Sie sind hier

Parlamentarische Fragen Mobilität und Verkehr André Bauler

Moderniséierung vun der Zuchstréck Dikrech-Ettelbréck

Dem André Bauler ass zu Ouere komm, dass dëtt Joer Aarbechten op der Zuchstréck Dikrech-Ettelbréck geplangt wieren. A senger parlamentarescher Fro wëll den DP-Deputéierten dofir wëssen, wéi de Projet genee ausgesäit a wat e soll kaschten.

Parlamentarische Fragen Mobilität und Verkehr André Bauler

E Contournement fir Ettelbréck?

Well et zu Ettelbréck zënter laangem zu de Spëtzestonne vill Stau gëtt an dagsiwwer generell och vill Camionen duerchfueren, freet den DP-Deputéierten André Bauler, ob e Contournement geplangt ass.

Parlamentarische Fragen Nachhaltigkeit, Natur- und Umweltschutz André Bauler

Wéi steet et ëm d’Waasserreserve vum Stauséi?

Nodeems et an de leschte Méint ganz vill gereent huet an de Stauséi am Summer 2017 enorm Waasser verluer hat, freet den Deputéierten André Bauler am Wirtschaftsministère no, wéi héich de Peegel vum Séi zurzäit ass.

Zanter 1961 ass de Stau de gréisste Waasserspäicher vum Land an eng beléifte Fräizäit- an Touristendestinatioun.

Eisen Norddeputéierten huet och am Wirtschaftsministère nogefrot, wéi et ëm d'Sécherheet an d'Stabilitéit vun der Staumauer steet, an ob déi nächst Joren Aarbechten an deem Kontext geplangt sinn.

Da wëll den André Bauler och nach wëssen, ob een den Accès zum Séi fir Daucher, Fëscher a soss Visiteure verbessere kéint an ob den Accès zum Solarboot net kéint méi sécher a méi kamoud gemaach ginn?

Parlamentarische Fragen Sport und Freizeit Claude Lamberty Max Hahn

Sport: Wéi vill Federatiounen ginn administrativ vum Ministère ënnerstëtzt?

D'Ufuerderungen un d'Sportfederatioune si mat de Joren ëmmer méi villfälteg ginn. Oft bléift déi administrativ Aarbecht un wéinege Fräiwëllegen hänken, déi vill Stonnen vun hirer Fräizäit opferen. Den DP-Deputéierte Claude Lamberty freet beim Sportsministère no, wéi vill Sportfederatioune momentan eng Tâche vum Ministère subsidéiert kréien an ob d'Demande fir esou Subsiden an de leschte Joren zougeholl huet.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Kritt Lëtzebuerg e Problem wéinst dem Offall-Stopp vu China?

China importéiert vun dësem Joer uns keen Offall méi oder wëll deen Trafic op d’mannst staark reduzéieren. Dat war bis elo eng praktesch Léisung fir vill westlech Länner, fir hiren Dreck op déi Manéier lass ze ginn. D’Deputéiert Max Hahn a Claude Lamberty wëllen elo vum Ëmweltministère wëssen, a wéiwäit Lëtzebuerg heivunner betraff ass.

Dofir ass et fir d’éischt d’Fro, ob onst Land iwwerhaapt Offall exportéiert an em wéi eng Zort (evtl esouguer geféierlechen an toxeschen Dreck?) et sech dobäi handelt? A wéi wéilt Lëtzebuerg reagéieren, wann dat de Fall wier?

Déi zwee DP-Deputéiert froen och nach, ob Lëtzebuerg esouguer Offall importéiert a wéi mir iwwerhaapt net-recycléierte Plastik eliminéieren.

Parlamentarische Fragen Landwirtschaft und Weinbau Gilles Baum

Besser Ënnerstëtzung fir d’Jongwënzer?

Zanter dem neien Agrargesetz kréien d’Jongwënzer kee Supplement méi op hir Investissementer. Den Ost-Deputéierte Gilles Baum freet dofir beim Wäibauminister Fernand Etgen no, firwat dat esou ass an ob hien dësen „Topup“ fir d'Jongwënzer net erëm aféiere wéilt.

Parlamentarische Fragen Gesundheit und Pflege Edy Mertens Gusty Graas Alexander Krieps

Ginn et Enkpäss bei der Zouliwwerung vu Medikamenter?

D'DP-Deputéiert Gusty Graas, Alexander Krieps an Edy Mertens ass zu Ouere komm, datt et zu Enkpäss bei der Zouliwwerung vu Medikamenter géing kommen. Esou hätten d'Apdikten zum Beispill Problemer fir un verschidde Medikamenter fir Kriibspatienten ze kommen. An hirer Fro un d'Gesondheetsministesch froen d'Deputéiert no wat et domadder op sech huet. 

Parlamentarische Fragen Medien und ICT Claude Lamberty Max Hahn

Wéi steet et zu Lëtzebuerg mam séieren Internet?

Connectioune mat enger héijer Vitesse a mat grousse Capacitéite ginn ëmmer méi wichteg, egal op bei fixen oder mobillen Internetverbindungen.

Dofir froen d’DP-Deputéiert Max Hahn a Claude Lamberty beim Wirtschaftsminister no, wou d’Land an deem Beräich drun ass a wéi et soll viru goen.

Parlamentarische Fragen Nachhaltigkeit, Natur- und Umweltschutz Tourismus Lex Delles

Wéi geet et viru mat zwee eidele Gebaier am Park zu Munneref ?

Am Januar haten de Wirtschafts- an den Nohaltegkeetsministère dem Munnerefer Député-maire Lex Delles gesot, datt d’“Villa Guersing“ an de Restaurant „La Roseraie“ géingen ëmgebaut ginn, an och datt e gréisseren Ausbau virgesi wier. Zwee Gebaier, déi an engem delabréierten Zoustand sinn an eng Gefor duerstellen. Elo freet den DP-Deputéierten nach eemol no, wéi et da mat deenen Aarbechte géing ausgesinn.

Parlamentarische Fragen Klimaschutz und Energie Mobilität und Verkehr Gusty Graas

Muss déi nei CFL-Multimodal-Plattform esou hell beliicht ginn?

Den DP-Deputéierte Gusty Graas ass net begeeschtert iwwert d’Beliichtung vum Cargo-Hub um Terrain vun de Gemenge Beetebuerg an Diddeleng.

An enger parlamentarescher Fro schreift de Schäffe vu Beetebuerg esouguer vun engem „éclairage visible depuis des kilomètres et dont la densité et intensité lumineuse semblent excessives“. De Süd-Deputéierte freet d’Ëmweltministesch dofir ë.a., ob sech bei der Beliichtung un d’Norme gehale gëtt, ob esou eng Beliichtung wéinst der Sécherheet néideg wier oder ob et sech hei em Liichtverschmotzung handele géing.

Schliisslech wëll de Gusty Graas nach wëssen, ob d’Ministesch wëlles huet an dësem Fall bei de Responsabele vum Terminal z’intervenéieren.

Parlamentarische Fragen Bildung Medien und ICT Lex Delles Eugène Berger

GraphoLearn: eng App fir spilleresch Sproochen ze leieren

A Frankräich gëtt de Moment eng Applikatioun fir Tablets getest mat där jonk Schüler op eng spilleresch Aart a Weis franséisch liesen a schreiwe léieren. D'Deputéierten Eugène Berger a Lex Delles hu beim Educatiounsminister nogefrot, op GraphoLearn och a Lëtzebuerger Schoule kéint zum Asaz kommen a wat fir eng aner informatesch Léierhëllefen de Lëtzebuerger Schüler de Moment zur Verfügung stinn.

Parlamentarische Fragen Gesundheit und Pflege Edy Mertens Gusty Graas Alexander Krieps

En zweete PET-Scan fir Lëtzebuerg wier néideg!

E PET-Scan („Positron Emission Tomography“) ass e Scanner, deen haaptsächlech gebraucht gëtt fir Metastasen ze detektéieren. Zu Lëtzebuerg gëtt et een esou en Apparat.

D’DP-Deputéiert Gusty Graas, Alexander Krieps an Edy Mertens ënnersträichen an enger parlamentarescher Fro un de Gesondheetsministère an un de Ministère vun der Sécurité Sociale, datt ëmmer méi Leit musse fir esou medezinesch Examen an d’Ausland goen.

Dofir froen d’Deputéiert elo, ob et net opportun wier, fir en zweete PET-Scan hei am Land unzeschafen. Dat wier net vu Muttwëll, well d’Populatioun zu Lëtzebuerg ëmmer méi alt gëtt an doduercher och Kriibskrankheeten zouhuelen, wat al nees dozou féiert, datt esou Examen ëmmer méi dacks néideg sinn.

Mat engem zweete PET-Scan kéint een och laang Waardezäiten aus de Féiss goen, wéi se den Ament bei den IRM-Exame bestinn.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Froen zu den neie gréngen Tuten!

An 21 Gemengen am Land sinn déi blo Tute vu Valorlux elo duerch gréng Tuten ersat ginn. Si si fir déi nämmlecht Saache gutt wéi déi blo Tuten an zousätzlech och fir Plastikstuten a fir Plastiksfolien dran ze maachen.

Valorlux huet doriwwer eraus 15 Kollektstatiounen (RE-box) installéiert, an déi d’Leit ë.a. Joghurtsdëppercher, Kaffisbecheren a Barquettë mat den Deckele schmäisse kënnen.

D’DP-Deputéiert Max Hahn a Claude Lamberty hunn an deem Kontext e puer Froen un d’Ëmweltministesch.

Parlamentarische Fragen Bildung André Bauler

Wéivill Logopede schaffe fir de Ministère?

Well de Bildungsministère zu engem gudden Deel op Logopeden zréckgräift fir op déi ënnerschiddlechst Besoinen anzegoen, wollt den DP-Deputéierten André Bauler vum Minister Claude Meisch wëssen, wéi vill Leit an deem Secteur fir de Staat aktiv sinn.

Parlamentarische Fragen Klimaschutz und Energie Nachhaltigkeit, Natur- und Umweltschutz Claude Lamberty Max Hahn

De Bësch als méiglech Plaz fir Wandmille?

Et ass schwiereg gëeegent Plazen ze fanne fir Wandmillen opzestellen, wou ee genuch Wand huet an awer och déi néideg Distanz zu Wunngebidder respektéiert. An Däitschland hunn dofir véier Bundeslänner ugefaangen, Wandrieder an de Bësch ze setzen. D'DP-Deputéiert Max Hahn a Claude Lamberty froen an deem Kontext bei der zoustänneger Ministesch ënnert anerem no, wat si vu Wandmillen am Bësch hält an ob dat och e Modell fir Lëtzebuerg kéint sinn?