Sie sind hier

Parlamentarische Fragen Nachhaltigkeit, Natur- und Umweltschutz Sport und Freizeit Max Hahn Carole Hartmann

Wéi kann d'Ëmweltbewosstsinn am Sport gefërdert ginn?

D'Lëtzebuerger Handballfederatioun huet seng Clibb dozou opgeruff keng Plastikfläsche méi wärend dem Training oder de Matcher unzebidden. Fir den ekologeschen Impakt ze verréngeren, hu verschidde Gemenge scho Waasserspender an hire Sportshalen installéiert. 

D'DP-Deputéiert Carole Hartmann a Max Hahn hu bei den zoustännege Ministeren nogefrot, wéi d'Ëmweltbewosstsinn am Sport ka gefërdert ginn. 

Parlamentarische Fragen Klimaschutz und Energie Nachhaltigkeit, Natur- und Umweltschutz Max Hahn

Nei Subventioune fir d'Elektromobilitéit méi attraktiv ze maachen?

Well d'Uschafe vun engem Elektroauto zum Deel mat Niewekäschte verbonnen ass, wéi z.B. d'Installéiere vun enger Borne doheem fir den Auto opzelueden, huet den DP-Deputéierte Max Hahn beim zoustännege Minister nogefrot, ob et net geplangt wier, fir de Leit an där Hisiicht ënnert d'Äerm ze gräifen an op déi Manéier d'Elektromobilitéit nach méi attraktiv ze maachen. Dat selwecht gëllt och fir Solarzellen: Hei wollt de Max Hahn wëssen, ob an Zukunft Installatioune fir déi produzéiert Energie ze stockéieren, eventuell vum Ministère subventionéiert ginn.

Parlamentarische Fragen Klimaschutz und Energie Nachhaltigkeit, Natur- und Umweltschutz Max Hahn

Zousätzlech Mesure fir d'Installéiere vu Solarzellen ze fërderen?

Déi éischt Subventioune fir Solarzelle goufen zu Lëtzebuerg viru ronn 20 Joer agefouert, déi betraffe Kontrakter lafen deemno deemnächst aus respektiv si schonn ausgelaf. Den DP-Deputéierte Max Hahn wollt dowéinst vum Energieminister wëssen, ob dësen net mengt, dass wéinst den niddregen Energiepräisser verschidde Besëtzer hir Anlage kéinten opginn, an ob aus deem Grond virgesinn ass, zousätzlech Mesuren ze huele fir déi Leit z'ënnerstëtzen.

Parlamentarische Fragen Nachhaltigkeit, Natur- und Umweltschutz Max Hahn

Aktiv Opforstung vun eise Bëscher als Mesure géint de Klimawandel?

Well d'Bëscher vill CO2 bannen, si si e wichtegt Element am Kampf géint de Klimawandel. Déi däitsch Regierung huet dowéinst annoncéiert, Milliounen nei Beem wëllen ze planzen. Den DP-Deputéierte Max Hahn huet bei der Ëmweltministesch nogefrot, ob et ähnlech Pläng och hei am Land ginn.

Parlamentarische Fragen Nachhaltigkeit, Natur- und Umweltschutz Max Hahn

Kënnen d'Dreckstippen zu Lëtzebuerg als Energiequelle genotzt ginn?

D'Zäregas Methan ass ronn 25 mol méi schiedlech fir d'Klima wéi den CO2. Der amerikanescher Ëmweltverwaltung no sinn d'Dreckstippen an den USA fir 14,1% vum gesamte Methanausstouss zoustänneg, an hunn domadder e bedeitenden Impakt op d'Klima. Dobäi kéint dëst Gas opgefaang a fir d'Stroumproduktioun genotzt ginn. Den DP-Deputéierte Max Hahn huet bei der Ëmweltministesch nogefrot, wéi d'Situatioun zu Lëtzebuerg ausgesäit.

Parlamentarische Fragen Nachhaltigkeit, Natur- und Umweltschutz Max Hahn

Kläranlagen als Stroumproduzenten?

Och Kläranlage produzéiere laut wëssenschaftlechen Etüden eng Rei Zäregasen, dorënner besonnesch Laachgas (N2O), deen eng 300 mol méi schiedlech fir d'Klima ass wéi den CO2. Den DP-Deputéierte Max Hahn wollt dowéinst vun der zoustänneger Ministesch wëssen, wéi d'Situatioun zu Lëtzebuerg ass, ob dëse Gas opgefaange gëtt an ob net Stroum domadder produzéiert kéint ginn.

Parlamentarische Fragen Nachhaltigkeit, Natur- und Umweltschutz Gilles Baum Max Hahn

Wéini kritt een déi gréng Valorlux-Tut am ganze Land?

Aktuell lafen zwee Pilot-Projeten vun der Valorlux mat Tuten, an déi ee méi Plastiks-Verpackungen dra maache kann, wéi an déi normal. D'DP-Deputéiert Gilles Baum a Max Hahn hu bei der Ëmweltministesch nogefrot, ob schonn éischt Konklusioune aus deene Projeten gezu konnte ginn an ob a wéini dës wäerten op d'ganzt Land ausgedeent ginn.

Parlamentarische Fragen Klimaschutz und Energie Nachhaltigkeit, Natur- und Umweltschutz Max Hahn

Wat geschitt mat den Terrainen déi EDF zu Cattenom kaf huet?

Wéi an der franséischer Press viru kuerzem ze liese war, huet déi ëffentlech Stroumgesellschaft EDF nei Terrainen zu Cattenom kaf. Den DP-Deputéierte Max Hahn wollt aus deem Grond vun der zoustänneger Ministesch wëssen, ob si wéisst, wat mat dësen Terraine geschéie soll a wéi ee Projet do geplangt wier. Doriwwer eraus wollt hie wëssen, ob si mat de franséischen Autoritéiten am Gespréich wier, fir en nohaltege Projet vun erneierbaren Energien op deem Site z'encouragéieren grad ewéi d'Zoumaache vun der Nuklearzentral zu Cattenom?

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Wat gëtt ënnerholl géint d'Verschmotzung vun eise Baachen a Flëss?

Reegelméisseg komme bei Botzaktiounen vu Baachen a Flëss enorm Quantitéiten vu Knascht zesummen, deen d'Leit an d'Waasser geheit hunn. Mee och vu Fäll vu Verknaschtung duerch Ueleg oder soss chemesch Substanzen, huet een dës Lescht méi dacks héieren. Dowéinst froen déi zwee DP-Deputéiert Max Hahn a Claude Lamberty bei der Ëmweltministesch no, wat géint dës Zoustänn ënnerholl gëtt.

Parlamentarische Fragen Gesundheit und Pflege Nachhaltigkeit, Natur- und Umweltschutz Max Hahn

Mécht de Kaméidi vu Wandrieder krank?

Am Süde vum Land si 5 nei Projete mat Wandrieder geplangt. An dem Kontext wollt de Süd-Deputéierte Max Hahn vun den zoustännege Ministere wësse wat d’Distanze vun dëse Wandrieder zu de Wunngebidder wäerte sinn a wéi d’Distanze vun den aktuelle Wandrieder zu Lëtzebuerg sinn. De Max Hahn huet och nogefrot, ob d’Ministeren d’Conclusioune vun enger Etüd deelen, déi seet, datt de Kaméidi vu Wandrieder net ka krank maachen.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

E Verbuet vu Mikroplastik zu Lëtzebuerg?

Eng Rei Länner hunn de Mikroplastik scho verbueden, well d’Kläranlagen en net erausgefiltert kréien. An enger parlamentarescher Fro wëllen de Max Hahn an de Lamberty Claude dofir vum Ëmweltministère wëssen, ob sou e Verbuet net och zu Lëtzebuerg sënnvoll wier.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Kritt Lëtzebuerg e Problem wéinst dem Offall-Stopp vu China?

China importéiert vun dësem Joer uns keen Offall méi oder wëll deen Trafic op d’mannst staark reduzéieren. Dat war bis elo eng praktesch Léisung fir vill westlech Länner, fir hiren Dreck op déi Manéier lass ze ginn. D’Deputéiert Max Hahn a Claude Lamberty wëllen elo vum Ëmweltministère wëssen, a wéiwäit Lëtzebuerg heivunner betraff ass.

Dofir ass et fir d’éischt d’Fro, ob onst Land iwwerhaapt Offall exportéiert an em wéi eng Zort (evtl esouguer geféierlechen an toxeschen Dreck?) et sech dobäi handelt? A wéi wéilt Lëtzebuerg reagéieren, wann dat de Fall wier?

Déi zwee DP-Deputéiert froen och nach, ob Lëtzebuerg esouguer Offall importéiert a wéi mir iwwerhaapt net-recycléierte Plastik eliminéieren.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Froen zu den neie gréngen Tuten!

An 21 Gemengen am Land sinn déi blo Tute vu Valorlux elo duerch gréng Tuten ersat ginn. Si si fir déi nämmlecht Saache gutt wéi déi blo Tuten an zousätzlech och fir Plastikstuten a fir Plastiksfolien dran ze maachen.

Valorlux huet doriwwer eraus 15 Kollektstatiounen (RE-box) installéiert, an déi d’Leit ë.a. Joghurtsdëppercher, Kaffisbecheren a Barquettë mat den Deckele schmäisse kënnen.

D’DP-Deputéiert Max Hahn a Claude Lamberty hunn an deem Kontext e puer Froen un d’Ëmweltministesch.

Parlamentarische Fragen Klimaschutz und Energie Nachhaltigkeit, Natur- und Umweltschutz Claude Lamberty Max Hahn

De Bësch als méiglech Plaz fir Wandmille?

Et ass schwiereg gëeegent Plazen ze fanne fir Wandmillen opzestellen, wou ee genuch Wand huet an awer och déi néideg Distanz zu Wunngebidder respektéiert. An Däitschland hunn dofir véier Bundeslänner ugefaangen, Wandrieder an de Bësch ze setzen. D'DP-Deputéiert Max Hahn a Claude Lamberty froen an deem Kontext bei der zoustänneger Ministesch ënnert anerem no, wat si vu Wandmillen am Bësch hält an ob dat och e Modell fir Lëtzebuerg kéint sinn? 

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Alternativen zum Plastik?

Mir verbrauchen ëmmer nach ze vill Plastik, deen net recycléiert gëtt an oft an der Natur lant. Frankräich wäert Besteck aus Plastik ab 2020 verbidden. Wat sinn d’Projete vu Lëtzebuerg fir manner Plastik ze benotzen an op wat fir Alternative kéint een zréckgräifen. D’DP-Deputéierte Claude Lamberty a Max Hahn stellen dës Froen der zoustänneger Ëmweltministesch.