Kann en Déierendokter en Hausdéier zeréckhalen?

Als Besëtzer vun engem Hausdéier sollt een och d’Méiglechkeeten hunn nom Déier ze kucken. Bei Rechnungen déi net virgesi waren, kann et munchmol sinn, dass e Client dës net direkt ka bezuelen. Dierf en Déierendokter an esou engem Fall d’Déier zeréckbehalen? Eisen Deputéierte Gusty Gras huet nogefrot.

« An der Äntwert op d‘parlamentaresch Fro Nr. 4907 vun 2021 war matgedeelt ginn, datt zu Lëtzebuerg kee ‚Vétérinaire pour tous‘ wéi en am Frankräich existéiert, virgesi wier. Persounen, déi Problemer hätte fir den Traitement vun hirem Déier opzekommen, kréichen och net mat Subventioune gehollef. Virop gouf sech op Déiereschutzassociatioune beruff, déi zum Deel vum Ministère subventionéiert wieren.

Bei munchen Déierendoktercabineten oder Klinicken, schéngt et awer virzekommen, datt wann de Besëtzer d’Rechnung vu sengem Déier net ka bezuelen, de Veterinär d’Déier zeréckbehale géif. Dëst géif dann op eege Käschten traitéiert,an de Veterinär géif dono decidéiere wat mam Déier geschitt. Notamment, géifen dës Déieren an Asyler ënnerbruecht ginn.

Kierzlech Reaktiounen aus dem Secteur vum Déiereschutz hunn op déi schwiereg Situatiounen an den Asyler a bei den Organisatiounen higewisen. D’Äntwerten op rezent parlamentaresch Froen erklären, datt Persounen iwwer d’Besoinen an d’Käschte vun engem Hausdéier solle weider sensibiliséiert ginn.

An deem Kader wollt ech dem Här Minister fir Landwirtschaft, Wäibau a ländlech Entwécklung folgend Froe stellen:

  • Contrairement zu de reegelméissege Käschten, kann eng Noutfalloperatioun un engem Déier eng eemoleg méi héich Rechnung mat sech bréngen. Dierf e Vétérinaire en Hausdéier zeréckhalen oder weidervermëttelen am Fall wou dës net direkt ka bezuelt ginn?
  • Ass dës Praxis dem Minister bekannt ?
  • Wa jo, wéi vill där Fäll gouf et iwwert déi lescht 10 Joer zu Lëtzebuerg ?
  • Wéi problematesch gesäit den Här Minister dës Praxis am Kontext vun der aktueller Situatioun vun den Asyler an änlechen Etablissementer?

Wou kënnen d’Besëtzer vun dësen Hausdéieren punktuell Hëllef ufroen ? »

Äntwert

Contrairement zu de reegelméissege Käschten, kann eng Noutfalloperatioun un engem Déier eng eemoleg méi héich Rechnung mat sech bréngen. Dierf e Vétérinaire en Hausdéier zeréckhalen oder weidervermëttelen am Fall wou dës net direkt ka bezuelt ginn?

Am Fall vun enger Operatioun op engem Déier déi méi héich Käschten ervir rifft, huet de Besëtzer vum Déier e Recht op en Devis vun den Käschten bevir en seng Zoustëmmung zur Behandlung gëtt. Falls de Besëtzer der Behandlung zoustëmmt an no dëser d‘Rechnung net bezilt däerf de Vétérinaire dat behandelt Déier zeréck halen bis d‘Behandlung’s Käschten bezuelt sinn respektiv en Bezuelung’s Modus arrangéiert ass. Hien däerf d‘Deier awer an kengen Ëmstänn weider vermëttelen et sief dann den Besëtzer huet säin schrëftlechen Accord iwwert de Wee vun enger Verzichtung’s Erklärung hei zou ofginn. Anerefalls huet de Vétérinaire d‘Pflicht seech em dat Déier ze këmmeren bis et erëm zeréck bei säin Besëtzer geet.

Ass dës Praxis dem Minister bekannt? Wa jo, wéi vill där Fäll gouf et iwwert déi lescht 10 Joer zu Lëtzebuerg?

Esou eng Praxis vun Vermëttelen vun Deieren duerch Vétérinairen well d‘Behandlungskäschten net bezuelt sinn ass dem Minister net bekannt.

Wéi problematesch gesäit den Här Minister dës Praxis am Kontext vun der aktueller Situatioun vun den Asyler an änlechen Etablissementer?

Falls et esou eng Praxis géif ginn wier déi problematesch well d’Déierenasyler schonn iwwerfëllt sinn mat Déieren déi duerch hier Besëtzer ausgesat respektiv se ofginn hunn well des hier Responsabilitéit géigeniwwer den Déieren net wëllen wouer huelen.

Wou kënnen d‘Besëtzer vun dësen Hausdéieren punktuell Hëllef ufroen ?

An punktuellen Situatiounen kennen d‘Besëtzer vun Hausdéieren sech un Déiereschutz Organisatiounen wenden déi deelweis bereet sinn verschidden Onkäschten fir Vétérinaire’s Behandlung ze iwwerhuelen. Et sief och nach bemierkt dass et privat Assurancen gin déi géint d’Bezuelen vun enger Prime en Deel vun den Veterinärskäschten rembourséieren.

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéi laang ass d’Waardezäit an der « Travel Clinic » ?

Bei Reesen a méi tropesch Regioune kann een sech an der “Travel Clinic” vum CHL beroden a géint verschidde Krankheeten impfe loossen. D’Waardezäiten an dëser Klinick sollen den Ament awer nawell laang sinn.
D’DP-Deputéiert Dr Gérard Schockmel a Gilles Baum hu bei der Gesondheetsministesch nogefrot, wéi vill Patienten an de leschten 10 Joer an der “Travel Clinic” empfaange goufen, wéi d’Waardezäiten sech an dëser Period entwéckelt hunn an ob et net sënnvoll wier online ee Rendez-vous huelen ze kënnen, esouwéi dat fir vill aner Servicer vum CHL méiglech ass.

weiderliesen...

Wéi kann een de Beruff vum Aide-soignant revaloriséieren ?

De Manktem u Fleegepersonal gehéiert zu de gréissten Erausfuerderunge vun dëser Regierung. D’DP-Deputéiert André Bauler a Gilles Baum wollten an deem Kontext vun der Gesondheetsministesch ënnert anerem wëssen, wéi vill Aides-soignanten aktuell am Land schaffen, wéi vill de Beruff an de leschte Jore gewiesselt hunn a wéi eng Mesüren d’Regierung ze huele gedenkt fir de Beruff nees méi attraktiv ze maachen.

weiderliesen...

Medezinesch Transferten an d’Ausland

Zënter dem 1. Juni 2025 mussen d’Dokteren en neie Formulaire ausfëllen, wann si ee Patient fir Soinen an d’Ausland schécke wëllen. Den Dokter muss elo obligatoresch uginn, ob d’Prestatiounen zu Lëtzebuerg an engem “akzeptabelen Delai” ugebuede kënne ginn, oder net. Kräizt den Dokter un, datt d’Prestatiounen eigentlech och zu Lëtzebuerg ugebuede kéinte ginn, da gëtt d’Demande fir den Transfert automatesch refuséiert.
Den DP-Deputéierten Dr Gérard Schockmel huet bei der Gesondheetsministesch nogefrot, ob déi reng Reduzéierung op den “akzeptabelen Delai”, ouni d’Qualitéit vun de Soinen ze berécksiichtegen, net zu onberechtegte Refuse féiere kéint, an den neie Formulaire Dokteren net dozou zwénge kéint falsch Deklaratiounen ze maache fir hirem Patient déi beschtméiglechst Soinen ze garantéieren.

weiderliesen...

Wéi vill Doktere schaffen am Norde vum Land ?

Am Norde vum Land mussen d’Bierger oft wäit Deplacementer a Kaf huele fir an eng Klinick oder eng Maison médicale ze kommen.
D’DP-Deputéiert André Bauler a Gilles Baum hunn d’Gesondheetsministesch ënnert anerem gefrot, wéi vill Generalisten a Spezialisten am Norde vum Land schaffen, wéi d’Altersstruktur bei den Dokteren ass a wéini eng zweet Maison médicale am Norden opgemaacht kéint ginn.

weiderliesen...