Wéi steet et ëm d’Reguléierung vun de Muffelen zu Iechternach?

Wéinst dem héije Wëldschued hat d'Ëmweltministesch ufanks 2020 eng administrativ Juegd op d'Muffelen zu Iechternach ugekënnegt. Den DP-Deputéierte Guy Arendt huet nogefrot, ob dës Juegd tatsächlech stattfonnt huet a wa jo, wat d'Resultat dovu war.

„Wéinst der onkontrolléierter Reproduktioun a Verbreedung vun de Muffelen an dem doraus entstanene Wëldschued hat d’Madamm Ministesch am Fréijoer 2020 eng administrativ Juegd ugekënnegt fir d’Muffelpopulatioun am Raum Iechternach ze reguléieren.

An deem Kader wollt ech der Madamm Ministesch fir Ëmwelt, Klima an nohalteg Entwécklung folgend Froe stellen:

  • Ass dës administrativ Juegd ewell ofgehale ginn? Wa jo, wat war d’Resultat vun der Juegd?
  • Falls net, wat sinn d’Grënn heifir?
  • Falls se net stattfonnt huet, gëtt et schonn en Datum fir d’Juegd nozehuelen?
  • Wéi huet d’Muffelpopulatioun zënter Ufank 2020 evoluéiert?
  • Wéi huet sech de Wëldschued duerch Muffelen zënterhier entwéckelt?
  • Sinn eventuell och aner Mesuren virgesi fir d‘Muffelpopulatioun ze reguléieren?
  • Op wéi engen anere Plazen am Land gëtt et Muffelen?
  • Ass et néideg och dës Populatioune méi staark ze reguléieren?“

Dir wëllt dës parlamentaresch Fro op Lëtzebuergesch iwwersat kréien?

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider parlamentaresch Froen

Indemnitéit fir Dokteren an der Spezialisatioun

Mam Gesetz vum 31. Juli 2020 goufen d’Indemnitéiten fir Dokteren ugepasst, déi amgaang sinn hir Spezialisatioun ze maachen. D’DP-Deputéiert Carole Hartmann an André Bauler wollte vun der Gesondheetsministesch ënnert Anerem wëssen, ob Dokteren, déi sech an der Spezialisatioun befannen schon dës adaptéiert Indemnitéit kréien, a wann net, ob ee retroaktiven Remboursement vun der Differenz virgesinn ass.

weiderliesen...