Sie sind hier

Parlamentarische Fragen Nachhaltigkeit, Natur- und Umweltschutz André Bauler

Wat gëtt géint de massive Borkekäferbefall an eiser Bëscher ënnerholl?

Wéinst der aussergewéinlecher Dréchent de leschte Summer konnt sech de Borkekäfer an eise Bëscher massiv ausbreeden. Fir de Problem an de Grëff ze kréien an déi betraffe Beem ze hae wier u sech elo am Wanter de beschte Moment, well de Borkekäfer sech aktuell opgrond vun den niddregen Temperaturen net weiderverbreet. Aus deem Gronn huet den DP-Deputéierten André Bauler bei der Ëmweltministesch nogefrot, wat si wëlles huet géint de Borkekäfer z'ënnerhuelen, an och wéi si an deem Kader de betraffene Privatbëschbesëtzer ënnert d'Äerm gräife wëll.

Parlamentarische Fragen Mobilität und Verkehr André Bauler

Eventuell Beschiedegungen un der Bréck tëschent Schieren an Ierpeldeng un der Sauer?

Opmierksame Bierger si rezent Beschiedegungen um Bëtong vun der Contournementsbréck op der B7 tëschent Schieren an Ierpeldeng un der Sauer opgefall. Den DP-Deputéierten André Bauler freet a senger parlamentarescher Ufro no weideren Detailer.

Parlamentarische Fragen Gesundheit und Pflege Gusty Graas

Konsumenteschutz: Kriibserregend Nanopartikelen a Liewensmëttel

Rezent konnte sougenannt Nanopartikelen net nëmmen a verschiddene Liewensmëttel,mä och a kosmeteschen an a pharmazeuteschen Produiten nogewise ginn. Dës Partikele kënnen, rezenten Etudë no, als méiglech kriibserreegend agestuuft ginn. Den DP-Deputéierte Gusty Graas freet an deem Kontext bei den zoustännege Ministeren ënnert anerem no, wéi een de Konsument besser kéint doriwwer informéieren a schützen.

Parlamentarische Fragen Nachhaltigkeit, Natur- und Umweltschutz Gusty Graas

Kënnt et zu enger Verwässerung vun der Waasserschutzdirektiv?

Aktuell, a bis de 4. Mäerz 2019 nach mat, gëtt d'Directive-cadre iwwert de Waasserschutz vun der Europäescher Kommissioun op de Leescht geholl. An deem Kader fäerte verschidde Ëmweltschutzorganisatiounen, dass dës Direktiv geschwächt kéint ginn - mat potenziell gravéierende Konsequenze fir eis Baachen, Séier a Flëss. Dowéinst huet den DP-Deputéierte Gusty Graas bei der Ëmweltministesch nogefrot, ob si dës Bedenken deelt a wat si wëlles huet ze maachen, fir dass d'Direktiv näischt vun hirem Gewiicht verléiert. Donieft wollt hie wëssen, ob et net sënnvoll wier, d'Leit méi aktiv iwwert d'Méiglechkeet un der ëffentlecher Consultatioun, déi an deem Kader organiséiert gëtt, deelzehuelen, z'informéieren.

Parlamentarische Fragen Mobilität und Verkehr Max Hahn

Eng nei App fir Schied um Stroossen- a Vëlospistereseau méi einfach ze mellen?

Mat der App "cityapp" vun der Stad Lëtzebuerg kann all Bierger Schied op der Strooss, un der Beliichtung asw. ouni Ëmstänn der zoustänneger Verwaltung mellen. Aus deem Grond wollt den DP-Deputéierte Max Hahn vum Transportminister wëssen, ob et net sënnvoll wier, sou eng App och fir déi national Stroossen a Vëlosweeër ze entwéckelen?

News

WhatsApp DP-Helpdesk

D'Demokratesch Partei op WhatsApp.

Wéi kann ech Messagë vun der Demokratescher Partei kréien?

News Mittelstand Tourismus Lex Delles

De Minister Lex Delles – vollen Asaz fir de Mëttelstand an den Tourismus

De Munnerefer Lex Delles ass mat 34 Joer de jéngste Minister an der neier Regierung. Trotz sengem jonken Alter, huet hien scho munches um politesche Plang Opweises...

Parlamentarische Fragen Klimaschutz und Energie Nachhaltigkeit, Natur- und Umweltschutz Max Hahn

Wat geschitt mat den Terrainen déi EDF zu Cattenom kaf huet?

Wéi an der franséischer Press viru kuerzem ze liese war, huet déi ëffentlech Stroumgesellschaft EDF nei Terrainen zu Cattenom kaf. Den DP-Deputéierte Max Hahn wollt aus deem Grond vun der zoustänneger Ministesch wëssen, ob si wéisst, wat mat dësen Terraine geschéie soll a wéi ee Projet do geplangt wier. Doriwwer eraus wollt hie wëssen, ob si mat de franséischen Autoritéiten am Gespréich wier, fir en nohaltege Projet vun erneierbaren Energien op deem Site z'encouragéieren grad ewéi d'Zoumaache vun der Nuklearzentral zu Cattenom?

Parlamentarische Fragen Gesundheit und Pflege Max Hahn

Firwat koum et awer zu Enkpäss bei den Impfstoffer?

Schonn am September haten d'DP-Deputéiert Max Hahn, Claude Lamberty an Edy Mertens bei der deemoleger Gesondheetsministesch nogefrot, ob et net eventuell zu Enkpäss bei den Impfstoffer géint d'Gripp kéint kommen, besonnesch well ee grousse Produzent decidéiert huet, Lëtzebuerg net méi ze beliwweren. An hirer Äntwert sot d'Ministesch deemools, dass genuch Impfstoffer fir dëse Wanter op Lager wieren. Well et elo awer zu enger Rupture de stock koum, huet de Max Hahn beim aktuelle Gesondheetsminister nogefrot, wou d'Grënn dofir leien, a wat ënnerholl gëtt, fir de Problem ze léisen, respektiv fir dass e sech net méi widderhëlt.

News Finanzen André Bauler

3 Froen un den André Bauler iwwert d’„12èmes provisoires“: Eng Zort Iwwergangsbudget

Den DP-Deputéierten André Bauler ass de Mëtteg Rapporter vum Gesetz iwwert de provisoresche Staatsbudget fir d’Period vum 1. Januar bis den 30. Abrëll vum kommende Joer.

Parlamentarische Fragen Nachhaltigkeit, Natur- und Umweltschutz Gusty Graas

Koum et op en Neits zu enger Fuite vun "AdBlue" op der Aire de Berchem?

Nodeems am Juni 2016 schonn eng ronn 55.000 Liter "AdBlue" bei der Shell Tankstell op der Aire de Berchem ausgelaf waren, an d'Biedem an d'Waasser an der Ëmgéigend zolidd verknascht haten, schéngt et op en Neits zu sou enger Fuite komm ze sinn. Dowéinst huet den DP-Deputéierte Gusyt Graas bei der Ëmweltministesch nogefrot, fir gewuer ze ginn, ob dës Informatioune stëmmen, an, wa jo, wéi et dozou komme konnt a wéi eng Konsequenzen dat mat sech brénge wäert, souwuel fir d'Ëmwelt wéi och fir déi betraffen Tankstell.

News Frank Colabianchi Lydie Polfer Joëlle Elvinger Guy Arendt André Bauler Gilles Baum Simone Beissel Eugène Berger Fernand Etgen Max Hahn Carole Hartmann Gusty Graas

Wéi eng DP-Deputéiert sinn a wéi enge Chamberkommissiounen?

De gréissten Deel vun der parlamentarescher Aarbecht geschitt an de Chamberkommissiounen. Hei gesi der elo, wéi eng vun eisen Deputéierten a wéi enge Kommissioune sinn. Da wësst der direkt, mat wéi engen Theme sech d'DP-Deputéiert virop wärend den nächste fënnef Joer befaassen.

News Außenpolitik André Bauler

Erklärungen zum UN-Migratiounspakt

Den UN-Migratiounspakt huet am Virfeld vum Sommet vu Marrakesch fir vill Opreegung gesuergt. Den André Bauler gëtt a sengem Commentaire nach eng Kéier e puer Erklärungen, firwat dee Pakt wichteg ass, a wat alles dra steet.

Parlamentarische Fragen Mobilität und Verkehr André Bauler

Wat bedeit de gratis ëffentlechen Transport fir d'Bus- an Zuchpersonal?

Nodeems d'Regierung ugekënnegt huet, net nëmmen d'Investissementer an den Ausbau vum ëffentlechen Transport, der Pünktlechkeet, der Sécherheet an dem Confort op engem héijen Niveau wëllen ze halen, mee Zuch, Bus an Tram och komplett gratis ze maachen, huet den DP-Deputéierten André Bauler beim zoustännege Minister nogefrot, wat an deem Fall mat de Ticketskontroller geschéie wäert. Doriwwer eraus wollt hie wëssen, wéi eng Mesure geholl wäerte ginn, fir d'Sécherheet an de Respekt virum Material ze garantéieren.

News Carole Hartmann

Eis jéngsten DP-Deputéiert, Carole Hartmann: Bei eis doheem ass ëmmer iwwer Politik geschwat ginn!

4 Froen un d'Carole Hartmann vun Iechternach. Si ass di éischt Deputéiert zanter laangem aus der Abteistad.