Ginn ëmmer méi Leit vermësst ?

D'Vermësstemeldunge schéngen a leschter Zäit ëmmer weider zouzehuelen. Besonnesch Kanner a Jugendlecher ginn ëmmer méi gemellt. Wéi hunn d'Zuelen sech entwéckelt a wisou kënnt et zu dësem Phänomen? Eis Deputéiert André Bauler a Luc Emering hu beim zoustännege Ministère nogefrot.

An de leschte Méint ass et ëmmer nees zu Vermësstemeldunge komm. Et schéngt, wéi wann d’Zuel vun dëse Meldungen a leschter Zäit eropgaange wier.

An deem Kader wollte mir dem Här Inneminister follgend Froe stellen:

  • Wéi huet sech d’Zuel vun de Vermësstemeldungen a rezenter Vergaangenheet entwéckelt?
  • Wat sinn déi verschidden Ursaachen, déi zu Vermësstemeldunge féieren?
  • Wéi deelen sech d’Vermësstemeldunge, jee no Alter a Geschlecht op?.

Äntwert

Fro 1: Wéi huet sech d’Zuel vun de Vermësstemeldungen a rezenter Vergaangenheet entwéckelt?

D’Police stellt eng Hausse vun de Vermësstemeldungen fest.

Et ass ze bemierken, dass net all Vermësstemeldung ëffentlech gemaach gëtt. De Choix vun enger ëffentlecher Vermësstemeldung gëtt au cas par cas tëscht Police a Parquet gekuckt.

Fro 2: Wat sinn déi verschidden Ursaachen, déi zu Vermësstemeldunge féieren?

Bei den Ursaache muss tëschent den Erwuessenen an de Mannerjäreger ënnerscheet ginn.

Bei den Erwuessene sinn d‘Grënn vum Verschwanne, déi zu Vermësstemeldunge féieren, gréisstendeels eng Suizid Gefor, eng Fuite aus dem Centre Hospitalier Neuro-Psychiatrique (CHNP), oder op Drogen zeréck ze féieren.

Bei Mannerjärege ginn déi meeschte Meldunge vu Foyeren gemaach. Meeschtens ass d’Ursaach, dass déi Jonk an dëse Strukture net zerechtkommen.

Vermësstemeldunge betreffend Kanner déi vun Doheem fortgelaf sinn, hu meeschtens familiär Konflikter als Ursaach.

Fro 3: Wéi deelen sech d’Vermësstemeldunge, jee no Alter a Geschlecht op?

Laut den interne Statistike vum Service de Police Judiciaire, deelen sech d’Vermësstemeldungen fir Joer 2024 follgendermoossen op :

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéini gi Gesondheetsbilanë beim Hausdokter agefouert ?

De Koalitiounsaccord vun der Regierung gesäit d’Aféierung vu reegelméissege Gesondheetsbilanen ab 30 Joer vir. D’DP-Deputéiert André Bauler a Carole Hartmann hu bei der Gesondheetsministesch nogefrot wéi wäit d’Ëmsetzung vun dëser Initiative ass, ob spezifesch Formatioune fir d’Dokteren en place gesat wäerte ginn, an ob an deem Kader den DSP genotzt wäert ginn.

weiderliesen...

MILA Nofolleger

An der Sëtzung vun der Schoulkommissioun vum 17. Juni 2025 gouf ugekënnegt, datt d’Alphabetiséierungsprogramm MILA ausgeet an duerch e neie Schoulprogramm ersat gëtt. Nëmmen nach ronn 20 % vun de Kanner schaffen domat, an ëmmer méi Enseignanten setzen op aner Léiermëttel. Eis Deputéiert Gilles Baum a Barbara Agostino froen de Bildungsminister no den Haaptneierungen am neie Programm, senger Aféierung an de geplangte Formatiounscoursen fir d’Enseignanten.

weiderliesen...

D’Kooperatioun tëscht dem LNS an de private Laboratoiren an d’Automatisatioun am LNS

D’Analyse vu Biopsien spillt eng entscheedend Roll beim Erkennen vu schwéiere Krankheeten wéi dem Kriibs. Trotz Verbesserunge bleiwen d’Waardezäiten am LNS héich, besonnesch an der Onkologie, Gynäkologie an Dermatologie – eng psychologesch Belaaschtung fir Patienten. Eid Deputéiert Mandy Minella an Dr. Gérard Schockmel froen d’Gesondheetsministesch, wéi eng Schrëtt fir méi Automatisatioun, Digitaliséierung a méiglech Zesummenaarbechte mat privaten Laboratoiren virgesi sinn.

weiderliesen...

Administrativ Belaaschtung am Grondschoulunterrecht

Trotz der Vereinfachung vun der administrativer Aarbescht an de Grondschoulen duerch de Bildungsministère, gëtt vu Gewerkschafte betount, datt d’Bürokratie fir d’Enseignanten éischter zougeholl hätt. Wéi gesäit d’Realitéit aus, a wéi kann d’kënschtlech Intelligenz hei eng Roll spillen? Eng parlamentaresch Fro vun eisen Deputéierten Gilles Baum a Barbara Agostino sicht no Äntwerten.

weiderliesen...