Sie sind hier

Parlamentarische Fragen Gesundheit und Pflege Carole Hartmann Gusty Graas

Wou ass de Remboursement vum NIFTY-Test drun?

De NIFTY-Test erlaabt et wärend der Schwangerschaft de Risiko vun enger Trisomie anzeschätzen. 2016 gouf een Aarbeschtsgrupp domadder beoptragt Critèren fir ee Remboursement festzeleeën. D'DP-Deputéiert Carole Hartmann a Gusty Graas haten an dësem Kontext e puer Froen un déi zoustänneg Ministeren.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Leeft knaschtegt Waasser iwwer d'Reewaasserkanalisatioun an d'Natur?

D'Reewaasserkanalisatioun an de Stroosse gëtt net méi un d'Kläranlag ugeschloss, mee d'Waasser gëtt direkt an d'Natur lafe gelooss. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob si kee Risiko gesäit, dass op deem Wee knaschtegt Waasser, wéi Seefewaasser oder Faarfreschter, an der Ëmwelt lande kéinten.

Parlamentarische Fragen Nachhaltigkeit, Natur- und Umweltschutz Gusty Graas

UV-Luucht amplaz Chemikalien bei der Waasserbehandlung?

Am Ausland ginn et scho Projete bei deenen ultraviolett Luucht geholl gëtt, fir d'Waasser a Kläranlagen oder an Anlage fir Drénkwaasser propper ze maachen. Den DP-Deputéierte Gusty Graas huet bei der zoustänneger Ministesch nogefrot, ob dës Technologie och zu Lëtzebuerg benotzt gëtt, a wann net, ob et virgesi wier, se als nohalteg Alternativ zu Chemikalien ze fërderen.

News Staat und Öffentlicher Dienst Gusty Graas

Für gut ausgebildete und motivierte Staatsbeamte

Die DP hat in ihrem Wahlprogramm 2018 festgehalten, dass die Praktikumszeit für angehende Beamte von drei auf zwei Jahre reduziert werden sollte und das verkürzte Praktikum in Zukunft für eine persönliche, auf den Kandidaten abgestimmte, Ausbildung genutzt werden soll. Dabei sollen die in der Grundausbildung bereits erworbenen Kompetenzen stärker berücksichtigt werden.

News Mittelstand Tiere Lex Delles Gusty Graas

D’DP ass fir en europawäit Pelzverbuet

An der Chamber ass haut eng Motioun virgestallt a gestëmmt ginn, déi d’Regierung opfuerdert sech op europäeschen Niveau fir en europawäit Pelzverbuet anzesetzen. Domadder gi mir méi wäit wéi d’Piratepartei, déi just e Pelzverbuet zu Lëtzebuerg gefuerdert huet. D’DP wëll och dorobber hiweisen, datt e nationaalt Pelzverbuet géint d’Reegele vum europäesche Bannemaart verstéisst, also net realisabel ass. Wéinst dësen EU-Reglementatioune sinn och schonn änlech Initiativen an England an an der Slowakei gescheitert. Déi eenzeg méiglech Léisung ass also en EU-wäit Verbuet vum Pelzverkaf. An dofir setzt d’DP sech an.

Parlamentarische Fragen Nachhaltigkeit, Natur- und Umweltschutz Tiere Guy Arendt Gusty Graas

Komesch Auerzäite fir Informatiounsversammlungen zu den neie Juegdlousen

D'Forstverwaltung huet rezent d'Auerzäiten, un deenen d'Informatiounsversammlungen zu de Generalversammlungen iwwer déi nei Juegdlousen ofgehale sollte ginn, verëffentlecht. D'DP-Deputéiert Guy Arendt a Gusty Graas hunn allerdéngs fonnt dass z.B. Sonndes owes um 20.00 nawell e komesche Moment wier, fir sou eng Versammlung z'organiséieren. Aus deem Grond hunn déi zwee Deputéiert bei der Ëmweltministesch nogefrot, wéi et zum deem Choix komm ass, an ob d'Madamm Ministesch net bereet wier, dës Versammlungen op en anere Moment ze verréckelen.

Parlamentarische Fragen Gesundheit und Pflege Gilles Baum Gusty Graas

Kann een de Risiko vum Typ 1 Diabetes bei Kanner feststellen?

Zu Lëtzebuerg ginn et iwwer 25.000 Diabetiker. 5 bis 10 % dovunner leiden um Typ 1 Diabetes. A e puer däitsche Bundesländer ass et méiglech den Diabetesrisiko vu Kanner testen ze loossen. Dofir brauch ee just eng Drëps Blutt. 

D'DP-Deputéiert Gusty Graas a Gilles Baum hu beim zoustännege Minister nogefrot, ob esou een Test och zu Lëtzebuerg ugebuede gëtt.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz André Bauler Gusty Graas

Gëtt d'Virkafsrecht am Kader vum neien Naturschutzgesetz  genotzt?

Am Kader vum neien Naturschutzgesetz krut de Staat, d’Gemengen an och d’Gemengesyndikater e Virvkafsrecht zougesprach fir Terrainen opzekafe fir de Kompensatiounspool ze alimentéieren. D’DP-Deputéiert André Bauler a Gusty Graas hu bei der Ministesch nogefrot, wéi vill Terraine schonn esou opkaaft goufen, wat derfir bezuelt gouf a wéi vill Ökopunkte schonn nom neie System kompenséiert gouf.

Parlamentarische Fragen Gesundheit und Pflege Gusty Graas

Gëtt et zu Lëtzebuerg Fäll vu Gewalt beim Fraendokter oder bei der Gebuertshëllef?

Den 3. Oktober 2019 gouf op der parlamentarescher Plénière vum Europarot de Rapport "Violences obstétricales et gynécologiques" thematiséiert. Am Kader vun dëser Versammlung goufen d'Memberstaaten dozou opgefuerdert sech méi an dësem Beräich z'engagéieren. 

An dësem Kontext huet den DP-Deputéierte Gusty Graas beim Gesondheetsminister nogefrot, ob och zu Lëtzebuerg Fäll vu Gewalt beim Fraendokter oder bei der Gebuertshëllef bekannt sinn?

Parlamentarische Fragen Landwirtschaft und Weinbau Guy Arendt Gusty Graas

Wéi héich ass de Wëldschued dëst Joer?

Wéi d’Zeitung „De Letzebuerger Bauer“ mellt, wier de Wëldschued an de Maisfelder dëst Joer besonnesch héich. D’DP-Deputéiert Guy Arendt a Gusty Graas hunn dofir bei den zoustännege Ministeren nogefrot, wéi grouss de Schued da wierklech ass a wéi een dee Schued an Zukunft kéint a Grenzen halen.

Parlamentarische Fragen Nachhaltigkeit, Natur- und Umweltschutz Gusty Graas

Gëtt de gréisste Reebësch an Alaska zur Ofholzung fräiginn?

Dem amerikanesche President Donald Trump seng Annonce, den "Tongass National Forest" fir wirtschaftlech Aktivitéite wëlle fräizeginn, gouf international vun Ëmweltschutzorganisatioune schaarf kritiséiert. Als bedeitenden CO2-Späicher ass de gréissten urspréngleche Reebësch an Nordamerika e wichtege Puffer am Kampf géint de Klimawandel. Den DP-Deputéierte Gusty Graas wollt vun der Regierung wëssen, wat hir Reaktioun op dës Annonce ass.

Parlamentarische Fragen Mobilität und Verkehr Max Hahn Gusty Graas

Geschwënn obligatoresch Abbiegeassistenten fir Camionen a Busser?

Well d'Vëlosfuerer zu de schwächste Glidder am Stroosseverkéier gehéieren, huet déi Europäesch Kommissioun decidéiert, dass ab 2024 all neie Camion a Bus mat engem sougenannten "Abbiegeassistent" muss equipéiert sinn, fir d'Verkéierssécherheet z'erhéijen. Eisen däitschen Noperen dauert dat ze laang, dowéinst hu si elo scho Mesure geholl, fir Gefierer mat dësen Assistenten z'equipéieren. D'DP-Deputéiert Gusty Graas a Max Hahn hunn beim zoustännege Minister nogefrot, wéi seng Positioun zu där Thematik ass, an ob hien och wëlls huet, méi séier wéi den europäesche Legislateur ze handelen.

Parlamentarische Fragen Nachhaltigkeit, Natur- und Umweltschutz Gusty Graas

Wéi verschmotzt ass d'Kuer?

Nom grousse Feier an der Industriezone Gadderscheier ass vill Läschwaasser an d'Kuer gelaf, sou datt dës elo verschmotzt ass. Den DP-Deputéierte Gusty Graas freet bei der Ëmweltministesch no, wat fir e Schued u Fauna an Flora entstanen ass. Hie freet och firwat den Opfaangbecke vun der Industriezone d'Läschwaasser net konnt opfänken a firwat en net sou concipéiert gouf fir géint sou en Tëschefall gewappnet ze sinn?

Parlamentarische Fragen Außenpolitik Gusty Graas

Neit Wettrëschten nom Schluss vum INF-Vertrag?

Zanter dem 2. August ass den INF-Vertrag tëschent den USA a Russland, deen de Verbuet vun nukleare Mëttelstreckerakéite verbueden huet, ausser Kraaft. De Gusty Graas freet de Verdeedegungsminister wat d’Konsequenze vum Enn vum INF-Vertrag sinn an ob mer net elo riskéieren en neit Wettrëschten ze erliewen?

Parlamentarische Fragen Nachhaltigkeit, Natur- und Umweltschutz André Bauler Gusty Graas

Wéi geet et weider mat de Juegdlousen?

Vum 15. Mäerz bis de 16. Abrëll konnt de Public Observatiounen zu der Propose vun der Ëmweltministesch fir d’Neiopdeelung vun de Juegdlousen erareechen. D’DP-Deputéiert Gusty Graas an de André Bauler hunn déi zoustänneg Ministesch gefrot wéi vill Observatiounen erageschéckt goufen, ob dës schonn all analyséiert goufen an ob et nach zu Verännerunge bei de Limitte wäert kommen?