Sie sind hier

Parlamentarische Fragen Landwirtschaft und Weinbau Gusty Graas

Europäesche Geriichtshaff bestätegt: Nei Organismen duerch CRISPR cas9-Methode sinn OGMen!

Kierzlech huet den europäesche Geriichtshaff bestätegt, datt Organismen, déi duerch déi nei CRISPR/Cas9-Methode entstinn OGMe gläichgestallt musse ginn. Wat ass d'Positioun vum Landwirtschaftsminister zu deem Uerteel? Wat bedeit dëst fir d'europäesch Landwirtschaft?

Parlamentarische Fragen Landwirtschaft und Weinbau André Bauler Gusty Graas

Wéi vill Genossenschaften a landwirtschaftlech Veräiner ginn et zu Lëtzebuerg?

D’DP-Deputéiert Gusty Graas an André Bauler hu beim Landwirtschaftsminister nogefrot wéi vill Genossenschaften a landwirtschaftlech Veräiner et zu Lëtzebuerg iwwerhaapt ginn, a wat fir Secteuren dës aktiv sinn, wéi vill Leit fir se schaffen an a wat fir enger Form se vum Staat ënnerstëtzt ginn?

Parlamentarische Fragen Mobilität und Verkehr Max Hahn Gusty Graas

Firwat rullt et op der Zuchstreck tëscht Rëmeleng an Näerzeng net méi?

Ab dem 10. Januar fuere keng Zich méi tëscht Rëmeleng an Näerzeng, well, wéi d'CFL soen, net genuch Zich disponibel sinn. D'Leit mussen dowéinst de Bus huele fir an d'Stad, e Bus, deen dack schonn zu Rëmeleng iwwerfëllt ass, an och wéinst dem Stau vill méi laang brauch. D'DP-Deputéiert Max Hahn a Gusty Graas hunn aus deem Grond vum Transportminister wollte wëssen, wéi et méiglech ass, dass net genuch Zich disponibel sinn, an ob d'Leit och mat Zäiten iwwert dësen Ausfall informéiert gi sinn.

Parlamentarische Fragen Gesundheit und Pflege Gusty Graas

Konsumenteschutz: Kriibserregend Nanopartikelen a Liewensmëttel

Rezent konnte sougenannt Nanopartikelen net nëmmen a verschiddene Liewensmëttel,mä och a kosmeteschen an a pharmazeuteschen Produiten nogewise ginn. Dës Partikele kënnen, rezenten Etudë no, als méiglech kriibserreegend agestuuft ginn. Den DP-Deputéierte Gusty Graas freet an deem Kontext bei den zoustännege Ministeren ënnert anerem no, wéi een de Konsument besser kéint doriwwer informéieren a schützen.

Parlamentarische Fragen Nachhaltigkeit, Natur- und Umweltschutz Gusty Graas

Kënnt et zu enger Verwässerung vun der Waasserschutzdirektiv?

Aktuell, a bis de 4. Mäerz 2019 nach mat, gëtt d'Directive-cadre iwwert de Waasserschutz vun der Europäescher Kommissioun op de Leescht geholl. An deem Kader fäerte verschidde Ëmweltschutzorganisatiounen, dass dës Direktiv geschwächt kéint ginn - mat potenziell gravéierende Konsequenze fir eis Baachen, Séier a Flëss. Dowéinst huet den DP-Deputéierte Gusty Graas bei der Ëmweltministesch nogefrot, ob si dës Bedenken deelt a wat si wëlles huet ze maachen, fir dass d'Direktiv näischt vun hirem Gewiicht verléiert. Donieft wollt hie wëssen, ob et net sënnvoll wier, d'Leit méi aktiv iwwert d'Méiglechkeet un der ëffentlecher Consultatioun, déi an deem Kader organiséiert gëtt, deelzehuelen, z'informéieren.

Parlamentarische Fragen Nachhaltigkeit, Natur- und Umweltschutz Gusty Graas

Koum et op en Neits zu enger Fuite vun "AdBlue" op der Aire de Berchem?

Nodeems am Juni 2016 schonn eng ronn 55.000 Liter "AdBlue" bei der Shell Tankstell op der Aire de Berchem ausgelaf waren, an d'Biedem an d'Waasser an der Ëmgéigend zolidd verknascht haten, schéngt et op en Neits zu sou enger Fuite komm ze sinn. Dowéinst huet den DP-Deputéierte Gusyt Graas bei der Ëmweltministesch nogefrot, fir gewuer ze ginn, ob dës Informatioune stëmmen, an, wa jo, wéi et dozou komme konnt a wéi eng Konsequenzen dat mat sech brénge wäert, souwuel fir d'Ëmwelt wéi och fir déi betraffen Tankstell.

Parlamentarische Fragen Nachhaltigkeit, Natur- und Umweltschutz Gusty Graas

Froen zum neie Guide fir eng intelligent Beliichtung

Nodeems den neie Guide "Gutes Licht im Außenraum" fir d'Ëffentlechkeet iwwert de Sujet vun der Liichtverschmotzung ze sensibiliséieren viru sechs Méint presentéiert ginn ass, an d'Regierung sech an hirem Koalitiounsaccord op en neits fir d'Bekämpfe vun der Liichtverschmotzung ausgeschwat huet, huet den DP-Deputéierte Gusty Graas bei der zoustänneger Ministesch nogefrot, wéi déi éischt Reaktiounen op dëse Guide waren a wéi een Impakt e bis lo um Terrain hat.

Parlamentarische Fragen Mobilität und Verkehr Gusty Graas

Keng Direkt-Zich méi tëschent Lëtzebuerg a Bréissel?

Dem DP-Deputéierte Gusty Graas ass zu Ouere komm, datt keng Direkt-Zich méi tëscht Lëtzebuerg a Bréissel méi kéinte fueren. De Grond wieren déi rezent Infrastrukturaarbechten op eise Schinnen, déi net méi kompatibel mat eise belsche Noperen wieren.

Parlamentarische Fragen Finanzen Landwirtschaft und Weinbau André Bauler Gusty Graas

Gutt Jore mat schlechte kompenséieren?

D’Akommes vun de Baueren a Wënzer variéiert oft staark vu Joer zu Joer. Dofir hat d’Regierung mat der Steierreform Adaptatioune gemaach fir datt d’Baueren an d’Wënzer méi einfach kënne gutt Jore mat schlechte Jore kompenséieren.

Well vill Betriber 2018 verschidde Primme aus deene leschte Joren an enger Kéier wäerten ausbezuelt kréien an doduercher an deem Steierjoer e vill méi héije Revenu wäerten hunn, froen d’DP-Deputéiert André Bauler a Gusty Grass beim Finanzminister Pierre Gramegna no, wéi d’Baueren dës exzeptionell Revenue mat anere Joren optimal versteiere kënnen an ob se dës op méi Jore kënnen echelonnéieren.

Parlamentarische Fragen Mobilität und Verkehr Gusty Graas

Verbesserunge vun den Aarbechtsbedéngunge bei de Buschaufferen am Privatsecteur

Nodeems am Kader vun de Verhandlungen ëm de Kollektivvertrag vun de Buschaufferen am Privatsecteur zejoert festgehal gouf, dass eng Rei Verbesserungen vun den Aarbechtsbedéngungen un d'Verabschide vun engem Règlement grand-ducal duerch den zoustännege Minister geknäppt gëtt, huet den DP-Deputéierten nogefrot, firwat dëst Reglement nach ëmmer net do ass.

Parlamentarische Fragen Nachhaltigkeit, Natur- und Umweltschutz Lex Delles Gusty Graas

Sinn déi wëll Villercher zu Lëtzebuerg a Gefor?

D’Zuel vu Vigel an Europa hëlt dramatesch of. Dat gëllt besonnesch fir d’Vullen, déi um oppene Feld respektiv am ländleche Raum liewen. De Réckgang do ass net nëmme kritesch fir d’Déiere selwer, ma och fir déi ganz Biodiversitéit.

D’DP-Deputéiert Lex Delles a Gusty Graas froen d’Ëmweltministesch dofir, wéi eng Resultater fir Lëtzebuerg existéieren, a wa jo, wéi eng Conclusiounen aus deene Chiffere gezu gi sinn. Déi zwee Parlamentarier wëllen och wëssen, ob national Etüden iwwer d’Populatioun vun de Vulle geplangt sinn. An och wéi sech d’Situatioun an de leschten 10 Joer entwéckelt huet.

Parlamentarische Fragen Gesellschaft Gesundheit und Pflege Edy Mertens Gusty Graas

Beschneidung wéinst net-medizineschen Ursaachen

An Island debattéiert Parlament grad eng Gesetzespropositioun, déi d'Beschneiden aus net-medezineschen Ursaache bei Mineure wëll verbidden a criminaliséieren. D'DP Deputéiert Gusty Grass an Edy Mertens wëllen an hirer Question parlementaire wëssen,wéi déi zoustänneg Ministeren dat hei am Land gesinn an ob Handlungsbedarf besteet.

Parlamentarische Fragen Gesellschaft Mobilität und Verkehr Lex Delles Gusty Graas

D’Deputéiert Lex Delles a Gusty Graas iwwer falsch parken op Behënnerteplazen.

An de leschte Joren huet sech d’Situatioun vu Leit mat enger reduzéierter Mobilitéit zu Lëtzebuerg däitlech verbessert. Ë.a. well den Accès vun ëffentleche Plaze besser amenagéiert ginn ass.

D’DP-Deputéiert Lex Delles a Gusty Graas wëllen dofir vum Nohaltegkeetsministère a vum zoustännege Ministère vun der Police wëssen, wéi vill Parkplazen hei am Land iwwerhaapt fir Leit mat enger Behënnerung reservéiert sinn.

Parlamentarische Fragen Nachhaltigkeit, Natur- und Umweltschutz Gusty Graas

Parlamentaresch Fro vum Gusty Graas iwwer Nuisancë vu Loftwärmepompelen

Onse Süddeputéierte wëll ë.a. vum Ëmweltministère wëssen, ob et stëmmt, datt de Kaméidi vun de Motore vu „pompes àchaleur aérothermiques“der Gesondheet vun de Leit schuede kann.

Parlamentarische Fragen Gesundheit und Pflege Edy Mertens Gusty Graas Alexander Krieps

Ginn et Enkpäss bei der Zouliwwerung vu Medikamenter?

D'DP-Deputéiert Gusty Graas, Alexander Krieps an Edy Mertens ass zu Ouere komm, datt et zu Enkpäss bei der Zouliwwerung vu Medikamenter géing kommen. Esou hätten d'Apdikten zum Beispill Problemer fir un verschidde Medikamenter fir Kriibspatienten ze kommen. An hirer Fro un d'Gesondheetsministesch froen d'Deputéiert no wat et domadder op sech huet.