Medien

Medien

Medien: D’Onofhängegkeet an d’Villfalt vu de Medie garantéieren

D’Gesetz iwwert den Informatiounszougang ass gestëmmt ginn. Dat Gesetz garantéiert de Bierger an de Journalisten en Recht zu Informatioune vun de Verwaltungen. Mat der Reform vun der Pressehëllef ass de Mediepluralismus an deem Sënn gestäerkt ginn, datt elo och Online-Medie finanziell ënnerstëtzt ginn. D’DP wäert och an Zukunft d’Onofhängegkeet an d’Villfalt vun der Press garantéieren.

Onofhängegkeet a Villfalt vun der Press garantéieren

D’Onofhängegkeet an d’Villfalt vun der Press ass fir d’DP vu grousser Bedeitung. Just an Zäiten, an deenen déi sozial Medie weltwäit mëssbraucht ginn, fir „fake news“ ze verbreeden, ass Qualitéitsjournalismus ëmsou méi wichteg. D’DP wäert dofir och an Zukunft d’Villfalt an d’Onofhängegkeet vun der Lëtzebuerger Press garantéieren. D’DP huet an dëser Legislaturperiod den Zougang vun der Press zu staatlechen Informatioune verbessert. Mir wäerten déi nei Reglementatioun bannent den nächsten 12 Méint op hir Auswierkungen op déi alldeeglech Aarbecht vun der Press iwwerpréiwen.

Filmstanduert Lëtzebuerg ofsécheren

Lëtzebuerg huet sech international en Numm als Standuert vu Film- an Televisiounsproduktioune gemaach. Donieft ass déi audiovisuell Produktioun antëscht e wichtegen Deel vun der Lëtzebuerger Kreativwirtschaft. Et ass dofir noutwenneg, de Standuert och an Zukunft ofzesécheren an den neien Entwécklungen unzepassen.

 

Besonnesch mat der Digitaliséierung erlieft den audiovisuelle Beräich grouss Verännerungen. „Virtual reality, augmented reality“ a „crossmedia“ si just e puer Neierungen an der internationaler Medielandschaft, deene ee muss Rechnung droen. D’DP wäert dofir d’Fërdermechanisme genee iwwerpréiwen an eventuell upassen.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp