Sie sind hier

Parlamentarische Fragen Gemeinden Gesundheit und Pflege Claude Lamberty Max Hahn

Réckgang vun den Éischt-Hëllef-Coursen?

Den Deputéierte Max Hahn an Claude Lamberty ass zu Ouere komm, dass plazeweis am Land d'Unzuel vun den Éischt-Hëllef-Coursë réckleefeg wieren, trotz héijen Aschreiwungszuelen d'Joer virdrun. Donieft géifen och net méi all d'Stéit via Toute-Boîte iwwert déi Coursen informéiert ginn. An hirer Question Parlementaire froen déi zwee Deputéiert beim zoustännege Minister no, ob dat sou ass an ob et do vläicht e Lien gëtt.

Parlamentarische Fragen Gesundheit und Pflege Edy Mertens Alexander Krieps Gusty Graas

Nei Formel vu Levothyrox : och problematesch Fäll zu Lëtzebuerg?

Levothyrox ass ee wichtegt Medikament wat vu Patiente mat enger Schilddrüsenennerfunktioun geholl gëtt. Nodeems d'Formel geännert ginn ass, goufen et a Frankräich extrem vill Fäll, an deene schlëmm Niewewierkungen opgetaucht sinn, déi souguer am schlëmmste Fall, déidlech waren. D'DP Deputéiert Gusty Graas, Edy Mertens an Alexander Krieps froen dofir beim zoustännege Minister no, op dat Medikament mat der neier Formel och zu Lëtzebuerg verkaaft gëtt, an op et och schon problematesch Fäll gi sinn.

Parlamentarische Fragen Gesundheit und Pflege Edy Mertens Alexander Krieps Gusty Graas

Hunn al Konzessioune vun Apdikte misse verlängert ginn?

Den DP Deputéierten Edy Mertens, Alexander Krieps a Gusty Graas ass zu Ouere komm, datt al Konzessioune vun Apdikten hunn misse verlängert ginn. Si froen dofir no, ob dat un der schwéierfälleger Prozedur kéint léie fir Apdikten z'iwwerhuelen a wéi een dat kéint an Zukunft besser reegelen.

Parlamentarische Fragen Gesellschaft Gesundheit und Pflege Gusty Graas

Ginn d'Fäll vu Riedelen och zu Lëtzebuerg an d'Luucht?

Scho laang net méi goufen et sou vill Fäll vu Riedelen an Europa. A verschiddene Länner sinn esouguer Kanner dorunner gestuerwen. Wéi gesäit mat den Infektiounen zu Lëtzebuerg aus ? Den DP-Deputéierte Gusty Graas huet bei der Gesondheetsministesch nogefrot.

Parlamentarische Fragen Gesellschaft Gesundheit und Pflege Edy Mertens Alexander Krieps Gusty Graas

Beleidegungen a Gewalt an de Spideeler

Beleidegungen a Gewalt géigeniwwer Fleegepersonal an Doktere ginn am Ausland ëmmer méi zu eng traureger Realitéit. Och zu Lëtzebuerg héiert een, datt esou Aggressiounen zouhuelen. D'DP Deputéiert Edy Mertens, Alexander Krieps a Gusty Graas froen dofir no, wéi genau d'Situatioun zu Lëtzebuerg ausgesäit, ob et eng Ulaafstell gëtt fir dem Personal ze hëllefen dat Erliefte besser ze veraarbechten, a wat ugeduecht ass fir déi souwisou schonn usprochsvoll Aarbecht duerch esou Virfäll nach méi schwiereg ze maachen.

Parlamentarische Fragen Gesundheit und Pflege Edy Mertens Alexander Krieps

Sinn d'Infrastrukturen prett fir déi nei IRM z'installéieren?

Den DP Deputéierten Alexander Krieps an Edy Mertens ass zu Ouere komm, datt déi 4 nei versprachen IRM nach net kéinten installéiert ginn, well d'Infrastrukturen an de Spideeler nach net prett wieren. D'Aarbechte wiere méi komplizéiert an och méi deier ewéi ugangs geduecht. An hirer parlamentarescher Ufro ginn si der Saach op de Fong.

Parlamentarische Fragen Gesellschaft Gesundheit und Pflege Gusty Graas

Fentanyl als Drog - och zu Lëtzebuerg?

Fentanyl as e Medikament géint Péng, wat vu Kriibspatiente geholl gëtt. An den USA gëtt et säit neistem och op der Strooss verkaaft, net als Medikament mä als Heroin Ersatz. Den Deputéierte Gusty Graas géing gär vun der zoustänneger Ministesch wëssen, ob et där Fäll och zu Lëtzebuerg ginn an ob eppes Preventives ënnerholl gëtt, fir dat kennen a Lëtzebuerg z'evitéieren.

Parlamentarische Fragen Bildung Gesundheit und Pflege Gilles Baum Gusty Graas

Ze schwéier Schoulsäck?

Et gesäit een dacks Schüler mat voll gepaakten Schoulsäck ronderëm goen. Dëst kann awer op Dauer zu Réckwéi a soss gesondheetlechen Problemer féieren. D'DP Deputéiert Gusty Graas a Gilles Baum froen dofir wéi genau et zu Lëtzebuerg domadder ausgesäit an ob d'Enseignanten eventuell vum Ministère Richtlinnen kruten. Hëlleft eventuell d'Digitalisatioun de Problem ze behiewen?

Parlamentarische Fragen Gesundheit und Pflege Medien und ICT Edy Mertens Alexander Krieps Gusty Graas

Wéini kënnt eng informatiséiert Carte sanitaire?

An Däitschland subventionnéiert d'Gesondheetskees Dokteren beim Prozess fir eng digitaal Carte sanitaire op d'Been ze stellen. DP-Deputéiert Alexander Krieps, Edy Mertens a Gusty Graas froen no, ob dat och zu Lëtzebuerg méiglech ass.

Parlamentarische Fragen Gesundheit und Pflege Staat und Öffentlicher Dienst Max Hahn

Nei Technologien: Ginn et spezifesch Formatioune fir d'Pompjeeën?

Elektresch Autoen, Biogas-Anlagen, Photovoltaik-Panneauen... an deene leschte Jore si vill nei Technologien op de Maart komm. Den DP-Deputéierte Max Hahn freet no, ob eis Pompjeeën duerch spezifesch Formatiounen op den Eeschtfall virbereet ginn.

Parlamentarische Fragen Gesundheit und Pflege Alexander Krieps Gusty Graas

Wéi vill Leit hunn sech géint Grippe impfen gelooss?

Trotz enger Ëffentlechkeetscampagne fir sech géint Grippe impfen ze loossen, hunn sech vill Leit zu Lëtzebuerg ugestach. D'DP Deputéiert Gusty Graas an Alexander Krieps froen aus deem Grond bei den zoustännege Ministere no genauen Zuelen. Si froen an deem Kontext och, ob et net néideg wier besonnesch d'Risikopatienten méi unzereegen sech géint d'Grippewell impfen ze loossen.

Parlamentarische Fragen Gesundheit und Pflege Gusty Graas

Ginn Patiente heiansdo vun agreéierte Taxien refuséiert?

Anscheinend géifen heiansdo vun der CNS agreéiert Taxie refuséiere fir Patienten an d'Spideeler ze féieren, falls et sech fir si net loune géif. Well d'CNS de Patienten an der Reegel awer net de ganzen Tarif rembourséiert, géife fir si deemno méi Käschten ufale wann si een Taxi vu méi wäit ruffen. Den DP Deputéierte Gusty Graas freet dowéinst no, ob dem Minister dee Problem bekannt wier an ob hie wëlles huet eppes dogéint ze ënnerhuelen.

Parlamentarische Fragen Gesundheit und Pflege Edy Mertens

Gëtt op fräischaffend Dokteren zréckgegraff wann de Samu besat ass?

Am Norden vum Land kann et mol méi laang dauere bis de Samu op der Plaz ass. An deem Kontext freet den DP-Nord Deputéierten Edy Mertens bei den zoustännege Ministeren no, ob den 112 net kéint op déi fräischaffend Dokteren aus der Regioun zréckgräifen am Fall wou de Samu besat wier.

Parlamentarische Fragen Gesundheit und Pflege Edy Mertens Alexander Krieps Gusty Graas

Kann de Minister sech eng App vun der CNS virstellen?

A verschiddene Länner gëtt vun der Krankekeess eng App ugebueden, mat där d'Assuréen Zougrëff op hire perséinlech Konto kréien. Esou kënne si zum Beispill de Suivi vun hire Remboursementer oder verschidden Attester op hirem Telefon oder Tablette ofruffen. D'DP Deputéiert Edy Mertens, Gusty Graas an Alexander Krieps froe bei dem Minister no, ob dat och zu Lëtzebuerg méiglech wier.

Parlamentarische Fragen Gesundheit und Pflege Gusty Graas

Vill Leit sinn mat engem "Text neck" geplot

Leit déi ze laang op den Handy kucken an sech dobäi nach schlecht halen, kréien op Dauer oft Réckwéi a Tortekollien. Experte schwätzen dofir och mëttlerweil vum sougenannten "Text neck". Den DP-Deputéierte Gusty Graas freet an dem Kontext bei der zoustänneger Ministesch no, wéi et zu Lëtzebuerg ausgesäit an, ob och scho Kanner a Jugendlech domat geplot sinn.