Den 3. Juli 2023 ass de Gemengerot vu Mamer, deen aus de Gemengewale vum 11. Juni 2023 ervir gaangen ass, zu senger éischter Sëtzung zesumme komm. Virdru sinn d’Membere vum neie Gemengerot feierlech vereedegt ginn, dorënner d’DP-Conseilleren Jessica Klopp a Sven Bindels. D’DP konnt bei de Gemengewalen e Sëtz dobäi gewannen, vun engem op zwee. D’Jessica ass fir d’éischte Kéier Member vum Gemengerot, de Sven hat schonns 2017 e Mandat krut.
