„Et ass gewosst, datt d’Schwéngsproduzenten zanter Méint Schwieregkeete mam Verkaf vun hire Schwäin a Fierkel hunn.
An deem Kader wollte mir dem Här Minister fir Landwirtschaft, Wäibau a ländlech Entwécklung folgend Froe stellen:
1. Kann den Här Minister d’Präisentwécklung op den internationale Mäert a Saache Schwéngsproduktioun zanter 2019 retracéieren?
2. Ass d’Zille vu Fierkelen heizuland zréckgefuer ginn, fir sech der Entwécklung vun der Demande unzepassen?
3. A wat fir engem Mooss huet de Staat de Produzente kënne finanziell hëllefen? Sinn dës Hëllefen un Exigenze vu staatlecher Säit gekoppelt? Wa jo, wat fir Obligatioune wieren dat?
4. Ass dem Här Minister bekannt wéi héich d‘Perten an de betraffene Betriber de Moment ausfalen? Riskéiere verschidde Betriber net hir Produktioun astellen ze mussen?
5. Ass de Ministère bereet fir de Betriber ze hëllefen hir Produktioun ënner Ëmstänn ëmzestellen?“
