng Adaptatioun zréckbehale gouf.

Parlamentarische Fragen Landwirtschaft und Weinbau André Bauler Gusty Graas

Wéi vill Genossenschaften a landwirtschaftlech Veräiner ginn et zu Lëtzebuerg?

D’DP-Deputéiert Gusty Graas an André Bauler hu beim Landwirtschaftsminister nogefrot wéi vill Genossenschaften a landwirtschaftlech Veräiner et zu Lëtzebuerg iwwerhaapt ginn, a wat fir Secteuren dës aktiv sinn, wéi vill Leit fir se schaffen an a wat fir enger Form se vum Staat ënnerstëtzt ginn?

Parlamentarische Fragen Finanzen Landwirtschaft und Weinbau André Bauler Gusty Graas

Gutt Jore mat schlechte kompenséieren?

D’Akommes vun de Baueren a Wënzer variéiert oft staark vu Joer zu Joer. Dofir hat d’Regierung mat der Steierreform Adaptatioune gemaach fir datt d’Baueren an d’Wënzer méi einfach kënne gutt Jore mat schlechte Jore kompenséieren.

Well vill Betriber 2018 verschidde Primme aus deene leschte Joren an enger Kéier wäerten ausbezuelt kréien an doduercher an deem Steierjoer e vill méi héije Revenu wäerten hunn, froen d’DP-Deputéiert André Bauler a Gusty Grass beim Finanzminister Pierre Gramegna no, wéi d’Baueren dës exzeptionell Revenue mat anere Joren optimal versteiere kënnen an ob se dës op méi Jore kënnen echelonnéieren.

Parlamentarische Fragen Mobilität und Verkehr André Bauler Gusty Graas

Eng speziell Markéierung a Lénkskéiere fir d'Motosfuerer ?

An Éisträich ginn am Moment speziell Markéierungen a Lénkskéiere getest, dat fir dass d'Motosfuerer an der Mëtt vun hirer Säit fueren amplaz vill méi no un der Mëttellinn. Well heimatter d'Zuel u Motorradsaccidenter däitlech zeréck gaangen ass, froen d'DP-Deputéierten André Bauler a Gusty Graas beim Transportminister no, ob een dës Markéierungen net och hei am Land aféiere kéint.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Méi Fëschtrapen zu Lëtzebuerg?

Fir datt Fësch ongehënnert an hir Läichgebidder komme kënne si Fëschleederen immens wichteg. Wéi ass d’Situatioun mat de Fëschleederen zu Lëtzebuerg? D’Deputéiert Gusty Graas an André Bauler hu bei der zoustänneger Ministesch nogefrot.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Keng Beschëlderung um Stauséi

Et gëtt jo ofgeroden an de Stauséi schwammen ze goen, an dat schonns zënter dem 31. August. Dës Woch gouf nach eng Kéier op méiglech Geforen higewisen. Eng Beschëlderung fir op dës Situatioun hinzeweise fënnt een awer net, weder op der Plage, nach op der Wiss. Dofir froen DP-Deputéiert André Bauler a Gusty Graas bei der Ëmweltministesch no.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Manner Fësch an der Sauer wéinst der Kayakspiste ?

D'Fëscher zu Dikrech weisen drop hin, dass Enn Juli ganz vill Fësch an der Sauer gestuerwe sinn, dat well wéinst der Kajakspiste manner Waasser duerch de Kanal leeft. Doropshi froen DP-Deputéiert Gusty Graas an André Bauler no Erklärunge bei der Ëmweltministesch.

Parlamentarische Fragen Justiz und Sicherheit André Bauler Gusty Graas

Emblèmë vum Grand-Duché am neie Logo vun der Police?

Nodeems ugekënnegt gouf, dass d'Police eng nei visuell Identitéit kréie sollt, stellt sech d'Fro op des och erëm wéi bis elo vun den Emblèmë vum Grand-Duché Gebrauch mécht. DP-Deputéiert André Bauler a Gusty Graas froe beim zoustännege Minister no, a weisen drop hin, dass den aktuelle Police-logo net konform zu de sougenannten "Petites Armoiries" ass.

Parlamentarische Fragen Mobilität und Verkehr André Bauler Gusty Graas

Statistiques des radars fixes et mobiles

Le 16 mars dernier, les radars fixes sont entrés en fonction, après une courte phase d’essais. Des radars mobiles ont également été activés.

Parlamentarische Fragen Bildung André Bauler Gusty Graas

Promotion d'une alimentation saine dans les écoles

Il existe deux programmes financés par l'Union européenne pour inciter les enfants à manger des produits sains et à adopter de bonnes habitudes alimentaires : le programme en faveur de la consommation de lait à l'école (lancé en 1977) et le programme en faveur de la consommation de fruits à l'école (datant de 2009).