Engagement vun den DP-Gemengepolitiker: Energie spuere fir manner Ofhängegkeet a méi Klimaschutz

D’DP steet fir eng ambitiéis an nohalteg Klima- an Energiepolitik, och an eise Gemengen.

Déi aktuell Energie-Kris huet d’DP-Gemengepolitiker nach eng Kéier doranner bestäerkt, fir hir lokal Efforten am Sënn vun engem nohaltegen a verantwortungsvollen Energieverbrauch auszebauen.


Déi energetesch Transitioun ass a bleift mëttelfristeg déi beschten Äntwert op d’Energieofhängegkeet. Nieft dem Energiespueren an der besserer Energieeffizienz, soll dofir och d’Potenzial vun den erneierbaren Energië besser a méi séier ausgenotzt ginn.

Aspuere vun Energie an de konsequenten Ausbau vun erneierbaren Energië musse fir d’DP Hand an Hand goen.  D’DP-Gemengemandataire hu gëscht op enger Entrevue decidéiert, fir déi aktuell Kris ze notzen, fir manner ofhängeg vu fossiler Energie aus Russland an aus aneren Drëttstaaten ze ginn, a fir de Klimaschutz zu Lëtzebuerg weider auszebauen.

D’Mandataire wëlle mam gudde Beispill virgoen an hu sech engagéiert, fir :

  • den Energieverbrauch vun hire Gemenge permanent am A ze behalen an enk ze suivéieren;
  • d’Bierger an d’Gemengepersonal an deem Sënn ze sensibiliséieren;
  • d’Aspuerpotenzial z’identifizéieren a beschtméiglech auszenotzen;
  • déi energetesch Transitioun an hire Gemengen z’acceleréieren.

D’DP versteet dat Engagement als wichtege Bäitrag zum Klimaschutz an zum Erreeche vun eisen ambitiéise Klimaziler.

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...
Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...