Wéi vill Leit hunn sech géint Grippe impfen gelooss?

Trotz enger Ëffentlechkeetscampagne fir sech géint Grippe impfen ze loossen, hunn sech vill Leit zu Lëtzebuerg ugestach. D'DP Deputéiert Gusty Graas an Alexander Krieps froen aus deem Grond bei den zoustännege Ministere no genauen Zuelen. Si froen an deem Kontext och, ob et net néideg wier besonnesch d'Risikopatienten méi unzereegen sech géint d'Grippewell impfen ze loossen.

Kann de Minister sech eng App vun der CNS virstellen?

A verschiddene Länner gëtt vun der Krankekeess eng App ugebueden, mat där d'Assuréen Zougrëff op hire perséinlech Konto kréien. Esou kënne si zum Beispill de Suivi vun hire Remboursementer oder verschidden Attester op hirem Telefon oder Tablette ofruffen. D'DP Deputéiert Edy Mertens, Gusty Graas an Alexander Krieps froe bei dem Minister no, ob dat och zu Lëtzebuerg méiglech wier.

Nei Nomenclature bei den Infirmiers libéraux

D'DP-Vertrieder aus der Gesondheetskommissioun, Edy Mertens, Alexander Krieps a Gusty Graas, froe beim zoustännege Minister no, wat et mat der neier Nomenclature fir déi fräischaffend Infirmieren op sech huet.

AIDS-Tester vun der Krankekeess iwwerholl?

Am Moment ginn et AIDS-Tester déi ee selwer uwende kann. Esou ka jidderee schnell erausfannen op hien infektéiert ass oder net, ouni bei en Dokter goen ze mussen. Dës Tester ginn am Moment awer net vun der Krankekeess iwwerholl. D'DP-Deputéiert Alexander Krieps, Edy Mertens a Gusty Graas froen dofir bei de responsabele Ministere no, ob dëst keng efficace Piste am Kampf géingt AIDS wier.

Am Service Santé vun der Arméi

Dem Gesetz no sollten 6 Infirmiere am Service Santé vun der Arméi schaffen. Momentan sinn der just 2 agestallt. Dëse Service besteet och aus Zaldote mat enger Formatioun als Secouriste. Nëmmen e puer hätten d’Formatioun als Ambulancier. D’Deputéierte Gusty Graas, Max Hahn a Alexander Krieps hunn ënner anerem beim zoustännege Minister nogefrot firwat dës Posten net besat wieren, op rekrutéiert géif ginn, an op et eventuell gemeinsam Formatioune mat anere Rettungscorpse kéint ginn.

Asbest richteg entsuergen

Ier et déi Gipsen-Placke gouf, si vill Mauere vun Haiser mat engem Asbest-mix gebaut ginn. Dës Substanz kann awer ganz geféierlech ginn, wann se am Kontakt mat der Loft steet, dat zum Beispill wann des Maueren ufänke mat bréckelen. DP-Deputéierte Max Hahn a Lex Krieps froen dofir bei den zoustännege Ministeren no, op et net néideg wier de Leit bei enger Renovatioun vun esou Maueren entgéint ze kommen.

Däitlech méi...

D'DP huet déi lescht Joere vill geschafft an et freet den Fraktiounspresident Eugène Berger, datt vill wichteg Projeten elo och bei de Leit ukommen: „D'DP wëll däitlech méi fir all d‘Bierger vun eisem Land: Däitlech méi Kafkraaft fir d’Mëttelschichten duerch eng sozial gerecht Steierreform. Däitlech méi Zäit fir d‘Famill duerch e flexibelen a finanziell besser opgestallte Congé parental. Däitlech méi Qualitéit an der Kannerbetreiung an an der Schoul duerch eng individuell Fërderung vun all Kand.“

 deutsche Übersetzung
 traduction française
 English translation

Eng gemeinsam Vitrine fir d'Arméi, d'Douane an d'Police?

Dëse Freideg geet um Boulevard Royal den Informatiounsbüro vun der Arméi op. Doduerch erhofft ee méi Leit fir den Härebierg ze rekrutéieren. D’Deputéierte Max Hahn, Gusty Graas an Alexander Krieps hu beim Minister nogefrot ob dës Initiative och fir d’Police an d’Douane kéint virgesi ginn. Wier do ee gemeinsame Bureau net sënnvoll.

Stau am Rond-Point Irrgarten

Och matten an der Schoulvakanz an ausserhalb vun de Spëtzestonnen, ass am Rond-point Iergäertchen all Dag Stau. D'Deputéierten Alexander Krieps a Claude Lamberty hu beim zoustännege Minister nogefrot wat ënnerholl wäert gi fir d'Situatioun an de Grëff ze kréien.

Homeopathie an Co

D'DP-Deputéiert Alexander Krieps an Edy Mertens hunn bei den zoustännege Ministeren nogefrot wéi et mat der sougenannter "Alternativ Medezin" zu Lëtzebuerg ausgesäit. Mëttlerweil ginn nämlech, nieft der Homeopathie, och aner alternativ Therapien ugebueden. Si froen och no, ob dës Therapien an Zukunft vun der CNS iwwerholl kenne ginn.

Vill schwanger Frae maachen en NIFTY-Test

Verschiddener kënnen sech deen awer leider net leeschten. Firwat gëtt deen Test net vun der Krankekeess rembourséiert? Dëst froen d'DP-Deputéiert Alexander Krieps an Edy Mertens déi zoustänneg Ministeren.

Net genuch Medikamenter fir Kriibs-Patienten?

Anscheinend ginn et Kriibs-Patienten déi kee vollstännegt Traitement kréien, dat well d'Medikamenter net ëmmer hei am Land verfügbar wieren. En Beispill wier de "Arzerra", dee bei chronescher "leucémie lymphocytaire" agesat gëtt. D'Patiente missten sech elo selwer dëst Medikament an Däitschland besuerge goen, ouni dass CNS fir des Käschten opkomme géif. DP-Deputéierten Alexander Krieps an Edy Mertens wollten Detailer vun der Gesondheetsministesch.

Interconnectioun vun den Apdikten

Lëtzebuerg gehéiert ze deene Länner an deenen am meeschte Medikamenter consomméiert ginn. Zur gläicher Zäit sinn eis Apdikten net ënnert sech verbonnen, esou dass déi eng net weess wat déi aner dem Client scho verkaaft huet. Den Deputéierten Alexander Krieps freet no op d'Interconnectioun vun den Apdikte keng Optioun wier.

Getéinte Fënsteren

Wann en Auto getéinte Fënsteren huet, ass et oft fir Polizisten net einfach ze gesi wier de Chauffeur ass. Deputéierte Alexander Krieps a Gusty Graas froen no, op et net ubruecht wier d'Reegelen an dëser Matière méi kloer ze gestalten.

Médicaments anticholinestérasiques

Les médicaments anticholinestérasiques (donepezil, rivastigmine, mémantine, galantamine, etc.) sont prescrits dans les syndromes pré-démentiels et démentiels depuis plus de 15 ans.