An de leschte Joren ass an eiser Gemeng vill geschitt, fir esou wéineg wéi méiglech Offall ze produzéieren an d’Biergerinnen a Bierger ze encouragéieren, hire Müll gutt ze trennen. Well eng gutt Mülltrennung ass de Schlëssel fir en effikasse Recycling.
D’DP Gemeng Mamer ass awer der Meenung, dass mer nach besser kënne ginn a mat klenge Gesten an eisem Alldag méi fir eis Ëmwelt a schlussendlech fir eis all maache kënnen.
Dofir hunn eis Vertrieder am Gemengerot, d’Jessica Klopp an de Sven Bindels, viru kuerzem eng Motioun mat villen Iddie fir eng besser Offallreduktioun a Mülltrennung abruecht.
Loosst ons wëssen, wat Dir dovunner halt a schreift eis hei: mamer@dp.lu
