Sie sind hier

Parlamentarische Fragen Nachhaltigkeit, Natur- und Umweltschutz Gusty Graas

Chasse administrative: Wéi eng aner invasiv Spezies kënnt a Fro?


Nodeems d'Ëmweltministesch hiren Accord ginn huet fir eng administrativ Juegd op d'Muffelen zu Iechternach z'organiséieren, wollt den DP-Deputéierte Gusty Graas vun hir wëssen, wéi eng aner invasiv Spezies hei am Land a Fro géif kommen, wéinst dem grousse Schued, dee si um lokalen Ekosystem mécht, duerch déi ëffentlech Hand deziméiert ze ginn. Hien huet an deem Kader besonnesch op de Kormoran verwisen, dee schonn zënter Jore grousse Schued un der indigener Fëschpopulatioun uriicht.

Parlamentarische Fragen Gesundheit und Pflege Gusty Graas

Wat gëtt géint d'Depressioun zu Lëtzebuerg ënnerholl?

Aus enger europäescher Etüd geet ervir, datt ëmmer méi Leit zu Lëtzebuerg un depressive Stéierunge leiden. Den DP-Deputéierten, Gusty Graas, huet dem Gesondheetsminister dozou e puer Froe gestallt.

Parlamentarische Fragen Nachhaltigkeit, Natur- und Umweltschutz Gusty Graas

Illegal Deponie a Frankräich: Wat ass den Impakt op d'Uelzecht?

Viru kuerzem ass eng Deponie am franséische Rédange entdeckt ginn, wou Onbekannter ronn 200 Tonne Knascht illegal entsuergt hunn. Well dës Deponie awer ganz no um Beler läit, enger Baach, déi an d'Uelzecht leeft, besteet d'Gefor, dass duerch d'Reewaasser Knascht an dës Waasserleef duerchsickert. Och huet d'Gemeng Rédange annoncéiert, si hätt d'Moyenen net, fir de Knascht ewechzemaachen, soudass dës Deponie méiglecherweis iwwer e längeren Zäitraum d'Uelzecht verknaschte kéint. Den DP-Deputéierte Gusty Graas huet bei der Ëmweltministesch nogefrot, wat si wëlles huet, z'ënnerhuelen.

Parlamentarische Fragen Mobilität und Verkehr Gusty Graas

Bretell A13 zu Fréiseng: Wou ass den Dossier drun?

D'Opfaart op d'A13 zu Fréiseng a Richtung Munneref ass ewell scho méi wéi 15 Joer zou, dëst well de Staat deemools déi Brëtell gebaut hat, ouni dass ëm d'Terraine gehéiert hunn. Mëttlerweil wier eng Enteegnungsprozedur wéinst "utilité publique" lancéiert ginn, dat ass aus der Äntwert vum Bauteminister op eng mëndlech Fro vum DP-Deputéierte Gusty Graas aus dem Joer 2016 ervirgaangen. Allerdéngs ass dräi Joer méi spéit nach ëmmer kee Progrès ze gesinn, sou dass de Gusty Graas nach emol nogefrot huet, wou den Dossier drun ass.

Parlamentarische Fragen Landwirtschaft und Weinbau André Bauler Gusty Graas

Kënnen d'Hëllefe fir d'Baueren indexéiert ginn?

Duerch d'Indextranchë gëtt d'Produktioun vu landwirtschaftleche Produite zu Lëtzebuerg reegelméisseg méi deier woubäi hire Verkafspräis, trotz Inflatioun, erofgeet. D'DP-Deputéiert André Bauler a Gusty Graas froen de Landwirtschaftsminister ob een d'Agrarhëllefen net och kéint indexéieren oder ob et aner Weeër gi fir de Baueren ze hëllefe fir datt si dës Méikäschte kompenséiere kënnen.

Parlamentarische Fragen Gesundheit und Pflege Gilles Baum Gusty Graas

Wéini kritt den LTPS säi neit Gebai?

Am Juli 2017 gouf decidéiert, datt de Lycée Technique pour Professions de Santé ee neit Gebai sollt kréien. D'Aarbechten hu bis haut net ugefaangen. An dësem Kontext hunn d'DP-Deputéiert Gusty Graas a Gilles Baum den zoustännege Ministeren dozou Froe gestallt. 

Parlamentarische Fragen Justiz und Sicherheit Gusty Graas

Kann kënstlech Intelligenz bei Enquête géint Kannerpornographie hëllefen?

Mat Hëllef vu kënstlecher Intelligenz an dem Asaz vu computergeneréierte Biller kéint d’Police am Darknet erfollegräich Enquête géint Kannerpornographie a Kannerschänner maachen. An dësem Kader huet Eisen DP Deputéierte Gusty Graas e puer Froen un déi zoustänneg Ministere gestallt.

Parlamentarische Fragen Nachhaltigkeit, Natur- und Umweltschutz Tiere Guy Arendt Gusty Graas

Wéi vill Fiiss sinn déi lescht Jore gefaange ginn?

D'Ëmweltministesch dierf d'Fänke vu Fiiss op Ufro erlaben. D'DP-Deputéiert Gusty Graas a Guy Arendt hu bei hir nogefrot, wéi vill Autorisatiounen d'Ministesch déi lescht Joren ausgestallt huet an ob een doraus schléisse kann, datt méi Fiiss bei d'Haiser kommen. Eis Deputéiert froen och no wou dës Fiiss ausgesat ginn an ob d'Fänke vu Fiiss bei Haiser och effikass ass.

News Finanzen André Bauler Eugène Berger Carole Hartmann Pierre Gramegna Gusty Graas

E Budget mat Rekordinvestissementer

Zum Ofschloss vum Joer ass um Krautmaart traditionell iwwert de Staatsbudget vum anere Joer diskutéiert ginn. E Budget, an deem de Ressortminister Pierre Gramegna dräi Haaptziler gesäit: de Klimaschutz, d’Liewensqualitéit vun de Bierger an di héich Investissementer an d’Zukunft vum Land.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Guy Arendt Gusty Graas

Wéi ass et mat der afrikanescher Schwéngspescht?

D'DP-Deputéiert Guy Arendt a Gusty Graas froen déi zoustänneg Ministeren no der Evaluatioun vun der afrikanescher Schwéngspescht. Ënner anerem wëllen si wësse wéi vill Wëllschwäin an der Zone blanche getest goufen, wéi vill der geschoss a wéi vill der duerch Fale gefaange goufen. Doniewent froen si sech ob et duerch d'Opriichte vum Zong méi Wëldschued gëtt an op déi concernéiert Juegdpächter kéinten indemniséiert ginn.

Parlamentarische Fragen Justiz und Sicherheit Gusty Graas

Eng europawäit Registréierung vu rietsextreme Gruppen?

De Conseil vun den europäeschen Inneminister huet am Oktober iwwer d’Menace vum Rietsextremismus an Europa geschwat. Des weideren huet Europol an engem geheime Bericht gewarnt, dass rietsextrem Gruppéierungen Leit vum Militär oder vu Sécherheetsfirmen rekrutéiert. An dësem Kontext huet déi finnesch Presidentschaft vum europäesche Conseil eng europawäit Registréierung vu rietsextreme Gruppe gefuerdert. Dëst stéisst awer net bei all Memberstaat op Zoustëmmung.

An dësem Kader huet eisen Deputéierte Gusty Graas e puer Froen un déi zoustänneg Ministere gestallt.

 

Parlamentarische Fragen Finanzen Gilles Baum Gusty Graas

Ginn et tatsächlech Iwwerleeungen d'Boergeld ofzeschafen?

Ëmmer nees komme Spekulatiounen op, dass d'Boergeld iergendwann eng Kéier ofgeschaaft soll ginn. Anscheinend hätt z.B. och déi Europäesch Kommissioun dat an engem Strategie-Pabeier proposéiert. Fir op dës Suerg vu ville Leit ze reagéieren, hunn d'DP-Deputéiert Gilles Baum a Gusty Graas beim Finanzminister nogefrot, fir gewuer ze ginn, wat déi europäesch a lëtzebuergesch Positiounen zu dem Sujet sinn.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Tiere Gusty Graas

Sichhënn fir dout Wëllschwäin och zu Lëtzebuerg?

D’Saarland ass genau wéi Lëtzebuerg nach net vun der afrikanescher Schwéngspescht betraff. Trotzdeem bereeden si sech op de Fall fir falls dëse Viraus an hire Bëscher ausbrécht. Dofir hu si speziell Sichhënn ausgebilt déi doudeg Wëllschwäi séier kënne fannen. Falls de Virus nämlech ausbrécht, ass et enorm wichteg, déi krank Wëllschwäi séier ze fannen an ewechzebrénge fir datt se keen anere kënnen ustiechen. Den DP-Deputéierte Gusty Graas huet bei de zoustännege Ministeren nogefrot, ob Lëtzebuerg och plangt esou Hënn auszebilden oder ob d’Hënn aus dem Saarland och zu Lëtzebuerg kéinten an den Asaz kommen.

Parlamentarische Fragen Gesundheit und Pflege Gusty Graas

Firwat ass de Nationale Kriibsplang 2019-2023 nach net implementéiert ginn?

De Nationale Kriibsplang fir den Zäitraum 2019-2023 ass ausgeschafft, mee bis haut ass en nach net implementéiert ginn. Den DP-Deputéiert Gusty Graas huet beim Gesondheetsminister eng Erklärung gefrot.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Gusty Graas

Waasserschutzzonen um Stauséi: Feeler an der Methodologie?

D'Landwirtschaftskummer huet sech an engem rezenten Avis zu de Waasserschutzzonen ëm de Stauséi d'Fro gestallt, ob de Projet de Règlement Grand-Ducal op verlässlechen Donnéeë baséiert. Effektiv hätt si eng Rei Inkoherenze festgestallt. Den DP-Deputéierte Gusty Graas wëll dowéinst vun der zoustänneger Ministesch wëssen, wat hir Reaktioun op dësen Avis ass, an ob si eventuell gedenkt, den RGD unzepassen?