„De 15. Februar stoung moies op der N7 zu Maarnech an der Gemeng Clierf e mobile Radar, deen zeg Automobiliste geblëtzt huet. Effektiv muss een op dëser Plaz mëttlerweil 50 Km/St. fueren amplaz 70 Km/St. wéi dat soss de Fall war.
An deem Kader wollt ech dem Här Inneminister follgend Froe stellen:
- Wéi vill Automobiliste goufen de 15. Februar zu Maarnech geblëtzt ? Gouf et rezent och zousätzlech Kontrollen an der Houschter-Déckt, wou neierdéngs och Tempo 50 gëllt?
- Wéi laang stinn déi mobil Radaren duerchschnëttlech op enger bestëmmter Plaz fir Kontrollen duerchzeféieren?
- Wéi vill mobil Radarkontrolle sinn zanter dem 15. September 2023 am Bezierk Norden duerchgefouert ginn? Wéi vill sinn der an där Zäit landeswäit duerchgefouert ginn?
- Wéi vill Recetten hunn déi mobil Kontrollen iwwer dësen Zäitraum landeswäit erabruecht?
- Wat waren d’Recetten um 15. Februar 2024, déi bei der Kontroll zu Maarnech enregistréiert goufen? “
