Sie sind hier

Parlamentarische Fragen Nachhaltigkeit, Natur- und Umweltschutz Tiere Guy Arendt Gusty Graas

Wéi vill Fiiss sinn déi lescht Jore gefaange ginn?

D'Ëmweltministesch dierf d'Fänke vu Fiiss op Ufro erlaben. D'DP-Deputéiert Gusty Graas a Guy Arendt hu bei hir nogefrot, wéi vill Autorisatiounen d'Ministesch déi lescht Joren ausgestallt huet an ob een doraus schléisse kann, datt méi Fiiss bei d'Haiser kommen. Eis Deputéiert froen och no wou dës Fiiss ausgesat ginn an ob d'Fänke vu Fiiss bei Haiser och effikass ass.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Guy Arendt Gusty Graas

Wéi ass et mat der afrikanescher Schwéngspescht?

D'DP-Deputéiert Guy Arendt a Gusty Graas froen déi zoustänneg Ministeren no der Evaluatioun vun der afrikanescher Schwéngspescht. Ënner anerem wëllen si wësse wéi vill Wëllschwäin an der Zone blanche getest goufen, wéi vill der geschoss a wéi vill der duerch Fale gefaange goufen. Doniewent froen si sech ob et duerch d'Opriichte vum Zong méi Wëldschued gëtt an op déi concernéiert Juegdpächter kéinten indemniséiert ginn.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Tiere Gusty Graas

Sichhënn fir dout Wëllschwäin och zu Lëtzebuerg?

D’Saarland ass genau wéi Lëtzebuerg nach net vun der afrikanescher Schwéngspescht betraff. Trotzdeem bereeden si sech op de Fall fir falls dëse Viraus an hire Bëscher ausbrécht. Dofir hu si speziell Sichhënn ausgebilt déi doudeg Wëllschwäi séier kënne fannen. Falls de Virus nämlech ausbrécht, ass et enorm wichteg, déi krank Wëllschwäi séier ze fannen an ewechzebrénge fir datt se keen anere kënnen ustiechen. Den DP-Deputéierte Gusty Graas huet bei de zoustännege Ministeren nogefrot, ob Lëtzebuerg och plangt esou Hënn auszebilden oder ob d’Hënn aus dem Saarland och zu Lëtzebuerg kéinten an den Asaz kommen.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Gusty Graas

Waasserschutzzonen um Stauséi: Feeler an der Methodologie?

D'Landwirtschaftskummer huet sech an engem rezenten Avis zu de Waasserschutzzonen ëm de Stauséi d'Fro gestallt, ob de Projet de Règlement Grand-Ducal op verlässlechen Donnéeë baséiert. Effektiv hätt si eng Rei Inkoherenze festgestallt. Den DP-Deputéierte Gusty Graas wëll dowéinst vun der zoustänneger Ministesch wëssen, wat hir Reaktioun op dësen Avis ass, an ob si eventuell gedenkt, den RGD unzepassen?

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Leeft knaschtegt Waasser iwwer d'Reewaasserkanalisatioun an d'Natur?

D'Reewaasserkanalisatioun an de Stroosse gëtt net méi un d'Kläranlag ugeschloss, mee d'Waasser gëtt direkt an d'Natur lafe gelooss. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob si kee Risiko gesäit, dass op deem Wee knaschtegt Waasser, wéi Seefewaasser oder Faarfreschter, an der Ëmwelt lande kéinten.

Parlamentarische Fragen Nachhaltigkeit, Natur- und Umweltschutz Gusty Graas

UV-Luucht amplaz Chemikalien bei der Waasserbehandlung?

Am Ausland ginn et scho Projete bei deenen ultraviolett Luucht geholl gëtt, fir d'Waasser a Kläranlagen oder an Anlage fir Drénkwaasser propper ze maachen. Den DP-Deputéierte Gusty Graas huet bei der zoustänneger Ministesch nogefrot, ob dës Technologie och zu Lëtzebuerg benotzt gëtt, a wann net, ob et virgesi wier, se als nohalteg Alternativ zu Chemikalien ze fërderen.

Parlamentarische Fragen Nachhaltigkeit, Natur- und Umweltschutz Tiere Guy Arendt Gusty Graas

Komesch Auerzäite fir Informatiounsversammlungen zu den neie Juegdlousen

D'Forstverwaltung huet rezent d'Auerzäiten, un deenen d'Informatiounsversammlungen zu de Generalversammlungen iwwer déi nei Juegdlousen ofgehale sollte ginn, verëffentlecht. D'DP-Deputéiert Guy Arendt a Gusty Graas hunn allerdéngs fonnt dass z.B. Sonndes owes um 20.00 nawell e komesche Moment wier, fir sou eng Versammlung z'organiséieren. Aus deem Grond hunn déi zwee Deputéiert bei der Ëmweltministesch nogefrot, wéi et zum deem Choix komm ass, an ob d'Madamm Ministesch net bereet wier, dës Versammlungen op en anere Moment ze verréckelen.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler Gusty Graas

Gëtt d'Virkafsrecht am Kader vum neien Naturschutzgesetz  genotzt?

Am Kader vum neien Naturschutzgesetz krut de Staat, d’Gemengen an och d’Gemengesyndikater e Virvkafsrecht zougesprach fir Terrainen opzekafe fir de Kompensatiounspool ze alimentéieren. D’DP-Deputéiert André Bauler a Gusty Graas hu bei der Ministesch nogefrot, wéi vill Terraine schonn esou opkaaft goufen, wat derfir bezuelt gouf a wéi vill Ökopunkte schonn nom neie System kompenséiert gouf.

Parlamentarische Fragen Nachhaltigkeit, Natur- und Umweltschutz Gusty Graas

Gëtt de gréisste Reebësch an Alaska zur Ofholzung fräiginn?

Dem amerikanesche President Donald Trump seng Annonce, den "Tongass National Forest" fir wirtschaftlech Aktivitéite wëlle fräizeginn, gouf international vun Ëmweltschutzorganisatioune schaarf kritiséiert. Als bedeitenden CO2-Späicher ass de gréissten urspréngleche Reebësch an Nordamerika e wichtege Puffer am Kampf géint de Klimawandel. Den DP-Deputéierte Gusty Graas wollt vun der Regierung wëssen, wat hir Reaktioun op dës Annonce ass.

Parlamentarische Fragen Nachhaltigkeit, Natur- und Umweltschutz Gusty Graas

Wéi verschmotzt ass d'Kuer?

Nom grousse Feier an der Industriezone Gadderscheier ass vill Läschwaasser an d'Kuer gelaf, sou datt dës elo verschmotzt ass. Den DP-Deputéierte Gusty Graas freet bei der Ëmweltministesch no, wat fir e Schued u Fauna an Flora entstanen ass. Hie freet och firwat den Opfaangbecke vun der Industriezone d'Läschwaasser net konnt opfänken a firwat en net sou concipéiert gouf fir géint sou en Tëschefall gewappnet ze sinn?

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi geet et weider mat de Juegdlousen?

Vum 15. Mäerz bis de 16. Abrëll konnt de Public Observatiounen zu der Propose vun der Ëmweltministesch fir d’Neiopdeelung vun de Juegdlousen erareechen. D’DP-Deputéiert Gusty Graas an de André Bauler hunn déi zoustänneg Ministesch gefrot wéi vill Observatiounen erageschéckt goufen, ob dës schonn all analyséiert goufen an ob et nach zu Verännerunge bei de Limitte wäert kommen?

Parlamentarische Fragen Gesundheit und Pflege Nachhaltigkeit, Natur- und Umweltschutz Gusty Graas

Léisung zur Problematik Eechepressessiounsraup?

Eechepressessiounsraupe schéngen all Joer méi dacks zu Lëtzebuerg opzedauchen. Si sinn eng Gefor, well d’Sekreter vun hiren Hoer d‘Haut vun de Mënsche staark verbrennen. Dofir ginn elo Géigemesure geholl, an zwar prinzipiell op deene Plazen, wou de Raup riskéiert, fir de Leit geféierlech ze ginn. Zu Guénange an der Lorraine huet d’Gemeng den „Institut de Recherche Agronomique“  (INRA) em Hëllef gefrot. Deem seng Experten hu mat enger Drone déi riskant Plaze mat engem Biocide gesprayt, ouni dass d’Ëmwelt dobäi zu Schued koum ass. An deem Kontext huet eisen Deputéierte Gusty Graas der Ëmweltministesch an dem Gesondheetsminister e puer Froe gestallt.

Parlamentarische Fragen Außenpolitik Landwirtschaft und Weinbau Nachhaltigkeit, Natur- und Umweltschutz Tiere André Bauler Gusty Graas

Wat soen d'EU-Memberstaaten zum Fräihandelsaccord tëscht der EU an deene 4 Länner vum "Mercosur"?

No 20 Joer Verhandlunge si sech d’EU an déi 4 Länner vum „Mercosur“ (Brasilien, Argentinien, Uruguay a Paraguay) den 28. Juni iwwer d’Base vun engem Handelsaccord eens ginn. Wärend déi europäesch Wirtschaft, wéi z.B. Däitschland, sech doriwwer freet, mécht sech déi europäesch Landwirtschaft Suerge wéinst engem evtl. Massenimport aus Länner, an deenen net déi selwecht Reegele gëlle wéi an Europa. Dat betëfft z.B. d’Beräicher vum Sozialen, vum Ëmweltschutz oder vum Déiereschutz. Deemno stellt sech d’Fro, ob deen Handelsaccord vun der europäescher Kommissioun soll ugeholl ginn oder net. An dem Kontext hunn eis Deputéiert Gilles Baum an André Bauler dem Landwirtschaftsminister e puer Froe gestallt.

Parlamentarische Fragen Nachhaltigkeit, Natur- und Umweltschutz Gusty Graas

Kënnt et zu enger Verwässerung vun der Waasserschutzdirektiv?

Aktuell, a bis de 4. Mäerz 2019 nach mat, gëtt d'Directive-cadre iwwert de Waasserschutz vun der Europäescher Kommissioun op de Leescht geholl. An deem Kader fäerte verschidde Ëmweltschutzorganisatiounen, dass dës Direktiv geschwächt kéint ginn - mat potenziell gravéierende Konsequenze fir eis Baachen, Séier a Flëss. Dowéinst huet den DP-Deputéierte Gusty Graas bei der Ëmweltministesch nogefrot, ob si dës Bedenken deelt a wat si wëlles huet ze maachen, fir dass d'Direktiv näischt vun hirem Gewiicht verléiert. Donieft wollt hie wëssen, ob et net sënnvoll wier, d'Leit méi aktiv iwwert d'Méiglechkeet un der ëffentlecher Consultatioun, déi an deem Kader organiséiert gëtt, deelzehuelen, z'informéieren.

Parlamentarische Fragen Nachhaltigkeit, Natur- und Umweltschutz Gusty Graas

Koum et op en Neits zu enger Fuite vun "AdBlue" op der Aire de Berchem?

Nodeems am Juni 2016 schonn eng ronn 55.000 Liter "AdBlue" bei der Shell Tankstell op der Aire de Berchem ausgelaf waren, an d'Biedem an d'Waasser an der Ëmgéigend zolidd verknascht haten, schéngt et op en Neits zu sou enger Fuite komm ze sinn. Dowéinst huet den DP-Deputéierte Gusyt Graas bei der Ëmweltministesch nogefrot, fir gewuer ze ginn, ob dës Informatioune stëmmen, an, wa jo, wéi et dozou komme konnt a wéi eng Konsequenzen dat mat sech brénge wäert, souwuel fir d'Ëmwelt wéi och fir déi betraffen Tankstell.