Sie sind hier

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi vill aner Plaze gëtt et, wou knaschtegt Waasser einfach an eng Baach oder e Floss leeft?

Zu Ettelbréck leeft zënter Jore knaschtegt Waasser aus engem Rouer ongekläert an d'Sauer. Elo soll en neit Reewaasserréckhaltebecke geschwë fäerdeg sinn, dat sou Situatiounen an Zukunft verhënnere soll. D'DP-Deputéiert Gusty Graas an André Bauler hunn nogefrot, wéini dëse Projet fäerdeg ass an ob et nach aner Plazen am Land ginn, wou einfach sou knaschtegt Waasser an eng Baach oder e Floss lafe gelooss gëtt.

Parlamentarische Fragen Justiz und Sicherheit Mobilität und Verkehr Nachhaltigkeit, Natur- und Umweltschutz André Bauler

Kaméidi duerch ze haart Motorrieder: Wat gëtt dogéint ënnerholl?

Ëmmer nees si Motosfuerer an eise ländleche Géigende mat friséierte Maschinnen an engem Fuerstil ënnerwee, dass een se kilometerwäit héiert. Dëse Kaméidi stellt eng uerg Belaaschtung fir d'Leit, déi an dëse Géigende wunnen an deem de ganzen Dag, besonnesch Weekends, ausgesat sinn, duer. Den DP-Deputéierten André Bauler huet bei de Ministere fir Ëmwelt, Mobilitéit a Police nogefrot, wat d'Regierung gedenkt an dëser Hisiicht z'ënnerhuelen.

Parlamentarische Fragen Nachhaltigkeit, Natur- und Umweltschutz André Bauler Gusty Graas

Nom dréchene Fréijoer: Wéi steet ëm d'Drénkwaasserreserven?

Och dëst Joer war et rëm e ganz dréchent Fréijoer mat wéineg Reen. Vu dass d'Dréchent scho wärend deenen zwee leschte Joren d'Grondwaasserreserven ënner Drock gesat hunn, wollten d'DP-Deputéiert André Bauler a Gusty Graas vun der Ëmwelt- an Inneministesch wëssen, wéi déi aktuell Reserven ausgesinn, an ob et eventuell néideg wier, d'Bierger lo schonn ze sensibiliséieren, fir méi spuersam mam Waasser ëmzegoen.

Parlamentarische Fragen Nachhaltigkeit, Natur- und Umweltschutz André Bauler

Weider illegal Deponien tëscht Köppenhaff a Flébour

Well zënter enger Zäit tëscht dem Köppenhaff a Flébour ëmmer nees illegal Knascht entsuergt gëtt, wollt den DP-Deputéierten André Bauler vun der zoustänneger Ministesch wëssen, wat dogéint ënnerholl ka ginn an ob et z.B. méiglech wier, d'Zirkulatioun fir Autoen op där Plaz anzeschränken.

Parlamentarische Fragen Nachhaltigkeit, Natur- und Umweltschutz André Bauler Max Hahn

Wat gëtt géint déi illegal Deponie am Naturpark Our ënnerholl?

Schonn zënter enger Rei Jore gëtt et am Naturpark Our, tëscht Ënnereesbech a Stolzebuerg, eng illegal Deponie, op där allméigleche Knascht entsuergt gëtt. Well awer bis lo an deem Dossier nach net vill geschitt ze si schéngt, hunn d'DP-Deputéiert André Bauler a Max Hahn bei der zoustänneger Ministesch nogefrot, ob hir dës Ëmstänn bekannt sinn a wat si dogéint z'ënnerhuele gedenkt.

Parlamentarische Fragen Nachhaltigkeit, Natur- und Umweltschutz Gusty Graas

Mysteriéis Vullekränkt: Wéi ass d'Situatioun zu Lëtzebuerg?

Zënter enger Zäit gräift eng onbekannt Krankheet an Däitschland bei de Blomeesen ëm sech, bis ewell solle schonn dausenden Déiercher dorunner gestuerwe sinn. Och zu Lëtzebuerg wieren éischt Fäll gemellt ginn, heescht et an engem Zeitungsartikel. Den DP-Deputéierte Gusty Graas huet bei der Ëmweltministesch nogefrot, wéi d'Situatioun zu Lëtzebuerg ass a wéi vill Fäll bis lo bekannt wieren.

Parlamentarische Fragen Nachhaltigkeit, Natur- und Umweltschutz Gusty Graas

Wouhier kënnt déi nei Verknaschtung vun der Kor?

Wéi rezent an der geschriwwener Press ze liese war, wier et op en Neits zu enger Verknaschtung vun der Kor komm, dat an der Géigend vun engem Käerjenger Supermarché. Den DP-Deputéierte Gusty Graas huet bei der zoustänneger Ministesch nogefrot, ob deem tatsächlech sou wier an ob schonn eppes iwwer d'Ursaache vun dëser Pollutioun gesot kéint ginn.

News Pressemitteilung Arbeit Familie Gesellschaft Mobilität und Verkehr Nachhaltigkeit, Natur- und Umweltschutz Gilles Baum

D'DP-Fraktioun féiert den Télétravail an.

Duerch d‘Digitaliséierung vun eiser Aarbechtswelt wäerten an Zukunft ëmmer méi Leit wëllen op den Home-Office zeréckgräifen. Dofir begréisst d'DP, datt d'Regierung sech am Koalitiouns- an am Klimaplang engagéiert huet, fir den Télétravail weider ze fërderen an auszebauen.

Parlamentarische Fragen Nachhaltigkeit, Natur- und Umweltschutz Guy Arendt Gusty Graas

Wat fir Konsequenzen fir eis Bëscher bei der Schwéngspescht ?

Falls d'afrikanesch Schwéngspescht zu Lëtzebuerg géif ausbrieche misst schnell gehandelt ginn. D'DP-Deputéiert Guy Arendt a Gusty Graas froe bei den zoustännege Ministeren no, wat fir Mesuren ergraff géife ginn an ob d'Bëscher géife ganz zougemaach ginn? Dëst hätt dann natierlech Konsequenze fir d'Bëschbesëtzer, d'Juegdpiechter an déi Leit déi e Chalet am Bësch besëtzen.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Guy Arendt Gusty Graas

Gouf et méi Wëldschued duerch den Zong?

D'DP-Deputéiert Guy Arendt a Gusty Graas froen d'Ëmweltministesch no den Auswierkunge vum Zong ronderëm d'Zone blanche op d'Juegdlousen. Si wëllen ënner anerem wëssen ob et duerch d'Opriichte vum Zong méi Wëldschued gouf an ob déi concernéiert Juegdpächter kéinten indemniséiert ginn.

Parlamentarische Fragen Nachhaltigkeit, Natur- und Umweltschutz Claude Lamberty

Kuerzfristege Baustopp zu Schëndels: Wat sinn d'Hannergrënn?

Wéi aus engem rezenten Artikel ervirgeet, ass et bei den Aarbechten un der Vëlospist Miersch-Schëndels zu engem kuerzfristege Baustopp komm. Dat well anscheinend eng Ëmweltimpaktetüd géif feelen, quitt dass den Ëmweltministère awer schonn am August 2019 d'Autorisatioun ginn hat, fir mat der zweeter Phase vun den Aarbechten unzefänken. Den DP-Deputéierte Claude Lamberty huet dowéinst bei der zoustänneger Ministesch nogefrot, ob dat sou wier a wa jo, wat den Hannergrond dovunner wier. Hie wollt ausserdeem wëssen, wéi sou Situatiounen an Zukunft evitéiert kënne ginn.

Parlamentarische Fragen Nachhaltigkeit, Natur- und Umweltschutz Gusty Graas

Präzisiounen zur "Phantom"-Deponie zu Suessem

Nieft enger grousser illegaler Deponie zu Déifferdeng, an där ë.a. och gëftege Knascht entsuergt soll ginn, géif et net wäit dovunner ewech eng aner Deponie ginn, déi allerdéngs net méi benotzt gëtt. Dat geet aus engem Artikel op Reporter.lu ervir. Aus dëser "Phantom"-Deponie géif awer eng mat Schwéiermetaller belaascht Flëssegkeet an d'Kuer sickeren, wéi Analyse beweise géifen. Aus deem Grond hätten och scho Gemengeresponsabel gefuerdert, dass déi Deponie prioritär misst sanéiert ginn. Den DP-Deputéierte Gusty Graas huet bei der zoustänneger Ministesch nogefrot, ob déi Behaaptunge stëmmen, a wa jo, wat si gedenkt z'ënnerhuelen.

Parlamentarische Fragen Nachhaltigkeit, Natur- und Umweltschutz Gusty Graas

Illegal Deponie zu Déifferdeng: Wat seet d'Ministesch dozou?

Rezent ass an engem Artikel op Reporter.lu d'Problematik vun enger illegaler Deponie zu Déifferdeng opgeworf ginn, déi éischtens net autoriséiert soll sinn, op där zweetens och héich gëftege Knascht entsuergt soll ginn an aus där drëttens knaschtegt Waasser an d'Kuer soll lafen. Den DP-Deputéierte Gusty Graas huet bei der Ëmweltministesch nogefrot, ob dës Behaaptunge stëmme géifen, a wa jo, wat der Ministesch hir Reaktioun dorop wier.

Parlamentarische Fragen Nachhaltigkeit, Natur- und Umweltschutz Gusty Graas

Chasse administrative: Wéi eng aner invasiv Spezies kënnt a Fro?


Nodeems d'Ëmweltministesch hiren Accord ginn huet fir eng administrativ Juegd op d'Muffelen zu Iechternach z'organiséieren, wollt den DP-Deputéierte Gusty Graas vun hir wëssen, wéi eng aner invasiv Spezies hei am Land a Fro géif kommen, wéinst dem grousse Schued, dee si um lokalen Ekosystem mécht, duerch déi ëffentlech Hand deziméiert ze ginn. Hien huet an deem Kader besonnesch op de Kormoran verwisen, dee schonn zënter Jore grousse Schued un der indigener Fëschpopulatioun uriicht.

Parlamentarische Fragen Nachhaltigkeit, Natur- und Umweltschutz Gusty Graas

Illegal Deponie a Frankräich: Wat ass den Impakt op d'Uelzecht?

Viru kuerzem ass eng Deponie am franséische Rédange entdeckt ginn, wou Onbekannter ronn 200 Tonne Knascht illegal entsuergt hunn. Well dës Deponie awer ganz no um Beler läit, enger Baach, déi an d'Uelzecht leeft, besteet d'Gefor, dass duerch d'Reewaasser Knascht an dës Waasserleef duerchsickert. Och huet d'Gemeng Rédange annoncéiert, si hätt d'Moyenen net, fir de Knascht ewechzemaachen, soudass dës Deponie méiglecherweis iwwer e längeren Zäitraum d'Uelzecht verknaschte kéint. Den DP-Deputéierte Gusty Graas huet bei der Ëmweltministesch nogefrot, wat si wëlles huet, z'ënnerhuelen.