Funktionell an zäitgeméiss Sportinfrastrukturen

Fir eng erfollegräich Ausféierung vum Sport schafe funktionell an zäitgeméiss Infrastrukturen d'Basis. An dem Kontext, hunn DP Deputéierte Claude Lamberty a Carole Hartmann beim Sportminister nogefrot wéi et mam Ausbau an Developpement vu Sportsinfrastrukturen uechtert Land ausgesäit.

De Sport huet duerch déi kierperlech Aktivitéit positiv Auswierkungen op d’Gesondheet an ass domat e wichtegen Deel vun engem equilibréierten Alldag. Donieft ginn d‘Perséinlechkeet, d’Responsabilitéit an och den Teamgeescht gestäerkt, a besonnesch fir d’Kreativitéit, d’Selbstvertrauen an déi sozial Bindunge bei de Kanner ass de Sport vu grousser Bedeitung. Net ze vergiessen ass och, dass Integratioun an Inclusioun duerch de Sport erliichtert kënne ginn.

Fir eng erfollegräich Ausféierung vum Sport schafe funktionell an zäitgeméiss Infrastrukturen d’Basis. An deem Kontext, ass den Ausbau an Developpement vun enger Panoplie vu Sportsinfrastrukturen, déi dem Populatiounswuesstem vun deene leschte Jore Rechnung dréit, onëmgänglech.

An deem Kader wollte mir der Madamm Inneministesch an dem Här Sportsminister folgend Froe stellen:

  1. Kënn Dir eis matdeele fir wéi vill Sportinfrastrukturen (Sportzenteren, Sportshalen, Multisporten, Schwämmen, Fussballterrainen, etc.) am Joer 2021 Subside vun de Gemengen ugefrot goufen?
  2. Wéi vill vun dësen Demandë gouf Rechnung gedroen ?
  3. Wat sinn déi eenzel, a wat ass den totale Montant den d‘Gemengen als Subside fir d‘Joer 2021 accordéiert kruten?
  4. Fir wéi vill Sportinfrastrukture goufe vun 2015-2020, pro Joer opgedeelt, Subside vun de Gemengen ugefrot?
  5. Gëtt et e globaalt Dokument dat all déi méiglech finanziell Ënnerstëtzunge fir Sportinfrastrukture virgesäit?
  6. Wann net, sidd Dir gewëllt fir de Gemengen, e „Guide pratique Subsiden“ mat de méigleche Montanten oder de Prozentsätz, de Konditiounen an der Kontaktpersoun zur Verfügung ze stellen?
  7. Deel Dir eis Meenung, dass et opportun wier, e Portal mat enger nationaler Kartographie an d’Liewen ze ruffen op där all ëffentlech Sportinfrastrukturen uechtert d‘Land, déi fir de Public zougänglech sinn, festgehale ginn? Wann net, firwat net?

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Hëllefen diagnostesch Schnelltester géint de Mangel un Antibiotiquen?

Frankräich iwwerleet d’Verschreiwe vun Antibiotiquen nëmmen z’erlaben, wa virdrun een diagnostesche Schnelltest gemaach gëtt. Dëst fir mat Sécherheet festzestellen, op et sech ëm eng bakteriell oder viral Infektioun handelt.
Dëst kéint engersäits dem Mangel un Antibiotiquen entgéint wierken, an anerersäits d’Antibiotikaresistenz verréngeren.
D’DP-Deputéiert Gilles Baum a Gusty Graas hu bei der Gesondheetsministesch nogefrot, wéi vill Antibiotiquen an de leschte fënnef Joer zu Lëtzebuerg verschriwwe goufen an ob Doktere méi sensibiliséiert sollte ginn diagnostesch Tester ze verschreiwen.

weiderliesen...

Wéi vill Patienten krute kee Rendezvous méi an engem Stater Spidol?

Rezent huet ee Spidol an der Stad Bréiwer u Patiente verschéckt hir hinne matzedeelen, datt verschidde medezinesch Zerwisser keng nei Rendezvousen méi unhuele kënnen – ausser et handelt sech ëm eng Urgence oder een héich komplexe Fall.
Den DP-Deputéierten Gusty Graas huet bei der Gesondheetsministesch nogefrot, wéi et zu dësen Incapacitéiten konnt kommen, ob nach aner Spideeler betraff sinn a wat géint dës Situatioun ënnerholl gëtt.

weiderliesen...

Kënnt et zur Kommerzialiséierung vun therapeutesche Wunnstrukturen?

Therapeutesch Wunnstrukturen ginn aktuell vun der konventionéierter Psychiatrie am Extrahospitalier fir Persounen ugebueden, déi ënnert psychesche Problemer leiden.
Elo zirkuléieren Gerüchter, datt de Gesondheetsministère plangt enger kommerzieller Societéit een Agrément ze ginn fir esou therapeutesch Wunnstrukturen ze geréieren.
D’DP-Deputéiert Gusty Graas a Gilles Baum hu bei der Gesondheetsministesch nogefrot, ob dës Gerüchter der Wourecht entspriechen a, wa jo, firwat dëse Wee ageschloe gëtt, amplaz bestoend Acteuren aus der konventionéierter Psychiatrie am Extrahospitalier z’ënnerstëtzen.

weiderliesen...

Kënnt et och zu Lëtzebuerg zum Mëssbrauch vu “Protonenpumpenhemmer”?

De laangjärege Konsum vu sougenannte “Protonenpumpenhemmer” (IPP), déi géint Moproblemer agesat ginn, erhéijen enger rezenter wëssenschaftlecher Etüd no de Risiko un Demenz z’erkranken. Den DP-Deputéierten Gusty Graas huet bei den zoustännege Ministeren nogefrot, ob hinnen dës Etüd bekannt ass, wéi eng Conclusiounen si aus hir zéien, an ob Zuelen iwwert den Asaz vun IPP zu Lëtzebuerg bekannt sinn.

weiderliesen...