Sie sind hier

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

E Verbuet vu Mikroplastik zu Lëtzebuerg?

Eng Rei Länner hunn de Mikroplastik scho verbueden, well d’Kläranlagen en net erausgefiltert kréien. An enger parlamentarescher Fro wëllen de Max Hahn an de Lamberty Claude dofir vum Ëmweltministère wëssen, ob sou e Verbuet net och zu Lëtzebuerg sënnvoll wier.

Parlamentarische Fragen Mobilität und Verkehr Claude Lamberty Max Hahn

Stauen no Accidenter op der Autobunn besser opléisen

D’Stauen op de Lëtzebuerger Stroossen hunn d’Lëtzebuerger Wirtschaft am Joer 2015 eng 390 Milliounen Euro kascht. D’DP-Deputéiert Max Hahn a Claude Lamberty stellen an deem Kontext fest, datt vill där Staue wéinst Accidenter a wéinst de laangen Opraumaarbechten no esou Accidenter entstinn. Dofir wëllen déi zwee Parlamentarier elo wëssen, wéi eng Prozedur no engem Knuppert ouni Verwonnter ausgeléist gëtt? An ob d’Vitesse an d’Effikassitéit vun deenen Asätz réckwierkend evaluéiert gëtt?
Parlamentarische Fragen Landesplanung und Wohnen Max Hahn

Méi Kapazitéit néideg fir Bauschutt ze deponéieren

Et feelt am Ament un Deponië fir Bauschutt hei am Land. Dat bréngt mat sech, datt d'Camione mam Bauschutt oft laang an onnëtz Weeër queesch duerch d'Land musse fuere, bis si bei enger Deponie ukommen. Dowéinst huet den Emweltministère eng Etude an Optrag ginn, fir nei Site fir Bauschuttdeponien ze detektéieren. Den Deputéierte Max Hahn freet hei no, wat d'Resultater vun dëser Etude sinn a wéi een ka sécher stellen, datt laang Transportweeër an Zukunft verhënnert ginn.

Parlamentarische Fragen Klimaschutz und Energie Claude Lamberty Max Hahn

Energetesch Sanéierung vun den ëffentleche Gebaier

Eng vun den effikassten Approchen am Kampf géint de Klimawandel ass den Energieverbrauch vun de Gebaier ze reduzéieren. Aus deem Grond hat den Nohaltegskeetsministère 2014 eng Strategie lancéiert, fir déi ëffentlech Gebaier ze sanéieren an sou méi ëmweltfrëndlech ze maachen. D’DP-Deputéiert Max Hahn a Claude Lamberty wëllen an hirer parlamentarescher Fro wëssen, wéi wäit dëse Plang bis ewell ëmgesat ginn ass.

Parlamentarische Fragen Sport und Freizeit Claude Lamberty Max Hahn

Sport: Wéi vill Federatiounen ginn administrativ vum Ministère ënnerstëtzt?

D'Ufuerderungen un d'Sportfederatioune si mat de Joren ëmmer méi villfälteg ginn. Oft bléift déi administrativ Aarbecht un wéinege Fräiwëllegen hänken, déi vill Stonnen vun hirer Fräizäit opferen. Den DP-Deputéierte Claude Lamberty freet beim Sportsministère no, wéi vill Sportfederatioune momentan eng Tâche vum Ministère subsidéiert kréien an ob d'Demande fir esou Subsiden an de leschte Joren zougeholl huet.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Kritt Lëtzebuerg e Problem wéinst dem Offall-Stopp vu China?

China importéiert vun dësem Joer uns keen Offall méi oder wëll deen Trafic op d’mannst staark reduzéieren. Dat war bis elo eng praktesch Léisung fir vill westlech Länner, fir hiren Dreck op déi Manéier lass ze ginn. D’Deputéiert Max Hahn a Claude Lamberty wëllen elo vum Ëmweltministère wëssen, a wéiwäit Lëtzebuerg heivunner betraff ass.

Dofir ass et fir d’éischt d’Fro, ob onst Land iwwerhaapt Offall exportéiert an em wéi eng Zort (evtl esouguer geféierlechen an toxeschen Dreck?) et sech dobäi handelt? A wéi wéilt Lëtzebuerg reagéieren, wann dat de Fall wier?

Déi zwee DP-Deputéiert froen och nach, ob Lëtzebuerg esouguer Offall importéiert a wéi mir iwwerhaapt net-recycléierte Plastik eliminéieren.

Parlamentarische Fragen Medien und ICT Claude Lamberty Max Hahn

Wéi steet et zu Lëtzebuerg mam séieren Internet?

Connectioune mat enger héijer Vitesse a mat grousse Capacitéite ginn ëmmer méi wichteg, egal op bei fixen oder mobillen Internetverbindungen.

Dofir froen d’DP-Deputéiert Max Hahn a Claude Lamberty beim Wirtschaftsminister no, wou d’Land an deem Beräich drun ass a wéi et soll viru goen.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Froen zu den neie gréngen Tuten!

An 21 Gemengen am Land sinn déi blo Tute vu Valorlux elo duerch gréng Tuten ersat ginn. Si si fir déi nämmlecht Saache gutt wéi déi blo Tuten an zousätzlech och fir Plastikstuten a fir Plastiksfolien dran ze maachen.

Valorlux huet doriwwer eraus 15 Kollektstatiounen (RE-box) installéiert, an déi d’Leit ë.a. Joghurtsdëppercher, Kaffisbecheren a Barquettë mat den Deckele schmäisse kënnen.

D’DP-Deputéiert Max Hahn a Claude Lamberty hunn an deem Kontext e puer Froen un d’Ëmweltministesch.

Parlamentarische Fragen Klimaschutz und Energie Nachhaltigkeit, Natur- und Umweltschutz Claude Lamberty Max Hahn

De Bësch als méiglech Plaz fir Wandmille?

Et ass schwiereg gëeegent Plazen ze fanne fir Wandmillen opzestellen, wou ee genuch Wand huet an awer och déi néideg Distanz zu Wunngebidder respektéiert. An Däitschland hunn dofir véier Bundeslänner ugefaangen, Wandrieder an de Bësch ze setzen. D'DP-Deputéiert Max Hahn a Claude Lamberty froen an deem Kontext bei der zoustänneger Ministesch ënnert anerem no, wat si vu Wandmillen am Bësch hält an ob dat och e Modell fir Lëtzebuerg kéint sinn? 

Parlamentarische Fragen Justiz und Sicherheit Claude Lamberty Max Hahn

Kameraen fir d'Police- a Rettungshënn?

Am Kader vun der Ausstellung "Milipol" dësen November ass e Casque mat integréierter Kamera fir Policehënn virgestallt ginn. Op déi Aart a Weis gesäit de Polizist live dat, wat den Hond gesäit a kann him iwwert Funk och direkt Instruktioune matdeelen. Vu dass eng ähnlech Technologie schonn an anere Länner vun der Police a Rettungsdéngschter agesat gëtt, fir notamment Mënscheliewen a geféierleche Situatiounen ze schounen, hunn de Max Hahn an de Claude Lamberty de Minister Dan Kersch gefrot, ob sou ee Casque net och vun Interêt fir déi Déngschter zu Lëtzebuerg wier.

Parlamentarische Fragen Mobilität und Verkehr Max Hahn

Eng Covoiturage-App vum Ministère?

De Minister fir nohalteg Entwécklung hat am Kader vun enger Froestonn d'lescht Joer ugekënnegt, eng App wëllen z'entwéckele fir de Covoiturage ze fërderen. Eng éischt Testphase war fir de Juli dëst Joer ugekënnegt ginn. Aus deem Grond huet de liberalen Deputéierte Max Hahn vum zoustännege Minister wollte wëssen, wéi wäit de Ministère mat den Aarbechte fir dës App well ass.

Parlamentarische Fragen Justiz und Sicherheit Claude Lamberty Max Hahn

Aggressioune géint Polizisten : Taseren oder Bodycams fir méi Sécherheet ?

Bei eisen däitschen Noperen ass d’Police am Gaangen den Asaz vun Taseren a vu Bodycams ze testen. En Tëschebericht hält fest, datt hiren Asaz oft deseskaléierent wierkt. Bei den Taseren huet sech erausgestallt, datt d’Gewaltbereetschaft schonn eleng bei der Ukënnegung vum Asaz vum Elektroschocker erofgaangen ass. D’DP-Deputéiert Claude Lamberty a Max Hahn hunn dowéinst den zoustännege Minister gefrot, ob hie sech no dësen neien Erkenntnisser den Asaz vun esou Alternativen och zu Lëtzebuerg kéint virstellen.

Parlamentarische Fragen Mobilität und Verkehr Claude Lamberty Max Hahn

Wou stinn d'Aarbechte vun der geplangten Eisebunnsënnerféierung zu Zéisseng?

Am Kader vun der Moderniséierung vun der Zuchlinn Stad-Péiteng sollte verschidde Gleisiwwergäng duerch Ënnerféierungen ersat ginn, sou och zu Zéisseng an der rue des Celtes. Deen Iwwergang ass och 2012 zougemaach ginn, d'Ënnerféierung ass awer nach ëmmer net gebaut. D'Deputéiert Max Hahn a Claude Lamberty hunn dowéinst beim zoustännege Minister nogefrot, wou d'Aarbechte vun deem Projet stinn a firwat et do sou eng Verspéidung gëtt.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Alternativen zum Plastik?

Mir verbrauchen ëmmer nach ze vill Plastik, deen net recycléiert gëtt an oft an der Natur lant. Frankräich wäert Besteck aus Plastik ab 2020 verbidden. Wat sinn d’Projete vu Lëtzebuerg fir manner Plastik ze benotzen an op wat fir Alternative kéint een zréckgräifen. D’DP-Deputéierte Claude Lamberty a Max Hahn stellen dës Froen der zoustänneger Ëmweltministesch.

Parlamentarische Fragen Mobilität und Verkehr Claude Lamberty Max Hahn

Wéi steet et ëm d'Verkéierssécherheet vun de Foussgänger?

Nodeems an der Lescht ëmmer rem Foussgänger an zum Deel schro Accidenter verwéckelt waren an den däitschen Ausseministère dowéinst souguer zäitweileg eng Reeswarnung fir Lëtzebuerg erausginn hat, froen d'Deputéiert Max Hahn a Claude Lamberty den zoustännege Minister François Bausch wat d'Grënn fir des Entwécklung sinn a wat hie wëlles huet dogéint ze ënnerhuelen.