Wat geschitt mat dem alen Verwaltungsgebai zu Dikrech?

A senger rezenter parlamentarescher Ufro freet den DP-Deputéierten André Bauler, wat mat dem ale Verwaltungsgebai zu Dikrech an der Alex Heck Strooss geschitt. Muss et wierklech ofgerappt ginn oder kéint et net nach fir aner administrativ Zwecker genotzt ginn?

Kann de Streedéngscht am Norden garantéiert ginn?

Dem DP-Deputéierten André Bauler ass zu Ouere komm, dass Ponts et Chaussées am Clierfer Kanton aktuell ënnert akutem Personal- a Materialmangel leiden, soudass et net méiglech wier, de Streedéngscht op alle Plaze kënnen ze garantéieren. An enger drénglecher parlamentarescher Fro huet sech den André Bauler un den zoustännege Minister adresséiert, fir gewuer ze ginn, ob dat sou ass a wa jo, wat den Här Minister gedenkt z'ënnerhuelen.

Nei Kontrollstatiounen am Norde vum Land?

Viru bësse méi wéi engem Joer war bekannt ginn, dass d'SNCT hir Kontrollstatioun vu Wëlwerwolz fir Enn 2019 op Maarnech verleeë géif. Gläichzäiteg hat den zoustännege Minister ugekënnegt, dass méiglecherweis nei Kontrollstatiounen um Fridhaff an zu Jonglënster géifen entstoen. Den DP-Deputéierten André Bauler huet dowéinst nogefrot, wou dës jeeweileg Projeten dru sinn. Donieft wollt hien och wëssen, ob keng Kontrollstatioun am Réidener Kanton geplangt wier.

Wou sinn d'Aarbechten un der neier Jugendherberg zu Veianen drun?

An der Äntwert op dem DP-Deputéierten André Bauler seng Fro vum 19. Februar 2018, huet den zoustännege Minister gesot, d'Aarbechte kéinten am Prinzip Mëtt 2019 ufänken. Den André Bauler huet dowéinst nach emol nogefrot, fir gewuer ze ginn, wou d'Aarbechten dann aktuell dru sinn.

Wéi eng konkret Projeten fir d'Entwécklung vun der Nordstad virunzedreiwen?

Den aktuelle Koalitiounsaccord gesäit vir, d'Entwécklung vun der Nordstad duerch cibléiert Mesuren ze fërderen, wéi z.B. duerch d'Dezentraliséierung vu Verwaltungen aus der Stad an den Norden. Den DP-Deputéierten André Bauler huet dowéinst beim Minister fir Landesplanung nogefrot, wéi eng Initiativen de Minister an där Hisiicht well ënnerholl huet a wéi eng konkret Projete virgesi sinn.

Contournement Hengescht: Wou ass de Bauprojet drun?

A senger rezenter parlamentarescher Fro freet den DP-Nord Deputéierten André Bauler wou de Projet vum Contournement Hengescht drun ass. Hien werft zudeem d'Fro op, ob et net sënnvoll wier, d'Contournementer vun Hengescht an dee vun Housen parallel ze bauen. Dat géif der Liewensqualitéit vun de Bierger an deenen zwou Uertschafte sécherlech zegutt kommen.

Gëtt d'Virkafsrecht am Kader vum neien Naturschutzgesetz  genotzt?

Am Kader vum neien Naturschutzgesetz krut de Staat, d’Gemengen an och d’Gemengesyndikater e Virvkafsrecht zougesprach fir Terrainen opzekafe fir de Kompensatiounspool ze alimentéieren. D’DP-Deputéiert André Bauler a Gusty Graas hu bei der Ministesch nogefrot, wéi vill Terraine schonn esou opkaaft goufen, wat derfir bezuelt gouf a wéi vill Ökopunkte schonn nom neie System kompenséiert gouf.

Wéi kann d'Kommunikatioun iwwer Verspéidunge vu Bus an Zuch verbessert ginn?

Déi nei Versioun vun der Mobilitéits-App versprécht d'Passagéier an "temps réel" iwwer eventuell Verspéidungen an Annulatiounen z'informéieren. D'DP-Deputéiert Carole Hartmann an André Bauler wollten an deem Kader vum Minister wëssen, ob schonn all Bus equipéiert ass, fir mat der App ze kommunizéieren, wat geplangt ass fir déi Leit, déi kee Smartphone hunn, besser z'informéieren an op wéi eng Manéier Ausfäll vu Busser am ländleche Raum besser opgefaange solle ginn.

Moderniséierung vun der Ettelbrécker Gare

Wärend de Summerméint hu wichteg Moderniséierungsaarbechten op der Ettelbrécker Gare stattfonnt. Fir d'Aarbechten net ze behënneren ass d'Zuchstreck an den Norde fir e puer Woche gespaart ginn. An dësem Kader huet eisen Deputéierten André Bauler e puer Froen un de Minister fir Mobilitéit an ëffentlech Aarbechte gestallt. 

Wat geschitt mat den historeschen Archive vun RTL, wann eng Rei vum Grupp sengen Aktivitéite Lëtzebuerg wäerte verloossen?

Zanter 1929 ass RTL zu Lëtzebuerg an ass de Pionéier am audiovisuelle Secteur vum Grand-Duché. Wann et zu engem Transfert op Köln kënnt, huet den DP-Deputéierten André Bauler d'Kulturministesch gefrot, ob si bereet wier, fir déi historesch Archive vun RTL, déi e bedeitenden Deel vun eisem Patrimoine an dësem Beräich duerstellen, ze klasséieren. Konform zum Artikel 15 vum Archivgesetz vum 17. August 2018.

Réckgang vun der däitscher Industrie

D'Medie mellen, dass déi däitsch Industrie ofhëlt an hir Exportatiounen zeréck ginn. Huet dat Auswierkungen op déi lëtzebuergesch Industrie? Zu dem Thema huet den Deputéierten André Bauler e puer Froen un de Wirtschaftsminister gestallt.

Wéi wierkt sech d'Dréchent op eis Beem aus?

Den DP-Deputéierten André Bauler huet bei der Ëmweltministesch a beim Landwirtschaftsminister no de Konsequenze vun der Dréchent op eis Beem gefrot. 

Gëtt de Centre Hospitalier du Nord ëm ee Gebai fir ambulant Interventiounen erweidert?

2018 gouf vun der Gesondheetsministesch Lydia Mutsch confirméiert, datt eng Etüd iwwert eng méiglech Erweiderung vum Centre Hospitalier du Nord ëm een ambulante Block amgaang wier.

Den André Bauler vun der DP wollt wëssen, wat sech an der Tëschenzäit gedoen huet.

Laang Waardezäiten beim Service audiophonologique?

Patienten, déi een Hörapparat brauchen, mussen ee Rendez-vous beim Service audiophonologique ufroen. Dobäi kann et zu laange Waardezäite kommen. D'DP-Deputéiert Carole Hartmann an André Bauler hunn dozou e puer Froen.

Wéi geet et weider mat de Juegdlousen?

Vum 15. Mäerz bis de 16. Abrëll konnt de Public Observatiounen zu der Propose vun der Ëmweltministesch fir d’Neiopdeelung vun de Juegdlousen erareechen. D’DP-Deputéiert Gusty Graas an de André Bauler hunn déi zoustänneg Ministesch gefrot wéi vill Observatiounen erageschéckt goufen, ob dës schonn all analyséiert goufen an ob et nach zu Verännerunge bei de Limitte wäert kommen?