Sie sind hier

Parlamentarische Fragen Gemeinden Mobilität und Verkehr Claude Lamberty Max Hahn

Firwat kënnen d’Zuch-Horaire net an de Gemengen-Appen integréiert ginn?

Verschidde Gemengen uechtert Land hunn eng mobil App lancéiert, wou een nieft dem Offall - a Manifestatiounskalenner och d‘Horaire vum ëffentlechen Transport an deene jeeweilege Gemenge ka consultéieren. An deem Kontext, hunn D'DP-Deputéiert Max Hahn a Claude Lamberty beim zoustännege Minister nogefrot, firwat d’Zuch-Horaire den Ament net kënnen an dësen Appen integréiert ginn.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Problemer mat Ëmweltgeneemegunge bei Depoten – an deenen Hackschnëtzel produzéiert a gelagert gëtt?

A verschiddene Géigende vum Land – an deenen d’Bëschbestänn et erlaben – gëtt d’Holz schonn zanter längerem als wichteg Energiequell ugesinn. An deem Kontext, ass den d'DP-Deputéiert Max Hahn a Claude Lamberty zu Ouere komm, dass et deslescht bei verschiddenen Depoten – an deenen Hackschnëtzel produzéiert a gelagert gëtt – Problemer mat Ëmweltgeneemegunge gouf. Deementspriechend hunn déi zwee DP-Deputéiert beim zoustännege Minister nogefrot, ob d'Hackschnëtzelanlage weider als sënnvoll ugesi ginn a wéi vill ëffentlech Hackschnëtzel-Projeten zanter dem neien Naturschutzgesetz ëmgesat gi sinn.

Parlamentarische Fragen Mobilität und Verkehr Claude Lamberty Max Hahn

Manner Accidenter a Protokoller op Strecke wou fix Radaren stinn?

Knapp fënnef Joer zënter der Installatioun vum éischte fixe Radar, froen d'DP-Deputéiert Max Hahn a Claude Lamberty bei den zoustännege Ministeren no, wéi d'Unzuel an d'Gravitéit vun de Vitesse-Iwwerschreidungen op de jeeweilege Plazen evoluéiert huet.

Parlamentarische Fragen Landesplanung und Wohnen Claude Lamberty Max Hahn

Fonds du Logement: Virrecht op subventionéiert Lokatiounswunnenge fir eligibel Bierger aus der concernéierter Gemeng?

Den ëffentleche Wunnengsbau konzentréiert sech déi lescht Jore méi staark op d'Locatioun amplaz op d‘Vente. D'Locatioun vu dëse subventionéierte Wunnenge riicht sech u Stéit mat niddregem Akommes. D’DP-Deputéiert Max Hahn a Claude Lamberty hunn beim zoustännege Minister nogefrot, ob e Virrecht op subventionéiert Lokatiounswunnenge fir eligibel Bierger aus der concernéierter Gemeng oder de concernéierten Offices sociauxen eng intressant Piste wier, déi een an Zukunft kéint aschloen.

Parlamentarische Fragen Justiz und Sicherheit Staat und Öffentlicher Dienst Claude Lamberty Max Hahn

Recrutement interne fir de Kader vun der Police Grand-Ducale

Iwwer déi nächst 3 Joer sollen iwwer 800 Polizisten rekrutéiert ginn. De Rekrutement, ma och d'Formatiounsprozeduren hu geännert. Och den interne Rekrutement vu Staatsbeamten an d'Police gouf als Méiglechkeet an d'Aen gefaast. Gëtt en interne Wiessel an Zukunft méiglech, a fir wien? D'Deputéiert Max Hahn a Claude Lamberty hu beim zoustännege Minister nogefrot.

Parlamentarische Fragen Bildung Claude Lamberty Max Hahn

Gratis Schoulbicher: Wéi vill spuert een Haushalt pro Kand?

Zënter 2 Joer schonn iwwerhëlt de Staat d'Käschten fir d'Schoulbicher vun de Lycéesschüler. Den DP-Deputéierten Claude Lamberty huet beim Bildungsminister nogefrot wéi héich déi finanziell Entlaaschtung fir eis Menagen ass.

Parlamentarische Fragen Gemeinden Gesellschaft Justiz und Sicherheit Claude Lamberty Max Hahn

Zivil Hochzäiten an Zukunft och ausserhalb vun de Gemengenhaiser?

Net nëmmen an der Pandemie soll et de Mënsche méiglech sinn hiert zivilt Bestietnis ausserhalb vun de Gemengenhaiser ze feieren. D'DP-Deputéiert Max Hahn a Claude Lamberty hu bei den zoustännege Ministeren nogefrot, wéi wäit d'Reform vun dëse Gesetzestexter ausgeschafft ass, a wat fir Changementer ageplangt sinn.

Parlamentarische Fragen Mobilität und Verkehr Claude Lamberty Max Hahn

Taxisecteur: Wou ass d'Reform vun der Reform drun?

D'Taxisreform vun 2016 huet säin Haaptzil - den Taxi méi bëlleg ze maachen - net erreecht. Dowéinst huet den zoustännege Minister scho virun méi wéi engem Joer ugekënnegt, wëllen nozebesseren. D'DP-Deputéierte Max Hahn a Claude Lamberty hu beim Minister nogefrot, wou dës Reform vun der Reform drun ass a wéi se wäert ausgesinn.

Parlamentarische Fragen Justiz und Sicherheit Nachhaltigkeit, Natur- und Umweltschutz Claude Lamberty André Bauler Max Hahn

E Sécherheetskonzept fir de ganze Stauséi?

D'Corona-Kris huet gewisen, dass d'Zesummenaarbecht tëscht de verschiddenen Acteuren ëm de Stauséi net ëmmer optimal funktionéiert, besonnesch wat d'Kommunikatioun an d'Koordinatioun vun de verschiddene Mesurë betrëfft. D'DP-Deputéiert André Bauler, Max Hahn a Claude Lamberty hu bei deene betraffe Ministeren nogefrot, inwéifern dës Zesummenaarbecht verbessert soll ginn, ë.a. iwwer d'Schafung vun engem neie Gremium, dat och e Gesamtkonzept fir de Stauséi kéint ausschaffen a punkto Sécherheet, Naturschutz, Offallproblemer etc.

Parlamentarische Fragen Gesundheit und Pflege Tourismus Claude Lamberty Max Hahn

Duebel Gefor op de Lëtzebuerger Séien a Weieren iwwert de Summer

D’’Vakanz doheem’ dreift dëse Summer vill Leit bei déi heemesch Séien a Weiere fir do an der Sonn a beim Waasser e puer flott Momenter ze verbréngen. An obwuel sécherlech d’Verbreede vum Corona Virus an déi néideg Distanzreegelungen dëst Joer en Haaptthema sinn, gëllt et net ze vergiessen, dass och d’Waasser ka geféierlech sinn, an dass reegelméisseg Accidenter passéieren. An dësem Kontext, hunn sech d'DP-Deputéiert, Max Hahn a Claude Lamberty, bei der Inneministesch an dem Minister fir bannenzeg Sécherheet informéiert, wéi d’Gäscht op de Lëtzebuerger Plagen och dëse Summer kënnen an aller Sécherheet profitéieren.

Parlamentarische Fragen Mobilität und Verkehr Claude Lamberty Max Hahn

5G a WiFi am ëffentlechen Transport

A wéi ville Bussen an Zich gëtt et scho WiFi fir d'Passagéier? Bis wéini ginn d'Zich vun der CFL domadder equipéiert? Wäert d'CFL vum Opbau vum nationale 5G Reseau profitéieren, fir de Passagéier an Zukunft eng méi grouss Bandbreet zur Verfügung ze stellen? D'DP-Deputéiert Claude Lamberty a Max Hahn hunn dem Mobilitéitsminister e puer Froen zu deem Sujet gestallt.

Parlamentarische Fragen Justiz und Sicherheit Claude Lamberty Max Hahn

Adaptéiert Dampmelder fir gehörlos Mënschen

Den Dampmelder ass zanter dem 1. Januar zu Lëtzebuerg obligatoresch. Ma gehörlos Mënschen héiere keen Dampmelder a brauche méi deier iwwer Funk verbonnen adaptéiert Apparater. An dësem Kontext hunn eis Deputéierte Max Hahn a Claude Lamberty e puer Froen un déi zoustänneg Ministere gestallt. 

Parlamentarische Fragen Arbeit Claude Lamberty Max Hahn

10 Deeg Pappecongé och fir Selbststänneger?

Am Privatsecteur an an der Fonction publique kënne Pappe vun 10 Deeg Pappecongé profitéieren. D'DP-Deputéiert Max Hahn a Claude Lamberty hu beim Aarbechtsminister nogefrot, wéini och d'Selbststänneger 10 Deeg Pappecongé kréien.

Parlamentarische Fragen Verfassung, Institutionen und Demokratie Claude Lamberty Eugène Berger Max Hahn

No dem rezente Virfall: Ass eng Adaptatioun vum Walgesetz neideg?

An der Presse war dëser Deeg ze liesen, datt eng Rëtsch Leit op enger Kandidatelëscht gelant ze sinn, ouni awer hiren Accord dofir ginn ze hunn. Laut den Aussoe vun de betraffene Leit wieren si Affer vun "Manipulatiounen" gewiescht. An hirer urgenter parlamentarescher Ufro froen d'DP-Deputéiert Claude Lamberty, Max Hahn an Eugène Berger no, ob een d'Walgesetz net misst adaptéiere fir den Affer vun esou grave Virfäll, no dem Arrêtéiere vun de Lëschte, nach eng Méiglechkeet ze ginn sech zeréckzezéien.

Parlamentarische Fragen Tiere Claude Lamberty Max Hahn

Zentraliséiert Plattform fir vermëssten Déieren?

D'DP-Deputéiert Max Hahn a Claude Lamberty froen den zoustännege Minister an hirer rezenter parlamentarescher Ufro ob et net opportun wier eng offiziell online Plattform a d'Liewen ze ruffen, déi all Informatioune vun diversen Annoncë betreffend vermëssten Hausdéier regroupéiert, fir soumat Chancen ze erhéijen déi vermëssten Déier ze fannen.